Нефть, газ паза топливо промышленнозы тоғынҷыларының кӱні

Рувики тiп сайттаң
Нефть, газ паза топливо промышленнозы тоғынҷыларының кӱні
Радуга над Звёздочкой. Фото Алексея Щекинова.jpg
Тип Светскай, профессия ӱлӱкӱні
Пасха Газовщик кӱні
Тузазы Нефть, газ паза топливо промышленнозы тоғынҷыларын чеестирі
Тӧстелген 1965 чылның орғах айының 28-ҷі кӱні
Тӧстегҷі СССР-ның Ӧӧркі Чӧбінің Президиумы, СССР-ның Ӧӧркі Чӧбі
Кӱні ӱртӱн айының пастағы позырағы[d]
Палғалыстығ нефть, газ, топливо промышленнозынаң

Нефть паза газ промышленнозы тоғынҷыларының кӱні (орыс. Де́нь рабо́тников нефтяно́й и га́зовой промы́шленности) — нефть, газ паза топливо промышленнозы істенҷілерінің чыл сай СССР-да, соонаң Россияда таныхталған, соонаң 1965 чылдаң сығара ӱртӱн айының пастағы позырағында таныхталчатхан профессия ӱлӱкӱні. Аны СССР-ның Ӧӧркі Чӧбінің Президиумы тӧстеп алған.

Тархын

1965 чылда СССР-да нефть анирынҷа устағҷы Н. К. Байбаков  (орыс) (рус. паза Тюменьнің геология устанызының пазы Ю. Г. Эрвье «Большая нефть Тюмени» лекцияның хығырған туста «Нефть паза газ промышленнозы тоғынҷыларының кӱнін» тӧстир чӧпнең сыхханнар[1][2].

1965 чылның орғах айының 28-ҷі кӱнінде А. И. Микоян  (орыс) (рус. СССР-ның Ӧӧркі Чӧбінің Президиумының «„Тиксі Союзтағы Нефть паза газ промышленнозы тоғынҷыларының“ чыл сай таныхталчатхан ӱлӱкӱнін кирерінеңер» Чахиинда хол салған[3][2].

Пу кӱннің ӧӧн пӧгіні нефть, газ паза топливо промышленнозы тоғынҷыларын чеестирі полча.

1980 чылның чарыс айының 1-ғы кӱнінде СССР-ның Ӧӧркі Чӧбінің Президиумы «Нефть паза газ промышленнозы тоғынҷыларының кӱнін» тӧстирге кӧріл парған 3018-Х N «Ӱлӱкӱннердеңер паза танығлығ кӱннердеңер» чахиин чарыхха сығарған. Пайрамнаҷаң кӱнге ӱртӱн айының пастағы позырағы алылған[4].

1988 чылның кічіг хырлас айының 1-ғы кӱнінде СССР-ның Ӧӧркі Чӧбінің Президиумы 9724-XI N «Ӱлӱкӱннердеңер паза танығлығ кӱннердеңер СССР-ның законодательствозынзар тӱзедіглер кирерінеңер» Чахығны чарыхха сығарыбысхан[4].

СССР тузында ағаа кірген республикалар, СССР-ның устағ-пастағ единицалары полып, пу кӱнні хада таныхтаҷаңнар. СССР изел парған соонда, хайзы совет тузы соондағы республикалар пу ӱлӱкӱнні пасха кӱнге чылдырыбысханнар, хайзылары аның адын алыстырыбысханнар, піреезі саңай чох идібіскен.

2006 чылда Россияда СССР-ның Ӧӧркі Чӧбінің Президиумының «Ӱлӱкӱннердеңер паза танығлығ кӱннердеңер» Чахии хатап киречілелген[3].

«Нефть, газ паза топливо промышленнозы тоғынҷыларының кӱнін» Армения, Молдавия, Казахстан, Беларусь Республика паза Киргизия таныхтапчалар[3].

1965 чылның ӱртӱн айының 5-ҷі кӱнінде пастағызын на «Нефть паза газ промышленнозы тоғынҷыларының кӱні» таныхталған[5].

Тоғысчы талайдағы буровой установкада

Палғалыстығ кӱннер

США-да чыл сай «Нефтьтің национальнай кӱні» таныхталча (орғах айының 27-ҷі кӱні)[6].

