Хакасияның ӱлӱкӱннері
Хакасияның ӱлӱкӱннері (орыс. Праздники Хакасии) — Хакас Республика синінде алылған ӱлӱкӱннер, чоннар ӱлӱкӱннерi паза пайрамнары, танығлығ кӱннер. Пу ӱлӱкӱннер Хакас Республиканың законнары хоостыра тӧстелгеннер.
Хакасиядағы республика синіндегі ӱлӱкӱннер тынағ кӱннеріне киліспинчетсе, тоғыс кӱніне саналчалар.
Ӱлӱкӱннер
| Кӱні | Ады | Тӧстее |
|---|---|---|
| 3 июль | Хакас Республиканың кӱні | Таныхтир кӱні 20 октябрьда 1992 чылда сыххан 15 № «Хакас Республиканың кӱнінеңер» Хакас Республиканың Законы хоостыра алылған[1]. Ол 3 июльда 1991 чылда сыххан 1538-1 № «Хакас автоном облазын РСФСР-ның Хакас Совет Социалистическай Республиказына айландырылғанынаңар» Россия Федерациязының Законынаң палғалыстығ. |
| 4 сентябрьда | Хакас тілі кӱні | Таныхтир кӱні 13 июньда 2017 чылда сыххан 38-3РХ № «Хакас тілі кӱнін тӧстирінеңер» Хакас Республиканың Законы хоостыра алылған[2]. |
| Ӱртӱн айының 3-ҷі позырағы | Тӱрк пічиинің паза культуразының кӱні | Таныхтир кӱні 28 июньда 2004 чылда сыххан 32 № «Тӱрк пічиинің паза культуразының кӱнінеңер» Хакас Республиканың Законы хоостыра алылған[3]. |
| 22 март | Чыл пазы | 22 февральда 2000 чылда сыххан 76 № «Чыл пазы» ӱлӱкӱннеңер» Хакас Республиканың Законы хоостыра алылған[4]. |
Пасха ӱлӱкӱннер
Хакас чонның кибірліг Тун пайрам ӱлӱкӱні чайғыда иртірілче. Республика синінде 1980 чылдаң сығара таныхталча. Ӱлӱкӱн сiлкер айының халғанҷы кӱннерінде - хандых айының пастағы кӱннерінде, мал тутчатхан улус хыстағдаң чайлағзар кӧскен соонда, таныхталҷаң. Тун пайрам мал ӧскірізінең палғалыстығ, аның ӧӧн кӧстее - хакас чонның кибірліг хониин улуғлиры[5]
Ідӧк кӧр
Алған орын
- ↑ Закон Республики Хакасия от 20 октября 1992 г. № 15 "О Дне Республики Хакасия" февраля 2000г. № 76 "О празднике "Чыл Пазы"
- ↑ Закон Республики Хакасия от 13 июня 2017 г. № 38-3РХ "Об установлении Дня хакасского языка"
- ↑ Закон Республики Хакасия от 28 июня 2004 г. № 32 "О Дне тюркской письменности и культуры"
- ↑ Закон Республики Хакасия от 22 февраля 2000 г. № 76 "О празднике "Чыл пазы"
- ↑ Бутанаев, В. Я. Традиционная культура и быт хакасов: Пособие для учителей. — Абакан: Хакасское книжное издательство, 1996