Металлург кӱні
| «Металлург кӱні» | |
|---|---|
 | |
| Тип | профессия ӱлӱкӱні |
| Тӧстелген | СССР-ның Ӧӧркі Чӧбінің Президиумы |
| Таныхталчатхан орны |
 Россия Украина Казахстан Белоруссия |
| Кӱні | 1957 чылда |
| Таныхталчатхан тузы | чыл сай, от айының ӱзінҷі позырығында |
| Кибiрлер | Алғыстастар паза сыйыхтар, пайрамнар, предприятелерде наа тиріглер кирері |
 Медиафайлы на РУВИКИ.Медиа | |
| 17.07.22 |
| 16.07.23 |
| 21.07.24 |
| 20.07.25 |
| 19.07.26 |
Металлург кӱні (орыс. День металлу́рга)— Россияда, Белоруссияда, Украинада, Казахстанда чыл сай таныхталчатхан профессия ӱлӱкӱні.
Тархын
1957 чылда СССР-ның Ӧӧркі Чӧбінің Президиумы, СССР-ның экономиказын азахха турғызарында араласхан совет металлургия промышленнозына чарыдып, Металлург кӱнін тӧстебіскен. Ол от айының ӱзінҷі позырағында таныхтал сыххан1980 чылда1988 чылда киречілебіскенметаллургия предприятиелері пӱдірілген городтарда алғым таныхталча (Нижний Тагил , Старый Оскол, Норильск, Новокузнецк, Магнитогорск, Череповец, Челябинск, Таганрог, Липецк, Мончегорск паза пасхазы).
СССР сайбал парған соонда, Металлург кӱні ӱлӱкӱн чіли СНГ-ның хазналарында таныхталча, хайзында металлургия экономика тилізіне улуғ хозым итче. Іди Украинада ӱлӱкӱнні таныхтир кибір Президенттің 3 июньда 1993 чылда сыххан 187/93 № Чахиинаң кирілген. Казахстанда Металлург кӱні Республика Президентінің 2003 чылда сыххан Чахии хоостыра таныхталча. Белоруссияда — Президенттің 26 мартта 1998 чылда сыххан 157 № «Беларусь Республиканың хазна ӱлӱкӱннерінеңер, пайрамнығ паза танығлығ кӱннерінеңер» Чахиинаң. Белоруссияда Металлург кӱні чыл сай от айының ӱзінҷі позырағында таныхталча.
Россияның аарластығ аттар санында «Россия Федерациязының саблығ металлургы» ат пар.
Ӱлӱкӱннің тархыны
Металлург кӱні тиксі хазнада, уламох алғым промышленность кіннерінде, таныхталча. Оларның санында Челябинск, Магнитогорск, Старый Оскол, Липецк, Череповец городтар.
Ӱлӱкӱнде городтарда металлургия предприятиелерінің тоғынҷылары транспаранттығ паза плакаттығ орамаҷа пайрамни иртчелер. Спорт марығлары, мастер-класстар, чайаачы тоғыстарның кӧзідіглері иртче. Улуғ городтарда Металлург кӱнінде заводтар музейлерінде аймах темаларҷа экскурсиялар паза азых ізіктер кӱні полча.
Предприятиелерде устағҷылар тоғынҷыларын алғыстап, сыйыхтар читірчелер. Пу кӱнде наа тирігні тоғындырар кибір пар[4].
Сыйыхтиры
Металлург кӱнінде «Россия Федерациязының саблығ металлургы» аарластығ ат паза аның кӧксіндегі тании пайрамни читірілче. Ол аарластығ атты ізіг цехтерде паза ӧӧн металлургия агрегаттарында иң асхынах 15 чыл істен салған тоғынҷылар паза отрасльда 20 чыл тоғын салған ветераннар алар праволығлар. Ідӧк аарластығ атха турысхан кізінің отрасль сыйыхтары поларға кирек[5].
Нумизматика
30 июньда 2020 чылда Россия Банкы «Металлургия промышленнозының тоғынҷызы» тіп 10 салковай тимір ахча сығарыбысхан. Ол тимір тазынаң паза пасха сырьенаң тимірні сығарчатхан кізілерге, металлургтарға, чарыдылған[6].
Алған орын
- ↑ Празднование дня металлурга. Дата обращения: 7 Улуғ хырлас айы 2011. Архивировано 2 От айы 2014 года.
- ↑ Указ Президиума ВС СССР от 1 октября 1980 года № 3018-Х «О праздничных и памятных днях»
- ↑ Указ Президиума Верховного Совета СССР от 1.10.1988 № 9724-X «О внесении изменений в законодательство СССР о праздничных и памятных днях»
- ↑ Мария Григорьева. День металлурга в 2024 году: история и традиции праздника. Комсомольская правда. Дата обращения: 2 От айы 2024.
- ↑ Положение о почетном звании "Заслуженный металлург Российской Федерации". КонсультантПлюс. Дата обращения: 2 От айы 2024.
- ↑ Работник металлургической промышленности. Дата обращения: 11 От айы 2020. Архивировано 12 От айы 2020 года.