Гражданскай авиация тоғынҷызының кӱні

Рувики тiп сайттаң
Гражданскай авиация тоғынҷызының кӱні
День работников гражданской авиации.jpg
Тип Профессия
Кӱні Азығ айының 9-ҷы кӱні
Кибiрлер пайрамни иртчеткен чыылығлар, сыйыхтааны, конференциялар, ветераннарнаң тоғазығлар, кӱннең палғалыстығ кӧзідіглер

Гражданскай авиация тоғынҷызының кӱні (орыс. День рабо́тника гражда́нской авиа́ции) — Россиядағы гражданскай авиацияның прай специалисттерінің профессия ӱлӱкӱні. Чыл сай азығ айының 9-ҷы кӱнінде таныхталча[1][2][3].

Тархын

1923 чылның азығ айының 9-ҷы кӱнінде СССР-ның Ӏстеніс паза Арачыланыс Чӧбі «Гражданскай авиацияҷа Чӧпті тимнирінеңер» паза «Кии флодының ӧӧн устанызына кии линияларына техническай кӧрісті пир саларынаңар» чарадығны алыбысхан. Ол пічіктер хазнаның гражданскай кии флодын тӧстеҷең паза тилітчең право тӧстее полыбысханнар[4].

Россиядағы гражданскай авиациянын тархыны  (орыс) (рус.

1923 чылның хандых айында Москваны паза Нижний Новгородты палғалыстырчатхан тӧреміл иртчеткен пастағы істіндегі авиалиния азылған. 1932 чылда пірге «Аэрофлот» авиапредприятие тӧстелген, 1964 чылда — СССР-ның Гражданскай авиация министерствозы  (орыс) (рус..

Ан-10А пассажир самолёды парҷаң аэропортсар читкен, 1961 чыл

Гражданскай авиация тоғынҷызының кӱні пічік хоостыра Россия Федерациязының Президентінің 2013 чылның азығ айының 9-ҷы кӱнінде сыххан 98 № чахиинаң чарадылған[1][5].

2023 чылда Россияның гражданскай авиациязы 100 чылын таныхтабысхан[6][7].

Гражданскай авиацияа 100 чыл толчатханына чарыдылған хумартхы тасты Москвадағы Ходынскай чазыда асханы

Аэрофлотнаң палғалыс

Гражданскай авиация тоғынҷызы кӱні СССР-да ӱр тус полған Аэрофлот кӱнінең палғалыстығ. Пу профессия ӱлӱкӱні 1979 чылда тӧстелген паза чыл сай азығ айының ікінҷі позырағында таныхталҷаң. Аның пічік статузы 1988 чылға теере хайраллалған, андада чахығ хоостыра ол Кии флоды кӱнінең піріктірілген, гражданскай паза чаа авиациязының тоғынҷыларының пірге ӱлӱкӱні пол парған[8].

Гражданскай авиацияның специалисттеріне алынҷа профессия ӱлӱкӱні 2013 чылда айландырылған. Ол кирек Россияда гражданскай авиацияның пічік хоостыра тӧстелгеннең пеер 90 чыл толчатханына киліс парған.

Таныхтаҷаң кибірлер

Гражданскай авиация тоғынҷызының кӱні пічік хоостыра кӧріл парған оңдайнаң паза корпоратив мероприятиезі чіли иртче[7].

Кибірли чыылығлар паза сыйыхтас чӧрімнері пайрамни иртчелер, анда Россия Федерациязының Транспорт министерствозы, Кии транспортының федеральнай агентствозы  (орыс) (рус. (Росавиация) паза авиакомпанияларның устағҷылары иң чахсы тоғынҷыларны чеестепчелер[2]. Артығын кӧзіткен специалисттерге хазна паза ведомство сыйыхтары, ол санда кӧксіне хаптырылчатхан «Кии транспортының отличнигі» танығ, читірілче[9].

Ӱлӱкӱннің улуғ чардығына отрасльнаң палғалыстығ конференциялар паза тегілек столлар кірчелер, анда гражданскай авиацияның тилізінҷе, учуғыстарның хорғыс чох поларын ӧскірерінҷе, саннығ технологиялар кирерінҷе, региондағы марштрут сетьін алғыдарынҷа паза квалификациялығ тоғынҷыларны тимнирінҷе кирек сурығлар ӱзӱрілчелер.

Пу кӱнде гражданскай авиация ветераннарына алынҷа хайығ салылча. Авиация ӱгредіг заведениелерінде курсанттар опыттығ кізілернең тоғасчалар, специалист полар кізілерге азых ізіктер кӱннері иртірілче[2].

Авиация музейлері Россиядағы кии флодының тархынына чарыдылған кӧзідіглер асчалар[9].

Алған орын

  1. ↑ 1 2 9 февраля — День гражданской авиации в России: история, традиции, поздравления, Известия (9 Азығ айы 2026). Дата обращения: 17 Азығ айы 2026.
  2. ↑ 1 2 3 Юлия Осокина. Не только крылья: без них самолёт не взлетит, Рамблер/карьера (7 Азығ айы 2026). Дата обращения: 17 Азығ айы 2026.
  3. ↑ 9 февраля в России отмечают День гражданской авиации, Парламентская газета (9 Азығ айы 2021). Дата обращения: 17 Азығ айы 2026.
  4. ↑ НП ИнфоРост. Электронная библиотека исторических документов (ЭБИД) | Постановление Совета Труда и Обороны. О возложении технического надзора за воздушными линиями на Главное Управление воздушного флота и об организации Совета по гражданской авиации. 9 февраля 1923 г. docs.historyrussia.org. Дата обращения: 17 Азығ айы 2026.
  5. ↑ Указ Президента РФ от 09.02.2013 N 98 "О Дне работника гражданской авиации". base.garant.ru (9 Азығ айы 2013). Дата обращения: 17 Азығ айы 2026.
  6. ↑ 100 лет гражданской авиации России. rostec.ru (9 Азығ айы 2023). Дата обращения: 17 Азығ айы 2026.
  7. ↑ 1 2 Торжественный вечер по случаю 100-летия гражданской авиации России, Президент России (9 Азығ айы 2023). Дата обращения: 17 Азығ айы 2026.
  8. ↑ 20 августа — День Воздушного флота России. Вольская жизнь (20 Орғах айы 2023). Дата обращения: 17 Азығ айы 2026.
  9. ↑ 1 2 Беседа «День гражданской авиации России», Культура.РФ. Дата обращения: 17 Азығ айы 2026.

Ссылкалар

Алған орны - https://kjh.ruwiki.ru/w/index.php?title=Гражданскай_авиация_тоғынҷызының_кӱні&oldid=148824