Чабак (аал)

Рувики тiп сайттаң
Пу терминнің пасха даа тузалары пар, кӧр. Чабак.
Аал
Чебаки
Чабак
Усадьба золотопромышленника К.И.Иваницкого.jpg
54°33′46″ с. ш. 89°13′09″ в. д.GЯO
Хазна  Россия
Федерация субъекті Хакасия
Муниципальнай аймах Сыра
Аал чирі Хара кӧл аал чӧбі
Тархын паза география
Тӧстелген XIX чӱс чыл
Час хуры UTC+7:00
Чон
Чон ↘61[1] кізі (2010)
Хазна тiлi хакас, орыс
Сан идентификаторы
Почта индекзi 655212
ОКАТО коды 95235860005
ОКТМО коды 95635460121
Чабак (аал) (Россия)
Точка
Чебаки
Red pog.svg
Москва
Чабак (аал) (Хакасия)
link={{{название}}}
{{{название}}}
Точка
Чебаки

Чабак — Россия Федерациязындағы Хакасияның Сыра аймаандағы аалы.

География

Аймах кіні Сыра аалдаң паза Сыра тимір чол станциязынаң алтынзарых-кидер 80 км оортах чирде, Хара Ӱӱс суғ хазында турча.

Хости 912 м Улуғ тағ тартылча, аалның ӱстӱнзархы саринда - 1446 м Знаменитовские Гольцы, Церковнай хол, Хара кӧл, Айран кӧл[2]

Минсуғ ойымының Ким  (орыс) (рус. суғның сол хазы[3] зоография саринаң Ким Сибирьіне кірче[4]. Ибіркі рельеф аймах-пасха: тӧңнернең ибірілген тӱс чир осхас чирлердең пасха, изерістіре парчатхан тигейлер алай чікім иністіг тағларның азырлары, олығлар паза тағлар аразындағы ойымнар парлар. Чабыс чирлер талай синінең 300 м пӧзік чирделер, пӧзии 900 м читче. Климат хатығ континентальнай[4].

Ареалның алтынзархы хырығларын ӱстӱнзархы чазы аймахтарда учурапчатхан мындағ хустарның кӧрімнері таапчалар: Ardea cinerea, Nyroca Ferina, Tadorna tadorna], Recurvirostra avoceta, Totanus totanus  (орыс) (рус., Sterna hirundo minussensis, Upupa epops, Pyrrhocorax Pyrrhocorax, Otocoris brandti, Otocoris brandti Montana, Calandrella brachydactyla, паза пасх. Алтай крайынаң пеер Phylloscopus tristis fulvescens кірче[4].

Топоним

Чабак ат хакас Чабак Сереневтің адынаң пӱтче тіп саналча. Ідӧк Чабах аалы, Чебак алы, аал Чебаки, Чебакинский улус, Чебакевский улус, Чебакский аал тоғасча[5][6].

Чабаға сӧснең ікі частығ хулун таныхталча[7][8].

Орыс тіліндегі чебак сӧс, алай Сибирьдегі чабак (лат. Rutilus rutilus lacustris) — орыс тіліндегі плотва палыхтың кӧрімі, карптар семействозының хызыл ханаттығ кӧрімі, Сибирьде  (орыс) (рус. паза Уралда учурапча[9][10].

Чебак сӧс орыс тілінде иреннернің пасха кисчең нимезі[9] паза ирге парған ипчілернің хулахтығ паза ніткезінде хузурухтығ пӧрігі[11]. Оларны XVIII века чӱс чылдаң сығара Ким паза Тобольск губерниязында ирге парған ипчілернің хысхыда кискені таныхталған[11][12]. Телеут наречиезінде čаbаk – ипчілернің пӧрии.

