Нефть, газ паза топливо промышленнозы тоғынҷыларының кӱні
| Нефть паза газ промышленнозы тоғынҷыларының кӱні | |
|---|---|
| В. Филановскийнің адынаң аныҷаң чир В. Филановскийнің адынаң аныҷаң чир | |
| Тип | Профессия ӱлӱкӱні |
| Тӧстелген | СССР-ның ВС-ді |
| Таныхталчатхан орны | Россия Федерациязы |
| Кӱні | 01.10.1980 |
| Таныхталчатхан тузы | чыл сай, ӱртӱн айының пастағы позырағы |
| Кибiрлер | Ӱлгӱ кізілерінің паза устағҷыларның алғыстастары |
Нефть паза газ промышленнозы тоғынҷыларының кӱні (орыс. День работников нефтяной и газовой промышленности) — нефть паза газ промышленнозы істенҷілерінің чыл сай ӱртӱн айының пастағы позырағында таныхталчатхан профессия ӱлӱкӱні.
Нефть паза газ промышленнозы тоғынҷыларының кӱні СССР-ның Ӧӧркі Чӧбі Президиумының 28 августта 1965 чылда сыххан «Тиксі Союзтағы Нефть паза газ промышленнозы тоғынҷыларының» чыл сай таныхталчатхан ӱлӱкӱнін кирерінеңер» чахиинҷа чыл сай ӱртӱн айының пастағы позырағында таныхталча.
Профессия кӱнін таныхтиры СССР-ның Ӧӧркі Чӧбі Президиумының 1 октябрьда 1980 чылда сыххан «Ӱлӱкӱннердеңер паза танығлығ кӱннердеңер» Чахиинда пазылған.
Профессия ӱлӱкӱнінің тархыны 1 октябрьда 1980 чылда пасталча. Андада Советскай Социалистическай Республикалар Союзының Ӧӧркі Чӧбі 3018-Х N «Ӱлӱкӱннердеңер паза танығлығ кӱннердеңер» Чахығ сығарыбысхан, аның хоостыра СССР-да «Нефть паза газ промышленнозы тоғынҷыларының кӱнін» тӧстеп, аны ӱртӱн айының пастағы позырағында иртірерге кӧріл парған.
Прай Советскай Социалистическай Республикалар СССР-ның устағ-пастағ единицалары полып, «Нефть паза газ промышленнозы тоғынҷыларының кӱнін» хада таныхтаҷаңнар. Совет Союзының сайбалғаны соонаң кирек алыс парған. Пос алынҷа полыбызып, хайзы совет тузы соондағы республикалар пу ӱлӱкӱнні пасха кӱнге чылдырыбысханнар, хайзылары аның адын алыстырыбысханнар, піреезі саңай чох идібіскен. Россия Федерациязы, Армения, Молдова Республика, Казахстан, Белоруссия паза Киргизия «Нефть паза газ промышленнозы тоғынҷыларының кӱнін» ӱртӱн айының пастағы позырағында таныхтапча.