Балашов, Владимир Борисович

Рувики тiп сайттаң
Владимир Борисович Балашов
Балашов Владимир Борисович - прозаик и поэт.jpg
Тӧреен кӱні 11 от айы 1949({{padleft:1949|4|0}}-{{padleft:7|2|0}}-{{padleft:11|2|0}}) (75 час)
Тӧреен чирi Якшанга посёлок, Поназыревскай аймах, Кострома облазы, СССР
Гражданство  СССР →  Россия
Айғасчатхан кирее прозаик, публицист, кибелісчі
Чайаачы тоғыс чыллары 1972 чылдаң сығара
Жанр проза
Произведениелер тiлi орыс тілі

Владимир Борисович Балашов (тӧр. 11 от айы 1949, Якшанга[d], Кострома облазы[d]) – прозаик, кибелісчі, публицист, Россияның Писательлер пірігізінің араласчызы, Россияның Хабарҷылар пірігізінің араласчызы, Россияның сом хоосчыларының пірігізінің араласчызы, Хакасиядағы Писательлер пірігізінің устааның араласчызы, Хакас Республика культуразының саблығ тоғынҷызы (1999), Хакас Республиканың чон писательі (2022), Н. Г. Доможаковтың адынаң Хакас Республика Пазының литература премиязының лауреады полча (2014).

Чуртас чолы

[тӱзедерге | код тӱзедерге]

Ленинградтағы 400 № школаны тоосхан. Техник -геодезист курстарын тоосхан соонда, Казахстандағы паза Ыраххы Востоктағы істезіг экспедицияларында тоғынған. 1971 чылда Ленгидпроекттің Соян-Сус паза Майна ГЭС-ын пӱдірер Саянскай 7 № экспедициязына Майна посёлоксар ызылған.

1976 чылда Москвадағы геодезия, аэрофотосъемка паза картография инженерлері институдын заочнай оңдайнаң тоос салған.

Литература киреенең 1972 чылдаң сығара айғас сыххан. Андада аның пастағы кибелістері «Огни Саян» газетада чарых кӧргеннер. 1973 чылда «Стрежень» литература чӧрімінің араласчызы полыбысхан, хайзына ӧӧнінде чиит литераторлар-пӱдірігҷілер кіргеннер. Соонаң чайаачы тоғыстары «Енисей», «Техника молодежи», «Молодая гвардия» журналларда паза оменең тимнелген кибелістер чыындызында сығарылғаннар.

1986–1992 чылларда Владимир Балашов А. М. Горькийнің адынаң Литература институдының проза пӧлиинде заочнай оңдайнаң ӱгренче[1].

1994 чылда Россияның Писательлер пірігізінің араласчылар санына кирiлген. 1995 чылда «Приди ко мне в туман» тіп повестьтер паза чоохтар киндезі Хакас республиканың издательствозында чарыхха сығарылған.

1994-2012 чылларда Хакасиядағы Писательлер Пірігізінің устааның араласчызы. Он чылҷа Саяногорсктағы «Стрежень» литература чӧрімінің устағҷызы полған.

Владимир Балашовтың чайаачызы 11 класстағы «Литература Хакасии» ӱгредіг хрестоматиязының программазына кирілген. 2 томнығ «Энциклопедия Хакасии» справочниктің авторларының пірсі[2].

«Медвежья кровь, или экстрим по-саянски» (2002), «Венок Саяногорску» (2000), Кантегирский серпантин (2005). «Навстречу времени» (2006) литература чыындыларының автор-редакторы.

Соян-Сус ГЭС хабарҷылар службазынаң устап, 16 страницалығ «Вестник СШ ГЭС» газетаның редакторы, чыл сай сығарылчатхан календарьларның авторы паза тимнегҷізі полған. Аның устаанынаң Соян-Сус ГЭС пресс-службазы 2003, 2006 паза 2008 чылларда Тиксі Россиядағы «ПЕГАЗ» энергожурналистика Академиязының чоннар аразындағы марииның лауреат дипломнарын алған.