1893 чылда Ким губерниязындағы Ачинск уездінің Покровскай аалының ады (Чабак аал) [13]. Покровскай тіп Ах-арығ Худат тӧріткен Покробы тигіриб адынаң адалған. Тигіриб алтын аныҷаң промышленник З. М. Цыбульскийнің кӱзінең пӱдірілген (1867, амды чоғыл) [12]. 1893 чылның сан пирізінде, Ким губерниязының Ачинск уездінің Покровскай (Чабак) аалының сын сабланыс киртінізінің абызы Матвей Тыжнов "Чалбах тӧстеңер" пасхан, ол ибде иң аарлап-улуғлалчатхан тӧстернің пірсі, хаастарның полысчызы, полча. А. В. Адрианов аның хоостыра «чалбах прай тӧстердең иң улуғлалчатхан паза кӧп чонға таныс тӧс, хаастың ибінде чох полчатханы чоғыл даа» тіп таныхтаан. Е. К. Яковлев Чалбах тӧс «хаастар аразындағы кӧп тоғасчатхан тӧс паза сағайларның аарлас кибірлерінде учурапча тіп пасхан[14][15][16][17] . "Чалбах сӧсті орыс тіліне ""плоская поверхность"" чіли тілбестепчелер, "чалбах" тӧске[17], "Чалбах сагыт чіли чалбах тағны алай тигейні[18][19], Чалбах халасты (орыс. ""Лепешка"" ) таныхтапча. "Чайаан - Чалбах" орыс тіліне ""Вселенная"" алай ""Творец"" чіли тілбестелче. "Чир-Чалбах (ғы)" орыс тілінде ""Земля, Вселенная, Планета, Мир""[20].

Тархын

Аал чирі Сибирь губерниязына (1779 чылға теере), Колывань облазына (1779 - 1783), Колывань наместничествозына (1783 - 1796), Тобольск губерниязына (1796 - 1804), Томск губерниязына  (орыс) (рус. (1804 - 1822), Ачинск-Минсуғ тағ округына[21][22][23] (Минсуғ округы 1822-1898, Минсуғ уездіне 1898-1925), Ким губерниязына (1822 - 1925) кірген.

Алтын аныҷаң промышленник Иваницкийнің туразы – федеральнай синдегі Хакасияның архитектура памятнигі
Федеральнай синдегі Хакасияның архитектура памятнигі алтын аныҷаң промышленник Иваницкийнің туразы

XIX чӱс чылда тӧстелген, Ким губерниязына (1822 - 1925) чылларда кірген. Алтын аныҷаң промышленник З. М. Цибульскийнің  (орыс) (рус. паза аның чеені К. И. Иваницкийнің  (орыс) (рус. резиденциязы полған.

1867 чылда Худай тӧріткен покроп тигірибі Ким губерниязының Ачинск уездінің Ужур облазының сын сабланыс тигірибтерінің санына кірген[12][24][25][26]. Приход Ачинск уездінің Инородецтер устанызының Хызыллар чирінде тӧстелген[27] (Хызылларның чазы думазы 1893 чылға теере). Андар 38 аал кірген[12][28]

1888 чылның кӱрген айының 24-ҷі кӱнінде Худай тӧріткен покроп тигірибі хойнында школа азылған[12].

Ким епархиязының паза миссонерлер тигірибтерінің чонын ӱгретчең ресурстарны пиктир ӱчӱн, Ах-арығ Худай тӧріткеннің Тӧреені Хызылчардағы соборның Братствозы 1894 чылдаң сығара тигіриб школаларының библиотекаларына класста нимес хығырҷаң киндерні ағыл сыххан[25] . Миссионерлернің ол тустағы сан пирістерінде орындағы чон «инородецтер» тіп таныхталғаннар, оларның кибірлері паза киртіністері пасхалалҷаң[14][26][29][30]

Пічікті пілчеткен чонға епархияның тигіриб школаларында чарых росписьтіг хығыртығлар тимнелгеннер (епархияның полған на аймағында ікілер Хайхастығ фонарь  (орыс) (рус. паза 60 роспись). 1897 чылда Москвадағы фабрикант Швейцарияның кізізі физика-оптика механигі Теодор Швабеге 10 хайхастығ фонарь паза сӱлейкедегі 600 хоос чахылған. Хонҷых аймахтардағы школаларнаң тузында хоостарнаң алызар ӱчӱн, чыл сай сыхчатхан «Епархальные ведомости» чыындыда хайхастығ фонарьларның паза чарых хоостарының чӧріс изерізі чарыхха сығарылған[25].

