Дипломатия тоғынҷызының кӱні

Рувики тiп сайттаң
Дипломатия тоғынҷызының кӱні
Ministry of Foreign Affairs building in Moscow, Russian Federation.jpg
Тип Профессия ӱлӱкӱні
Пасха «Дипломат кӱні», «Россия дипломатиязының кӱні»
Тӧстелген Россия Федерациязының Президентінің 2002 чылның чарыс айының 31-ҷі кӱнінде сыххан чахиинаң
Таныхталчатхан орны Россия Федерациязы
Кӱні Азығ айының 10-ҷы кӱні
Палғалыстығ Илҷі чахии тӧстелгенінең
Логотип РУВИКИ.Медиа Медиафайлы на РУВИКИ.Медиа

«Дипломатия тоғынҷызының кӱні» (орыс. День дипломати́ческого рабо́тника) — Россияның президенті В. В. Путиннің 2002 чылның чарыс айының 31-ҷі кӱнінде сыххан чахиинаң тӧстелген прай дипломатия тоғынҷыларының профессия ӱлӱкӱні. Россияда чыл сай азығ айының 10-ҷы кӱнінде таныхталча.

Тархын

Азығ айының 10-ҷы кӱнін пу ӱлӱкӱнге Россияның президенті тиктен не албаан, ол Россияның пастағы тастындағы политика ведомствозы полған Илҷі чахииның  (орыс) (рус. тархынынаң палғалыстығ. Пу кӱнде 1549 чылда аннаңар иң пастағы искіріг пирілче; аның пастағы устағҷызы подьячай Иван Михайлович Висковатов (Висковатый) полған, Русь ханы Иван Грозный ағаа «илҷі киреен апарарға чахаан»[1].

Таныхтаҷаң кибірлер

Пу кӱнде Россия Президентінің Устағ-пастаа, Правительство Аппарады, Федерация Чӧбі паза Хазна Думазы осхас хазна органнарының кізілері, ідок пос алынҷа кізілер Россия Федерациязының Пасха хан киректерінҷе министерствозынзар алғыстас телеграммаларын ысчалар[2].

2009 чылда «Дипломатия тоғынҷызының кӱні» алнынҷа РФ-ның премьер-министрі Владимир Путин «Россия Федерациязының Пасха хан киректерінҷе министерствозының тоғынҷыларына паза ветераннарына» алғыстас пічіктерін ыс пирген, анда амғы Россияның чуртас оңдайларындағы дипломаттарның тузазына паалағ пирілген:

Хазнабыстың тастындағы политика курзын толдырарында Россия дипломатиязы кибірли ӧӧн туза ағылча, ол Россияның национальнай кирексіністері ӱчӱн хатығ турысча, тилекейде пик, хорғыс чох чуртас поларына улуғ хозым итче. Пістің дипломаттарыбыстың тӧреен чиріне хынызы, пӧзік профессионализмі паза сағын полчатхан потенциалы Россияның чоннар аразындағы авторитедін паза улуғласнаң тузаланчатханын пиктирге полысча, анаң андар социальнай паза экономика саринаң ӧсчең чахсы ондайларны пирче.

Мындағ осхас сӧстернең В. В. Путин чыл сай чон алнында чоох тутча[3][4][5].

2020 чылның азығ айының 10-ҷы кӱнінде Дипломатия тоғынҷызының кӱнін таныхтааны

Дипломат кӱніне удур чыл сай РФ-ның пасха хан киректерінҷе министрі С. В. Лавров чоох тутча[2][6].

С. В. Лавров, Е. М. Примаков паза И. С. Иванов РФ МИД-да Дипломатия тоғынҷызының кӱнінде, 2008 чылның азығ айының 8-ҷі кӱні.

Тӧстелгені

Дипломатия тоғынҷызының кӱні 2002 чылның чарыс айының 31-ҷі кӱнінде Россия Федерациязының Президенті В. В. Путиннің 1279 № чахиинаң тӧстелген, анда пазылған: «Дипломатия тоғынҷызының кӱнін тӧстебізерге паза аны азығ айының 10-ҷы кӱнінде таныхтирға»[7].

Мероприятиелер

МГИМО-да  (орыс) (рус. чыл сай Дипломатия тоғынҷызының кӱніне чарыдылған пайрамнығ иирлер иртчелер[8].

2022 чылда Дипломатия тоғынҷызының кӱніне Данияда Россияның наука паза культура кінінде Даниядағы дипломатия миссиязына чарыдылған кӧзідіг азылған[9].

2026 чылда Дипломатия тоғынҷызының кӱні алнынҷа дипломатия миссиязының футбол ойнаҷаң чазызында кибірли Камбоджадағы Россияның Посольствозының паза Королевствоның пасха хан киректерінҷе министерствозының паза чоннар аразында хада тоғынҷаң ӧмелер аразында арғыстар матчы ирткен[10]. Каирдегі Россияның Посольствозының школа чирінде Египеттің пасха хан киректерінҷе министерствозы паза СНГ-ның хазна-араласчыларының дипломатия миссияларының тоғынҷылары аразында футболҷа арғыстар марии ирткен[11].

Алған орын

  1. ↑ Настоящее положение Висковатого. Дата обращения: 18 Азығ айы 2026. Архивировано 20 Хосхар айы 2013 года.
  2. ↑ 1 2 Выступление Министра иностранных дел Российской Федерации С.В.Лаврова на торжественном собрании по случаю Дня дипломатического работника, Москва, 9 февраля 2024 года. mid.ru (9 Азығ айы 2024). Дата обращения: 18 Азығ айы 2026.
  3. ↑ Путин поздравил сотрудников МИД РФ с Днем дипломатического работника, TACC. Дата обращения: 18 Азығ айы 2026.
  4. ↑ Путин поздравил сотрудников МИД с Днем дипломата, РИА Новости (2023-0210T0911). Дата обращения: 18 Азығ айы 2026.
  5. ↑ Поздравление сотрудникам и ветеранам МИД России с Днём дипломатического работника, Президент России. Дата обращения: 18 Азығ айы 2026.
  6. ↑ Лавров поздравил коллег с Днем дипломатического работника, TACC. Дата обращения: 18 Азығ айы 2026.
  7. ↑ Указ Президента Российской Федерации от 31.10.2002 г. № 1279, Президент России. Дата обращения: 18 Азығ айы 2026.
  8. ↑ Концерт ко Дню дипломатического работника. mgimo.ru. Дата обращения: 18 Азығ айы 2026.
  9. ↑ Об открытии выставки ко дню дипломата - Министерство иностранных дел Российской Федерации. mid.ru. Дата обращения: 18 Азығ айы 2026.
  10. ↑ В Посольстве России в Камбодже состоялся товарищеский футбольный матч по случаю Дня дипломатического работника. Министерство иностранных дел Российской Федерации (9 Азығ айы 2026). Дата обращения: 18 Азығ айы 2026.
  11. ↑ По случаю Дня дипломатического работника на территории школы при Посольстве России в Каире состоялся товарищеский футбольный турнир. Министерство иностранных дел Российской Федерации (9 Азығ айы 2026). Дата обращения: 18 Азығ айы 2026.

Ссылкалар

Алған орны - https://kjh.ruwiki.ru/w/index.php?title=Дипломатия_тоғынҷызының_кӱні&oldid=147849