Илбек Ада чаа Чиңізінің 80 чылын таныхтиры

Рувики тiп сайттаң
Илбек Адалығ чаа Чиңізінің 80 чылын таныхтиры
Лого 80 лет Победы.jpg
Кӱн 2024 - 2025 чыллар
Орын Россия флагы Россия
Сайт may9.ru

Илбек Ада чаа Чиңізінің 80 чылын таныхтиры (орыс. Празднование 80-летия Победы в Великой Отечественной войне) — Тиксі Россияда паза хырығ озаринда Илбек Адалығ чаадағы Чиңістің 80 чылына чарыдылған килкім программа. 2024—2025 чылларда 170 азыра мероприятие иртірері кӧрілче[1].

Танығлығ кӱнге тимненіс

[тӱзедерге | код тӱзедерге]

2023 чылның от айының 31-ҷі кунінде Россия президенті Владимир Путин Илбек Адалығ чаадағы Чиңістің 80 чылын таныхтирына тимненістеңер паза аны иртірердеңер чахығда хол салыбысхан. Правительствоға «Чиңіс» оркомитедінең хада улуғ чаалазығлар хоостыра мероприятиелерні тимнеп, оларны иртірер план идібізерге чахығ пирілген. Аның хоостыра ідӧк пасха хан чирі хазналарының устағҷыларынаң хада мероприятелерні иртірері кӧріл парған. Россия Федерациязының Істіндегі киректер министерствозына политика-дипломатия саринаң ӱлӱкӱнні иртірерге хабас пирерге, федеральнай паза регион органнарына, тізең, тимненісте аралазарға, ветераннарға хабазарға паза орындағы ӱлгӱге чааҷыларның сӧӧгі чатчатхан чирлерні иптирге чахығ пирілген[2].

2023 чылның орғах айында президент Чиңістің 80 чылына тимненҷең паза аны иртірҷең Оргкомитетті тӧстирінеңер чахығда хол салыбысхан[3].

2024 чылның сілкер айының 18-ҷі кӱнінде Россия Федерациязының правительствозы Чиңістің 80 чылын таныхтир мероприятиелерні тимнирінҷе паза аны иртірерінҷе планны чарат салған[4].

2024 чылның кічіг хырлас айының 19-ҷы кӱнінде актёр паза халых деятельі Владимир Машков Москвадағы Чиңіс музейінде Чиңістің пайрамнығ 80 чылына официальнай логотипті кӧзіт пирген. «1942 чылның кічіг хырлас айының 19-ҷы кӱнінде, 82 чыл мының алнында, читі час иртен Хызыл Армия артиллерия паза „Катюшаның“ атызынаң „Уран“ операцияны пастабысхан. Ол Сталинград алтындағы чаалазығда немец войсколарын унада сабарға пастаан операция полған, ол Илбек Ада чааның танығлығ чардығы полған», — кӧзідігде сағысха кирген Машков[5]. Логотипте Евгений Вучетичтің «Ада чир-суғ іҷезі хығырча!» скульптуразы кӧзіділік. Ол Мамай кӱргеніндегі «Сталинградтағы чаалазығның Матырларына» хумартхы тас-ансабльының ӧӧн чардығы полча[6].

Программа

[тӱзедерге | код тӱзедерге]

Чиңістің 80 чылына план хоостыра ӧӧн мероприятелер санында 171 мероприятие тимнирі кӧріл парған. Оларның санында тиксі Россиядағы кибірліг чӧрімнер:

Концерттер, театр ойыннары паза пасхазы полары кӧріл парған.

Чӧрімнер тиксі Россияда иртчелер[7].

Мероприятиелерні тимнирге паза иртірерге хабасчалар волонтерлар паза ветераннар пірігістері: «Чиңіс волонтерлары», Росмолодежь, «Движение первых», «Знание» Россиядағы пірігіс паза пасхалары. 2025 чылда олар чарыдығлығ чӧрімнер паза олғаннарнаң чииттерге мероприятиелер тимнирлер[8].