1897 чылның орғах айының 1-ғы кӱнінде Минсуғ уездінің Чабак-Покроп приходында семинарист Павел Суховский чарыдығ ирткен. Покровскай тигіриб школазында прай 17 оолағас паза пір хызыҷах ӱгренген, оларның аразында 10 инородец полған[27][28], школаа, тізең, кӧп арах пала чӧрген. Тигірибке чӧрген улуғларның саны 1897 чылда 2288 кізее читкен[25].

1912 чылда пір класстығ министерскай школа азылған, анда 1916 кізі ӱгренген: 80 оолағас паза 40 хызыҷах. Школа чахсы оңдайлығ, чонның аарлазында полған. 1916 чылда Чабак-Покровскай приходта пазылған[12][26]:

Прай чир Ачинск уездінің иң пай областьтарының пірсі полча: тағларда алтын приисктер парлар, ойымнарда ас паза от чахсы сыхча, ибіркі арығ аразы аң-хусха пай чир, суғ-кӧллер, тізең, палыхха. Пу Ким епархиязының иң пай приходтарының пірсі полча. Чир-чайанның сілии паза хазых рельефі ӱчӱн Чабакты «Сибирьдегі Швейцария» тіп адапчаларЕнисейское церковно-историко-археологическое общество, Краткая характеристика приходов Енисейской епархии, Чебаковско-Покровский приход

1924 чылдаң сығара — Чабак аймааның устағ-пастағ кіні. Андар 24 аал паза город чӧбі кірген[12].

1924 чылда часхыда Чабак аалның клуб туразында хығырҷаң иб азылған. Клубха политклуб, драмкружок, музыка кружогы, ВЛКСМ уставын ӱгренҷең крудок кірген. Фельдшер пунктында ікі тоғынҷы, фельдшернең акушерка, істенген. Олар амбулаторнай полызығ ла пирҷеңнер. Имнег пунктында имнер чох полғаннар, тоғынминчатхан градусник паза ікі иргі пинцет полған[12].

1926 чылда аалның Ивановка суғ хазында школа, райисполком, кредит пирҷең товарищество, садығ паза имнег туразы, библиотека полған[12].

1933 чылда Кидеркі Сибирь крайының  (орыс) (рус. Чабак аймааның кіні Сыра посёлоксар кӧзірілген[31].

Чон

Аалдаңар пастағы искіріглер 1864 чылның "Ачинск уездінің ааллары" 2 участок 295 № Чебакинскай аал (Чебак алы) пічікте тоғасханнар. Ачинск уезд городынаң сығара 240 верста. 31 хоных, иреннер саны 114 кізі, ипчілер – 98[12][32].

Чон саны[12][32]
1864 1893 1901 1907 1911 1917 1925 1926 1924-1933
↗204 ↗417 ↗498 ↗681 ↗858 ↗1238 ↗1185 ↗1372 ↗1661

Чабак аалның кӧп чуртағҷызы Пастағы тилекей чаада (1914-1918)[12], Россиядағы гражданскай чаа  (орыс) (рус. (1918-1921)[12][33], Ікінҷі тилекей чаада (1941-1945) араласхан паза чат халған[12].

Чабак аалда Харындас сӧӧк оймағы пар, анда Гражданскай чааның іскеркі фронтында ӱреен 170 кізі сӧӧгі чатча. Сӧӧк оймағында Коммунар руднигінің (аның алнында "Богомдарованнай") 75 тоғысчызының сӧӧгі чатча. Пастағы хумартхы таста «1917-1920 чылдағы революция кирее ӱчӱн чат халған кӱресчілерге» пазылых полған, соонаң «Гражданскай чааның матырларына мемориал»[12].

Чон саны
2002[34]20042010[35]2020[36]
95↘78↘61↘37
10
20
30
40
50
60
70
80
90
100
2002
2004
2010
2020

Хоныхтар саны — 34, чон — 78 кізі. (01.01.2004), ол санда орыстар, хакастар (30 %) паза пасхазы. 2020 чылда 34 кізі саналған. 2024 чылда – 30-ча, оларның санында 8 пала[37].

