Кадрлар тоғынҷызының кӱні
| Кадрлар тоғынҷызының кӱні | |
|---|---|
 | |
| Тип | Профессия |
| Закон хоостыра | хазна синіндегі нимес |
| Тӧстелген | 2005 чыл |
| Таныхталчатхан орны | чыл сай |
| Кӱні | 24 май, 12 октябрь |
| Палғалыстығ | Россия МВД-наң |
Кадралар тоғынҷызының кӱні (орыс. День ка́дрового рабо́тника) — кізілерні тоғысха аларынаң айғасчатхан, істеніс киреенда аймах сурығлар пӧкчеткен тоғынҷыларның ӱлӱкӱні. Россияда хазна синінде пічікке кирілбеен, 24 майда паза 12 октябрьда таныхталча.
Тархын
Кӱннернің ікізі танығлығ тархын пічіктерінең палғалыстығлар. 24 майда 1835 чылда тоғыс пирчеткен кізілернің паза тоғынҷыларның аразындағы теелістеңер пастағы регламент чарых кӧрген. Ол «Фабрика заведениелерінің ээлері паза оларзар тоғысха кірчеткен кізілер аразындағы теелістеңер» постановление полған[1].
12 октябрьда 1918 чылда Чон комиссариады «Совет тоғысчы-кресен милициязын тӧстирінеңер Инструкцияны» алған. Іди милицияда кадрларнаң айғасчатхан пастағы тоғынҷылар пол килгеннер[2].
«Кадр специализі» термин СССР-да пол килген: андағ тоғынҷылар істеніс кинделерін толдырғаннар, кізілернің киректерін апарғаннар паза тоғынҷыларның істеніс законодательствозы чуртасха кирілері ӱчӱн нандырғаннар.
2005 чылда Тиксі Россиядағы кадрлар конгрезінде Кадрлар тоғынҷызының кӱні тӧстелген, аны 24 майда таныхтир чарадығ алылған. Ол прай отрасльларны кирген. 12 октябрьда профессия кӱнін иң пурнада МВД-ның кадрлар тоғынҷылары таныхтапчалар. Кадрлар тоғынҷызының кӱнін чылда ікі хати таныхтир кибір істеніс киреендегі прай сфераларға теелче[3].
Кадралар тоғынҷылары таныхтапчатхан паза пір кӱні ӱртӱн айының ӱзінҷі чечіме кӱніне килісче. Аны тоғынҷыларнаң устапчатхан специалисттер ле таныхтапчалар.
Хайзы компанияларда кадр тоғынҷыларын компания тӧстелген кӱнде сыйыхтидырлар[4].
Танығлығ кӱннерге тегілек столлар, конференциялар чарыдылчалар.
Профессия
Кадр тоғынҷыларының тоғызына кірче[5]:
- істеніс кинделерін апарары паза хайраллиры;
- должность инструкцияларын тимнирі;
- істеніс кинделерін паза тоғынҷыларның пос карточкаларын толдырары;
- компанияның кадрлар политиказын пӱдірері паза кирері;
- кадрлар резервін пӱдірері; ӱгредігні, пасха профессияа ӱгренерін, тоғынҷыларның квалификациязын ӧскірерін тимнирі;
- отпуск изерізін паза тоғынҷыларның расписаниезін пӱдірері;
- командировкаларның, больничнайларның, декреттернің пічіктерін тимнирі;
- істеніс законодательствозы толдырылчатханын хайығда тудары.
Ӱгредіг заведениелері
2024 чылның танығларынаң, кадрлар тоғынҷыларын тимнепчеткен Россияның иң артых 10 вузы санына кірчелер:[5]:
- Санкт-Петербургтағы хазна университеді (СГПУ);
- В. Я. Гориннің адынаң Белгородтағы хазна аграрий университеді;
- Тувадағы хазна университеді;
- Россиядағы чон хонии паза хазна службазының академиязы;
- Кемеровтағы хазна университеді;
- Россиядағы наа университет;
- Сибирьдегі бизнес паза искіріг технологияларының институды;
- Ставропольедегі хазна аграрий университеді;
- Ӱстӱнзархы Уралдағы хазна университеді;
- Тюменьдегі хазна университеді.
Алған орын
- ↑ Елена Слободян. Почему в России День кадровика отмечают дважды?, Аргументы и Факты (24 мая 2014). Дата обращения: 6 Сілкер айы 2024.
- ↑ Арина Романова. День кадровика 2024: какого числа, история и традиции праздника, Комсомольская правда. Дата обращения: 6 Сілкер айы 2024.
- ↑ 24 мая — День кадрового работника: история и традиции праздника, Известия (23 Сілкер айы 2023). Дата обращения: 6 Сілкер айы 2024.
- ↑ Двойной профессиональный праздник: день кадровика в России. Profkadrovik.ru. Дата обращения: 6 Сілкер айы 2024.
- ↑ 1 2 Рудакова Анна. День кадровика 2024: когда отмечается в России. Кадровое дело (24 Хосхар айы 2024). Дата обращения: 5 Хандых айы 2024.