Россия Федерациязының Конституция кӱні

Рувики тiп сайттаң
Сыныхталған статья
Конституция кӱні
Россия Федерациязының Президенті присяга алҷаң Конституция экземпляры
Россия Федерациязының Президенті присяга алҷаң Конституция экземпляры
Тип Хазна ӱлӱкӱні
Закон хоостыра Россия Федерациязының Конституция кӱні
Ідӧк РФ-ның Конституция кӱні
Тузазы Россияның хазна пӱдізін, кізінің правозын паза пос чуртазының оңдайын кӧзітчеткен ӧӧн законны алары
Тӧстелген 1993 чылның улуғ хырлас айының 12-ҷі кӱнінде ирткен тиксі чонның ӱн пирізіне чарыдылған
Тӧстегҷі Борис Ельцин
Таныхталчатхан орны Россия
Кӱні Улуғ хырлас айының 12-ҷі кӱнінде
Таныхталчатханы Культура мероприятиелері, правоведение уроктары, кӧзідіглер, концерттер
Кибiрлер Хазна сыйыхтарынаң таныхтиры, паспорттарны пайрамни пирері, чоннаң тоғыс апарҷаң тиксі Россиядағы кӱн
Палғалыстығ Россия Конституциязынҷа тиксі чонның ӱн пирізі
Логотип РУВИКИ.Медиа Медиафайлы на РУВИКИ.Медиа

Россия Федерациязының Конституция кӱні (орыс. День Конституции Российской Федерации) — чыл сай улуғ хырлас айының 12-ҷі кӱнінде таныхталчатхан хазна ӱлӱкӱні[1][2]. 1993 чылда пу кӱнде хазнаның пу законын чаратчатхан тиксі чонның ӱн пирізі ирткен[3].

1994 чылдаң сығара 2004 чылға теере тоғыс нимес ӱлӱкӱн кӱні полған. 2005 чылның кӱрген айының 1-ғы кӱнінең сығара Россия Федерациязының Істеніс кодекзіне алызығлар кирілгені хоостыра улуғ хырлас айының 12-ҷі кӱні тоғыс кӱніне саналча, ӱлӱкӱн, тізең, Россияның танығлығ кӱннеріне киріл парған[4][5].

Тархын

Россия Конституциязының тархыны  (орыс) (рус. СССР-да ӧӧн закон нинҷе-нинҷе хати алылған, аннаңар Конституция кӱнін таныхтаҷаң кӱн алыстырылған. Пастағы Конституция кӱні СССР-ның Ӧӧн толдырығ комитедінің  (орыс) (рус. президиумының 1924 чылның орғах айының 3-ҷі кӱнінде сыххан декредінең тӧстелген (Конституция, тізең, 1924 чылның кӱрген айының 31-ҷі кӱнінде СССР-ның Советтерінің II чыылинда алылған). Чарадығ хоостыра ӧӧн законның ӱлӱкӱні чыл чӧрҷең — аны от айының пастағы позырағында таныхтаҷаңнар. 1930 чылда совет предприятиелері тынағ чох производство неделязына кірібіскеннер, Конституция кӱні от айының 6-ҷы кӱніне турғызылған. Ол тоғыс кӱніне саналҷаң[6].

1936 чылның улуғ хырлас айының 5-ҷі кӱнінде Советтернің VIII сағыбаан чыылиинда наа Конституция алылған, аны алған кӱн тиксі чоннарның ӱлӱкӱні чіли чарлалған. Сталиннің  (орыс) (рус. тузында СССР-ның Конституция кӱні тоғыс нимес кӱні полыбысхан. Ол 1976 чылға теере улуғ хырлас айында таныхталған[6].

Хазнаның ӧӧн законының наа версиязы 1977 чылда пол килген. Чарыс айының 7-ҷі кӱнінде ол СССР-ның Ӧӧркі Чӧбінің теестегі нимес чыылиинда алылған, аның соонда «СССР-ның Конституциязы (Ӧӧн законы) кӱнін алған кӱнні тиксі чонның ӱлӱкӱні чіли чарлирынаңар» закон алылған. Чарыс айының 7-ҷі кӱні тоғыс нимес ӱлӱкӱн кӱні чіли СССР сайбал парған 1991 чылға теере полған[6].