Пасха хан озариндағы аалҷылар

[тӱзедерге | код тӱзедерге]
Ӧӧн статья: Чиңіс парадының аалҷылары (2025)

Чиңістің 80 чылына чарыдылған Москвадағы парадха 20 азыра хазна паза правительство пазы килер[9]. Пічік хоостыра хығыртығларны алғаннар Белоруссия президенті Александр Лукашенко, КНР кнезі Си Цзиньпин, Словакия премьер-министрі Роберт Фицо, Сербия президенті Александр Вучич, Бразилия президенті Луис Инасиу Лула да Силва, Сербскай Республика пазы Босния паза Герцеговина санында Милорад Додик паза пасхазы[10].

Хырығ озаринда таныхтиры

[тӱзедерге | код тӱзедерге]

Чиңістін 80 чылын СНГ-ның кӧп хазналарында таныхтиры кӧрілче. РФ-ның президенті 2023 чылның улуғ хырлас айында СНГ правительство пастарының Чӧбінің чыылииндағы араласчыларға видео пастыра айланып, Россия «пістің тиксі ирткен тузыбыстаңар сағысты хайраллирынҷа, тархынны саба пирчеткенінең паза ницизмнің кӧдірілізінең тоғыр кӱрезігні апарарынҷа сурығларда хада-пірге тоғысты узарадарға кӧстег тутча» тіп искірген[11].

Россия Федерациязының правительство пазы Михаил Мишустин «Ӧлімі чох полк» чоннар аразындағы чӧрім хоостыра иртчеткен чӧрімнер улуғ тузалығлар тіп таныхтаан[12].

Пайрамнығ чылда чааҷылар сӧӧгі чатчатхан чирлерін иптиры кӧріл парған, ол санда хырыг озаринда[13].

Чиңістің пайрамнығ 80 чылына чарыдып, Россотрудничество 200-че мероприятие тимнеп салған, олар аймах хазналарда иртерлер, ол санда Россиянаң ынағ ниместерде. Ӧӧн хайығ чир-суғҷыларыбыстың хозымына иділген, аннаңар мероприятиелернің сериязы «Чон паза ӱлӱзі» адал парған. Ідӧк хайығ айландырылған Ікінҷі тилекей чаадағы тоғырланыс чӧріміне[14].

Чиңістің 80 чылына пайрамнығ танығлар

[тӱзедерге | код тӱзедерге]

Россия президентінің чахиинаң «1941—1945 чыллардағы Илбек Ада чаа Чиңізіне 80 чыл» пайрамнығ медаль тӧстелген.

Танығлығ тимір ахчалар

[тӱзедерге | код тӱзедерге]

2025 чылның хосхар айының 9-ҷы кӱнінде Россия банкы «1941—1945 чч. Илбек Адалығ чаадағы совет чонының Чиңізінің пайрамы» серияда пис аймах тимір ахча сығарыбысхан. Ол 3 паза 100 салковай кӱмӱс ахча, 50 паза 10 муң салковай паалығ алтын ахча, аарлығ нимес металларнаң иділген 50 салковай тимір ахчалар[15].

Илбек Ада чаа араласчыларына тӧлеглер

[тӱзедерге | код тӱзедерге]

2025 чылнын кӱрген айының 15-ҷі кӱнінде «Победа» оргкомитеттің чыылии тузында Россия президенті Владимир Путин прай Илбек Ада чаа ветераннарына, оларның ӧкіс халған ипчілеріне паза кічіг частығда концлагерьде полғаннарға пір хати 80 муң салковай тӧлелер тіп чахығда хол салғанын чарлабысхан. Тыл істенҷілері, Лениград хурчааның чуртағҷылары, концлагерьде одырған кізілер, арачыланыс пӱдіріглерін иткен улус, ПВО объекттерінде, талай паза авиабазаларында тоғынған улус Илбек Ада чаа Чиңізінің 80 чылына 55 муң салковай аларлар[16].

