Кии-десант войсколары кӱні

Рувики тiп сайттаң
Айланыс «Десантник кӱні» пеер кӧзірілче; ідӧк кӧріңер пасха тузалар.
Кии-десант войсколары кӱні
Россия Федерациязының Тирігліг кӱстерінің ВДВ кӱнін ВДНХ-да таныхтааны, Москва, 2013 чылның орғах айының 2-ҷі кӱні.
Россия Федерациязының Тирігліг кӱстерінің ВДВ кӱнін ВДНХ-да таныхтааны, Москва, 2013 чылның орғах айының 2-ҷі кӱні.
Тӧстелген 2006 чылда пічікке кирілген, аның алнында таныхталҷаң
Таныхталчатхан орны  Белоруссия,
 Казахстан,
 Россия,
 СССР (1930—1991)
Кӱні орғах айының 2-ҷі кӱнінде (чыл сай)
Таныхталчатханы запасха ызылған десантниктернің чӧрізі, пайрам иирлері
Кибiрлер хада служба ирткеннернің тоғазығлары
Логотип РУВИКИ.Медиа Медиафайлы на РУВИКИ.Медиа

Кии-десант войсколары кӱні (орыс. День Возду́шно-деса́нтных войск) — Россияның, Белоруссияның паза СНГ-ның пасха хазналарының Тирігліг кӱстерінің  (орыс) (рус. кии-десант войсколарына  (орыс) (рус. чарыдылған танығлығ кӱн.

Чыл сай орғах айының 2-ҷі кӱнінде таныхталча[1][2][3].

Тархын

Кии-десант войсколарының (ВДВ)  (орыс) (рус. тӧреен кӱніне 1930 чылның орғах айының 2-ҷі кӱні саналча[2]. Пу кӱнде СССР-ның Чаа-кии кӱстерінің кӧзідігліг ӱгредіглерінде СССР-ның Тирігліг кӱстерінің Москвадағы чаа округында, Воронеж город тастында, Совет Союзында пастағызын на 12 десантник парашюттығ атыххан. Кии-десант войсколары пір чыл пазынаң, 1931 чылда, тӧстелгеннер. Пазағы чылында Совет Союзының Чаа-кии кӱстерінің  (орыс) (рус. (ВВС) санына кіргеннер[4].

Кии-десант подразделениелері кӧп тирігліг таластарда аралазып, постарын турыстығ кӧзіткен дее ползалар, алынҷа войсколар статузын 1991 чылда ла алғаннар[4]. Ол тустаң сығара Кии-десант войсколары кӱні (ВДВ) алғым таныхтал сыххан.

2006 чылда Россия Федерациязының Президенті В. В. Путиннің 2006 чылның сілкер айының 31-ҷі кӱнінде сыххан 549 № «Россия Федерациязының Тирігліг кӱстерінің профессиональнай ӱлӱкӱннерін паза танығлығ кӱннерін тӧстирінеңер» чахии хоостыра, ӱлӱкӱн хазна синінде пічікке кирілген. Ол Ада чир-суубыстың чаа кибірлерін айландырар, оларны тилідер пӧгіннең, чаа службазы аарлазын кӧдірер, хазнаны арачылап, аның хорғыс чох чуртазы ӱчӱн хозым иткен чаа специалисттерінің киректерін аарлир сағыснаң иділче[5][4].

Рязаньдағы ВДВ училищезінің курсанттары кӧзідіг оңдайынаң зданиені холға кирчелер

1997 чылда пастағызын на десантниктер тӱскен орында, (Воронеж, Генерал Лизюковтың орамазы) танығ турғызылған: гранит тас паза хумартхы тас, хайзында пазылған: «Мында 1930 чылның орғах айының 2-ҷі кӱнінде СССР-да пастағызын на кии десантының 12 кізізі одырған»[6].

