Радио кӱні
Тузаланылған материаллар
| Радио кӱні | |
|---|---|
 | |
| Кӱні | Сілкер айының 7-ҷі кӱні |
 Медиафайлы на РУВИКИ.Медиа | |
Радио кӱні — Россияда 7 майда чарытхы палғалызының прай отрасльларының тоғынҷыларының ӱлӱкӱні (профессиональнай ӱлӱкӱн) [1]. Пу кӱнде 1895 чылда радионы сағын таап иткені саналча[2]. СССР-да СССР-ның Совнаркомының 2 майда 1945 чылда сыххан «А. С. Поповтың радио сағын таап иткеніне 50 чыл толчатханына чарыдылғаны» чарадии хоостыра пічікке кирілген[3]. Анаң 1 октябрьда 1980 чылда сыххан СССР-ның Ӧӧркі Чӧбінің Президиумының чахии хоостыра, «Радио кӱні, палғалыстың прай отрасльларының тоғынҷыларының ӱлӱкӱні» адал сыххан[4].
Россиядаң пасха[5][6], ідӧк Болгарияда[7], Арменияда[8], Киргизияда[9] паза Беларусь Республикада[10] пічікке кирілген ӱлӱкӱн полча.
Ӱлӱкӱн тархыны
1895 чылда Александр Поповнаң Петр Рыбкин ырахтағы кӱгӱрт разрядтарын таапчатхан тирігні сағын таап алғаннар. Попов аны «грозоотметчик» тіп адап салған [2].
Искірігні таратчатхан системаны 25 апрельде (7 майда) 1895 чылда Орыс физика-химия пірігізінің физика пӧлииндегі чыылиинда чон алнына сығарғаннар [11][12]: кӱгӱртті таныхтапчатхан тиріге кирек источник хости орныхчатхан Герц вибраторы полған. «Об отношении металлических порошков к электромагнитным колебаниям» темаҷа чон алнына сығарылған докладын тоосчатханда, Попов теен: «ізенчем, минің тириим мыннаң мындар тилізе, табырах чарытхы алызығлары хабазиинаң, кирек синніг энергиялығ алызығларның сылтаа табыл парза, сигналларны ырахха тарат полар». Пу кӱн радионы сағын таап иткен кӱн саналча [2].
СССР-да Радио кӱнін пастағызын на 1925 чылда таныхтааннар. Андада радионы сағын таап иткеніне 30 чыл толчатханын пайрамни таныхтааннар [13][14]. Гульельмо Маркони радиоға тӧӧй схеманы идіп, патент алған, соонаң аны тимнир компания тӧстеп алып, саблан парған, пірее публикацияларда аның хозымы ол туста ідӧк санға алылған, че Поповтың иткен кирее ӧӧніне саналған [13]. Олох чылда «Друг радио» журналда Россиядағы радиоинженерлер пірігізінің аарластығ члені Алексей Петровский 7 майны «радисттернің сын ӱлӱкӱнін» идер сағыснаң ӱлескен[15][16].
Радионы сағын таап алғанынаң 40 чыл толчатханы (1935) пайрамни иртірілген. Чарыхха сыххан искіріглерде Поповтың хозымы таныхталған [17]. Он чыл пазынаң Радио кӱні пічікке киріл парған. Совнаркомның 2 майда 1945 чылда сыххан «А. С. Поповтың радио сағын таап иткеніне 50 чыл толчатханына чарыдылғаны» чарадиинда таныхталған[3]:
А. С. Поповтың радио сағын таап иткеніне 7 майда 1945 чылда 50 чыл толчатханына чарыдылғаны хоостыра, ССР-ның Чон комиссарларының чӧбі чарадығ алча: <...>
4. Чонның культура паза политика чуртазында паза хазнаның арачыланызында радионың тузазын санға алып, радио облазында чир-суубыстың наука паза техника киреендегі чидіглерін тарадар пӧгіннең паза чонның аразында радионаң айғазарға хынчатханнарны таныхтир ӱчӱн, 7 майны чыл сай иртірілчеткен «Радио кӱні» ит саларға
.
