Россия науказының кӱні

Рувики тiп сайттаң
Россиядағы наука кӱні
Наукалар академиязының 275 чылына сығарылған Россия Банкының тимір ахчазы
Наукалар академиязының 275 чылына сығарылған Россия Банкының тимір ахчазы
Тӧстелген 1999 чылда Россия наукалар академиязының 275 чылына чарыдылған президент чахиинаң
Тӧстегҷі Россия президенті Б. Н. Ельцин
Таныхталчатхан орны чыл сай
Кӱні 8 февральда
Палғалыстығ Совет науказының кӱнінең

Россия науказының кӱні — 1999 чылның хандых айының 7-ҷі кӱнінде Россия президенті Б. Н. Ельцин чахиинаң тӧстелген Россия ӱлӱкӱні[1]. Чыл сай 8 февральда таныхталча. Пастағызын на 1999 чылда Россия наукалар академиязының 275 чылы пайрамналчатхан туста таныхталған.

8 февраль — Россия науказының кӱні

Тархын

Ӱлӱкӱн Петербургтағы наукалар академиязы тӧстелген кӱніне чарыдылған. Наукалар академиязы император I Пётрның 1724 чылның кӱрген айының 28-ҷі кӱнінде (наа оңдайҷа азығ айының 8-ҷі кӱнінде) алылған чахиинаң тӧстелген.

СССР-да Наука кӱні хосхар айының ӱзінҷі позырағында таныхталҷаң. Анзы 1918 чылда хосхар айының 18—25 кӱннерінде Владимир Ленин «Наука-техническай тоғыстар планының кӧрімін» тимнеп салғанынаң палғалыстығ.

Пасха таныхтаҷаң кӱннер

Амғы тусха теере кӧп наука ӧмелері Наука кӱнін «иргі оңдайҷа», хосхар айының ӱзінҷі позырағында, таныхтапчалар (2022 чылда ол кӱн хосхар айының 17-ҷі кӱніне киліс парған)[2].

Ӱлӱкӱннің тӧстелгені

1999 чылдаң сығара Россия науказының кӱні Россия Федерациязының президентінің 1999 чылның хандых айының 7-ҷі кӱнінде алылған чахиинаң чыл сай азығ айының 8-ҷі кӱнінде таныхталча. Ол " Ада чирібіс науказының хазна паза халых тилізіне улуғ хозым иткенін, тархын кибірлеріне тудынчатханын санға алып паза Россия наукалар академиязының 275 чылына чарыдылып таныхталча"[3].

Мероприятиелер

Кӧп наука пірігістері улуғ-кічіглерге пу кӱнге чарыдылған чарыдығлығ мероприятиелер иртірчелер. Оларның санында кӧзідіглер, лекциялар, мастер-класстар, наука-популярнай шоулар паза пасха чӧрімнер апарғаннар Москвадағы хазна университеді, Вконтакте[4], «Курчатовскай институт» НИЦ[5], К. А. Тимирязевтің адынаң Москвадағы аал хонии академиязы[6], В. И. Лениннің адынаң библиотека (Санкт-Петербург)[7], Дарвиновскай музей[8], «Зарядье» парк[9], Алтынзархы Кавказтағы тағ-металлургия институды[10]. Россия Банкы Наука академиязының 275-чылына тимір ахчаларның «Наука» тіп ӧнетін сериязын сығарыбысхан.

Аймах пірігістерде чайаачы ойыннар иртчелер. Кӧзідімге, Казаньдағы культура хазна институдында полған[11]. 2020 чылда Москвадағы Кремль ӧргезінде концерт пайрамни ирткен. Анда чиит учёнайлар сыйыхтатханнар[12]. Самарада 2024 чылда Наукалар академиязының 300 чылына концерт пайрамни ирткен. Губернатор Дмитрий Азаров региондағы учёнайларға сыйыхтар читірген[13].

В. И. Лениннің адынаң библиотекадағы (Санкт-Петербург) «Научно, но не скучно» наука лабораториязы

Россия науказының кӱні Хакасияда

Россия науказының кӱніне чарыдылып, Хакасияда наука паза ӱгредіг пірігістерінің мероприятиелері иртчелер. 2025 чылда Сойан-Сус ГЭС-да техническай наукалар докторы, Сойан-Сус гидроэнергокомплекзінің пастағы генеральнай директоры В. И. Брызгаловтың хумартхы кӱні ирткен[14]. Хакас национальнай гимназияда Россия науказы кӱніне паза Илбек Ада чаа чиңізіне чарыдылған Тиксі Россия синіндегі «Чиңіс ӱчӱн наука» наука диктанты иртче[15].

Алған орын

  1. ↑ Указ Президента Российской Федерации от 07.06.1999 г. № 717, Президент России. Дата обращения: 28 Кӱрген айы 2025.
  2. ↑ Дряхлова, Ирина. День российской науки: как отметят праздник в 2022 году?, Пятый канал (8 Азығ айы 2022). Дата обращения: 28 Кӱрген айы 2025.
  3. ↑ День российской науки.
  4. ↑ 8 февраля - День российской науки: мероприятия от Минпросвещения РФ | Unifirst. unifirst.ru. Дата обращения: 28 Кӱрген айы 2025.
  5. ↑ Мероприятие для детей в рамках празднования Дня Науки 2024 (неопр.). www.pnpi.nrcki.ru. Дата обращения: 28 Кӱрген айы 2025.
  6. ↑ 08 февраля 2024 – Расписание мероприятий ко Дню российской науки, РГАУ-МСХА. Дата обращения: 28 Кӱрген айы 2025.
  7. ↑ Библиотеки Петроградской Стороны (неопр.). pr-cbs.ru. Дата обращения: 28 Кӱрген айы 2025.
  8. ↑ День российской науки в Дарвиновском музее в Москве 2024: билеты и цены, даты проведения, программа, где пройдет и как добраться. Дата обращения: 29 Кӱрген айы 2025.
  9. ↑ kudamoscow.ru. День российской науки в парке «Зарядье» 2024. kudamoscow.ru. Дата обращения: 29 Кӱрген айы 2025.
  10. ↑ Мероприятия ко Дню Российской науки, Северо-Кавказский горно-металлургический институт. Дата обращения: 28 Кӱрген айы 2025.
  11. ↑ Праздничный концерт ко Дню Российской науки. kazan.ruc.su. Дата обращения: 29 Кӱрген айы 2025.
  12. ↑ День российской науки (неопр.). Государственный Кремлёвский Дворец. Дата обращения: 29 Кӱрген айы 2025.
  13. ↑ В Самарской филармонии состоялось торжественное мероприятие ко Дню российской науки и 300-летию РАН. Дата обращения: 29 Кӱрген айы 2025.
  14. ↑ В Хакасии неделя науки открылась Днем памяти Валентина Брызгалова. 19rusinfo.ru. 06.02.2025. Дата обращения: 6 Азығ айы 2025.
  15. ↑ В Хакасии пройдёт первый Всероссийский научный диктант. gazeta19.ru. 06.02.2025. Дата обращения: 6 Азығ айы 2025.

Ссылкалар

. РИА Новости (8 Азығ айы 2022). Дата обращения: 8 Азығ айы 2022.

Алған орны - https://kjh.ruwiki.ru/w/index.php?title=Россия_науказының_кӱні&oldid=145784