Парашюттығ атыхчатхан кізінің кӱні
| Парашюттығ атыхчатхан кізі кӱні | |
|---|---|
 Россия флагынаң хада атыхханы | |
| Тип | Пічікке кирілбеен ӱлӱкӱн |
| Таныхталчатхан орны | чыл сай |
| Кӱні | 26 июльда |
Парашюттығ атыхчатхан кізі кӱні (орыс. Де́нь парашюти́ста) — парашюттығ атыхчатхан совет паза Россия профессионалларының паза пу кирекнең айғасчатхан кізілернің пічікке кирілбеен ӱлӱкӱні. Чыл сай 26 июльда таныхталча[1].
Пу кӱнде 1930 чылда совет лётчиктері кӧзідіг оңдайынаң пастағызын на парашюттығ атыхханнар. Ол СССР-да парашюттығ спортның пасталғаны полған. Ӱлӱкӱн ідӧк Совет Союзына кірген хайзы хазналарда таныхталча.
Ӱлӱкӱн тархыны
1929 чылда РККА ВВС-ның комбригі Леонид Григорьевич Минов «Амторг» совет садығ пірігізінің санында «Ирвин» компанияның заводынзар парып, завод сығарчатхан арачыланыс парашюттарынаң танысхан паза нинҷе-де хати парашюттығ атыххан. СССР-зар айланған соонда, РККА ВВС-ын парашюттығ атығарға тимнирінҷе инструкторға турғызылған. 1930 чылның чайғы тузына Москвадағы чаа округының 11-ҷі авиация бригадазының пос кӧңнінең атығарға иткен 30 кізізін теория саринаң ӱгрет салған[2].
26 июльда 1930 чылда Воронеж алтында 5 совет лётчигі паза механиктері (Мошковский, Егоров, 3ахаров, Коваленков, Кухаренко, Мухин, Поваляев, Пойдус, Филиппов, Фрейман, Черкашин) Минов устаанынаң СССР-да пастағызын на самолёттаң нинҷе-нинҷе хати сегір кӧргеннер.
Пу кирекке Америкадағы «Ирвин» компанияның парашюттары алылған[3]. От айының 26-29 кӱннерінде прай 59 хати парашюттығ атыхханнар.
1930 чылдағы атығыстар соонаң Совет Союзында парашюттығ атығыс тиліп пастаан. 1931 чыл тоозылчатханда, 600 тимненіс паза кӧзідіг атығызы иділ парған.
Чон аразында пу кирекке тартылыс тарадыл сыххан, аннаңар городтардағы культура паза тынағ парктарында «Парашюттығ атыхчаң орыннар» турғызылған, хайзынаң полғаны ла атығар оңдайлығ полған[4].
Ӱлӱкӱн кибірлері
Пу кӱнде парашют спортының профессионалларының паза пу кирекнең айғасчатхан кізілерінің аразында спорт марығлары иртче. Гражданскай паза чаа аэродромнарында арға-мӧрійлер иртірілче, ідӧк парашюттығ атығыстар кӧзіділчелер[5].
Парашюттығ атыхчатханнарның кӱнінде аймах пайрамнығ шоулар, кӧзідіг атығыстары, мастер-класстар паза тренингтер иртірілчелер. Опыттығ спортсменнер аймах парашют дисциплиналарында устарын кӧзітчелер. Школада паза вузтарда ӱгренчеткеннеріне парашют спортынаңар, аның тархынынаңар лекциялар хығырылчалар[6].
Ідӧк кӧріңер
Алған орын
- ↑ В России отмечают День парашютиста // Аргументы и факты.
- ↑ Советский парашютизм: как все начиналось.
- ↑ Парашютное дело в СССР. спецназ.орг. Архивировано из оригинала 28 Чарыс айы 2012 года.
- ↑ День парашютиста // Вести ФМ.
- ↑ 26 июля — День парашютиста: история возникновения праздника. Известия (25 От айы 2023). Дата обращения: 3 От айы 2024.
- ↑ День парашютиста. ГлобалМСК.ру. Дата обращения: 3 От айы 2024.