Андадох А. С. Поповтың адынаң алтын медальын тӧстеп алғаннар[18][19], аны «радио облазындағы саблығ наука тоғыстары паза наа нимелер сағын таап иткені ӱчӱн» читірҷеңнер[3]. Ідӧк «Аарластығ радист» кӧксіндегі танығны, чарытхы палғалызы паза радиотехника специальностьты таллап алған студенттернең аспиранттарға аттығ стипендияларны киргеннер[20][3].
1 октябрьда 1980 чылда сыххан СССР-ның Ӧӧркі Чӧбінің Президиумының чахии хоостыра, ӱлӱкӱн «Радио кӱні, палғалыстың прай отрасльларының тоғынҷыларының ӱлӱкӱні» адал сыххан[4].
Таныхтиры
7 майда Радио кӱнін Россиядағы студенттер, преподавательлер, радиотехниканаң паза коммуникацияларнаң палғалыстығ ӱгредіг заведениелерін тоосханнары, музейлер тоғынҷылары, радионаң айғасчатханнары таныхтапчалар[5][6][1].
Радио кӱнін Болгарияда (болг. Ден на радиото и телевизията[7] 1968 чылдаң сығара[21]), Арменияда[8], Киргизияда[9] паза Беларусь Республикада таныхтапчалар[10], халғанҷызында 2023 чылда, профессиональнай ӱлӱкӱнге чарыдып, пу областьтың тоғынҷыларны, ол санда чарытхы палғалызын хайығда тутчатхан Республикадағы «БелГИЭ» унитарнай предприятиенің тоғынҷыларын сыйыхтааннар[22]. 2009 чылда, ӱлӱкӱнге чарыдып, Google радио кӧрімінҷе дудлны чарыхха сығарған[23].
Россиядағы кибірлер
Екатеринбург
Екатеринбургтағы УГТУ-УПИ радиотехническай факультеттің студенттері, аны тоосханнары паза преподавательлері пу кӱнні чыл сай пайрамни иртірчелер, ӧӧн мероприятиелернің пірсі – факультеттең Александр Степанович Поповтың хумартхы тазына теере кибірліг чӧрізі[24][25][26]. Ӱлӱкӱн неделя тооза таныхталча, аның хоостыра университеттің устағ-пастаа студенттердең пасха, ідӧк ӱгренҷілерні проект киреенең айғазарға кӧӧктірче. Ӱгренчілерге ӱгредіг заведениезінең паза аның ӱгредіг программаларынаң танызар оңдай пирілче. Кибір хоостыра, хумартхы тас арығлалча, 7 майда Радио кӱнінде пайрамнығ программа иртірілче. Чӧріс салютнаң тоозылча[24]. 2020 чылда чыл сай иртірілчеткен чӧріс COVID-19 пандемияның ӱчӱн иртірілбеен, ікі чыл пазынаң пу кибір айландырылған[27].
Пайрамнығ неделя тоозылчатса, студенттернің иң артых проекттерінің кӧзідии иртче: чӱзер тоғыстың аразында 30–40-ча проект таллалча. Кӧзідіге пу отрасльдағы предприятелернің устағҷылары хығырылча. Мындох тоғыс табарға хабасчатхан ярмаркалар иртірілчелер, оларның хоостыра студенттер тоғыс алай практика, стажировка иртер орыннар таап алчалар[24].
Екатеринбургтағы А. С. Поповтың адынаң Радио музейінде танығлығ кӱнде Азых ізіктер кӱнін иртірчелер. Аның хоостыра радионың иділгеніне, тилізіне паза амғы тустағы тузазына чарыдылған тикке экскурсиялар апарылчалар[6].
