Россиядағы страхование тоғынҷызының кӱні
| Страхование тоғынҷызының кӱні | |
|---|---|
| Тип | Россиядағы страхование тоғынҷызының кӱні |
| Кӱні | 6 октябрь |
| Таныхталчатхан тузы | РФ-ның страховой компания кізілері |
| Палғалыстығ | В. И. Ленин Совнаркомның «Хазна ис-пай страхованиезінеңер» (6 октябрьда 1921) декредінде хол салған кӱнінең[1] |
Россиядағы страхование тоғынҷызының кӱні — Россиядағы страховой компаниялар тоғынҷыларының профессия ӱлӱкӱні. Ол чыл сай 6 октябрьда таныхталча.
Страхование тоғынҷызының кӧп сабазы пу кӱнні «Росгосстрах» страховой компанияның ӱлӱкӱніне санапчалар.
Страхование тоғынҷызының кӱнін пічік хоостыра пасха кӱннерде иртірер чӧптер тӧреміл пирілчелер.
Тархын
Россия Федерациязында «Россиядағы страхование тоғынҷызының кӱнін» таныхтир кӱн олаңай ла табылбаан. Пу кӱнде 1921 чылда Россиядағы Советскай Федеративнай Социалистическай Республикада РСФСР-дағы Госстрах (амғы Росгосстрах) тоғынып пастаан. Пу кирек Совет Россиязында страховой кирекнің тӧреен кӱніне саналча[2]. Ӱр тус пу пірігіс СССР-да пу сферада монополист полған, 67 чыл пазынаң 1988 чылдағы «Кооперациядаңар законны» аларынаң хазнаның нимес страховой компаниялары тӧстел сыхханнар[3]. Россияда кӧп страховой компаниялар тоғынчалар, оларда онар муңар тоғынҷы істенче.
Пасха кӱннерде таныхтир чӧптер
Шаблон:Основной источник Россиядағы страхованиенің тиксі тархыны императрица II Екатерина хазнада пастағы страховой институтты тӧстирінеңер манифестте хол салған кӱнінең сығара пасталча.
28 июньда 1786 чылда II Екатерина «Хазна Заемнай Банкын тӧстирінеңер» манифестте хол салған. Аның хоостыра тибіребинчеткен ис-пайға хайди даа страхование идері кирілген. 1786 чылның 23 декабрьындағы «Хазна Заемнай Банкының хойнында „Страховой экспедиции для приема в оной каменных домов, заводов и фабрик“ тӧстирінеңер» манифест хоостыра, Россияда пастағы страховой учреждение тӧстелген. 1797 чылда Россия правительствозы «Страховой контора» азыбысхан. Че страховой киректернің ахчазы читкіҷе полбаан, аннаңар контора 8 чыл пазынаң, 1805 чылда, чабыл парған. 1798-1799 чылларда Россия Империязында удур-тӧдір страхование идізер пірігістер тӧстел кӧрген, олох сылтағнаң ол маңнаныстығ кирек полбаан. Іди Россия страхованиезі тархынының пастағы чардығы тоозыл парған. Ол хазна монополиязынаң таныхталған, аның хоостыра страхование чырғалына кізі капиталын тартар кирексініс табылған. 22 июньда 1827 чылда I Николай «Россиядағы ӧрттең тоғыр страховой пірігісті» тӧстеп алған.
Іди Страхование кӱнін алай Страхование тоғынҷызының кӱнін 28 алай 22 июньда таныхтирына чӧптер кірчелер.
Алған орын
- ↑ Декрет СНК РСФСР от 06.10.1921 «О государственном имущественном страховании»
- ↑ День страховщика 6 октября 2021: история и традиции // Прецедент ТВ. — 2021. — 4 Чарыс айы. — Дата обращения: 21.12.2022.
- ↑ День российского страховщика