Яковлев, Тимофей Алексеевич

Тимофей Алексеевич Яковлев
Тӧреен кӱні	2 хандых айы 1905({{padleft:1905|4|0}}-{{padleft:6|2|0}}-{{padleft:2|2|0}})
Тӧреен чирi	Барнаул уезді[d], Томск губерниязы[d], Россия империязы[d]
Ӱреен чылы	31 улуғ хырлас айы 1974({{padleft:1974|4|0}}-{{padleft:12|2|0}}-{{padleft:31|2|0}}) (69 час)
Ӱреен чирi	Тараз[d], Казахская ССР[d], СССР[d]
Хазна	СССР
Войско кӧрімі	артиллерия
Служба чыллары	1942—1945
Аарластығ ады	кічіг сержант
Часть	184-ҷі атығҷылар дивизиязы
Чаалазағлар/чаалар	Илбек Ада чаа
Сыйыхтар паза премиялар

Тимофей Алексеевич Яковлев (2 хандых айы 1905, Барнаул уезді^[d], Томск губерниязы^[d] — 31 улуғ хырлас айы 1974, Тараз^[d]) — Илбек Ада чаадағы совет чааҷы-артиллеризі, Совет Союзының Матыры (24.03.1945). Кічіг сержант.

Чуртас чолы

Том губерниязының Барнаул уездінің Завьялов волозының Чистоозёрскай аалында (амғы Алтай крайының Завьялов аймағында) кресеннер сӧбірезінде тӧреен. Орыс. Тигіриб-приходской школаның тӧрт клазын тоос салған

1923 чылдаң сығара Новониколаевскте (амғы Новосибирск) чуртаан. Анда теербенде тоғынып пастаан. 1933 чылдаң сығара Хакас автоном облазының Сыра аймаандағы «Коммунар» алтын аныҷаң рудникте откатчик паза зайбойщик полып істенген. 1939 чылдаң сығара Харатас городтағы шахтада навалоотбойщик паза тағ узы полған. 1940 чылдаң сығара — Кансктағы (Хызылчар крайындағы Канск город) руда устанызының 3 № шахтазында тағ узы.

1942 чылның хосхар айынаң сығара Тоғысчы-кресеннернің Хызыл Армиязында служба апар сыххан. Олох чылның ӱртӱн айынаң сығара Илбек Ада чаа фронттарында араласхан. Воронеж фронтының 10-ҷы алынҷа истребитель-танктардаң тоғыр бригадазында танктардаң тоғыр тирігнің атығҷызы полған. 1943 чылның кӧрік айында палығлатхан. Олох чылда партияа кірген.

Азахха турып алғанда, 3-ҷі формированиенің 184-ҷі атығҷылар дивизиязына кірген. Аның санында Курск тӱгеезі чаалазығда Воронеж фронтында чааласхан. 1943 чылның от айының 19-ҷы кӱнінде танктардаң тоғыр тирігнең немец самолёдын атыбысхан ӱчӱн Хызыл Чылтыс орденінең сыйыхтатхан. Соонаң дивизиянаң хада Калинин, 1-ғы Прибалтика, 3-ҷі Белоруссия фронттарында чааласхан.

3-ҷі Белоруссия фронтының 5-ҷі армиязының 45-ҷі атығҷылар корпузының 184-ҷі атығҷылар дивизиязының 415-ҷі алынҷа истребитель-танктардаң тоғыр дивизионының тиріг кӧстегҷізі кічіг сержант Яковлев Вильнюс фронтындағы чаалап кірҷең операция тузында матыр киреен кӧзіт пирген. 12 хоных чаалазып, 200 километр тобырып, дивизион немец чааҷыларының тылынзар тирең кір парыбысхан. Алтынзархы саринаң Каунас городты ирт парыбысхан паза 1944 чылның от айының 17-ҷі кӱнінде Каунас городтың алтынзархы-кидеркі саринаң Неман суғны кис парыбысхан.