Таганрог
Таганрогтағы Радиотехника системазының паза устанызының институдында амғы паза полар студенттерге аймах темалар хоостыра мероприятиелер иртірілче: бакалавриатта паза специалитетте ӱгренчеткеннер алнында Студенттер клубының артисттері ойнапчалар, викториналар паза сомнар марығлары иртірілчелер. Ӱгренчілерге ЮФУ-ның ИТА-ның Политехническай музейін кӧріп алар оңдай пирілче[28].
Рязань
Рязаньдағы радиотехническай хазна университедінде Радио кӱнін таныхтир пос кибірлері парохтар: ӱгредіг заведениезінің студенттері паза аны тоосханнары кибірли ӧӧн ӱгредіг корпузының алнында чыылызып, «Попов тірілген!» сӧстернең алғыстасчалар[29][30][31]. 2020 чылда ӱлӱкӱн онлайн-трансляция формадынҷа таныхталған[32].
Москва
[1971 чылда Москвадағы физика-техническай институтта Радио кӱніне чарыдылған радиотехника конструкцияларының паза компьютер программаларының марии ирткен. Анда Радиотехника паза кибернетика факультедінің студенттерінең пасха, ідӧк пу ӱгредіг заведениезінің пасха подразделениелері араласханнар. Чиңісчілер паза сыйыхтығ орыннарға турысханнары стипендияа хоза тӧлеглер паза премиялар алғаннар[33]. Халғанҷы чылларда пу ӱлӱкӱнні иртірерінең Радиотехниканың паза компьютер технологиязының физтех-школазы (ФРКТ) айғасча[34], ол Радиотехника паза кибернетика факультедінің хойнында тӧстелген[35]. Iди, 2023 чылда «Микроконтроллерлер паза радиотехника проектерінҷе марығ» иртірілген[36][37].
Томск
Радио кӱнін Томскта иртірер кибір пасталған 1986 чылда, андада Томсктағы радио паза электроннай техника институды тӧстелген, аның хойнында радиотехническай факультет азылған. Аннаң пеер 7 майда студенттер городтың орамаларынҷа пайрамнығ чӧріс иртірҷеңнер. Город ӱлӱкӱні чіли пічікке кирілген 2001 чылда[38]. Ол адалча «РадиоBOOM» фестиваль[39][40].
1988 чылда паза пір кибір кирілген: пу кӱнде Томсктағы студенттар общежитиенің тоғызынҷы хадылынаң сығара прай иргі тоғынминчатхан электрониканы тастап сыхханнар[41]. Аны «Техническай прогресс» адап салғаннар. Тасталған компьютерлерні, лампа телевизорларын, мониторларны паза пасха техниканы пу киректің кӧрігҷілері апарбазалар, ӱгредіг заведениезінің тоғынҷылары переработкаа ысчалар[42]. 2016 чылда 500 азыра аймах электроника тасталған. Ол пу чӧрімнің рекорды[41].
Томскта Радио кӱнінде ідӧк ТУСУР-ның студенттер городының спорт ачығында кибірли радио ярмарказы иртірілче. Анда факультет чыл сай аймах марығлар иртірче[42][40].
Санкт-Петербург
Кронштадта 1995 чылдаң сығара Поповтың адынаң скверде чыл сай Радио кӱніне чарыдылған митинг иртірілче[43].
Санкт-Петербургта Петроград сариндағы Александр Степанович Поповтың хумартхы тазы алнында чыл сай городтағы мероприятиелер иртчелер, прай палғалыс отрасльының тоғынҷыларын пайрамни таныхтапчалар. Ӱлӱкӱнні Санкт-Петербургтағы электротехническай хазна университеді, ідӧк Санкт-Петербургтағы проф. М. А. Бонч-Бруевичтің адынаң телекоммуникация хазна университеді], А. С. Поповтың адынаң Ӧӧн палғалыс музейі, А. С. Поповтың мемориальнай музей-квартиразы паза пасха халых пірігістері иртірчелер. 2015 чылда мероприятие радионың иділгенінең пеер 120 чыл толчатханына чарыдылған[44].