Чиңіске чарыдылған чӧрімнер

[тӱзедерге | код тӱзедерге]

2025 чылның азығ айының 25-ҷі кӱнінде тиксі Россиядағы «Ура Чиңіске» тіп мультимедиа чӧрімі пасталған, аның хоостыра 1945 хысхаҷах номерге сығыдырадыбысхан чонға Совинформбюроның кӱннің сай пирілчеткен сводказын истіп аларға чарир, телефон саңы орнына Чиңіс темазына чарыдылған сарыннарны турғызып алҷаң паза Чиңіс пайрамының логотибінің ссылказын алып алҷаң оңдай пар[17].

Чарас

[тӱзедерге | код тӱзедерге]

2025 чылның хосхар айының 28-ҷі кӱнінде Россия президенті Владимир Путин Чиңістің 80 чылын таныхтир кӱннерге чарасты чарлабысхан. Россия армиязы чаалазығ киректерін сілкер айының 7-ҷі кӱнінең 8-ҷі кӱнінің хараазына Москва тузындағы 00:00 частаң сығара сілкер айының 10-ҷы кӱнінең 11-ҷі хараазының 00:00 чазына теере тохтадыбызар[18].

2025 чылның сілкер айының 10-ҷы кӱнінде Россияның Арачыланыс министерствозының искіриинең, ВСУ атысты тохтатчаң режимні 9 318 хати сайбабысхан[19]. Сілкер айының 9-ҷы кӱнінең сығара хоных аразына Россияның ПВО средстволары 86 дронны паза США-да сығарылған чӧргізілчеткен JDAM авиация бомбазын тӱзіре атханнар[20]. ВСУ РФ-ның Курск паза Белгород областьтарындағы хазна хырығларын тӧрт хати кизібізерге иткен паза РФ-ның город-аалларын 22 хати атака ит кӧрген[21].

Чиңістің 80 чылын Хакасияда таныхтиры

[тӱзедерге | код тӱзедерге]

Илбек Чиңістің 80 чылына чарыдылып. Хакасияда 150-ҷе мероприятие кӧріл парған. Хакас Республикада Илбек Ада чаадағы Чиңістің пайрамнығ 80 чылына прай ӱгредіг пірігістерінде Ада чир-сууна хынарға, Ада чирінің арачылағҷыларын, Матырларын улуғлирға кӧстепчеткен тоғыс апарылған. Региондағы чииттернің «Авангард» чаа-патриот кінінде махачызы уроктары, ӱгренҷілерні чааҷы службазына тимнепчеткен ӱгредіглер ирткеннер[22].

«Чиңіс чолы» проект хоостыра 80 школа автобузы ӱгренҷілерні чаанаң палғалыстығ тархын-культура паза хумартхы орыннарынҷа апарар[23].

2024 чылда Хакасияда нааҷылабысханнар паза пӱдір салғаннар 30 хумартхы объекттін. Регионның кічіг аалларында Илбек Ада чаа араласчыларына, тыл істенҷілеріне хумартхы тастар пӱдір салғаннар. 2024-2025 чылларда Илбек Чиңістің 80 чылына 5 проектті чуртасха кирері кӧріл парған[24][25].

Чиңіс кӱні алнынҷа, сілкер айының 6-ҷы кӱнігде, Ағбандағы Чиңіс паркының аллеязында хоосчы-скульптор Шолбан Тарачинің тоғызы — Чаа олғаннарына хумартхы тас — пайрамни азылған[26][27].

Хакасияда «Пабаларның махачызы — оолларның ханады» тіп чӧрімі ирткен: республика чуртағҷылары чаада араласхан, тылда істенген, Илбек чиңісті чағыннатхан туған-чағыннарынаңар искірігні, сомны ызып, чыылған материал хумартхы стендтерде чазааннар, олар пір улуғ хумартхы панноға піріктірілгеннер[28]. «Россиядағы рекордтар киндезі» эксперттерінің сананыстарынаң Ағбандағы «Чиңіс» паркында турғызылған сомнар модульлары «Россиядағы иң узун хумартхы стеназы» номинацияда прайзынаң узун пол парған[29].

