Рубленко, Иван Александрович

Иван Александрович Рубленко
Иван Александрович Рубленко
Тӧреен кӱні	25 орғах айы 1919
Тӧреен чирi	Минсуғ, Минсуғ уезді, Ким губерниязы, РСФСР[d];
Ӱреен чылы	12 азығ айы 1981 (61 час)
Ӱреен чирi	Иркутск[d], РСФСР[d], СССР[d];
Хазна	СССР
Войско кӧрімі	артиллерия
Служба чыллары	1939—1956
Аарластығ ады	майор
Устаан	артиллерия дивизиязынаң
Чаалазағлар/чаалар	Илбек Адалығ чаа
Тынағда	полковник

Иван Александрович Рубленко (25 орғах айы 1919, Минсуғ, Ким губерниязы — 12 азығ айы 1981, Иркутск^[d]) — Илбек Адалығ чаа араласчызы, 1-ғы Украина фронтының 4-ҷі танктар армиязының 6-ҷы гвардия механизированнай корпузының 16-ҷы гвардия мехбригадазының артиллерия дивизионының командирі, Совет Союзының Матыры, тынағдағы полковник.

Чуртас чолы

1919 чылның орғах айының 25 ҷі кӱнінде Ким губерниязының Минсуғ городында (амғы — Хызылчар крайы) тоғысчылар сӧбірезінде тӧреен.

Тоғысчы-кресеннернің Хызыл Армиязына 1938 чылда тартылған. Томсктағы артиллерия училищезін тоос салған. Лейтенант званиеліг Ортын Азиядағы чаа окрыгында служба ирткен.

1941 чылның от айынаң сығара Ельня алтындағы чаалазығларда (орыс) (рус. араласхан, палығлатхан.

1941 чылның ӱртӱн айынаң сығара 51-ҷі гвардия артиллериязының полкында батарея командирі, улуғ дивизионның адъютанты паза дивизион командирі полып чааласхан. Москва алтындағы (орыс) (рус., Сталинградтағы чаалазығда араласхан, Курск тӱгеезінде чааласхан, Украинаны, Польшаны ыырҷы холынаң позытхан. 1942 чылдаң сығара Совет Союзының Коммунисттер партиязының кізізі полыбысхан.

Матыр кирее

1945 чылның кӱрген айының 26-ҷы кӱнінде Рубленко он читі разведчикнең устап, ыырҷының атызын тобырып, кимеліг Одер суғны кис сыххан. Суғның ортызында киме чох халып, чааҷылар суғ хазынзар чӱзіп читкеннер. Тігі саринда ыырҷыны чох идіп, аның ӱс контратаказын тохтатханнар. Иван Рубленко артиллерия дивизионының атызын тӱзедіп, плацдармны холға кирерге паза аны тут халарға хабасхан.

Махачызын кӧзіткен ӱчӱн, СССР-ның Ӧӧркі Чӧбінің Президиумының 1945 чылның хосхар айының 10-ҷы кӱнінде сыххан чахиинаң, 16-ҷы гвардия мехбригадазының артиллерия дивизионының командирі майор Рубленкоға Совет Союзының Матыры пӧзік ат пирілген.

Чаа соонаң

Рубленко Германияда совет войсколарының группазында служба ирткен. 1950 чылдаң сығара Чаа артиллерия академиязында ӱгренген. 1956 чылда запасха парыбысхан. Иркутсксар кӧс парыбысхан. Чон хонии институдын тоос салған. Областьтар аразындағы Союзцветмет устаныстың пастығы, Органическай нимес химия институдының устағҷы орынҷызы полған. 1970 чылларда Южно-Сахалинскте чуртаан паза тоғынған. 1980 чылның кӧрік айынаң сығара Иркутскта чуртаан. Пассажир автотранспортының 1 № производство пірігізінің пастых орынҷызы полып істенген.

1981 чылның азығ айының 12-ҷі кӱнінде ах чарыхтаң парыбысхан. Иркусктағы Радищев сыырадында сӧӧгі чатча^[2].

Сыйыхтар паза званиелер

«Алтын Чылтыс» медаль;
Ленин ордені;
ікі Хызыл Знамя ордені;
Адалығ чааның II син ордені;
Хызыл Чылтыс ордені;
медальлар.

Хумартхызы

Иркутскта Иван Рубленко чуртаан турада, аны хумартхызына чарыдып, хумартхы чарды хазап салғаннар^[3].
2011 чылда Бурятия Республиканың Баунтовскай аймаандағы Багдарин аалда Иван Рубленконың бюзы турғызылған^[4].
В 2025 чылда Байкал хазна университедінің Иркутсктағы колледжіне Совет Союзының Матырының ады пирілген. Колледжтің студенттеріне И. А. Рубленконың адынаң стипендия тӧстелген^[5].

Алған орын

↑ Приказ МО СССР№ 01 от 24.04.1970
↑ Гольдфарб С. И. Памятники военной истории // Памятники истории и культуры Иркутска. — Иркутск: Вост.-Сиб. кн. изд-во, 1993. — С. 237. — 448 с. — 5000 экз. — ISBN 5-7424-0581-2
↑ Дом, где жил Иван Александрович Рубленко (1920-1981), ГСС (рус.). https://xn--80ajknckhoje6l.xn--p1ai/.+Дата обращения: 30 Чарыс айы 2025.
↑ Площадь героев появилась в Баунтовском районе Бурятии (рус.). infpol.ru (11 Кічіг хырлас айы 2011). Дата обращения: 30 Чарыс айы 2025.
↑ Виктория Кудаева |. Иркутский колледж БГУ получил имя Героя Советского Союза Ивана Рубленко (рус.). irk.kp.ru -. Дата обращения: 30 Чарыс айы 2025.

Литература

Кузнецов И. И. Рубленко Иван Александрович // Кузнецов И. И. Золотые Звёзды иркутян. — Иркутск: Вост.-Сиб. кн. изд-во, 1982. — С. 334—335. — 352 с., ил. — 30000 экз.
Гольдфарб С. И. Могила Героя Советского Союза И. А. Рубленко // Памятники истории и культуры Иркутска. — Иркутск: Вост.-Сиб. кн. изд-во, 1993. — 237—238. — 448 с. — 5000 экз. — ISBN 5-7424-0581-2.

Ссылкалар

Иван Александрович Рубленко (рус.). «Герои страны» сайт.
Рубленко Иван Александрович на сайте Солдаты Победы.
Могила Ивана Рубленко на сайте Поискового отряда «Байкал».

[autogenerated1-1] Приказ МО СССР№ 01 от 24.04.1970

[2] Гольдфарб С. И. Памятники военной истории // Памятники истории и культуры Иркутска. — Иркутск: Вост.-Сиб. кн. изд-во, 1993. — С. 237. — 448 с. — 5000 экз. — ISBN 5-7424-0581-2

[3] Дом, где жил Иван Александрович Рубленко (1920-1981), ГСС (рус.). https://xn--80ajknckhoje6l.xn--p1ai/.+Дата обращения: 30 Чарыс айы 2025.

[4] Площадь героев появилась в Баунтовском районе Бурятии (рус.). infpol.ru (11 Кічіг хырлас айы 2011). Дата обращения: 30 Чарыс айы 2025.

[5] Виктория Кудаева |. Иркутский колледж БГУ получил имя Героя Советского Союза Ивана Рубленко (рус.). irk.kp.ru -. Дата обращения: 30 Чарыс айы 2025.

[1]

[2]

[3]

[4]

[5]