Пасха ӱлӱкӱннер
Радио кӱнін пу ӱлӱкӱннернең аалҷаастирға чарабас:
- Тиксі тилекейдегі радио кӱні — 13 февральда таныхталча[45];
- Чоннар аразындағы телекоммуникациялар кӱні — 17 майда таныхталча[46];
- Тиксі тилекейдегі радионаң айғазарға хынчатханнарының кӱні — 18 апрельде таныхталча[47];
- Украинаның радио, телевидение паза палғалыс тоғынҷыларының кӱні — 16 ноябрьда таныхталча[48][49];
- Чаа связизінің кӱні —20 октябрьда таныхталча[50].
Культурада
- 24 майда 2001 чылда «Радио кӱні» спектакльның пастағы кӧзідии полған, ӧӧн рольларны «Квартет И» актёрлары толдырғаннар[51][52].
- 2008 чылда Дмитрий Дьяченко режиссёр пу спектакль хоостыра «Радио кӱні» фильмні суурыбысхан[53].
Алған орын
- ↑ 1 2 Зелевич Е. П., Зудков П. И., с. 4.
- ↑ 1 2 3 Берг А. И., с. 8.
- ↑ 1 2 3 4 Постановление СНК СССР от 02.05.1945 N 939 "Об ознаменовании 50-летия со дня изобретения радио А.С. Поповым". КонсультантПлюс. Дата обращения: 29 Кӧрік айы 2024.
- ↑ 1 2 Указ Президиума ВС СССР от 01.10.80 N 3018-X "О праздничных и памятных днях". Контур.Норматив. Дата обращения: 29 Кӧрік айы 2024. Архивировано 18 Кічіг хырлас айы 2020 года.
- ↑ 1 2 День радио. ФКУ «Цифровая культура». Дата обращения: 29 Кӧрік айы 2024.
- ↑ 1 2 3 Музей радио имени А. С. Попова на один день объединил более 100 любителей радио со всей страны. Cвердловский областной краеведческий музей. Дата обращения: 29 Кӧрік айы 2024.
- ↑ 1 2 7 май - Международен ден на радиото и телевизията (болг.). БНТ (7 Сілкер айы 2017). Дата обращения: 29 Кӧрік айы 2024.
- ↑ 1 2 7 мая отмечается День радио. Panorama.am (7 Сілкер айы 2012). Дата обращения: 29 Кӧрік айы 2024.
- ↑ 1 2 Сегодня — профессиональный праздник День радио и работников связи. Национальная Телерадиовещательная корпорация Кыргызской Республики (7 Сілкер айы 2021). Дата обращения: 29 Кӧрік айы 2024.
- ↑ 1 2 Поздравление с Днем работников радио, телевидения и связи. Пресс-служба Президента Республики Беларусь (7 Сілкер айы 2023). Дата обращения: 29 Кӧрік айы 2024.
- ↑ Из истории изобретения и начального периода развития радиосвязи, с. 11.
- ↑ 50 лет радио, с. 10.
- ↑ 1 2 Борисова Н. А., с. 99.
- ↑ 7 мая в нашей стране отмечается День радио. Об истории изобретения радио. Российское историческое общество (7 Сілкер айы 2023). Дата обращения: 29 Кӧрік айы 2024.
- ↑ Меркулов В. Д. Первые радиолюбительские журналы. Виртуальный компьютерный музей. Дата обращения: 29 Кӧрік айы 2024. Архивировано 8 Улуғ хырлас айы 2021 года.
- ↑ 7 мая — День радио! Журнал «Электросвязь» (30 Хосхар айы 2020). Дата обращения: 29 Кӧрік айы 2024.
- ↑ Борисова Н. А., с. 103.
- ↑ Золотая медаль имени А.С. Попова. РАН. Дата обращения: 29 Кӧрік айы 2024.