Ікі кӱн плацдармда чаалазып, 1944 чылның от айының 17-18 кӱннерінде наводчик Тимофей Яковлев ыырҷының читі танкын атыбызып, вермахттың 200-ҷе чааҷы-офицерін чох идібіскен. Чаалазығларда Яковлев нинҷе-де хати аар палығлатхан: снаряд кизегі кӧксіне паза ӧкпезіне тееп парған, пасха кизегі — азаана.

СССР-ның Ӧӧркі Чӧбінің Президиумының 24 мартта 1945 чылда сыххан чахиинаң, немец-фашист азымахчыларынаң тоғыр кӱрезігде махачызын паза матыр хылиин кӧзіткен ӱчӱн, сержант Тимофей Яковлевке Совет Союзының Матыры ат пирілген, Ленин ордені паза « Алтын Чылтыс» медаль (№ 4937) читірілген.

1945 чылның орғах айында, кинек пол парып, демобилизацияа парыбысхан. Хакас Республиканың Харатас городында чуртаан, шахтада мастер полған. Пірее танығларҷа, 1940 чыллар соонзар Сахалинзер парған, анда Долинскай паза Углегорскай аймахтарда шахтёр полып істенген. 1955 чылда Казах ССР-ның Джамбул городынзар (амғы Тараз город) кӧс парыбысхан. Суперфосфат заводында военизированнай хадағда істенген. 1974 чылның улуғ хырлас айының 31-ҷі кӱнінде ах чарыхтаң парыбысхан.

Сыйыхтар

• Совет Союзы Матырының «Алтын Чылтыс» медальы (24.03.1945; № 4937);
• Ленин ордені (24.03.1945);
• Адалығ чааның II синніг ордені (27.07.1944);
• Хызыл Чылтыс ордені (25.07.1943, № 255609);
• III синніг Сабланыс ордені (20.01.1944, № 13034);
• медальлар.

Хумартхы

• Алтай аймаандағы Завьялов аалда Сабланыс хумартхы тазында Яковлевтің бюзы турғызылған.
• Тараз городта Яковлевтің адынаң переулок (амғы туста Яковлевтің орамазы) адалған.
• Завьялов аалда Матырның адынаң орама адалған.
• Новосибирск облазының Чистоозёрная посёлогының орамазы Матыр адын ал чӧрче (1985);
• Харатаста Яковлевтің адынаң орама адалған, пастағы номер турада хумартхы танығ хызылған.
• Ағбандағы Чиңіс паркының Матырлар аллеязындағы хумартхы таста ады пазылых.
• * 2020 чылның от айында Харатастағы хумартхы комплексте Совет Союзының Матыры Яковлевке бюст турғызылған.

Алған орын

Литература

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
• Боевая слава Алтая / Сост. М. Т. Карначёв, Ф. П. Ельков. — 3-е изд., испр. и доп.. — Барнаул: Алт. кн. изд-во, 1978. — 311 с.
• Глазков, Михаил Данилович. Рубежи бессмертия. — Красноярск: Кн. изд-во, 1975. — С. 75—80. — 104 с.
• Глазков М. Д. Рубежи бессмертия. — Абакан, 2015. — С. 91-96.
• И. Т. Рева. Достоин звания героя. — Красноярск: Красноярское кн. изд-во, 1975. — С. 267. — 381 с.
• Кузнецов И. И., Джога И. М. Золотые звёзды Алтая. — 1. — Барнаул: Алтайское книжное издательство, 1982. — С. 236—237.
• Наши отважные земляки: красноярцы ‒ Герои Советского Союза. ‒ Красноярск, 1990. — С. 460—461.
• Присвоить звание Героя. — Красноярск: Поликор, 2014. — 448 с.
• Энциклопедия Алтайского края. В 2 томах. Том 2. — Барнаул, 1996. — С. 436.
• Энциклопедия Республики Хакасия. В 2 томах. — Том 2: О-Я. — Абакан, 2008. — С. 305.

Ссылкалар

• Т. А. Яковлев в «Энциклопедии Красноярского края».