Полярник кӱні
| Полярник кӱні | |
|---|---|
 | |
| Тип | Профессия |
| Закон хоостыра | хазна |
| Тӧстелген | 2013 чыл |
| Таныхталчатхан орны |
 Россия |
| Кӱні | Сілкер айының 21-ҷі кӱні |
| Таныхталчатхан тузы | ежегодно |
| Палғалыстығ | пастағы пос чӱсчеткен «Северный полюс-1» полярнай станция азылғанынаң |
Полярник кӱні — полярнай станцияларның тоғынҷыларының, ідӧк Ыраххы Северде паза Антарктикада істенчеткен специалисттернің профессия ӱлӱкӱні. Полярниктер ассоциациязының кӱстенізі хоостыра, РФ-ның Президентінің чахиинаң 21 майда 2013 чылда тӧстелген паза хазна ӱлӱкӱннері санына кирілген[1]. Аны таныхтир кӱн, сілкер айының 21-ҷі кӱні, тынағ кӱніне саналбинча.
Ӱлӱкӱн тархыны
Полярниктер кӱнін таныхтиры чӱсчеткен «Северный полюс-1» станция азылғанынаң палғалыстығ. 1937 чылның сілкер айының 21-ҷі кӱнінде лётчик Михаил Водопьянов Алтынзархы полюстағы пуссар АНТ-6 самолётты одыртып, тӧрт полярникті паза оларның тиріглерің хыстағ орнынзар тӱзірген. Андада Алтынзархы Полюста самолёт пастағызын на одырған, пу киректе тохтатчатхан парашют тузаланылған.
Соонаң пуссар нинҷе-де самолёт одырған, хыстир группаны 45 кізі тимнеен. Халған тӧрт кізі: станция устағҷызы Иван Дмитриевич Папанин, метеоролог паза геофизик Евгений Константинович Фёдоров, радист Эрнст Теодорович Кренкель, гидробиолог паза океанограф Пётр Петрович Ширшов. Станцияның тӧстелген кӱні хандых айының 6-ҷы июнь саналча. Андада прай тиріглерні чыып, экспедицияның хыстаан араласчылары самолёттарнаң нанарға тимненгеннер. Полярник кӱнін Алтынзархы полюссар читкен кӱнде, сілкер айының 21-ҷі кӱнінде, таныхтирға чаратханнар[2].
Ӱлӱкӱнні тӧстирінеңер сурығны кӧдірген Полярниктер ассоциациязының президенті Артур Чилингаров. Федерация Чӧбінің араласчылары 2012 чылның улуғ хырлас айында пу сурығны хайыға алғаннар, 2013 чылның хосхар айында Россия Федерациязының Президентінің кӧні линиязының тузында В. В. Путинге аның хоостыра сурығ пирілген. Президент чаратхан.
Ӱлӱкӱннің кибірлері
Полярник кӱнін 2 миллионҷа Россия чуртағҷызы таныхтапча[3]. Специалисттер санында:
- геологтар;
- гидрографтар;
- океанологтар;
- чааҷылар;
- пӱдірігҷілер;
- гляциологтар.
Ідӧк пу кӱнде Ыраххы Севернің чуртағҷылары таныхтапчалар. Полярниктер ассоциациязы аймах городтарда пайрамнығ мероприятиелер иртірчелер[4]. Тоғазығларны, экскурсияларны Санкт-Петербургтағы Арктика паза антарктика наука-істезіг институды иртіредір[5]. Полярниктернің тоғызынаң палғалыстығ специалисттерні тимнепчеткен ӱгредіг заведениелері пу ӱлӱкӱнні ідӧк таныхтапчалар[6].
Алған орын
- ↑ Указом Президента установлен День полярника. Президент России (21 Сілкер айы 2013). Дата обращения: 14 Сілкер айы 2024.
- ↑ Ирина Карелина. День полярника 2024: история и традиции праздника. Комсомольская правда. Дата обращения: 14 Сілкер айы 2024.
- ↑ Юлия Смирнова. Праздник, который приблизил Арктику к народу. Наука и жизнь (23 Сілкер айы 2013). Дата обращения: 14 Сілкер айы 2024.
- ↑ Анастасия Явтысая. В Москве отметят 10-ю годовщину празднования всероссийского Дня полярника. Ненецкое информационное агентство – 24 (14 Сілкер айы 2023). Дата обращения: 14 Сілкер айы 2024.
- ↑ 21 мая - День полярника! Арктический и антарктический научно-исследовательский институт. Дата обращения: 14 Сілкер айы 2024.
- ↑ 21 мая - Всероссийский день полярника. Котласский филиал ФГБОУ ВО "Государственный университет морского и речного флота имени адмирала С.О. Макарова". Дата обращения: 14 Сілкер айы 2024.