- ↑ Золотая медаль имени А.С. Попова - Медали. Федеральное государственное бюджетное учреждение науки Физический институт имени П. Н. Лебедева Российской академии наук. Дата обращения: 29 Кӧрік айы 2024.
- ↑ Попов А.С. – изобретатель радио. Санкт-Петербургский государственный электротехнический университет «ЛЭТИ» им. В.И.Ульянова (Ленина) СПбГЭТУ «ЛЭТИ». Дата обращения: 29 Кӧрік айы 2024.
- ↑ Боряна Райчева. Международен ден на радиото и телевизията (болг.). eurocom.bg. Дата обращения: 29 Кӧрік айы 2024.
- ↑ Награды к профессиональному празднику – Дню работников радио, телевидения и связи. Республиканское унитарное предприятие по надзору за электросвязью «БелГИЭ» (5 Сілкер айы 2023). Дата обращения: 29 Кӧрік айы 2024.
- ↑ Alexander Popov’s Invention of the Radio. Google.com (7 Сілкер айы 2009). Дата обращения: 29 Кӧрік айы 2024. Архивировано 8 Хандых айы 2021 года.
- ↑ 1 2 3 День радио 2022. УрФУ им. первого Президента России Б. Н. Ельцина. Дата обращения: 29 Кӧрік айы 2024.
- ↑ Незабудка. Коммерсантъ (1 Сілкер айы 2017). Дата обращения: 29 Кӧрік айы 2024.
- ↑ В Екатеринбурге шествие радиофаковцев к памятнику Попову возглавит Виктор Кокшаров. Комсомольская правда (7 Сілкер айы 2010). Дата обращения: 29 Кӧрік айы 2024.
- ↑ Елена Аносова. Пенная вечеринка удалась! В Екатеринбурге весело помыли памятник изобретателю радио. e1.ru (6 Сілкер айы 2022). Дата обращения: 29 Кӧрік айы 2024.
- ↑ День радио с ИРТСУ. ИРТСУ ЮФУ. Дата обращения: 29 Кӧрік айы 2024.
- ↑ В День радио сообщество Радиоуниверситета почтило память А. С. Попова. Рязанские ведомости (7 Сілкер айы 2023). Дата обращения: 29 Кӧрік айы 2024.
- ↑ Марина Фокина. "Попов воскрес!!!". МК в Рязани (7 Сілкер айы 2010). Дата обращения: 29 Кӧрік айы 2024.
- ↑ 7 мая – День Радио – наш праздник. Рязанский государственный радиотехнический университет имени В.Ф. Уткина (7 Сілкер айы 2019). Дата обращения: 29 Кӧрік айы 2024.
- ↑ Рязанский радиоуниверситет отметит День радио онлайн. Аргументы и факты (6 Сілкер айы 2020). Дата обращения: 29 Кӧрік айы 2024.
- ↑ День Радио. Московский физико-технический институт. Дата обращения: 29 Кӧрік айы 2024.
- ↑ Конкурс радиотехнических конструкций "День радио - 2019". Московский физико-технический институт (государственный университет) (7 Сілкер айы 2019). Дата обращения: 30 Кӧрік айы 2024.
- ↑ Физтех-школа радиотехники и компьютерных технологий. ФРТИ. Дата обращения: 30 Кӧрік айы 2024.
- ↑ День Радио! ФРКТ (7 Сілкер айы 2023). Дата обращения: 30 Кӧрік айы 2024.
- ↑ День Радио. ФРКТ (23 Сілкер айы 2023). Дата обращения: 30 Кӧрік айы 2024.
- ↑ 7 мая – День Радио. Федеральное государственное бюджетное образовательное учреждение высшего образования «Томский государственный университет систем управления и радиоэлектроники» (6 Сілкер айы 2009). Дата обращения: 29 Кӧрік айы 2024.
