Садығ тоғынҷызының кӱні
| Садығ тоғынҷызының кӱні | |
|---|---|
 Ас-тамах садығ туразының садығҷызы | |
| Тип | Профессия |
| Тӧстелген | 2013 чылның сілкер айының 17-ҷі кӱні |
| Таныхталчатхан орны | чыл сай |
| Кӱні | от айының тӧртінҷі чечімезі |
| Палғалыстығ | садығ |
Садығ тоғынҷызының кӱні (орыс. День работника торговли) — чыл сай от айының тӧртінҷі чечімезінде садығ киреенің тоғынҷылары таныхтапчатхан ӱлӱкӱн.
Ӱлӱкӱннің ӧӧн пӧгіні садығ тоғынҷыларының тоғызын таныхтиры, оларның профессия кирее ӱчӱн алғыстасты читірері, садығ хазнаның экономиказының кирек чардығы полчатханын кӧзідері полча.
Ӱлӱкӱннің тархыны
Садығ тоғынҷыларының кӱні пастағызын 1966 чылда CCCР-ның Ӧӧркі Чӧбінің Президиумының Чахиинаң тӧстелген[1]. Андада аны от айының халғанҷы позырағында таныхтааннар[2].
1988 чылның кічіг хырлас айының 1-ғы кӱнінде наа чахығ алылған, аның хоостыра Садығ тоғынҷыларының кӱнін Чурт-коммунальнай хоных паза чонның чуртас оңдайларын иптепчеткен тоғынҷыларның кӱнінең піріктірібіскеннер[3]. Іди садығ, чурт-коммунальнай хоных, чонның чуртас оңдайларын иптеҷең тоғынҷыларның кӱні пол килген. Аны чыл сай кӧрік айының ӱзінҷі позырағында таныхтирға чарадығ алылған[4].
2013 чылда ӱлӱкӱн ікі алынҷа чарылған. Ӱлӱкӱнні таныхтаҷаң кӱн Россия президентінің чахиинаң кирілген, от айының тӧртінҷі чечімезі полыбысхан[5]. ЖКХ паза чонның чуртас оңдайларын иптеҷең тоғынҷыларның кӱнін кӧрік айының ӱзінҷі позырағында артыс салғаннар[6].
Кибірлер
Садығ тоғынҷызының кӱнін пу тоғысха теелчеткен прай кізілер таныхтапчалар — садығҷылар, кассирлер, пос идінҷектер, менеджерлер, товароведтер, консультанттар паза пасха специалисттер. Кибірли пӱ кӱнде тоғынҷыларны оларның істенізі ӱчӱн алғыстапчалар. Кізілер садығ киреенең айғасчатхан туған-чағыннарынаң, нанҷыларынаң хада тоғасчалар, телефон пастыра алғыстасчалар[7].
Садығ тоғынҷыларының кӱнінде кибірли пай стол салылча, пайрамнар иртчелер. Анда садығ тоғынҷылары, ЖКХ, чонның чуртас оңдайларын иптеҷең тоғынҷылар, туған-чағыннар паза нанҷылар араласчалар.
Иң артых тоғынҷыларға аарластығ пічіктер, алғыстас пічіктері, сыйыхтар пирілчелер. Ӱлӱкӱнге чарыдылып, тоғынҷыларға сыйыхтар читірілчелер, корпоративтер иртірілчелер[8].
Ӱлӱкӱн СНГ-ның пасха хазналарында таныхталча[9].
Палғалыстығ ӱлӱкӱннер
Сілкер айының ікінҷі чечімезінде Тиксі тилекейдегі сын садығ кӱні таныхталча (англ. World Fair Trade Day)[10].
Кӧрік айының 15-ҷі кӱнінде — ООН тӧстеен Потребительлернің праволарын хайраллаҷаң тиксі тилекейдегі кӱн (англ. World Consumer Rights Day).
Тархын танығлары
- Ортын чӱс чылларда садығнаң ӧӧнінде иреннер айғасчаңнар, че амғы туста пу тоғыста кӧп сабазын ипчілер істенчелер.
- Пурунғы Русьтың ӧӧн садығ чолы «из варяг в греки» адалған[11]. Славяннар тирелер, мёд сатчаңнар, алҷаңңар, тізең, исті, сӱлейкені паза аарлығ тастарны.
- XVII чӱс чыл пасталғанҷа Москвадағы Хызыл площадь Торг адалған. Пу саблығ орын полған[12].
- 1893 чылның улуғ хырлас айында хызыл площадьта Ӱстӱндегі садығ рядтары азылған (амғы ГУМ — Европаның иң килкім чабых садығ орамазы)[13].
Алған орын
- ↑ 22 июля — День работника торговли в России: когда отмечается и кто празднует. «МИЦ «Известия» (21 От айы 2023). Дата обращения: 24 От айы 2025.
- ↑ День работника торговли. Федеральная служба государственной статистики. Дата обращения: 24 От айы 2025.
- ↑ 26 июля — День работника торговли: красивые поздравления. Известия (9 От айы 2024). Дата обращения: 24 От айы 2025.
- ↑ Указ Президиума ВС СССР от 01.11.1988 О внесении изменений в Законодательство СССР о праздничных и памятных днях. Портал "Сейчас.ру". Дата обращения: 24 От айы 2025.
- ↑ Указ Президента РФ от 7 мая 2013 г. N 459 "О Дне работника торговли". Информационно-правовой портал "ГАРАНТ.РУ" (20 Сілкер айы 2013). Дата обращения: 24 От айы 2025.
- ↑ О празднике "День работников торговли, бытового обслуживания населения и жилищно-коммунального хозяйства". Министерство труда и социальной защиты Российской Федерации (27 Кӧрік айы 2020). Дата обращения: 24 От айы 2025.
- ↑ 22 июля — День работника торговли. Информационный центр "Вольская жизнь" (22 От айы 2023). Дата обращения: 24 От айы 2025.
- ↑ Департамент экономического развития Курганской области. Департамент информационных технологий и цифрового развития Курганской области. Дата обращения: 24 От айы 2025.
- ↑ День работников торговли. ГУ "Республиканская научно-техническая библиотека". Дата обращения: 24 От айы 2025.
- ↑ Ульяна Светачева. День работников торговли в 2024 году: история и традиции праздника. Комсомольская правда. Дата обращения: 24 От айы 2025.
- ↑ Татьяна Григорьева. Кто инициировал путь "из варяг в греки"? Портал «Культура.РФ». Дата обращения: 24 От айы 2025.
- ↑ Красная площадь. История. История Москвы. Дата обращения: 24 От айы 2025.
- ↑ История ГУМа. ГУМ. Дата обращения: 24 От айы 2025.