Кии-десант войсколары пу кӱнде тӧстелген тіп саналча. 2020 чылда Россияның Кии-десант войсколарына  (орыс) (рус. 90 чыл толған[7][8]. Ағаа чарыдылған пайрам Рязаньда ирткен. Рязаньдағы пӧзік кии-десант устағ гвардия училищезі мында орныхчатхан ӱчӱн, городты «ВДВ столицазы» адапчалар[9]. Ол ікі чаа ӱгредіг заведениелернің пірсі, хайда десантник-офицерлерні тимнепчелер, паза чалғыс пӱкӱлеезінең профильліг училище (ол туста армия генералы В.Ф. Маргеловтың адынаң Рязаньдағы гвардия пӧзік кии-десант Суворовтың орденінің ікі хати Краснознаменнай устағ училищезі офицер-десантниктерні тимнепчеткен тилекейдегі чалғыс чаа ӱгредіг заведениезі полча[10]).

РВВДКУ ансамбльы «Крылатая пехота» «Рязань — столица ВДВ» аттығ сарынны пас салған, аны кибірли Кии-десант войсколары кӱнінде толдырадырлар[11].

Рязаньдағы ВДВ училищезінде пайрамни знамя апарылча

Рязаньдағы чаа ВУЗы генерал Василий Маргеловтың адын ал чӧрче. Ол ВДВ-ның тӧстегҷізіне саналча (ол войсколарзар соонаң арах килген, че ВДВ-ны амғы кӧріміне ол ағылған, аның тузында десантниктернің кӧп кибірлері кирілген). Ағаа чарыдып, ВДВ ойын оңдайынаң «Войска дяди Васи» толдыразынаң адалча[12].

Рязаньда ВДВ-ның ӧӧн музейі паза кии-десант войсколарының тренировка иртірҷең ӧӧн полигоннарының пірсі пар[13].

2022 чылда ВДВ кӱнін таныхтапчатхан орынның пірсі Москва облазындағы «Патриот» парк полған[14].

2024 чылда пайрам Москвада пастағы августтаң сығара пасталча: Василий Маргеловтың хумартхы тазына чахайахтар салылча. Ӧӧн пайрам 2 августта иртче. Ильинка орамаҷа чӧріг иртче, десантниктернің кӧзідии, чайаачы иирлер полча[15].

Ӱлӱкӱнні таныхтир кибірлер

Кии-десант войсколарының кӱні кибірли Россиядаң пасха, ідӧк Белоруссияда паза СНГ-ның пасха хазналарында таныхталча[16].

Полған паза амғы десантниктерге алғыстасты Россия президенті Владимир Путин ысча[17].

Рязаньда танығлығ кӱн Лениннің ачығында иртче. РВВДКУ «Крылатая пехота» оменің чайаачы ойыны тузында кибірли десантниктерге чарыдылған сарыннар, ол санда «Синева» толдырылча[18].

Пайрам ідӧк «Спартак» стадионда иртче. Десантниктернің устары, чайаачы номерлер кӧзіділче[19].

2019 чылда стадион ӱстӱнҷе Кубинкадағы «Стрижи» паза «Русские Витязи», ідӧк Торжоктағы «Беркуты» пилотаж группалары учухханнар, оларның лётчиктері вертолёт тінін тутханнар[20].

Екатеринбургта десантниктер атығыстарын Город тулғоры хыринда кӧзітчелер[21].

Россияның кӧп городтарында Кии-десант войсколарының ветераннарын аарлап-чеестепчелер. Чаа техниказының кӧзідіглері, концерттер иртірілчелер[22].

Москвада ӧӧн пайрам кибірли орғах айының 2-ҷі кӱнінде Максим Горькийнің адынаң культура паза тынағ ӧӧн паркында иртче. Десантниктер тельняшкалығ паза кӧгілбей береттіг хада служба ирткен арғыстарынаң хада тоғасчалар, нанҷыларын сағысха кирчелер, ветераннарны паза службаны толдырып ӱреен арғыстарын хумартхылапчалар[21].