- ↑ Анастасия Андрюхова. Летающие мониторы, мини-шествие и много улыбок: как ТУСУР отметил День радио. ООО «Редвикс Медиа» (7 Сілкер айы 2023). Дата обращения: 29 Кӧрік айы 2024.
- ↑ 1 2 Ярмарка, парад факультетов и концерт: ТУСУР отметит День радио. Федеральное государственное бюджетное образовательное учреждение высшего образования «Томский государственный университет систем управления и радиоэлектроники» (3 Сілкер айы 2023). Дата обращения: 29 Кӧрік айы 2024.
- ↑ 1 2 В 2016 году в День радио студенты ТУСУРа планируют установить рекорд Гиннеса по сбросу с высоты старой техники. Томский государственный университет систем управления и радиоэлектроники. Дата обращения: 29 Кӧрік айы 2024. Архивировано 1 Улуғ хырлас айы 2017 года.
- ↑ 1 2 Анастасия Кирсанова. Мини-шествие, сброс техники из окон и концерт известной группы: как ТУСУР отметит День радио. ООО «Редвикс Медиа» (3 Сілкер айы 2023). Дата обращения: 29 Кӧрік айы 2024.
- ↑ 7 мая в 12.00 в сквере имени А.С. Попова состоится митинг, посвященный Дню Радио. Администрация Санкт‑Петербурга (5 Сілкер айы 2016). Дата обращения: 29 Кӧрік айы 2024.
- ↑ 120-летие изобретения радио А.С. Поповым. Центральный музей связи имени А. С. Попова. Дата обращения: 29 Кӧрік айы 2024.
- ↑ 13 февраля — Всемирный день радио. ООН. Дата обращения: 29 Кӧрік айы 2024. Архивировано 22 Улуғ хырлас айы 2016 года.
- ↑ Наименее развитые страны нуждаются в цифровых инвестициях. ООН. Дата обращения: 29 Кӧрік айы 2024.
- ↑ Всемирный день радиолюбителя отмечают 18 апреля. Наука.рф (18 Хосхар айы 2023). Дата обращения: 29 Кӧрік айы 2024.
- ↑ Украина отмечает День работников радио, телевидения и связи. РИА Новости (16 Кічіг хырлас айы 2004). Дата обращения: 29 Кӧрік айы 2024.
- ↑ Протокол. Коммерсантъ (17 Кічіг хырлас айы 2005). Дата обращения: 29 Кӧрік айы 2024.
- ↑ Алексей Лапшин. День военного связиста отмечается 20 октября. Парламентская газета (20 Чарыс айы 2023). Дата обращения: 29 Кӧрік айы 2024.
- ↑ 24 марта 2001 года состоялась премьера спектакля "День Радио". Информационный портал "Новый ракурс" (24 Кӧрік айы 2018). Дата обращения: 29 Кӧрік айы 2024.
- ↑ День Радио. Театр "Квартет И". Дата обращения: 29 Кӧрік айы 2024.
- ↑ День радио (2008). Кинопоиск. Дата обращения: 29 Кӧрік айы 2024.
Литература
50 лет радио: научно-технический сборник / под редакцией А. Д. Фортушенко. — М.: Государственное издательство литературы по вопросам связи и радио, 1945. — 382 с.- Берг А. И. Изобретатель радио А. С. Попов // Электричество. — 1945. — Май (№ 5).
- Борисова Н. А. Отечественные разногласия о приоритете А. С. Попова в изобретении радио // Terra Linguistica. — 2019. — № 2. — С. 98—111.
- Зелевич Е. П., Зудков П. И. «Отец радио» Александр Степанович Попов (к 150-летию изобретателя радио) // T-Comm. — 2009. — № S-DSPA. — С. 4—8.
- Из истории изобретения и начального периода развития радиосвязи: Сб. док. и материалов / Под. ред. проф. В. Н. Ушакова. — СПб.: Изд-во СПбГЭТУ «ЛЭТИ» им. В. И. Ульянова (Ленина), 2008.