2013 чылда «Месть Егудэя» тархын романы чарыхха сыххан. Аны Саяногорсктағы хабарҷы Виталий Балагуровнаң хада тимнеп пастаан полғаннар. Роман пӧзік паалалған, аның ӱчӱн Н. Г. Доможаковтың адынаң Хакас Республика Пазының литература премиязынаң таныхтатхан (2014).

1999 чылда «Хакас Республика культуразының саблығ тоғынҷызы» аарластығ ат пирілген.

2006 паза 2018 чылларда Россияның Писательлер пірігізінің устааның Аарластығ пічіктерінең сыйыхтатхан.

2008 чылда Сибирьдегі журналистика тилізіне хозым иткен ӱчӱн «Достояние Сибири» Алтын Аарластығ танығның кавалері» атнаң таныхтатхан.

2019 чылда хакас чонның Улуғлар чӧбінің «Чахсы киректер ӱчӱн» орденiн алған[3].

2022 чылда «Хакас Республиканың чон писательі» атха турысхан[4]

Хысхаҷах библиографиязы

[тӱзедерге | код тӱзедерге]

Алынҷа сығарыстар[тӱзедерге | код тӱзедерге]

  • Безбилетник : фантастическая повесть / В. Балашов. - Абакан, 2012. - 168 с.
  • Возвращение Тэмучина : роман / Владимир Балашов. - Абакан, 2019. - 359 с. : с ил.
  • Загляни за горизонт : эссе, стихи разных лет / Владимир Балашов. – Абакан, 2022. - 214, [19] с.
  • Месть Егудэя : исторический роман / В. Балашов, В. Балагуров. – Абакан, 2013. – 400 с.
  • Мой любимый Саяногорск : 30 лет : [фотоальбом] / [под ред. Л. М. Быкова ; автор текста В. Б. Балашов]. - Саяногорск, 2005. - 71 c. : ил., фотогр..
  • Приди ко мне в туман : повести и рассказы / В. Балашов. – Абакан, 1995. – 216 с.
  • Призрак единственной : повести / В. Балашов. – Абакан, 2010. – 320с.
  • Скафандр для гения : отдельные страницы прошлого, настоящего и будущего Земли : рассказы / В. Балашов. – Абакан, 2005. – 176 с.
  • Венок Саяногорску : Стрежень городу – ХХV / сост. В. Балашов. – Абакан, 2000. – 248 с.
  • Кантегирский серпантин / А. Фунтиков, В. Балашов, И. Толстикова. – Абакан, 2005. – 142 с.
  • Медвежья кровь или экстрим по-саянски: сборник / сост. В. Балашов. – Абакан, 2002. -104 с.
  • Фантазии из дерева Виктора Равнушкина / сост. В. Балашов. – Новосибирск, 2002. – 112 с.

Алған орын

[тӱзедерге | код тӱзедерге]
  1. ↑ Балашов Владимир Борисович / Энциклопедия «Хакасия» (Хакасско-Минусинская котловина): в 5 т. Т 5:Кто есть кто? – Абакан, 2002. – 496 с.
  2. ↑ Балашов Владимир Борисович / Энциклопедия «Хакасия» (Хакасско-Минусинская котловина): в 5 т. Т 5:Кто есть кто? – Абакан, 2002. – 496 с.
  3. ↑ Самый великий, самый тяжелый и самый светлый писательский труд
  4. ↑ Вершины – не место отдыха

Литература

[тӱзедерге | код тӱзедерге]
  • Кошелева А. Л. Писатели Хакасии:литературные портреты (посл. четв. ХХ века – нач. ХХI века). Монография. Часть І. – Абакан, 2017. – 228 с.
  • Энциклопедия «Хакасия» (Хакасско-Минусинская котловина): в 5 т. Т 5:Кто есть кто? – Абакан, 2002. – 496 с.

Ссылкалар

[тӱзедерге | код тӱзедерге]
Алған орны - https://kjh.ruwiki.ru/w/index.php?title=Балашов,_Владимир_Борисович&oldid=98051