Саблығ кізілер

  • Г. И. Итыгин (1873-1928) — хазна, политика паза халых кізізі, ӱгретчі, хабарҷы, учёнай.
  • Ю. А. Драничников  (орыс) (рус. (1938-1998)— совет тузындағы машиналар пӱдіриинде иң чахсы істенген кізілер санына кірген, Социалистическай Істеніс Матыры (1981).
  • З. М. Цибульский (1817-1882) — пастағы гильдия садығҷызы, алтын аныҷаң промышленник, меценат. Томсктағы соборның пӱдіриине 200 муң салковай пирген, 200 муң — ол туста пӱдірілчеткен Томсктағы Император университедіне. Ол Сибирьдегі пастағы университет полча. 1873 чылда Ким губерниязында санаторий-курорт киреенің тӧстегҷізі полыбысхан. Хости турчатхан Сыра кӧлнің им-томын позы сынап кӧрген соонда, ол кӧлде курорт идерге сағыныбысхан. Соонаң аны істес кӧрген. Цибульский Чабакта чайғыда чуртаҷаң тура пӱдіріп алған, соонаң ол тура Иваницкийнің чурты полыбысхан[38]:

Чайғыда ол кибірли позының пай дачазында чуртаҷаң, аны ол инородецтернің Чабак тайға поселогынаң ырах нимес пӱдір салған. Ол дачаның ээзі алғым тигіриб пӱдір салған, анда духовнай притчалар паза ырҷылар хоры хайраллалған. Дача улуғ тура полған, андар алғым теелбек салҷаң залы, бильярда ойнаҷаң орын, паза пай кізінің оңдайлары кірген. Турада музыканттарның оркестрі полған. Дача чирінде оранжереялығ сіліг сад полған, анда Кӧлеедее чахсы пыс парған апельсиннер ӧскірілҷең. Кӧлеедее Цыбульскийлер кибірли Томсктаң Чабаксар кил парҷаңнар, дачаларынзар; анаң оранжереяда ӧскірілген апельсиннер столға салылҷаңнар, ээлеріне читірілҷеңнер, оларнаң Кӧлеедее Цыбульскийлерзер килген аалҷыларны сыйлаҷаңнар. Канцелярия танығларынаң, Цыбульскийнің дачазына чыл сай 40-ча муң салковай парыбысчаң. Пу дача ідӧк Цыбульскийнің алтын аныҷаң промышленность резиденциязы полған, аның Ачинск-Минсуғ аймағында нинҷе-де прииск полған.Кулаев И.В., Под счастливой звездой Записки русского бизнесмена. 1875–1930. Цыбульский и Иваницкий.

  • К. И. Иваницкий  (орыс) (рус. (1863 - 1935) – алтын аныҷаң промышленник. Цыбульский ӱреен соонда аның кирее паза ис-пайы аның холына кірген, позы ӱреен соонда — оолғы Константин Ивановичке. Орыс революциязы тузында халғанҷызы Харбинзер тискен[38].

Чабактағы алтын аныҷаң промышленность резиденциязынаң парыбызып, ол чир алтына 6 пудча алтын сух салған. Ол орын Чабактаң 20 верста оортах полған; Харбинде полған Иваницкийлерні Совет правительствозына чазырылған алтынны пирібізерге киртіндіргеннер (анзы 1930 чылда полған ма, аның хап-орта кӱнін ундут салғам). Анда чахығҷа алтынны чир алтынаң сығарып, Совет ӱлгӱзінің кізілеріне пирібіскеннер. Пу операция Иваницкийлерге ахча пирген: чарым паазы чарадылған, ол 50 муң йен, ікінҷі чардығы Томскта Иваницкийнің хада тӧреен хыстарына тӧлелген.Кулаев И.В., Под счастливой звездой Записки русского бизнесмена. 1875–1930, К.И. Иваницкий

  • Г. И. Зерцалов (1940—2021) — совет партиязының кізізі, КПСС-тың Казаньдағы горкомының пастағы хачызы, Казаньдағы чон депутаттарының город чӧбінің кнезі (1990—1991).

