Итыгин, Георгий Игнатьевич

Георгий Игнатьевич Итыгин
Георгий Игнатьевич Итыгин
Хакас уездінің, округының тоғысчылар, кресеннер паза хызыл армеецтер депутаттарының исполкомының 1-ғы кнезі
	1924 чыл — 1927 чыл
Тӧреен кӱні	2 (14) кӧрік айы 1873; Чабак, Ачинск уезді[d], Ким губерниязы, Россия империязы[d];
Ӱреен кӱні	5 улуғ хырлас айы 1928 (55 час); Новосибирск[d], Сибирь крайы[d], РСФСР[d], СССР[d];
Чатчатхан чирі	Хызылчар[d];
Партия	РСДРП(б) (1917 чылдаң сығара)
Ӱгредии	Хызылчардағы ӱгретчілер институды

Георгий Игнатьевич Итыгин (2 (14) кӧрік айы 1873, Чабак, Ачинск уезді^[d], Ким губерниязы, Россия империязы^[d] — 5 улуғ хырлас айы 1928, Новосибирск^[d], Сибирь крайы^[d]) — хазна, политика паза халых деятельі, ӱгретчі, хабарҷы, учёнай. Хакасиядағы национальнай хазна пӱдіриинің, чон ӱгредиинің кізілерінің пірсі.

Чуртас чолы

Георгий Игнатьевичтің пабазы Игнатий Васильевич хакас (хызыл) полған, іҷезі — Матрёна Сергеевна — орыс^[1], олар маллар ӧскіріп, ас-тамах ӧскірҷеңнер. 1892 чылда Георгий Итыгин Хызылчардағы ӱгретчілер семинариязын тоос салған паза Минсуғ уездінің Шалоболиндегі школазынзар тоғысха ызылған. Пазағы чылда — Ағбан пилтіріндегі школазар. Соонаң Ачинск, Канск уездтерінің школаларында істенген, 1904—1913 чылларда Ужурдағы школада. 1905 чылда «За усердие» кӱмӱс медальнаң сыйыхтатхан 1913 чылда Хызылчардағы пастағы тимір чол школазының устағҷызына турғызылған^[2]. Сибирьдегі газеталарда школа сурығларынаңар, кресеннернің чуртазынаңар статьялар изерізін чарыхха сығар турған.

1915 чылда ӱгретчілер журналының пастағҷызы полыбысхан. 1916 чылда 1917 чылға теере сыбыра чарыхха сыххан «Сибирская школа» журналның — ӧӧн редакторы.

1917 чылның кӧрік айының 10-ҷы кӱнінде РСДРП(б) кірген. Хызылчарда Ӱгретчілер-интернационалисттер пірігізінің тӧстегҷілерінің пірсі полған. 1918 чылда Хызылчардағы ӱгретчілер институдын тоос салған. Колчак тузында ӱгретчілер аразында чазыт тоғыс апарған, харибде одырған. 1920 чылдаң сығара — губерния исполкомының кізізі, Хызылчардағы (орыс) (рус. тимірчолҷыларның культура-ӱгредіг учреждениелерінің комиссия кнезі, олох туста — Ким губерниязындағы чон ӱгредии пӧлиинің Хакас секциязының устағҷызы. Губернияның ревтрибуналның чорых сессиязынаң, Ким губерниязының ӱстӱнзархы чардығында хасхыларны чох итчең комиссиянаң устаан^[3].

1924 чылның кӱрген айының 12-ҷі кӱнінең сығара Хакас уездінің ревкомының кнезіне турғызылған. Соонаң Хакас уездінің (1924 чылның кічіг хырлас айында), округының (1925 чылның кічіг хырлас айында) тоғысчылар, кресеннер паза хызыл армеецтер депутаттарының исполкомының 1-ғы кнезіне табылған.

Итыгин хакас чонның культура паза чон ӱгредии тилізіне алынҷа хайығ салған, хакас алфавидін тӧстирінҷе комиссия тоғызынаң паза хакас тілінең пазылған пастағы учебниктерні тимнирінең устаан. Хакас тілі ӱгретчілеріне ӱс айлығ ӱгретчілер курзын тӧстеп алған, хакас тілі газетазын («Хызыл аал») сығарарынҷа пастағнаң сыххан.

Хакасияны паза Ойрот чирін (Алтай Республика) пір социалистическай автоном республикаа піріктірҷең сағызын арачылаан ӱчӱн, буржуазия национализмі ӱчӱн пыролатхан. 1927 чылның часхызында Новосибирсксер (орыс) (рус. ызылған, Сибирь крайындағы чон ӱгредии пӧлиинің асхынах саннығ чоннарның ӱгредии чӧбінің кнезі полған. Сибирьнің ыраххы пулуңнарынзар чорыхха сыхҷаң, «Просвещение Сибири» журналда сыбыра тоғыстарын чарыхха сығарҷаң^[4].

1928 чылның улуғ хырлас айының 5-ҷі кӱнінде ах чарыхтаң парыбысхан. Сӧӧгі Хызылчарда чатча^[5]..

