Земля Таштыпская

«Земля Таштыпская»
«Земля Таштыпская»
Тип	халых-политика газетазы
Хазна	СССР[d]; Россия[d];
Сыхчатхан оңдайы	неделяда пір хати
Ӧӧн офис	Тастып аал, Лениннің орамазы, 35 тура
Тираж	1300 экз.
Веб-сайт	tashtyp3.ru

«Земля Таштыпская» — Хакас Республиканың Тастып аймаандағы халых-политика газетазы. Изданиенің тӧстегҷілері Тастып аймааның устағ-пастаа паза муниципальнай пӱдістің Депутаттар чӧбі полчалар. Газета неделя сай пис хоных кӱнде 20 чолда чарыхха сыхча. Изданиенің тиражы 1300 экземплярға читче. Редакция Тастып аалда пу адресче орныхча: Лениннің орамазы, 35 тура. Печать версиязынаң пасха газетаның электроннай кӧрімі (сайт) пар.

Газета региондағы изданиелернің иң иргілер санына кірче. Нинҷе-нинҷе хати Хакасияның печать изданиелері аразында марығларның чиңісчізі пол турған^[1] .

Ады алысханы

Газета тӧстелгеннең пеер адын нинҷе-нинҷе хати алыстырған, анзы хазнаның паза аймахтың тархын этаптарын кӧзіткенінең палғалыстығ:

1936—1956 — Таштыпский колхозник
1957—1960 — Ленинский путь
1960—2003 — Под знаменем Ленина
2003 чылның ӱртӱн айының 1-ғы кӱнінең сығара — Земля Таштыпская^[2].

Редакторлар

Аймах чылларда редакциянаң устааннар:

1936—1941 — Анна Ивановна Борисова.
1941 чылдаң сығара 1960 чылға теере нандырығлығ хачылар (издательстволар устағҷылары) полғаннар: И. Луценко, А. Г. Пустовалов, В. Д. Сергеев, Н. А. Гоголь, Н. Ф. Яковлева, Б. И. Новоселов, Г. А. Канзычаков.
1964 чылдаң сығара 1978 чылға теере редактор А. Е. Кулемеев полған, 1978 чылдаң сығара 1989 чылға теере — В. М. Аткнин, 1989 чылдаң сығара 1991 чылға теере — В. А. Пермяков,
1991 чылдан сығара 2007 чылның хосхар айына теере — Л. А. Казакова, 2007 чылның хосхар айынаң сығара — В. А. Михалкин. Соонаң А. А. Кулемеев устаан. 2010 чылдаң сығара 2013 чылға теере — Е. Д. Сафьянов, 2013 чылның улуғ хырлас айынаң сығара — Г. С. Кунучаков.
2015 чылның чарыс айының 16-ҷы кӱнінең сығара амғы тусха теере — Виктор Александрович Пермяков^[2].

Газетаның тархыны

Газета 1936 чылда «Таштыпский колхозник» чіли тӧстелген. Редакцияның архивінде пастағы редактор полған Анна Ивановна Борисованың сомы хайраллал халған, че аның тоғызынаңар алғыда искіріглер чоғыл. 1941 чылда, чаа чылларына киліс парған туста, штатта тӧрт редактор алыс парған.

Пастағы он чылларда издание удаа сығарылбаҷаң, тоғынҷылар саны саннығ ла полған. 1936 чылда «Таштыпский колхозник» 4 чолда айда 6 хати сыхчаң, аның тиражы план хоостыра 1500-ке тиңнелҷең, сынында 850 экземплярға читчең. 1942 чылда штатха редактор, нандырығлығ хачы, литература тоғынҷызы, машинист, санҷы паза курьер-уборщица кірген. Чаа соонда 1946 чылда газета неделяда пір ле хати сығарыл сыххан, штатта ікі ле кізі халған (редакторнан нандырығлығ хачы). Текстті холнаң типографияда пасчаңнар, транспорт ат полған.

1959—1960 чылларда, газета «Ленинский путь» чіли сыххан туста, редакция пӱдізі алғыдылған: пӧліктер (аал хонии паза промышленность), ідӧк сомнар суурҷаң хабарҷынаң корректор пол килгеннер. Газета неделяда ӱс хати сыхчаң.