Экономика

1917 чылда искіріглерде аалда потребительлер пірігізі, мал-хус: 737 пас ат, 571 тоғынчатхан ат, пір часха читкелек 76 пас хулун; 999 пас чоон мӱӱстіг ат, саалчатхан 448 пас інек, пір часха читкелек 258 пызо, 1080 хой паза ӧскі, 104 пас сосханаң палалары – пар полғаны чоохталған. 107 хыра чох ферма, таарығ 281,5 десятина. Кӱскӱде таараан арыс 11 десятина; часхыда таарыҷаң пуғдай 64 десятина. Сула — 78,4. Пасха культуралар саны 70,2. Чир тоғызының 63,1 десятина. Пӱктернің паза от сапчаң чирлернің улии - 1430 десятина.

Чапсых орыннар

  • «Иваницкийнің туразы» — усадьба — федеральнай синдегі Хакасияның архитектура памятнигі[39]. Иваницкийнің туразы — XIX чӱс чылның ікінҷі чардығында тыттаң пӱдірілген ікі хадыллығ башня балконның паза шпильліг тура. Особняк хадыллар аразында киртілген наличниктернең, ус иділген карнизтернең чазалых. Тура хайраллал халған, анда школа, анаң олған туразы полған, анаң істінде нааҷылалған соонда «Турист» олған турист-хазых пиктеҷең лагерь полған[12].
  • 1978 чылда М. Горькийнің адынаң киностудия «Конец императора тайги» тархын фильмін сығарыбысхан (режиссер Владимир Саруханов, сценарий Борис Камовти[40] паза Павел Лунгинни), анда РСФСР-дағы 1920 чыллардаңар паза Сибирь чиріндегі, Чабак аалдағы, гражданскай чаадаңар чоох парча. Аркадий Голиковтың (писатель Аркадий Гайдарның паза ағазы Егор Гайдарның), атаман Соловьёвтың Сибирьдегі казактарының чуртас чолының чардығы кӧзіділче[41].
  • Чабак (сібее тағ) — пурунғы сібее тағ.

