Программист кӱні
| Программист кӱні | |
|---|---|
| Тӧстелген | 11 сентябрьда 2009 чылда Россия Президенті Дмитрий Медведевтің1034 № Чахиинҷа |
| Таныхталчатхан орны |
 Россия |
| Кӱні | чылның 256-ҷы кӱні (13 сентябрь артых нимес чылда, 12 сентябрь — артых чылда) |
| 2024 | 12.09.2024 |
| 2025 | 13.09.2025 |
| 2026 | 13.09.2026 |
Программист кӱні (орыс. День программи́ста) — Россия Федерациязындағы чылның 256-ҷы кӱнінде таныхталчатхан профессия ӱлӱкӱні. 256 сан (28) олаңай ла таллалбаан: ол аймах тузалар саны, хайзын сигіс разрядтығ байтча кӧзіт пирерге чарир. Ідӧк ол 2 санның иң улуғ толдыра сині (степеньі), ол чылдағы кӱннер санынаң (365 алай 366) аспинча.
Артых нимес чылда пу ӱлӱкӱн 13 сентябрьға килісче, артых чылда — 12 сентябрьға.
Пастағызын на «Программист» кӱннін таныхтир сағыснаң ӱлескен 15 июльда 1996 чылда «Компьютерра» издатель туразының устағҷызы Дмитрий Мендрелюк. Программист кӱнін ӱртӱн айының пастағы пис хоных кӱнінде иртірер чӧп пирілген, ол «Арығ пис хоных» адал парған[1]. 2002 чылда «Параллельные технологии» веб-студияның тоғынҷылары Валентин Балтнаң Михаил Червяков РФ-ның Правительствозынзар айланыс идер сағыснаң хол салғаны чӧрімні иртірібіскеннер: аның пӧгіні чылның 256-ҷы кӱнін программисттернің пічікке кирілген ӱлӱкӱнін чіли мӱчелге кирері полған[2].
24 июльда 2009 чылда Россия Федерациязының Палғалыс паза масса коммуникациялары министерствозы тимнеен Россия президентінің «Программист кӱнінеңер» чахии РФ-ның правительствозына кирілген [3][4].
11 сентябрьда 2009 чылда Россия Президенті Дмитрий Медведев Россия Федерациязының Палғалыс паза масса коммуникациялары министерствозы тимнеен 1034 № Чахығда хол салған[5], аның хоостыра Россияда наа хазна синінде таныхталчатхан ӱлӱкӱн — «Программист кӱні» мӱчелге кирілче[6][7].
Пасха кӱннер
- 30 ноябрьда — Чоннар аразындағы искіріглерні хайраллаҷаң кӱн, ол 1988 чылдаң сығара таныхталча. Пу чылда Моррис хуртының пастағы табырах тарапчатхан эпидемиязы таныхталған, аны аның тӧстегҷізі адынаң адап салғаннар.
- 10 декабрьда — пастағы программист Ада Августа Байрон Кинг, графиня Лавлейстің 1815 чылның 10 декабрьындағы тӧреен кӱніне чарыдылған. Ада Бэббиджтің аналитика машиназына тилекейде пастағы компьютер программазын пас пирген. Ол иң пурун «тоғыс ячейкалары», «цикл» паза пасха терминнерні кирген. Ол санапчатхан, графиканаң, ӱннең тоғынчатхан амғы тустағы компьютерлерні ухаанҷылаан. Ағаа чарыдылып, саблығ программирование тіллерінің пірсі Ада адал парған.
- 22 апрельде — Россияда 2204 (соонаң 220400) специальностьтың иргі кодировказына чарыдып [8] (санапчатхан техниканың паза автоматизированнай системаларның программазы). Россиядағы наа классификацияҷа специальность «ПО ВТ паза АС» 230105.65 кодтығ — аннаңар «Программист кӱнін» 23 январьда таныхтир оңдай пар.
- 14 февральда 1946 чылда — чаа соонаң чонға паза прессаа ЭНИАК кӧзіділген.
- Полар кӱн (уламох web-программисттерге) — 4 апрель (404 алҷаас). 4 апрельде прай католиктер тилекейі Ах чарых Исидора Севильскийнің кӱнін таныхтапча. Ол компьютерлернең паза Интернетнең тузаланчатхан кізілерні хайраллапчатхан тіп саналча .
- Сисадмин кӱні
Алған орын
- ↑ День программиста настанет? Компьютерра (27 Сілкер айы 2009). Дата обращения: 12 Ӱртӱн айы 2020. Архивировано 23 Ӱртӱн айы 2020 года.
- ↑ «Праздник 256-го дня» Архивная копия от 11 Ӱртӱн айы 2014 на Wayback Machine. CNews
- ↑ «У программистов может появиться свой официальный праздник» Архивная копия от 6 Улуғ хырлас айы 2020 на Wayback Machine Минкомсвязи
- ↑ «Российские программисты получат профессиональный праздник». Коммерсантъ
- ↑ Указ Президента РФ от 11.09.2009 № 1034 «О Дне программиста». Дата обращения: 12 Ӱртӱн айы 2016. Архивировано 15 Ӱртӱн айы 2016 года.
- ↑ «Президент России подписал указ об утверждении Дня программиста» Архивная копия от 6 Улуғ хырлас айы 2020 на Wayback Machine Минкомсвязи
- ↑ «Медведев утвердил 13 сентября Днем программиста» Архивная копия от 14 Ӱртӱн айы 2014 на Wayback Machine. CNews
- ↑ «Был бы программист, а праздник найдётся» Архивная копия от 13 Ӱртӱн айы 2012 на Wayback Machine. РИА Новости