Тӱрк пічиинің паза культуразының кӱні

Рувики тiп сайттаң
Тӱрк пічиинің паза культуразының кӱні
Тузазы Хакас Республиканың чоннарының тархын-культура ис-пайын хайраллиры паза тарадары
Тӧстелген Хакас Республиканың Ӧӧркі Чӧбінің чарадиинаң
Таныхталчатхан орны Хакас Республика
Кӱні ӱртӱн айының 3-ҷі позырағы

Тӱрк пічиинің паза культуразының кӱні (орыс. День тюркской письменности и культуры) — Хакас Республиканың Ӧӧркі Чӧбінің чарадиинаң 2004 чылда алылған республика синіндегі ӱлӱкӱн. Чыл сай ӱртӱн айының 3-ҷі позырағында таныхталча[1].

Ӱлӱкӱннің ӧӧн пӧгіні — Хакас Республиканың чоннарының тархын-культура ис-пайын хайраллиры паза тарадары.

Тархын

СМИ-дағы искіріглер хоостыра, тӱрк пічиине паза культуразына чарыдылған кӱннер Хакасияда 1996 чылдаң сығара иртірілчелер[2]. Пічікке ӱлӱкӱн Хакас Республиканың Ӧӧркі Чӧбінің чарадиинаң 2005 чылның хандых айының 28-ҷі кӱнінде сыххан 32 № «Тӱрк пічиинің паза культуразының кӱнінеңер» Хакас Республиканың законы хоостыра кирілген[3][4]. Аны чыл сай ӱртӱн айының 3-ҷі позырағында таныхтиры кӧріл парған. Республика синінде 2004 чылдаң сығара таныхталча[5], тоғыс нимес кӱніне саналбинча.

Таныхтиры

Республика синіндегі ӱлӱкӱн пір ле кӱн таныхталбинча, нинҷе-нинҷе кӱнге сӧӧ тартылып, ағаа чарыдылып, республиканың город-аймахтарында[6] аймах мероприятиелер, чӧрімнер иртірілчелер: кӧзідіглер, тегілек столлар, чайаачы тоғазығлар паза пасх. Оларны республика паза аймахтар синіндегі ӱгредіг, культура учреждениелері паза пірігістері тимнеп таныхтапчалар. Оларның санына кірчелер: Хакасиядағы Чайаачылар туразы[7], Хакасияның тіл, литература паза тархын наука-істезігліг институды, Н. Ф. Катановтың адынаң Хакас хазна университеді[8] Л. Р. Кызласовтың адынаң хакас национальнай чир-суғ ӱгренҷең музей. Региондағы Ағбан, Саяногорск паза пасха городтардағы паза аймахтардағы ӱгредіг учреждениелерінде, библиотекаларда хакас тіліне, пічиине, культуразына чарыдылған кӧзідіглер, чайаачы тоғазығлар, класс частары иртірілчелер[9][10].

2025 чылда Тӱрк пічиинің паза культуразының кӱннері хоостыра хакас чонның кибірліг пайрамы, Ӱртӱн тойы, иртері кӧрілче. Ӱлӱкӱн хакас хайҷы Семён Кадышевтің тӧреенінең пеер 140 чыл толчатханына чарыдылча[11].

Алған орын

  1. ↑ В Хакасии появился День тюркской культуры и письменности. Регнум (23 Хандых айы 2004). Дата обращения: 11 Ӱртӱн айы 2025. Архивировано 11 Ӱртӱн айы 2025 года.
  2. ↑ Праздник книги. Тувинская правда (14 Кічіг хырлас айы 2013). Дата обращения: 11 Ӱртӱн айы 2025. Архивировано 11 Ӱртӱн айы 2025 года.
  3. ↑ Закон Республики Хакасия от 28 июня 2004 года N 32 О Дне тюркской письменности и культуры. Электронный фонд правовых и нормативно-технических документов. Дата обращения: 11 Ӱртӱн айы 2025.
  4. ↑ Праздники и памятные дни в Республике Хакасия. Дата обращения: 11 Ӱртӱн айы 2025.
  5. ↑ Ариадна Бусынина. Дни Тюркской письменности и культуры Хакасии: каковы они, хакасские традиции? (2-20-09-21). Дата обращения: 11 Ӱртӱн айы 2025.
  6. ↑ В Хакасии вновь пройдут дни тюркской письменности и культуры. sibnovosti.ru (13 Ӱртӱн айы 2013). Дата обращения: 11 Ӱртӱн айы 2025.
  7. ↑ В Хакасии Дни тюркской письменности и культуры подходят к завершению. Министерство культуры Республики Хакасия (18 Чарыс айы 2016). Дата обращения: 11 Ӱртӱн айы 2025.
  8. ↑ В ХГУ прошли дни тюркской письменности. Хакасия Информ (30 Ӱртӱн айы 2011). Дата обращения: 11 Ӱртӱн айы 2025. Архивировано 25 Ӱртӱн айы 2020 года.
  9. ↑ Анастасия Пачина. В Абакане отметят День тюркской письменности и культуры. gazeta19.ru (22 Ӱртӱн айы 2020). Дата обращения: 11 Ӱртӱн айы 2025.
  10. ↑ Саяногорск принимает Дни Тюркской письменности и культуры. sibnovosti.ru. Дата обращения: 11 Ӱртӱн айы 2025.
  11. ↑ «Ӱртӱн тойы» посвятили 140-летию великого хакасского сказителя Семёна Кадышева. abakan.bezformata.com (9 Ӱртӱн айы 2025). Дата обращения: 11 Ӱртӱн айы 2025.

Ссылкалар

Алған орны - https://kjh.ruwiki.ru/w/index.php?title=Тӱрк_пічиинің_паза_культуразының_кӱні&oldid=154333