1993 чылдағы Конституцияның тимнелгені

Россия Федерациязының Конституциязы  (орыс) (рус. 1990 чылның хандых айының 12-ҷі кӱнінде РСФСР-ның чон депуттарының I чыылии РСФСР-ның хазна суверенитедінеңер декларациязын алыбысхан. Пічікте ӧӧн законның наа текзі киректелчеткені таныхталған. Ол тимнеліп алылғанҷа, РСФСР-ның 1978 чылдағы Конституциязы (алызығларынаң хада) тоғынған[6].

Наа Конституциянаң тоғынҷаң чон депутаттар чыылииның Конституция комиссиязы 1990 чылның хандых айында тӧстелген. Анынаң РСФСР-ның Ӧӧркі Чӧбінің кнезі Борис Ельцин устаан. 1990 чылдаң сығара 1993 чылға теере аймах политика паза халых чӧрімнері хабазиинаң законның 20 версиязы тимнелген, че пічік хоостыра ікізі ле кӧрілген. Пастағызының авторлары Сергей Алексеев  (орыс) (рус. — РФ-ның Президентінің пос правозынҷа істезіг кіні чӧбінің кнезі паза Сергей Шахрай — Россия Федерациязының правительствозының кнес орынҷызы. Ікінҷі версияны Олег Румянцевтің устаанында Конституция комиссиязының араласчылары тимнееннер[6].

Пічік хоостыра комиссияа пір чӱсче депутат кірген. Сынында, тізең, Конституция проектінең тоғыс ӧмезіне кірген 12-15 кізі тоғынған. Комиссияның «моторы» аның нандырығлығ хачызы, 30 частығ Олег Румянцев, полған. Анынаң хада проектте нинҷе-де депутат ӧткін араласхан, ол санда Виктор Шейнис, Юрий Рыжов, Борис Золотухин, Фёдор Шелов-Коведяев, Евгений Амбарцумов, Сергей Шахрай. Эксперттер аразында Борис Страшунны, Леонид Мамутты, Владимир Лафитскийні адирға кирек. Комиссияның пӧгіні, тилекейдегі опытты санға алып, Россиядағы Конституция модельін тӧстеп алары полған.

— Андрей Гольцблат[7]

1993 чылның хандых айының 5-ҷі кӱнінде РФ-ның президенті Борис Ельциннің пастаанаң Конституция чыылии ирткен. Анда хазна ӱлгӱзінің органнарының, орындағы пос устаныстарның паза халых пірігістерінің кізілері араласханнар. Чыылығда наа Конституцияның халғанҷы тӱзедии алылған. Олох туста Чыылығ паза РФ-ның Ӧӧркі чӧбі ӧӧн законның пос версиязын тимнееннер. Аны 1993 чылның кічіг хырлас айының 17-ҷі кӱнінде чон депутаттарының X чыылиинда аларға иткеннер. Ол тустағы президент, тізең, Чон депутаттарының чӧбін паза РФ-ның Ӧӧркі чӧбін позыдыбысхан, оларның орнына Федеральнай чыылығ тӧстебізерге идібіскен. Россия Федерациязының Конституция чарғызы пастыра аның чарадии ӧӧн законны хыйыстырчатхан тіп саналған. РФ-ның Ӧӧркі Чӧбі Конституция хоостыра Борис Ельциннің президент полномочиелерін тохтадыбысхан паза аның тоғызын толдырарға РФ-ның вице-президенті Александр Руцкойны  (орыс) (рус. турғыс салған. Чон депутаттарының X сағыбаан чыылии ирткен. Депутаттар чыылысхан Москвадағы Ӧӧркі чӧп туразын Борис Ельциннің чахиинаң істіндегі войсколар паза милиция пиктебіскеннер. 1993 чылның чарыс айының 3-ҷі кӱнінде столицаа чааҷылар кирілгеннер, олар пазағы кӱнінде танк атызы соонаң парламент туразын холға киргеннер. Оппозиция устағҷылары, ол санда парламенттің кнезі паза вице-президент арестке алылғаннар[6].