Десантниктернің фонтаннарда сомчатханы танығлығ кӱннің кибірлерінің пірсі полча, іди десантниктер суғда кӧрінчеткен тигірзер чағын поларға кӱстенчелер[4].

Ӧӧн кибірліг ас-тамах – арбуз полча[4].

Рязаньда ВДВ кӱніне чарыдылған парашюттығ атығыс

Кии-десант войсколарының кӱнін 2024 чылда таныхтааны

2024 чылда Москвада 10:00 Поклоннай тағдағы, Троекуровскай паза Новодевичье сыыраттардағы чааҷы-интернационалиттерге хумартхы тассар паза ВДВ-ның командующайларының чатчатхан орыннарынзар чахайахтар салылған. Анаң Ильинка орамаҷа ирткеннер. Хызыл площадьта кӧзідіглер полған паза Васильевскай спускта концерт ирткен[23][24].

Воронежте ВДВ-ның музейі пайрамни азылған (экспозиция 50 ниме-ноо кірген – сын тоғыстар алай оларның хобырии), ідӧк 40 азыра аймах мероприятие ирткен[25].

Архангельскте пайрам паза концерт Вологодскай сыырат чирінде, «Хумартхы ачығы» мемориал алнында, ирткен[26].

День ВДВ 2024.jpg

Алған орын

  1. ↑ Департамент информации и массовых коммуникаций Минобороны России. Министр обороны России генерал армии Сергей Шойгу поздравил десантников с Днём Воздушно десантных войск (ВДВ). — Приказ министра обороны Российской Федерации генерала армии Сергея Шойгу № 440 от 29 июля 2022 года. Официальный сайт Министерства обороны Российской Федерации // function.mil.ru (2 августа 2022 года). Дата обращения: 2 августа 2022.
  2. ↑ 1 2 Департамент информации и массовых коммуникаций Минобороны России. Воздушно-десантные войска отмечают 92-ю годовщину со дня образования. — Сегодня 92-ю годовщину со дня образования отмечают прославленные гвардейские Воздушно-десантные войска России (ВДВ). Официальный сайт Министерства обороны Российской Федерации // function.mil.ru (2 августа 2022 года). Дата обращения: 2 августа 2022.
  3. ↑ День Воздушно-десантных войск в России. РИА «Новости» (2 Орғах айы 2022). Дата обращения: 30 От айы 2025.
  4. ↑ 1 2 3 4 5 2 августа — День ВДВ: история и традиции праздника «голубых беретов», Известия (1 Орғах айы 2023). Дата обращения: 30 От айы 2025.
  5. ↑ Указ Президента Российской Федерации В. Путина от 31 мая 2006 года № 549 «Об установлении профессиональных праздников и памятных дней в Вооружённых Силах Российской Федерации». Официальный интернет-портал правовой информации. Дата обращения: 30 От айы 2025. Архивная копия от 4 Кӧрік айы 2016 на Wayback Machine
  6. ↑ Алексей Савченко. Первый десант. — Датой рождения Воздушно-десантных войск принято считать 2 августа 1930 года. В этот день, во время опытно-показательных учений ВВС Московского военного округа на окраине города Воронежа, впервые в СССР, осуществлено полноценное десантирование боевой группы. Сайт «Воронеж. Страницы истории» // vrn-histpage.ru. Дата обращения: 2 Орғах айы 2014. Архивировано 8 Кічіг хырлас айы 2011 года.
  7. ↑ Воздушно-десантные войска отмечают 90 лет со дня своего образования - ТАСС, TACC (2 Орғах айы 2020). Дата обращения: 30 От айы 2025.
