Бочкарёв, Александр Григорьевич

РУВИКИ проектте пу фамилиялығ пасха кізілердеңер статьялар парлар, кӧр. Бочкарёв; Бочкарёв, Александр.

Александр Григорьевич Бочкарёв
Тӧреен кӱні	5 чарыс айы 1921({{padleft:1921|4|0}}-{{padleft:10|2|0}}-{{padleft:5|2|0}})
Тӧреен чирi	Куликовка аал, Мариинск уезді, Том губерниязы, РСФСР
Ӱреен чылы	17 кӱрген айы 1945({{padleft:1945|4|0}}-{{padleft:1|2|0}}-{{padleft:17|2|0}}) (23 час)
Ӱреен чирi	Польша[d]
Хазна	СССР
Войско кӧрімі	Бронетанковай паза механизированнай войсколар
Служба чыллары	1939—1945
Аарластығ ады
Часть	47-ҷі гвардия танктар бригадазы
Должность	Т-34 танктың механик-водительі
Чаалазағлар/чаалар	Илбек Ада чаа
Сыйыхтар паза премиялар

Александр Григорьевич Бочкарёв (5 чарыс айы 1921, Куликовка^[d] — 17 кӱрген айы 1945, Польша^[d]) — Тоғысчы-кресеннернің Хызыл Армиязының гвардия старшиназы, Илбек Ада чаа араласчызы, Совет Союзының Матыры (1945).

Чуртас чолы

Александр Бочкарёв 1921 чылның чарыс айының 5-ҷі кӱнінде Куликовка аалда (амғы — Кемеров облазының Тисуль аймағы) кресеннер сӧбірезінде тӧреен. Олған паза саарбах тузы Хызылчар крайының Курагин аймаанда ирткен. Анда ол школаның пис клазын тоос салған, анаң «Москва» колхозта тракторист полып тоғынған. 1039 чылда Тоғысчы-кресеннернің Хызыл Армиязына тартылған. Ыраххы Востокта служба ирткен. Илбек Ада чаа пасталғаннаң сығара аның фронттарында чааласхан. 1945 чылның кӱрген айына гвардия старшиназы Александр Бочкарёв 1-ғы Белорус фронтының 2-ҷі гвардия танктар армиязының 9-ҷы гвардия тактар корпузының 47-ҷі гвардия танктар бригадазының 3-ҷі тактар батальонының танктың механик-волдительі полған. Матыр тудынызын Польшаны позытханында кӧзіт пирген.

1945 чылның кӱрген айының 17-ҷі кӱнінде Сохачев город ӱчӱн чаалазығда ыырҷы Бочкарёвтың танкын атыбысхан, аның командирінің тыны ӱзіл парған, андада, танктаң пулемётты суурып, халғанҷы ухты атханҷа чааласхан. Сӱріге кір парбас ӱчӱн, Бочкарёв позын халғанҷы гранатанаң чара чачырадыбысхан. Сохачев хыринда сӧӧгі чатча.

Сыйыхтар

СССР-ның Ӧӧркі Чӧбінің Президиумының 27 февральда 1945 чылда сыххан чахиинаң, гвардияның старшиназы Александра Бочкарёв Совет Союзының Матыры атха ӱреен соонда турысхан. Ідӧк Ленин ордені паза Хызыл Чылтыс орденінең, ідӧк медальларнаң сыйыхтатхан.

Хумартхызы

Александра Бочкарёвтың адынаң Хызылчар крайының Курагин, Большая Ирба, Березовское аалларның орамалары адалғаннар.

Алған орын

Литература

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
• Достоин звания героя. 2-е изд., перераб. и доп. Красноярск, 1975. / стр.199-200.
• Красноярцы — герои Отечественной войны. Красноярск, 1959. / стр.302.