Замиралов, Павел Васильевич

Павел Васильевич Замиралов
Тӧреен кӱні	21 ӱртӱн айы 1918({{padleft:1918|4|0}}-{{padleft:9|2|0}}-{{padleft:21|2|0}})
Тӧреен чирi	Замиралов аал, Бобровскай волость, Ирбит уезді, Пермь губерниязы, Россия империязы
Ӱреен чылы	13 кічіг хырлас айы 1995({{padleft:1995|4|0}}-{{padleft:11|2|0}}-{{padleft:13|2|0}}) (77 час)
Ӱреен чирi	Екатеринбург, Россия Федерациязы
Хазна	СССР
Войско кӧрімі	инженер войсколары
Служба чыллары	1939—1945
Аарластығ ады
Чаалазағлар/чаалар	Илбек Адалығ чаа
Сыйыхтар паза премиялар

Павел Васильевич Замиралов (21 ӱртӱн айы 1918 — 13 кічіг хырлас айы 1995, Екатеринбург^[d]) — Тоғысчы-кресеннернің Хызыл Армиязының старшиназы, Илбек Адалығ чаа чаа араласчызы, Совет Союзының Матыры (1944).

Чуртас чолы

1918 чылның ӱртӱн айының 21-ҷі кӱнінде Пермь губерниязындағы Ирбит уездінің Бобровскай волостьындағы Замиралов аалында (амғы Свердловск облазының Байкалов аймағы) тӧреен.

Школада читі класс тоозып, Хызылчар крайындағы Хакас автоном облазының Тадар Тис аалында чол узы полып тоғынған.

1939 чылның чарыс айында Тоғысчы-кресеннернің Хызыл Армиязына службаа тартылған. 1942 чылның орғах айынаң сығара Илбек Ада чаа фронттарында чааласхан. 1943 чылның чарыс айына гвардия хызыл армеезі Павел Замиралов Украинаның 3-ҷі фронтының 8-ҷі гвардия армиязының 4-ҷі понтон-тахта бригадазының 2-ҷі алынҷа моторизованнай понтон-тахта гвардия батальонының понтонёры полған. Днепр ӱчӱн чаалазығда махачызын кӧзіткен.

1943 чылның чарыс айының 25-ҷі кӱнінең 26 кӱнінің хараазында Замиралов расчёдынаң хада Запорожье істіндегі Хортица олтырыхсар 25 чааҷы паза командир десантын кизірген. Аар туста ол, расчётнаң устап, ыырҷы атчатхан туста понтонны маңнаныстығ сығарып, десантты чарға хазых читірген. Пазағы кӱнде паза ӱс рейс иткен, тиксі алза, ол 120 азыра чааҷыны паза командирні суғҷа кизірібіскен.

СССР-нын Ӧӧркі Чӧбінің Президиумының 1944 чылның азығ айының 22-ҷі кӱнінде сыххан чахиинаң гвардия хызыл армеезі Павел Замиралов Совет Союзының Матыры пӧзік атха турысхан, ағаа Ленин ордені паза «Алтын Чылтыс» медаль читірілген.

1945 чылның хандых айының 24-ҷі кӱнінде Москвада ирткен Чиңіс Парадында араласхан. Белоруссияның 2-ҷі фронтының своднай полкының коробказында Хызыл площадьча ирткен. 1946 чылның сілкер айында гвардия старшиназы Замиралов чаа службазынаң позыдылған.

Свердловскта чуртаан. Сӧӧгі Широкореченскай сыыратта чатча.

Сыйыхтар

• Ленин ордені (22.02.1944);
• «Алтын Чылтыс» медаль (22.02.1944);
• Ада чааның 1-ғы (06.04.1985) паза 2-ҷі (28.05.1945) степеньніг орденнері,
• Хызыл Чылтыс ордені (30.07.1943);
• медальлар.

Хумартхызы

Замираловтың ады Москвадағы Илбек Адалығ чааның Сабланы залындағы таста, Ағбандағы Чиңіс паркының Матырларларға турғызылған тастарның пірсінде пазылых

Алған орын

Литература

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
• Достоин звания героя. 2-е изд., перераб. и доп. — Красноярск, 1975. — с. 143.
• Золотые Звёзды свердловчан. 2-е изд., испр. и доп. — Свердловск, 1970. — с. 110—112.

Ссылкалар

• Замиралов Павел Васильевич  (рус.). ookn19.ru. Дата обращения: 10 Чарыс айы 2025.