Хакасияның Илбек адалығ чаа араласчыларына, кинектеріне, тыл істенҷілеріне, Ленинград хурчаанда полған чуртағҷыларға, концлагерьде чабығда полған чазы читкелектерге «1941—1945 чыллардағы Илбек Ада чаа Чиңізіне 80 чыл» пайрамнығ медаль читірілген, оларнын саны ызылған 559 читкен[30]. Хакас Республиканың МВД-зы Илбек Чиңістің 80 чылы алнынҷа «Илбек Чиңістің Матырлары» чӧрім хоостыра Хакасияның чуртағҷыларын істіндегі киректер органнарында істенген Илбек адалығ чаа араласчыларынаңар искіргеннер[31].

Хакасиядағы Алтай аймааның Хубачардаң ырах нимес Илбек Ада чаа Чиңізінің 80 чылына чарыдылған чоннар аразындағы «Хумартхы сады» чӧрім хоостыра, Чиңіс 80» пазылған оңдайынаң 1300 харағай ағазы одыртылған[32][33].

Алған орын

[тӱзедерге | код тӱзедерге]
  1. ↑ Правительство утвердило план мероприятий по подготовке и проведению празднования 80-й годовщины Победы в Великой Отечественной войне 1941–1945 годов. government.ru (18 Сілкер айы 2024). Дата обращения: 19 Кічіг хырлас айы 2024.
  2. ↑ Путин подписал указ о создании оргкомитета по подготовке празднования 80-летия Победы, Ведомости (9 Орғах айы 2023). Дата обращения: 19 Кічіг хырлас айы 2024.
  3. ↑ Указ Президента Российской Федерации от 09.08.2023 № 602 ∙ Официальное опубликование правовых актов. publication.pravo.gov.ru (9 Орғах айы 2023). Дата обращения: 19 Кічіг хырлас айы 2024.
  4. ↑ Распоряжение от 17 мая 2024 г. № 1174-р. Правительство России (17 Сілкер айы 2024).
  5. ↑ В Музее Победы представили логотип 80-летия Победы | Победа РФ | Новость от 19.11.2024, Победа РФ | Новости, история, патриотизм (19 Кічіг хырлас айы 2024). Дата обращения: 19 Кічіг хырлас айы 2024.
  6. ↑ Богдан Герцен. В "Музее Победы" представили логотип празднования 80-летия победы в Великой Отечественной войне, Профиль (19 Кічіг хырлас айы 2024). Дата обращения: 20 Кічіг хырлас айы 2024.
  7. ↑ 80-летие Победы отметят масштабно | Победа РФ | Новость от 19.11.2024, Победа РФ | Новости, история, патриотизм (19 Кічіг хырлас айы 2024). Дата обращения: 19 Кічіг хырлас айы 2024.
  8. ↑ Мероприятия к 80-летию Победы стартуют уже с января | Победа РФ | Новость от 19.11.2024, Победа РФ | Новости, история, патриотизм (19 Кічіг хырлас айы 2024). Дата обращения: 19 Кічіг хырлас айы 2024.
  9. ↑ Кто приедет в Москву на Парад Победы в 2025 году, ВЗГЛЯД.РУ (02.04.2025). Дата обращения: 9 Хосхар айы 2025.
  10. ↑ На параде Победы в Москве ожидают более 20 глав государств и правительств, Регнум (15.04.2025). Дата обращения: 16 Хосхар айы 2025.
  11. ↑ Россия продолжит борьбу с фальсификацией истории | Победа РФ | Новость от 18.12.2023, Победа РФ | Новости, история, патриотизм (18 Улуғ хырлас айы 2023). Дата обращения: 19 Кічіг хырлас айы 2024.
  12. ↑ Победу над нацизмом отметят с размахом | Победа РФ | Новость от 19.12.2023, Победа РФ | Новости, история, патриотизм (19 Улуғ хырлас айы 2023). Дата обращения: 19 Кічіг хырлас айы 2024.