Алған орын

  1. ↑ Всероссийская перепись населения 2010 года. 3. Численность населения Республики Хакасия. Дата обращения: 11 Сілкер айы 2014. Архивировано 29 От айы 2014 года.
  2. ↑ Карта Чебаки, Республика Хакасия область, Ширинский район. maps.vlasenko.net. Дата обращения: 31 От айы 2025.
  3. ↑ Труды Сибирской экспедиции императорского Русского географического общества.... [1]. Математический отдел Подробный отчет о результатах исследований Математического отдела Сибирской экспедиции Имп. Русского Географического общества / сост. гл. астрономом Экспедиции Лудвигом Шварцем ; с нем. пер. Яковом Цветковым. elib.rgo.ru (1864). Дата обращения: 31 От айы 2025.
  4. ↑ 1 2 3 А. Я. Тугаринов. Птицы Приенисейской Сибири: список и распространение. Т. 1, вып. 1 // Записки Средне-Сибирского Отдела (бывшего Красноярского) [Текст : Государственного русского географического общества / Издаваемые под ред. президиума отдела В. П. Косованова и А. И. Березовского]. — Красноярск: [б. и.], 1927. — 195 с.
  5. ↑ Жевлов М. А. Топонимия Хакасско-Минусинской котловины (лингвистический анализ): диссертация ... кандидата филологических наук: 10.02.06. — Алма-Ата, 1984.
  6. ↑ Бутанаев В. Я. Топонимический словарь Хакасско-Минусинского края / Гесуев И.Н. — Абакан, 1995. — С. 195. — 267 с.
  7. ↑ К. М. Патачаков. Культура и быт хакасов в свете исторических связей с русским народом (XVIII XIX вв.). — Рипол Классик, 2013. — С. 19. — 123 с. — ISBN 978-5-458-27150-9.
  8. ↑ Хакас тілінің чарыдығлығ сӧстігі / Майнагашева Н. С.. — Абакан: Хакасское книжное издательство им. В. М. Торосова, 2023. — Т. 2. — С. 568. — 736 с.
  9. ↑ 1 2 ТСД2/Чебак — Викитека. ru.wikisource.org. Дата обращения: 29 Ӱртӱн айы 2022.
  10. ↑ А. Д. Каксин, М. Д. Чертыкова. Хакасско-русский и русско-хакасский тематический словарь (разделы «Человек», «Флора и фауна») / Хакас-орыс паза орыс-хакас тема хоостыра пöлілген сöстік («Кізі», «Öзімнер паза чир-чайаандағы тіріг нимелер» чар-дыхтар). — Абакан: Хакасский государственный университет им. Н. Ф. Катанова, 2020. — С. 221. — 224 с.
  11. ↑ 1 2 N. N. (Natalʹi͡a Nikolaevna) Sosnina, I. I. Shangina. Russkiĭ tradit͡sionnyĭ kosti͡um : illi͡ustrirovannai͡a ėnt͡siklopedii͡a. — Sankt-Peterburg : "Iskusstvo-SPB", 1998. — 458 с. — ISBN 978-5-210-01501-3.
  12. ↑ 1 2 3 4 5 6 7 8 9 10 11 12 13 14 15 16 История деревня Чебаки Ширинский район Республика Хакасия - малая родина родной край uistoka.ru. uistoka.ru. Дата обращения: 31 От айы 2025.
  13. ↑ Russia. Ustav gornyĭ (t. VII Sv. Zak. po izdanīi͡u 1912 g.): s razʺi͡asnenīi͡ami, t͡sirkuli͡arami, instrukt͡sīi͡ami, ri͡eshenīi͡ami .... — Tip. I. Fleĭtmana, 1914. — 1672 с.
  14. ↑ 1 2 Евгений Константинович Яковлев. Этнографический обзор инородческого населения долины Южного Енисея и объяснительный каталог Этнографического отдела Музея. — Минусинск: изд. на средства В.А. Данилова, 1900. — Т. Вып. 4. — 357 с. — (Описание Минусинского музея. Отдел этнографический).
  15. ↑ Венарий Алексеевич Бурнаков. Фетиши - тёсы в традиционном мировоззрении хакасов (конец XIX - середина ХХ века) =: Fetishes of tos in the traditional worldview of Khakass (end of the 19th - the middle of the 20th century). — Новосибирск: Издательство ИАЭТ СО РАН, 2020. — 187 с. — ISBN 978-5-7803-0306-0.
  16. ↑ Бурнаков В.А. Чалбах тӧс – воплощение духа огня в традиционной ритуальной практике хакасов (конец XIX – середина XX в.).
  17. ↑ 1 2 Бутанаев Виктор Яковлевич. Семейно-родовые фетиши тюрок Хонгорая. cyberleninka.ru. Вестник Новосибирского государственного университета. Серия: История. Филология (2019). Дата обращения: 22 Кічіг хырлас айы 2022.
  18. ↑ Народы и культуры Южной Сибири и сопредельных территорий: Материалы Международной научной конференции, посвящённой 70-летию Хакасского научно исследовательского института языка, литературы и истории (24–26 сентября 2014). — Абакан: Хакасское книжное издательство, 2014.
  19. ↑ Научное наследие Н.Ф .Катанова и современное востоковедение. Материалы международной научной конференции, посвященной 140-летию со дня рождения Н.Ф.Катанова. — Абакан: Изд-во Хакасского государственного университета им. Н.Ф. Катанова, 2003.