  8. ↑ День Воздушно десантных войск отметят в Москве 2 августа 2018 года. — Традиции празднования, интересные факты, предстоящие мероприятия, // 4-women.ru (31 От айы 2018). Архивке ызылған 1 Орғах айы 2018 чылда. Дата обращения: 1 Орғах айы 2018.
  9. ↑ Руководитель следственного управления принял участие в торжественном мероприятии, посвященном 93-й годовщине образования Воздушно-десантных войск - Следственного комитета Российской Федерации по Рязанской области. ryazan.sledcom.ru. Дата обращения: 30 От айы 2025.
  10. ↑ Рязань – столица ВДВ. К 90-летию образования Воздушно-десантных войск. kraeved.rounb.ru. Дата обращения: 30 От айы 2025.
  11. ↑ Рязань - Столица ВДВ. группа Крылатая пехота РВВДКУ@user-xd4cx6bk5g (неопр.). Дата обращения: 29 От айы 2024.
  12. ↑ "Войска дяди Васи". Почему генерала Маргелова называют отцом ВДВ, РИА Новости (20181227T0800). Дата обращения: 30 От айы 2025.
  13. ↑ Крылья для пехоты, ВО. Дата обращения: 30 От айы 2025.
  14. ↑ День ВДВ 2 августа 2022 в Москве и Подмосковье: программа, перекрытие движения, купание в фонтанах, Телеканал Царьград (1 Орғах айы 2022). Дата обращения: 30 От айы 2025.
  15. ↑ План проведения праздничных мероприятий, посвящённых 94-й годовщине образования ВДВ и дню пророка Божия Илии — Союз Десантников России имени Героя Советского Союза, генерал-полковника Востротина В.А. sdrvdv.ru. Дата обращения: 29 От айы 2024.
  16. ↑ Десантники отмечают свой профессиональный праздник. — Сегодня в России отмечается День Воздушно-десантных войск. Интернет-портал «Российской газеты» // rg.ru (2 Орғах айы 2006). Дата обращения: 30 От айы 2025. Архивировано 4 Улуғ хырлас айы 2011 года.
  17. ↑ Путин поздравил десантников с Днем ВДВ, Радио Sputnik (20210802T1225). Дата обращения: 30 От айы 2025.
  18. ↑ А мы – крылатая пехота. Рязанские ведомости (2 Орғах айы 2023). Дата обращения: 30 От айы 2025.
  19. ↑ День ВДВ отпраздновали в Рязани. ryazpressa.ru. Дата обращения: 30 От айы 2025.
  20. ↑ День ВДВ в Рязани: танцы Дедов Морозов и рукопашный бой. Дата обращения: 29 От айы 2024.
  21. ↑ 1 2 Праздник "без ерундистики": День ВДВ в России, РИА Новости (20220802T1439). Дата обращения: 30 От айы 2025.
  22. ↑ День ВДВ-2025: когда и как отмечается, история и традиции праздника. РИА. Дата обращения: 30 От айы 2025.
  23. ↑ План проведения праздника «2 августа — день ВДВ» в г. Москве (неопр.). Союз Десантников России. Дата обращения: 1 Орғах айы 2025.
  24. ↑ План проведения праздничных мероприятий, посвящённых 94-й годовщине образования ВДВ и дню пророка Божия Илии — Союз Десантников России имени Героя Советского Союза, генерал-полковника Востротина В.А. sdrvdv.ru. Дата обращения: 1 Орғах айы 2025.
  25. ↑ День ВДВ в 2024 году: какого числа, история, традиции и как будут отмечать праздник в Воронеже (неопр.). Интернет-канал «TV Губерния» (31 От айы 2024). Дата обращения: 1 Орғах айы 2025.
  26. ↑ Как будут праздновать День ВДВ в Архангельске: программа мероприятия, 29.ру - новости Архангельска (31 От айы 2024). Дата обращения: 1 Орғах айы 2025.

Ссылкалар

Алған орны - https://kjh.ruwiki.ru/w/index.php?title=Кии-десант_войсколары_кӱні&oldid=140689