Автомобилисттер кӱні
| Автомобиль паза городтағы пассажирлер транспорты тоғынҷыларының кӱні | |
|---|---|
| Тип | Профессия ӱлӱкӱні |
| Тӧстелген | Россия Федерациязы Президентінің Чахии |
| Таныхталчатхан орны |
 Россия |
| 2024 | 27 Чарыс айы |
| 2025 | 26 Чарыс айы |
| 2026 | 25 Чарыс айы |
| Таныхталчатхан тузы | чыл сай, чарыс айының халғанҷы позырағында |
| Кибiрлер | хазна ӱлгӱзінің паза пірігістің пастығынының алғыстазы паза сыйыхтазы |
«Автомобиль транспорты тоғынҷыларының кӱні» (орыс. День работников автомобильного транспорта) — автомобильлер транспорты тоғынҷыларының профессия ӱлӱкӱні. Россия Федерациязында чыл сай чарыс айының халғанҷы позырағында таныхталча.
Пу профессия ӱлӱкӱнінің тархыны 15 январьда 1976 чылда сыххан 2847-IX № СССР-ның Ӧӧркі Чӧбі Президиумының «Автомобиль транспорты тоғынҷыларының кӱнін» кирер Чахиинаң пасталча. Ол 1 октябрьда 1980 чылда киречілелген. Ол туста СССР-ның Ӧӧркі Чӧбі 3018-Х № «Ӱлӱкӱннердеңер паза танығлығ кӱннердеңер» чахиин сығарған, аның хоостыра СССР-да чарыс айының халғанҷы позырағында «Автомобиль транспорты тоғынҷыларының кӱнін» кирері киректелген. 1 ноябрьда 1988 чылда СССР-ның Ӧӧркі Чӧбі 9724-XI № «СССР-ның законнар киреріне ӱлӱкӱннер паза танығлығ кӱннер пастыра алызығлар кирерінеңер» паза пір Чахығ сығарыбысхан. Че кирілген алызығлар пу ӱлӱкӱнге пір дее теелбееннер[1].
Ол туста, СССР-ның устағ-пастаа единицалары полып, прай Совет Социалистическай Республикалары «Автомобиль транспорты тоғынҷыларының кӱнін» хада таныхтаҷаңнар. [Совет Союзы изел парған соонда, хайзы республикалар пу ӱлӱкӱнні пасха кӱнге кӧзірібіскеннер, хайзылары саңай чох идібіскеннер. Россия Федерациязынаң хада ӱлӱкӱні чарыс айының халғанҷы позырағында таныхтапчалар ідӧк Казахстан, Белоруссия пазаУкраина. Пу республикаларда «Автомобиль транспорты тоғынҷыларының кӱні» «Чол тоғынҷызы кӱнінең» хада пір саңай таныхталча, Россияда, тізең, Россия Президенті Владимир Владимирович Путиннің «Чол хонии тоғынҷыларының кӱнінеңер» 23 мартта 2000 чылда сыххан 556 № Чахиинаң, [2] «Чол тоғынҷызы кӱні» чарыс айының ӱзінҷі позырағына кӧзірілген. Анын алнында, 1996 чылдаң сығара, «Автомобиль транспорты паза чол хонии тоғынҷыларының кӱні» РФ-ның Президентінің 14 октябрьда 1996 чылда сыххан 1435 № «Автомобиль транспорты паза чол хонии тоғынҷыларының кӱнін кирерінеңер» Чахиинаң РФ-да 27 октябрьда таныхталған[3]»
Россия Федерациязының 25 июньда 2012 чылда сыххан 897 № «Автомобиль паза городтағы пассажирлер транспорты тоғынҷыларының кӱнінеңер» Чахиинаң РФ-ның Президентінің 23 мартта 2000 чылда сыххан 1435 № «Автомобиль транспорты тоғынҷыларының кӱнін кирерінеңер» Чахии паза РФ-ның Президентінің от 23 мартта 2000 чылда сыххан 556 № «Чол хонии тоғынҷыларының кӱнінеңер» Чахииның 2-ҷі пункты кӱзін чідір салған тіп саналча.
Россияда ідӧк Чаа автомобилизі кӱні пар. Ол чыл сай 29 майда таныхталча.
Ідӧк кӧріңер
- Украинадағы автомобилисттер паза чол тоғынҷылары кӱні
Алған орын
- ↑ Праздник 5 сентября. День работников нефтяной, газовой и топливной промышленности
- ↑ О Дне работников дорожного хозяйства. Указ. Президент РФ. 23.03.00 556 :: Инновации и предпринимательство: гранты, технологии, патенты
- ↑ Об установлении дня работников автомобильного транспорта и дорожного хозяйства. Указ. Президент РФ. 14.10.96 1435 :: Инновации и предпринимательство: гранты, технологии, патенты