1962 чылда Асхыс аймаанаң Тастып аймағы алғыдылғанда, газета ӱр нимеске сығарылбин сыххан. Издание 1964 чылда «Под знаменем Ленина» чіли хатап тоғын сыххан.

Изданияның иң саблығ тузы 1980 чылларның халғанҷызына киліс парған. «Под знаменем Ленина» газетаның тиражы 1988—1989 чылларда иң кӧп 6 муң экземплярға читкен. 1990 чылларда, экономика кризизі пол парып, тираж ікі хати хызырыл парған.

Газетаның наа тузы 2003 чылнын ӱртӱн айының 1-ғы кӱнінде пасталған. Андада издание адынаң пасха (амды «Земля Таштыпская» адал сыххан), техническай тиріглер саринаң алыс парған. Чарыхха сығарары Ағбанзар кӧзірілген, холнаң пазары паза линотиптер орнына компьютер верстказы паза офсет ондайынаң печать (орыс) (рус. килген. Олох чылда, орғах айының 4-ҷі кӱнінде, «„Земля Таштыпская“ газетаның редакциязы» муниципальнай автономнай учреждение пічікке кирілген^[1].

Газетаның хабарҷылары хазнада полчатхан киректердең пасха, аймахтың ыраххы аалларынаң чуртазын чарытчалар, социальнай паза культура проекттерінде араласчалар^[3] .

Алған орын

↑ ¹ ² МАУ Редакция газеты Земля Таштыпская, Хакасия (Республика), Таштыпский район (ИНН 1909051798), реквизиты, выписка из ЕГРЮЛ, адрес, почта, сайт, телефон, финансовые показатели (неопр.) . spark-interfax.ru. Дата обращения: 12 Кӧрік айы 2026.
↑ ¹ ² Казакова Л. А. Земля Таштыпская // Энциклопедия Республики Хакасия : Т. 1 : А—Н / гл. ред. В. А. Кузьмин. — Красноярск: Поликор, 2007. — С. 220. — 5000 экз. — ISBN 978-5-91502-001-5.
↑ В Хакасии определили лучших журналистов и СМИ (рус.). Союз журналистов России. Дата обращения: 12 Кӧрік айы 2026.

Литература

Казакова Л. А. Земля Таштыпская // Энциклопедия Республики Хакасия / Рук. проекта Г. Ю. Семигин. — Абакан: Поликор, 2007. — Т. 1. — С. 220. — 430 с. — ISBN 978-5-91502-001-5.
Ленинский путь // Летопись периодических изданий СССР: Новые, переименованные и прекратившиеся журналы и газеты. — М.: Книга, 1955. — стр. 77
Ленинский путь // Газеты СССР: К-О : краевые, губернские, областные, окружные, уездные, районные, городские, транспортные, военные и другие газеты / Грант Левонович Епископосов. — М.: Книга, 1978. — стр. 419
"Земля таштыпская" много лет доносит до читателя правду жизни района (рус.). ИА Хакасия.

Ссылкалар

Сайт газеты «Земля таштыпская»
Архив номеров газеты за 1941—1945 годы // Национальная библиотека им. Н. М. Доможакова

[:0-1] ¹ ² МАУ Редакция газеты Земля Таштыпская, Хакасия (Республика), Таштыпский район (ИНН 1909051798), реквизиты, выписка из ЕГРЮЛ, адрес, почта, сайт, телефон, финансовые показатели (неопр.) . spark-interfax.ru. Дата обращения: 12 Кӧрік айы 2026.

[ЭРХ-2] ¹ ² Казакова Л. А. Земля Таштыпская // Энциклопедия Республики Хакасия : Т. 1 : А—Н / гл. ред. В. А. Кузьмин. — Красноярск: Поликор, 2007. — С. 220. — 5000 экз. — ISBN 978-5-91502-001-5.

[3] В Хакасии определили лучших журналистов и СМИ (рус.). Союз журналистов России. Дата обращения: 12 Кӧрік айы 2026.

[1]

[2]

[3]