Геодезия паза картография тоғынҷыларының кӱні
| Геодезия паза картография тоғынҷыларының кӱні | |
|---|---|
 Газпром ПАО-ның геодезизі Ноябрьсктағы Чаяндинскай нефть паза газ табылчатхан чирде, Россия | |
| Тӧстелген | Россияның Президентінің 2000 чылның кічіг хырлас айының 11-ҷі кӱнінде сыххан 1867 № чахиинаң |
| Тӧстегҷі | Россияның Президенті |
| Таныхталчатхан орны | кӧрік айының ікінҷі позырағында |
| 2025 | 9 Кӧрік айы |
| 2026 | 8 Кӧрік айы |
| 2027 | 14 Кӧрік айы |
Геодезия паза картография тоғынҷыларының кӱні (орыс. День рабо́тников геоде́зии и картогра́фии) — Россия Федерациязының Президентінің 2000 чылның кічіг хырлас айының 11-ҷі кӱнінде сыххан 1867 № чахиинаң тӧстелген геодезисттернің паза картографтарның Россиядағы пічікке кирілген чыл чӧрчеткен профессия ӱлӱкӱні[1]. Чыл сай кӧрік айының ікінҷі позырағында таныхталча[1].
Тархын
Кӧрік айында Россияның геодезиязында паза картографиязында улуғ киректер пол парғаннар. 1720 чылда I Пётр Россиядағы картография съёмказын пастаҷаң чахығда хол салыбысхан[2]. 1919 чылның кӧрік айының 15-ҷі кӱнінде РСФСР-ның Чон Комиссарларының Чӧбі РСФСР-ның Чон хонииның ӧӧркі чӧбінің Наука паза техническай пӧлиинің хойнында «Пӧзік геодезия устанызын тӧстирінеңер» (ВГУ) декретте хол салыбысхан[3].
Мероприятиелер
Ӱлӱкӱнге чарыдылып, кибірли лекциялар, мастер-класстар, кинделер кӧзідіглері паза профессия кізілеріне хайығны тартчатхан пасха чарыдығлығ мероприятиелер иртчелер.
2017 чылда Пермьдегі хазна істезіг университедінің наука библиотеказында геодезия паза картография сурығларына чарыдылған литератураның кӧзідии тимнелген.
2020 чылда Сустағы аал хонии колледжінде, геодезист паза картограф кӱніне чарыдылып, ӱгренҷілерге чарыдығлығ мероприятиелер иртірілгеннер[4].
2022 чылда ӱлӱкӱнге удур тиксі Россияда (Москва[5], Тамбов[6] паза Екатеринбург[7], Тавда[7]) Росреестр «Геодезия объективте» тіп сомнар кӧзідіглерін иртірібіскен. Олох чылда Хакасиядағы МФЦ геодезияның паза картографияның XX чӱс чылдағы тилізіне чарыдылған сомнар кӧзідиин иртірібіскен[8].
2023 чылда Орыс география пірігізінің Чувашиядағы пӧлии И. Н. Ульяновтың адынаң Чуваш хазна университедінің студенттерінең паза преподавательлерінең хада «Россия тилекейнің карталарында — пурунғыдаң амғы тусха теере» тіп чарыдығлығ мероприятие тимнеп салғаннар[9][10]. Росреестрнің Марий Элҷе пӧлии «Геодезияның паза картографияның улуғ чӱректері» кӧзідігні иртірібіскен[11]. 2023 паза 2024 чылларда ӱлӱкӱн алнынҷа РАН-ның Ыраххы Востоктағы пӧлиинің Ӧӧн наука библиотеказында «Сибирьдегі паза Ыраххы Востоктағы геодезия паза картография» аттығ кинделер кӧзідии тимнелген[12][13].
2024 чылда Россияның хазна библиотеказында ӱлӱкӱн кӱнінде «Картография-2024» кинделер кӧзідии ирткен, анда хазнаның паза пасха хан чирлерінің аймах атластары паза карталары кӧзіділгеннер[14].
2025 чылда Алтай хазна аграрнай университеді геодезист паза картограф профессияларға чарыдылған нинҷе-де ӱгредіг паза чарыдығлығ мероприятие тимнеп салған[15]. Буртаковскай библиотека — Башкортостандағы Буртаковка аалның 6 № пӧлии «Геодезисттер паза картографтар» тіп искіріг чазын иртірібіскен[16].
Алған орын
- ↑ 1 2 Президент России. special.kremlin.ru. Дата обращения: 2 Кӧрік айы 2026.
- ↑ Эпоха великих петровских реформ: карты и атласы XVIII века. rsl.ru. Дата обращения: 2 Кӧрік айы 2026.
- ↑ Столетний путь Декрета «Об учреждении высшего геодезического общества» — Центр государственной кадастровой оценки. cgko.sakha.gov.ru. Дата обращения: 2 Кӧрік айы 2026.
- ↑ Magneex web-studio. День работника геодезии и картографии | Шушенский Сельскохозяйственный Колледж. xn--j1anmk.xn--p1ai. Дата обращения: 2 Кӧрік айы 2026.
- ↑ В управлении Росреестра по Москве проходит фотовыставка «Геодезия в объективе», организованная при участии Мосгоргеотреста - ГБУ Мосгоргеотрест, ГБУ Мосгоргеотрест. Дата обращения: 2 Кӧрік айы 2026.
- ↑ В тамбовском Росреестре открылась уникальная фотовыставка «Геодезия в объективе». Дата обращения: 2 Кӧрік айы 2026.
- ↑ 1 2 Геодезия в объективе. adm-tavda.ru (25 Кӧрік айы 2022). Дата обращения: 2 Кӧрік айы 2026.
- ↑ В Хакасии организовали ретро-выставку ко Дню работников геодезии и картографии. amotash.ru. Дата обращения: 2 Кӧрік айы 2026.
- ↑ День работников геодезии и картографии, Русское географическое общество (10 Кӧрік айы 2023). Дата обращения: 2 Кӧрік айы 2026.
- ↑ Administrator. День работников геодезии и картографии. igf.chuvsu.ru. Дата обращения: 2 Кӧрік айы 2026.
- ↑ В Йошкар-Оле организована патриотическая выставка «Большие сердца геодезии и картографии». gg12.ru. Дата обращения: 2 Кӧрік айы 2026.
- ↑ Выставка, посвященная Дню работников геодезии и картографии России – Центральная научная библиотека Дальневосточного отделения Российской академии наук. cnb.dvo.ru. Дата обращения: 2 Кӧрік айы 2026.
- ↑ Выставка приуроченная ко Дню работников геодезии и картографии – Центральная научная библиотека Дальневосточного отделения Российской академии наук. cnb.dvo.ru. Дата обращения: 2 Кӧрік айы 2026.
- ↑ Инфодизайн. Выставка «Картография-2024» (Москва, 3 февраля – 29 марта 2025 г.) - Новости / Календарь событий / Главная. GEOPROFI.RU Электронный журнал по геодезии, картографии и навигации. geoprofi.ru. Дата обращения: 2 Кӧрік айы 2026.
- ↑ Студентов и преподавателей АГАУ приглашают посетить мероприятия, приуроченные ко Дню геодезиста. p-reliz.ru. Дата обращения: 2 Кӧрік айы 2026.
- ↑ Информационный час «Геодезисты и картографы» 2025, Мечетлинский район — дата и место проведения, программа мероприятия., Культура.РФ. Дата обращения: 2 Кӧрік айы 2026.