1993 чылның чарыс-кічіг хырлас айларында Ельцин чаратхан Конституция проекті Конституция совещаниезі органнары — Халых паза хазна палаталары паза Конституция арбитраж комиссиязы — пастыра читіре тимнелген. Президент 1993 чылның улуғ хырлас айында Конституция проектінҷе тиксі чонның ӱн пирізін иртірердеңер чахығда хол салған[6].

РФ-ның Конституциязын алғаны

РФ-ның Конституциязының наа версиязы тиксі чонның ӱн пирізінҷе 1993 чылның улуғ хырлас айының 12 кӱнінде алылған, олох чылның улуғ хырлас айының 25-ҷі кӱнінде «Российская газета» сығарызында чарыхха сыххан соонда чуртасха кирілген[8]. 1994 чылда РФ-ның президенті «О Дне Конституции Российской Федерации» паза «О нерабочем дне 12 декабря» чахығлар сығарыбысхан. Улуғ хырлас айының 12-ҷі кӱні хазна ӱлӱкӱні тіп чарлалған[9].

2004 чылның улуғ хырлас айының 24-ҷі кӱнінде Хазна думазы Россия Федерациязының Істеніс кодекзіне тӱзедіглер кирген, аның хоостыра Россияның ӱлӱкӱннер мӱчеліне алызығлар кирілген[10]. Іди 2005 чылдаң сығара Конституция кӱні тоғыс кӱні, олох туста Россияның танығлығ кӱні полыбысхан[11].

Тузазы паза юридическай кӱзі

Россия Федерациязының Конституциязы Россияның прай право системазының ӧӧні полча, ағаа прай законнар тӧстенчелер. Хазнаның ӧӧн законы чіли ол иң пӧзік юридическай кӱстіг паза хазнаның прай чирлерінде тоғынча. Пос правозын хайраллапчатса, кізілер кӧнізінең аның статьяларына сылтанар оңдайлығлар[12].

Пічік конституция пӱдізінің, федерация пӱдізінің ӧӧнін, ідӧк закон алҷаң, толдырығ паза чарғы ӱлгӱзіне чарылчатхан хазна ӱлгӱзінің органнар системазын пиктепче[12]. Конституцияның 2-ҷі статьязы хоостыра, иң пӧзік аарласта кізі, аның правозы паза пос чуртазы полча[13]. Конституция амыр пос паза турыстығ чуртасха право пирче паза Россия хазназының демократия тилізінің тӧстее чіли кӧрілче[14].

2020 чылда Конституцияа алылған тӱзедіглер ӱлӱкӱннің пічікке кирілген синін алыстырбааннар: улуғ хырлас айының 12-ҷі кӱні танығлығ кӱн, че тынағ кӱні нимес чіли халған[15]. Ӱлгӱ кізілерінің искіриинең, тӱзедіглер кирілген чылда Конституция кӱнінің «алынҷа тузазы паза сині» пол килген. Ол тӱзедіглер улуғ ӱзӱріглер паза тиксі Россиядағы ӱн пиріс хоостыра кирілгеннер, анзы чонның конституция тоғызына тартылчатханын ӧскірібіскен паза нааҷылалған Ӧӧн законның политика паза идеология тузазына хайығны тартхан[16].

Кибірлер

Конституция кӱні тоғыс кӱні полза даа, улуғ хырлас айының 12-ҷі кӱнінде тиксі хазнада аймах мероприятиелер иртчелер, оларның кӧп сабазы хазна синіндегі паза чарыдығлығ оңдайлығ[17]. Кремльде Россияның президенті иң пӧзік хазна сыйыхтарынаң таныхтапча[18], ӱлгӱ органнарында саблығ юристтерні паза чарғыҷыларны пайрамни сыйыхтапчалар[19][20]. Городтарда концерттер, чир-сууна хынарға кӧӧктірчеткен чӧрімнер паза митингтер иртчелер[21].