Россияның палғалыстығ ӱлӱкӱннері[7]:

  • Геолог кӱні (хосхар айының пастағы позырағы);
  • Тимір хабыстырҷаңның кӱні (сілкер айының халғанҷы пис хонығы);
  • Химик кӱні (сілкер айының халғанҷы позырағы);
  • Металлург кӱні (от айының ӱзінҷі позырағы);
  • Шахтёр кӱні (орғах айының халғанҷы позырағы);
  • Машина пӱдірігҷізінің кӱні (ӱртӱн айының халғанҷы позырағы);
  • Энергетик кӱні (улуғ хырлас айының 22-ҷі кӱні).

Мероприятиелер

1965 чылның ӱртӱн айының 5-ҷі кӱнінде Москвада Совет Армиязының Ӧӧн театрында  (орыс) (рус. пастағы «Нефть паза газ промышленнозы тоғынҷыларының кӱні» пайрамнығ чыылығ ирткен[8].

Ӧӧн пайрамнар нефть паза газ промышленнозы тиліпчеткен городтарда иртчелер: Нижневартовскта, Омскта, Новосибирскте, Ачинскте[1].

Мындағ мероприятиелер иртчелер:[1][3]:

  • чахсы тоғынған тоғынҷыларны сыйыхтиры,
  • наука конференциялары,
  • нефть паза газ аныҷаң предприятиелерҷе экскурсиялар,
  • ярмаркалар,
  • кӧзідіглер,
  • конферттер,
  • салюттар.

2021 чылда Тюменьде Вагайскай газ участогындағы ачыхта Культура ӧргезі, Птицкай, Черноковскай паза Зареченскай культура тураларының артисттері концерт иртірібіскеннер[9].

2023 чылда Самарадағы Куйбышев аймаанда Куйбышевтегі нефтьнең тоғынчатхан заводтың волонтёрлары олғаннарға квест иртірібіскеннер[5].

Хызылчарда «РН-Ванкор» («Роснефть» НК-ға кірче) мюзикл ойыны ирткен, анда нефть промышленнозының тоғынҷылары араласханнар[5].

Алған орын

  1. ↑ 1 2 3 Елена Галичевская. Как отметить День нефтяника в 2025 году. secrets.tbank.ru (25 Хандых айы 2025). Дата обращения: 1 Ӱртӱн айы 2025.
  2. ↑ 1 2 День нефтяника 2025: какого числа, история и традиции праздника. Дата обращения: 1 Ӱртӱн айы 2025.
  3. ↑ 1 2 3 4 День нефтяника в России 2025: дата, история и традиции праздника, Lenta.RU. Дата обращения: 1 Ӱртӱн айы 2025.
  4. ↑ 1 2 О внесении изменений в законодательство СССР о праздничных и памятных днях от 01 ноября 1988 - docs.cntd.ru. docs.cntd.ru. Дата обращения: 1 Ӱртӱн айы 2025.
  5. ↑ 1 2 3 День нефтяника в 2024 году, РБК Life. Дата обращения: 1 Ӱртӱн айы 2025.
  6. ↑ День нефтяника 2025: какого числа, история, традиции, интересные факты - Российская газета, Российская газета (30 Орғах айы 2024). Дата обращения: 1 Ӱртӱн айы 2025.
  7. ↑ Толкачева, Ольга. День нефтяника в России в 2025 году: когда поздравлять добытчиков «‎‎черного золота», ВФокусе Mail (7 Орғах айы 2024). Дата обращения: 1 Ӱртӱн айы 2025.
  8. ↑ День работников нефтяной и газовой промышленности в России, РИА Новости (3 Ӱртӱн айы 2023). Дата обращения: 1 Ӱртӱн айы 2025.
  9. ↑ Мини-концерт посвященный дню работников нефтяной, газовой и топливной промышленности. cultura-vagay.ru. Дата обращения: 1 Ӱртӱн айы 2025.

Ссылкалар

Алған орны - https://kjh.ruwiki.ru/w/index.php?title=Нефть,_газ_паза_топливо_промышленнозы_тоғынҷыларының_кӱні&oldid=143109