Хакас тілі кӱні

Рувики тiп сайттаң
Хакас тілі кӱні
Закон хоостыра Хакас тілі кӱні
Тӧстелген 2017 чылның хандых айының 13-ҷі кӱнінде сыххан 38-3РХ № «Хакас тілі кӱнін тӧстирінеңер» Хакас Республиканың Законы хоостыра
Кӱні Ӱртӱн айының 4-ҷі кӱнінде
Палғалыстығ амғы хакас пічиинің тӧстелгенінең

Хакас тілі кӱні (орыс. День хакасского языка) — Хакасияның пічікке кирілген хакас тіліне чарыдылған ӱлӱкӱні. 2017 чылдаң сығара чыл сай ӱртӱн айының 4-ҷі кӱнінде таныхталча. Пу кӱн хакас пічии тӧстелгенінең палғалыстығ.

Тархын

Хакас тілі кӱні республика синіндегі пічікке кирілген ӱлӱкӱннернің пірсі полча. Тоғыс кӱніне саналча. Аны таныхтиры 2017 чылның хандых айының 13-ҷі кӱнінде сыххан 38-3РХ № «Хакас тілі кӱнін тӧстирінеңер» Хакас Республиканың Законы хоостыра алылған[1]. Аның ӧӧн пӧгіні хакас тілін хайраллап, аны тилідері, Хакасияның хазна тілі  (орыс) (рус. чіли тузазын кӧдірері полча.

Хакас тілі кӱнін таныхтир кӱн амғы хакас пічии тӧстелгенінең палғалыстығ. Пу кӱн 1924 чылның ӱртӱн айының 4-ҷі кӱнінде хакас пічиин тимнир ӧнетін комиссия тӧстелген[2][3].

Ӱлӱкӱнні иртірер кибір

Ӱртӱн айының 4-ҷі кӱнінде Хакасияның ӱгредіг, культура учреждениелерінде хакас тіліне чарыдылған мероприятиелер, ол санда кӧзідіглер, марығлар, иртчелер. 2018 чылда Н. Г. Доможаковтың адынаң национальнай библиотека хакас тілі кӱнінде хакас тілінең «Тӧреен тiлiм – хакас тiлiм!» тіп пастағы Пірге республика диктантын иртірібіскен[4]. Аннаң пеер ол кибірге кір парған[5].

Ідӧк кӧріңер

Алған орын

  1. ↑ Закон Республики Хакасия от 13 июня 2017 года N 38-ЗРХ Об установлении Дня хакасского языка. Электронный фонда правовых и нормативно-технических документов. Дата обращения: 3 Ӱртӱн айы 2025.
  2. ↑ А. Л. Артеменко. Начало создания хакасской письменности : [арх. 1 декабря 2017] // Учёные записки Хакасского НИИ языка, литературы и истории. — Абакан, 1966. — Т. XII. — С. 141—145.
  3. ↑ К. М. Патачаков. К истории создания хакасской письменности : [арх. 1 декабря 2017] // Учёные записки Хакасского НИИ языка, литературы и истории. — Абакан, 1966. — Т. XII. — С. 146—151.
  4. ↑ Известны победители первого Единого республиканского диктанта. Министерство культуры Республики Хакасия (16 Чарыс айы 2018). Дата обращения: 3 Ӱртӱн айы 2025.
  5. ↑ В республике прошёл единый республиканский диктант на хакасском языке. tvrts.ru (5 Ӱртӱн айы 2023). Дата обращения: 3 Ӱртӱн айы 2025.

Ссылкалар

Алған орны - https://kjh.ruwiki.ru/w/index.php?title=Хакас_тілі_кӱні&oldid=143214