Пиво пызырҷаң устың кӱні
| Пиво пызырҷаң устың кӱні | |
|---|---|
 | |
| Тип | Профессия |
| Тӧстелген | 2003 |
| Таныхталчатхан орны | чыл сай |
| Кӱні | хандых айының ікінҷі чечімезі |
| Палғалыстығ | пиво пызырарынаң |
Пиво пызырҷаң устың кӱні (орыс. День пивова́ра) — Россияда чыл сай хандых айының ікінҷі чечіvезінде таныхталчатхан ӱлӱкӱн.
Пайрамның ӧӧн пӧгіні — Россиядағы пиво пызырҷаң кибірлерні тӧстирі, пиво пызырҷаң устарның профессиязын кӧдірері, хазнада пиво ісчең культураны тилідері.
Ӱлӱкӱннеңер
Тархын
Пиво пызырҷаң устың кӱні Санкт-Петербургта Россиядағы Пиво пызырҷаң устар пірігізі чӧбінің чарадиинаң 23 январьда 2003 чылда тӧстелген[1]. Пу парыс идерге кӧрілбеен пірігіс пивоны паза изірткізі чох ниме-нооларны сығарчатхан кізілерні піріктірче. Пірігіске кічіг паза килкім пиво пызырҷаң предприятиелер кірчелер.
Россияда пиво пызырҷаң устың кӱні чыл сай хандых айының ікінҷі чечіме кӱнінде таныхталча. Ол пічікке кирілбеен, хазна синінде таныхталбинча, че ол профессиялығ кізілер аразында алғым иртірілче[2].
Кибірлер
Россиядағы пиво пызырҷаң устарның профессия кӱні ӱр ниместе таныхтал сыххан, че ол тоғыснаң айғасчатхан кізілер пос киреен ӧткін тилітчелер. Пу кӱн пиво сығарчатхан заводтар прай кізілерге ізіктерін асчалар, экскурсиялар, пос темазынҷа конференциялар, семинарлар, фестивальлар, марығлар пасха даа чӧрімнер иртірчелер[3].
Кибірли предприятиелерде иң артых тоғынҷыларны аарлап-чеестепчелер, культура, спорт мероприятиелерін иртірчелер. Устағҷылар тоғынчыларын алғыстап, премияларнаң сыйыхтарны читірчелер. Ӱлӱкӱн алнынҷа конференциялар, экскурсиялар, кӧзідіглер иртірчелер[4].
Ӱлӱкӱн = «Кізілерні пиво нимес, че суғ чох итче» девизче иртче[3].
Профессияның саблығ кізілері
Николай Синебрюхов пай садығҷы-пиво пызырҷаң ус полған, ол XIX чӱс чылда тоғынған. Финляндияда «Sinebrychoff» тіп пос заводын тӧстеп алған, че орындағы чон аның адын адап полбинчатхан ӱчӱн, ол «Koff» ат чіли саблан парған.
Иван Дурдин ідӧк XIX чӱс чылда чуртаан олаңай орыс кресен полған. Хул полған туста, ээзі чаратхан соонда, Москвазар тоғыс соонҷа парған. Москвадағы пиво пызырҷаң устарның пірігізінде тоғыс тапхан. Ӱс чыл кӱстіг тоғынған соонда, Дурдин ахча чыып алып, позын паза сӧбірезін хулдаң осхырған. Пастап олаңай садығҷы полған, анаң Санкт-Петербургтағы пиво заводының устағҷызы, анаң аның ээзі полыбысхан. Он пис чылға пос пиво империязын тӧстеп алған.
Иван Дурдин-кічии Ивана Дурдиннің пархазы полған, ол ағазының кибірлерін узаратхан. Рыбинскте пиво пызырҷаң «Богемия» заводты тӧстеп, сӧбіре империязын алғытхан. Ол ідӧк «Каульбахское» тіп пиво сортын сағынып алған.
Тархын танығлары
- Пурунғы Вавилонда тадылығ нимес пивоны пызырған устарны хомай пызырылған пивода паттырҷаңнар.
- Пурунғы Египетте пиво хынған суғлар санында полған, ідӧк киртініснең палғалыстығ ритуалларда паза имнег киреенде тузаланылҷаң. Египеттегі чон нинҷе-нинҷе аймах пиво пызырҷаң, ол санда тадылығ паза ачығ сорттарны. Пивонаң тайығда тузаланҷаңнар.
- Ортын чӱс чыллардағы Европада монастырьлар пиво пызырҷаң кирекке улуғ хозым иткеннер. Іди монахтар аны пызырып, аймах оңдайларнаң тузаланғаннар. Пиво итчеткен монастырьлар ам даа парлар[5].
- Наа Светте, колониялығ Америкада, арығ суғ асхынахтаңар пиво кирек суғларның санында пол парған. Пиво пызырҷаң кирек табырах тиліп турған, Америкада пастағы пиво пызырҷаң орыннар 1600 чылларда пол килгеннер[6].
- II Екатеринаның пивоның хынған сорттарының пірсі хатығ харасхы эль полған, соонаң аны Император стауты чіли пілҷеңнер. Англиядағы пиво пызырҷаң устар ол сортты Россиязар ызар пӧгіннең ит сыхханнар. Ол сорт орыс пайлар аразында саблан парған, пӧзік статустың тании пол парған.
Ідӧк кӧріңер
Алған орын
- ↑ Ботякова О.А. День пивовара. Российский этнографический музей. Дата обращения: 22 Сілкер айы 2024.
- ↑ В июне отмечают день пивовара: когда и как появилось производство пива в России. LIFE (10 Хандых айы 2023). Дата обращения: 22 Сілкер айы 2024.
- ↑ 1 2 День пивовара. «Мир космоса». Дата обращения: 22 Сілкер айы 2024.
- ↑ Лена Ефревмова. День пивовара 2024 в России: история и традиции праздника. Комсомольская правда. Дата обращения: 22 Сілкер айы 2024.
- ↑ Vedran Bileta. 8 Facts About the History of Beer You Probably Never Knew (англ.). The Collector (27 Улуғ хырлас айы 2022).
- ↑ Beer Facts: A Guide to the Fascinating History and Science of Beer (англ.). Brew App (23 Улуғ хырлас айы 2022).