Ипчізі Калерия Симеоновна Коростелёва. Оолғы — Эразм/Еразм (1896—1974), писатель паза ӱгретчі, «Жизнь Егора Итыгина, или Очерки из жизни трудовой интеллигенции Сибири конца ХIХ — начала ХХ века» кинденің авторы^[6].

Г. И. Итыгиннің адынаң Ағбандағы орама адалых, хумартхы чардызы пар.

Алған орын

↑ Нилогов А. С. Документальная реконструкция родословной Г. И. Итыгина (орыс) // Научное обозрение Саяно-Алтая. — 2021. — № 4. — С. 53-58.
↑ Ултургашев С. П., Тугужекова В. Н. Итыгин Георгий Игнатьевич (орыс) // Энциклопедия «Хакасия» (Хакасско-Минусинская котловина). — 2022. — Т. 5. — С. 55-56.
↑ Ултургашев С. П. Итыгин Георгий Игнатьевич / Энциклопедия Республики Хакасия. Т. I. — Абакан, 2007. — С. 246
↑ Тугужекова В. Н. Итыгин Георгий Игнатьевич (орыс) // Славные люди хакасского народа. — 2010. — С. 98.
↑ «Сильная личность с душой романтика» (рус.). Национальная библиотека имени Н. Г. Доможакова. Дата обращения: 13 Чарыс айы 2025.
↑ 14 марта исполняется 150 лет со для рождения Георгия Игнатьевича Итыгина (рус.). Сайт Министерства культуры Республики Хакасия. Дата обращения: 13 Чарыс айы 2025.

Литература

Очерки истории Хакасии советского периода. 1917—1961. Абакан, 1963
Патачаков К. М. К истории создания хакасской письменности / Уч. зап. ХакНИИЯЛИ. — Абакан, 1966. — Вып. 12. — С. 148.
Патачаков К. М. Председатель уревкома / Жизнь, отданная народу (Сост., кандидат исторических наук К. Г. Копкоев). — Абакан: Хакасское отделение Красноярского книжного издательства, 1969. — С. 77-83.
Ултургашев С. П. Итыгин Георгий Игнатьевич / Энциклопедия Республики Хакасия. Т. I. — Абакан, 2007. — С. 246.
Тугужекова В. Н. Итыгин Георгий Игнатьевич / Славные люди хакасского народа. — Абакан, 2010. — С. 98.
Историческая энциклопедия Сибири в 3-х т. / [гл. ред. В. А. Ламин; отв. ред. В. И. Климченко; отв. секр. Н. Н. Аблажей]. — Новосибирск : Историческое наследие Сибири, 2010. — , 1 (А-И). — С. 432.
Итыгин и журнал «Сибирская школа» / Красноярская пресса. XX век : сб. материалов по истории СМИ Краснояр. края / Гл. упр. по телерадиовещанию, печати и информ. администрации Краснояр. края, Обществ. орг. «Союз журналистов Краснояр. края»; [сост. и ред. Ю. П. Авдюков]. — Красноярск, 2002. — С. 55.
Нилогов А. С. Документальная реконструкция родословной Г. И. Итыгина // Научное обозрение Саяно-Алтая. — 2021. — № 4. — С. 53-58.
Артамонова Н. Я. Жизнь и деятельность Г. И. Итыгина сквозь призму воспоминаний сына // Государственное бюджетное учреждение культуры Республики Хакасия «Национальная библиотека имени Н. Г. Доможакова»

Ссылкалар

Итыгин Георгий Игнатьевич // Историческая энциклопедия Сибири
Сильная личность с душой романтика // Хакасия. — 2018. — 1 марта.
Хакасский ученый изучил родословную Итыгиных // ИА «Хакасия». — 2022. — 16 марта.
«Сильная личность с душой романтика» // Государственное бюджетное учреждение культуры Республики Хакасия «Национальная библиотека имени Н. Г. Доможакова»
Жителям Хакасии рассказали, что известно об Итыгиных ученым // ИА «Хакасия». — 2023. — 14 марта.

[1] Нилогов А. С. Документальная реконструкция родословной Г. И. Итыгина (орыс) // Научное обозрение Саяно-Алтая. — 2021. — № 4. — С. 53-58.

[2] Ултургашев С. П., Тугужекова В. Н. Итыгин Георгий Игнатьевич (орыс) // Энциклопедия «Хакасия» (Хакасско-Минусинская котловина). — 2022. — Т. 5. — С. 55-56.

[3] Ултургашев С. П. Итыгин Георгий Игнатьевич / Энциклопедия Республики Хакасия. Т. I. — Абакан, 2007. — С. 246

[4] Тугужекова В. Н. Итыгин Георгий Игнатьевич (орыс) // Славные люди хакасского народа. — 2010. — С. 98.

[5] «Сильная личность с душой романтика» (рус.). Национальная библиотека имени Н. Г. Доможакова. Дата обращения: 13 Чарыс айы 2025.

[6] 14 марта исполняется 150 лет со для рождения Георгия Игнатьевича Итыгина (рус.). Сайт Министерства культуры Республики Хакасия. Дата обращения: 13 Чарыс айы 2025.

[1]

[2]

[3]

[4]

[5]

[6]