  13. ↑ Правительство утвердило план мероприятий по подготовке и проведению празднования 80-й годовщины Победы в Великой Отечественной войне 1941–1945 годов. government.ru (8 Сілкер айы 2024). Дата обращения: 19 Кічіг хырлас айы 2024.
  14. ↑ Россотрудничество проведет около 200 мероприятий к 80-летию Победы в разных странах, TACC (29 Кӱрген айы 2025). Дата обращения: 29 Кӱрген айы 2025.
  15. ↑ ЦБ выпустит пять памятных монет к 80-летию Победы, РБК (8 Хосхар айы 2025). Дата обращения: 8 Хосхар айы 2025.
  16. ↑ Ветераны Великой Отечественной войны получат по 80 тыс. рублей | Эксперт. Эксперт. Дата обращения: 15 Кӱрген айы 2025.
  17. ↑ Мобильная акция «Ура Победе!» may9.ru. Дата обращения: 10 Кӧрік айы 2025.
  18. ↑ Путин объявил перемирие в дни 80-летия Победы, Коммерсантъ (28 Хосхар айы 2025). Дата обращения: 28 Хосхар айы 2025.
  19. ↑ МО РФ зафиксировало 9 318 нарушений режима прекращения огня со стороны ВСУ, TACC (10 Сілкер айы 2025). Дата обращения: 10 Сілкер айы 2025.
  20. ↑ Силы ПВО РФ за сутки сбили 86 дронов ВСУ, TACC (10 Сілкер айы 2025). Дата обращения: 10 Сілкер айы 2025.
  21. ↑ ВСУ предприняли четыре попытки прорыва через государственную границу РФ, TACC (10 Сілкер айы 2025). Дата обращения: 10 Сілкер айы 2025.
  22. ↑ Хакасия готовится к празднованию 80-летия Победы. pulse19.ru. Дата обращения: 6 Азығ айы 2025.
  23. ↑ Хакасия готовится к юбилею Великой Победы. gazeta19.ru (22 Кічіг хырлас айы 2024). Дата обращения: 23 Кӱрген айы 2025.
  24. ↑ В селах Хакасии готовятся к 80-летию Великой Победы. 19rus.ru (27 Улуғ хырлас айы 2024). Дата обращения: 6 Азығ айы 2025.
  25. ↑ В Хакасии в отдаленном аале увековечили память воинов Великой Отечественной войны и тружеников тыла. mk-hakasia.ru (3 Улуғ хырлас айы 2024). Дата обращения: 6 Азығ айы 2025.
  26. ↑ Памятник детям войны открыли в Абакане. kommersant.ru (6 Сілкер айы 2025). Дата обращения: 11 Сілкер айы 2025.
  27. ↑ «Мы ждали этого 10 лет»: в Абакане открыли памятник Детям войны. 19rusinfo.ru (6 Сілкер айы 2025). Дата обращения: 11 Сілкер айы 2025.
  28. ↑ Памятник Детям войны в Абакане готов. Его установят 6 мая. ctv7.ru (11 Кӧрік айы 2025). Дата обращения: 20 Хосхар айы 2025.
  29. ↑ Рекорд России: в Хакасии установлена самая протяженная Стена памяти. 19rusinfo.ru (6 Сілкер айы 2025). Дата обращения: 6 Сілкер айы 2025.
  30. ↑ Хакасия с размахом отпразднует 80-летие Великой Победы. gazeta19.ru (11 Кӧрік айы 2025). Дата обращения: 20 Хосхар айы 2025.
  31. ↑ В преддверии 80-летия Победы в Великой Отечественной войне в МВД по Республике Хакасия проходит акция «ГЕРОИ ВЕЛИКОЙ ПОБЕДЫ». abakan.bezformata.com (15 Хосхар айы 2025). Дата обращения: 20 Хосхар айы 2025.
  32. ↑ В Алтайском районе Хакасии высадили геоглиф «Победа 80». pulse19.ru (5 Сілкер айы 2025). Дата обращения: 6 Сілкер айы 2025.
  33. ↑ Геоглиф «Победа 80» высажен в Хакасии. abakan-news.ru (6 Сілкер айы 2025). Дата обращения: 6 Сілкер айы 2025.

Ссылкалар

[тӱзедерге | код тӱзедерге]
Алған орны - https://kjh.ruwiki.ru/w/index.php?title=Илбек_Ада_чаа_Чиңізінің_80_чылын_таныхтиры&oldid=93821