Атом промышленнозы тоғынҷызының кӱні
Атом промышленнозы тоғынҷызының кӱні (орыс. День работника атомной промышленности) — Россия Федерациязының атом промышленнозының прай тоғынҷыларының профессия ӱлӱкӱні. Чыл сай 28 сентябрьда таныхталча.
Тархын
«Атом промышленнозы тоғынҷызыларының кӱні» Россия Федерациязының президенті В. В. Путиннің 3 июньда 2005 чылда сыххан 633 № «Атом промышленнозы тоғынҷызы кӱнінеңер» Чахиинаң тӧстелген. Пу чахығда чоохталған:
Атом промышленнозы тоғынҷызы кӱнін тӧстебізерге паза аны 28 сентябрьда таныхтирға[1].
Ӱлӱкӱнні таныхтир кӱн олаңай ла табылбаан. Пу кӱнде, 28 сентябрьда 1942 чылда, СССР-ның Хазна арачыланыс комитеді «Ураннаң тоғынарын тимнирі» чахиин сығарған. Ол санда анда чоохталған:
СССР-ның Наука академиязына уран ӧзенін чарып иділген атом энергиязынаң тузалан поларынҷа істезіглерні айландыртарға паза Хазна арачыланыс комитедінзер 1943 чылның 1-ғы апрельіне уран бомбазын алай уран топливозын ит поларынҷа докладты кӧзіт пирерге.
Пу пӧгін хоостыра киректелген:
а) Наука академиязының хойнында атом ӧзенінің ӧнетін лабораториязын тӧстебізерге... в) 1943 чылның 1-ғы апрельіне атом ӧзенінің лабораториязында -235 уранның ӧзеннерін чар поларынҷа істезіглер иртірібізерге. … 1942 чылның 1-ғы ноябрьына СССР-ның Наука академиязына нейтроннарны алар ӱчӱн пір грамм радийні паза лаборатория центрофугазын идер ӱчӱн 30 грамм платинаны пирерге[2].
Іди 28 сентябрьны СССР-да паза Россияда атом энергетиказының тӧреен кӱні чіли санирға чарир.
Алған орын
- ↑ Указ Президента РФ от 03.06.2005 г. № 633 «О Дне работника атомной промышленности» — ОАО Атомный страховой брокер. Дата обращения: 28 Ӱртӱн айы 2009. Архивировано 3 От айы 2007 года.
- ↑ «Атомный проект СССР. К 60-летию создания ядерного щита России». Выставки. Архивы России. Дата обращения: 28 Ӱртӱн айы 2009. Архивировано 17 Кӱрген айы 2013 года.