Піріккен кӱні
| Донецк паза Луганск Чон Республикаларының, Запорожье паза Херсон областьтарының Россия Федерациязына піріккен кӱні | |
|---|---|
 | |
| Тип | Хазна |
| Тӧстелген | 19 сентябрь 2023 чыл |
| Таныхталчатхан орны | Россия |
| Таныхталчатхан тузы | 30 сентябрь |
| Палғалыстығ | Россия Федерациязына СВО тузында тархынҷа Россия чирлерінің айландырылғанынаң |
Донецк паза Луганск Чон Республикаларының, Запорожье паза Херсон областьтарының Россия Федерациязына піріккен кӱні (орыс. День воссоединения Донецкой Народной Республики, Луганской Народной Республики, Запорожской области и Херсонской области с Российской Федерацией) (ідӧк Наа регионнарның Россиянаң піріккен кӱні ) (орыс. День воссоединения новых регионов с Россией) — Россияның чааҷы сабланызы паза танығлығ кӱннерінің пірсі.
Тархын
21 февральда 2022 чылда Россия Донецк паза Луганск чон республикаларының (ДНР паза ЛНР) пос алынҷа полыбысханынаң чарасхан[1]. Пос алынҷа полар право ӱчӱн кӱрезігні 2024 чылдаң сығара апарчатхан ДНР паза ЛНР Россиязар полызығ соонҷа айланғаннар. Ағаа нандырар пӧгіннең 24 февральда 2022 чылда РФ-ның Тирігліг кӱстері Украинада ӧнетін чаа операциязын пастааннар (СВО)[2]. Чаалазығ киректері пастыра Россия войсколары Запорожье[3] паза Херсон областьтары чирлерінің улуғ чардығын холға киргеннер[4]. Анда чаа гражданскай устағ-пастағлары тӧстелгеннер (ВГА).
23-27 сентябрьда 2022 чылда ДНР-да, ЛНР-да, Запорожье паза Херсон областьтарында пу регионнарның Россияа наа субъекттер чіли хозылчатханынаңар референдумнар ирткеннер. Бюллетеньнерде пір ле сурығ полған. ДНР паза ЛНР чуртағҷыларына: олар «республика Россия Федерациязына РФ-ның субъекті чіли кірерінең» чарасчалар ба? Запорожье паза Херсон областьтарының чуртағҷыларына: «Область Украина санынаң сығып, пос алынҷа хазна тӧстеп, Россия Федерациязына кірген ӱчӱн ме?»[5]. ДНР-да паза ЛНР-да 2020 чылдаң сығара хазна тілі орыс тілі ле полчатхан ӱчӱн, бюллетеньнер орыс тілінең пазылғаннар, Запорожье паза Херсон областьтарында — украин паза орыс тіллерінең. Ӱн пиргеннернің саны полған на регионда 50 % азыра полған; оларның кӧп сабазы Россия Федерациязына хозылар ӱчӱн ӱннерін пиргеннер[6].
28 сентябрьда 2022 чылда референдум салтары хоостыра, ДНР паза ЛНР пастағҷылары Денис Пушилин паза Леонид Пасечник, ідӧк Запорожье паза Херсон областьтарының Чаа гражданскай устағ-пастааның пастары Евгений Балицкий паза Владимир Сальдо Россия президенті Владимир Путинге регионнарның Россия Федерациязының наа субъекттері чіли кирерінеңер айланғаннар[7].
29 сентябрьда 2022 чылда РФ-ның президенті Владимир Путин Запорожье паза Херсон областьтарының пос алынҷа полыбысханынаң чарасчатхан чахығларда хол салған[8].
30 сентябрьда 2022 чылда Россия президенті Владимир Путин ДНР, ЛНР, Запорожье паза Херсон областьтары Россия Федерациязына кірчеткенін таныхтапчатхан чӧптезігде хол салған[9].
4 октябрьда пічіктер ратификация ирткеннер, оларға килістіре федеральнай конституция законнарында хол салылған, олар 5 октябрьда чуртасха кирілгеннер[10].
Законның алылғаны
12 сентябрьда 2023 чылда Россия президенті В. В. Путин Хазна Думазына проект кирген. Аның хоостыра, 30 сентябрь Россия Федерациязының паза РФ и ДНР, ЛНР, Запорожье паза Херсон областьтарының піріккен кӱні чіли тӧстелче[11]. Проект хоостыра, Россияның чааҷы сабланызы паза танығлығ кӱннерін таныхтиры Федеральнай законға алызығлар кирері кӧріл парған[12].
Алған орын
- ↑ Путин подписал указы о признании независимости ЛНР и ДНР. Известия (21 Азығ айы 2022). Дата обращения: 19 Ӱртӱн айы 2023.
- ↑ Военная операция на Украине. Хроника. Interfax. Дата обращения: 19 Ӱртӱн айы 2023.
- ↑ Запорожская область скоро вольется в семью народов России, заявил глава ВГА. РИА новости (12 Хандых айы 2022). Дата обращения: 19 Ӱртӱн айы 2023.
- ↑ Администрация Херсонской области: Регион никогда не вернется в состав Украины. Российская газета (11 Хандых айы 2022). Дата обращения: 19 Ӱртӱн айы 2023.
- ↑ Что известно о референдумах в ДНР, ЛНР и освобожденных областях Украины о вхождении в РФ. ТАСС (23 Ӱртӱн айы 2022). Дата обращения: 19 Ӱртӱн айы 2023.
- ↑ Референдумы в ДНР, ЛНР, Херсонской и Запорожской областях. Главное. РБК (29 Ӱртӱн айы 2022). Дата обращения: 19 Ӱртӱн айы 2023.
- ↑ Власти Херсонской области обратились к Путину с просьбой о присоединении к РФ. Известия (28 Ӱртӱн айы 2022). Дата обращения: 19 Ӱртӱн айы 2023.
- ↑ Владимир Путин подписал указы о признании независимыми Херсонской и Запорожской областей. Ведомости (30 Ӱртӱн айы 2022). Дата обращения: 19 Ӱртӱн айы 2023.
- ↑ Путин: выбор людей на новых территориях - их неотъемлемое право, закрепленное в Уставе ООН. ТАСС (30 Ӱртӱн айы 2022). Дата обращения: 19 Ӱртӱн айы 2023.
- ↑ Путин подписал законы о принятии ДНР, ЛНР, Запорожья и Херсона в Россию. ТАСС (5 Чарыс айы 2022). Дата обращения: 19 Ӱртӱн айы 2023.
- ↑ О внесении изменений в статью 1-1 Федерального закона "О днях воинской славы и памятных датах России". Система обеспечения законодательной деятельности. Дата обращения: 19 Ӱртӱн айы 2023.
- ↑ Путин внёс в ГД проект об установлении Дня воссоединения России и новых регионов. Russia Today (12 Ӱртӱн айы 2023). Дата обращения: 19 Ӱртӱн айы 2023.