  20. ↑ Grammatical dictionary of Khakassian stems : "чалбах". starling.rinet.ru. Дата обращения: 31 От айы 2025.
  21. ↑ Описания к картам золотых приисков Сибири и Урала. Енисейская губерния. Ачинско-Минусинский горный округ (Минусинский округ) : листы I-VII и клапаны к л. IV и л. VI / Комис. для собрания и разработки сведений о сиб. золотопромышленности и для сост. программы исслед. золотоносных районов. - Санкт-Петербург : Тип. Е. Евдокимова, 1899. Дата обращения: 31 От айы 2025.
  22. ↑ Томский государственный Университет. Описания к картам золотых приисков Сибири и Урала. Енисейская губерния. Ачинско-Минусинский горный округ (Минусинский округ) : листы I-VII и клапаны к л. IV и л. VI. — 1899.
  23. ↑ Map of the Russian Empire showing the regions of the precious metals. Library of Congress, Washington, D.C. 20540 USA (1890). Дата обращения: 31 От айы 2025.
  24. ↑ Хакасия • Большая российская энциклопедия - электронная версия. bigenc.ru. Дата обращения: 31 От айы 2027.
  25. ↑ 1 2 3 4 Православное миссионерское общество. Енисейский епархиальный комитет. Отчет Енисейского епархиального комитета православного миссионерского общества.. — Красноярск: Типография Енисейского губернского управления, 1898. — 34 с.
  26. ↑ 1 2 3 Краткое описание приходов Енисейской епархии. — Красноярск: Эл.-тип. Епарх. Братсва, 1916. — Т. Вып. 1. — 243 с. — (К истории Енисейской епархии).
  27. ↑ 1 2 Б. З. Нанзатов, В. В. Тишин. [1] Коренное тюркское население Ачинского округа в XIX в.: этнический состав и расселение] // Вестник БНЦ СО РАН. — 2019. — Вып. 4. — С. 108–131. — doi:10.31554/2222-9175-2019-36-108-131.
  28. ↑ 1 2 Патканов С. К. ГПИБ | Статистические данные, показывающие племенной состав населения Сибири, язык и роды инородцев (на основании данных специальной разработки материала переписи 1897 г.) : [В 3-х т.]. - СПб., 1911 - 1912. elib.shpl.ru. Дата обращения: 31 От айы 2025.
  29. ↑ Мамышева Е.п. Переселенцы и инородческое население в Енисейской губернии во второй половине XIX – начале XX вв. (на материалах Минусинского и Ачинского округов): проблема взаимоотношений // Genesis: исторические исследования. — 2018. — Вып. 11. — С. 101–107. — ISSN 2409-868X. — doi:10.25136/2409-868X.2018.11.28138.
  30. ↑ UNESCO. Director-General, 1999-2009. History of civilizations of Central Asia, v. 6: Towards the contemporary period: from the mid-nineteenth to the end of the twentieth century. unesdoc.unesco.org. Дата обращения: 1 Чарыс айы 2022.
  31. ↑ Постановление Президиума Центрального Исполнительного Комитета. О переименовании одноименных районов и районных центров Западно-Сибирского края. 7 июня 1933 г. Электронная библиотека исторических документов. Дата обращения: 31 От айы 2025.
  32. ↑ 1 2 ГПИБ | [Вып.] 51 : Енисейская губерния. - 1864. elib.shpl.ru. Дата обращения: 31 От айы 2025.
  33. ↑ Михаил Георгиевич Тарасов. Енисейское казачество в годы революции и Гражданской войны 1917-1922: монография. — Москва: Флинта Наука, 2011. — 173 с. — ISBN 978-5-02-037692-2.
  34. ↑ http://www.perepis2002.ru/content.html?id=11&docid=10715289081460.
  35. ↑ http://hakasstat.gks.ru/wps/wcm/connect/rosstat_ts/hakasstat/resources/b9541d004234bce0bb86ff2d59c15b71/2%29+Мужчины+и+женщины.xlsx.
  36. ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya.
  37. ↑ Дети из деревни Чебаки получили сладкие подарки от Минприроды Хакасии. Без формата (28 Улуғ хырлас айы 2024). Дата обращения: 31 От айы 2025.
  38. ↑ 1 2 И. В. Кулаев. Под счастливой звездой. Записки русского предпринимателя. 1875–1930. История России. Библиотека. statehistory.ru. Дата обращения: 31 От айы 2025.
  39. ↑ Памятники истории и культуры РФ. Архивировано 7 Ӱртӱн айы 2014 года., ИТАР-ТАСС-СИБИРЬ (недоступная ссылка — история).
  40. ↑ Борис Камов. Рывок в неведомое. — Litres, 2022-01-29. — 706 с. — ISBN 978-5-04-147997-8.
  41. ↑ Солоухин В.А. "Соленое озеро". www.rus-sky.com. Дата обращения: 1 Чарыс айы 2022.

Литература

  • Энциклопедия Республики Хакасия : [в 2 т.] / Правительство Респ. Хакасия; [науч.-ред. совет.: В. А. Кузьмин (пред.) и др.]. — Красноярск: Поликор, 2008. Т. 2 : [О — Я]. 320 с. : илл. С. 268. ISBN 978-5-91502-008-4
Алған орны - https://kjh.ruwiki.ru/w/index.php?title=Чабак_(аал)&oldid=153895