Пу кӱнде 14 час толдыр салған Россия чуртағҷыларына пастағы паспорттарны пайрамни пирҷең кибір пар[20][22]. Мероприятиелернің кӧп сабазы право сурығларын чарыдарына кӧріл парған: ӱгредіг заведениелерінде уроктар, лекциялар паза семинарлар иртчелер[19][21], библиотекаларда паза музейлерде — кинде паза тархын кӧзідіглері. Ідӧк ӧӧн законны пілчеткеніне чарыдылған ойыннар, викториналар паза марығлар иртірілчелер[23][24].

Ӱлӱкӱннең ідӧк тиксі Россиядағы чӧрімнер палғалыстығлар. Пу кӱнде кізілернең тоғынҷаң тиксі Россиядағы кӱн иртче. Аның хоостыра ӱлгӱ органнарының кізілері чонның сурығларына нандырчалар[20]. Ідӧк «Гражданин» халых чӧрімінің «РФ-ның Конституциязынаңар пілістеріне тиксі Россиядағы тест» чӧрімі иртірілче, анда 12 час ас парған прай чон аралазар оңдайлығ[25].

Алған орын

  1. ↑ 12 декабря – День Конституции Российской Федерации. Представительство МИД России в г. Владикавказе. Дата обращения: 5 Улуғ хырлас айы 2025.
  2. ↑ История Дня Конституции. Двадцать девятый регион. Дата обращения: 5 Улуғ хырлас айы 2025.
  3. ↑ Указ Президента Российской Федерации от 19.09.1994 г. № 1926. Дата обращения: 5 Улуғ хырлас айы 2025. Архивировано 21 Орғах айы 2021 года.
  4. ↑ 12 декабря – День Конституции Российской Федерации. Поволжский институт управления имени П.А. Столыпина – филиал РАНХиГС. Дата обращения: 5 Улуғ хырлас айы 2025.
  5. ↑ День Конституции Российской Федерации. ДОСААФ России. Дата обращения: 9 Кічіг хырлас айы 2025.
  6. ↑ 1 2 3 4 5 6 7 Антон Новодережкин. День Конституции РФ. Что известно об основном законе страны и празднике в его честь. ТАСС (12 Улуғ хырлас айы 2022). Дата обращения: 5 Улуғ хырлас айы 2025.
  7. ↑ Андрей Гольцблат Историческая правка: как принимали российскую Конституцию. РБК (12 Улуғ хырлас айы 2024). Дата обращения: 2025=12-12.
  8. ↑ Конституция Российской Федерации от 25 декабря 1993 года, с изменениями от 30 декабря 2008 года. Российская газета (21 Кӱрген айы 2009). Дата обращения: 2025=12-12.
  9. ↑ В России отмечают День Конституции. Российский союз молодёжи (12 Улуғ хырлас айы 2020). Дата обращения: 2025=12-12.
  10. ↑ Дума изменила праздничный календарь, Вести (24 Улуғ хырлас айы 2004). Архивке ызылған 14 Улуғ хырлас айы 2014 чылда. Дата обращения: 5 Улуғ хырлас айы 2025.
  11. ↑ Федеральный закон от 13 марта 1995 г. № 32-ФЗ «О днях воинской славы и памятных датах России». Президент России. Дата обращения: 5 Улуғ хырлас айы 2025. Архивировано 26 Кічіг хырлас айы 2021 года.
  12. ↑ 1 2 12 декабря – День Конституции Российской Федерации. Администрация Воскресенского городского округа Московской области. Дата обращения: 5 Улуғ хырлас айы 2025.
  13. ↑ День Конституции России 12 декабря 2024: как появился праздник, будет ли выходной. vtomske.ru. Дата обращения: 5 Улуғ хырлас айы 2025.
  14. ↑ 12 декабря – День Конституции Российской Федерации. Уполномоченный при Президенте Российской Федерации по правам ребенка. Дата обращения: 5 Улуғ хырлас айы 2025.
  15. ↑ Россиянам напомнили, является ли День Конституции выходным днем. Би-порт. Дата обращения: 5 Улуғ хырлас айы 2025.
  16. ↑ В. Матвиенко: В год 75-летия Великой Победы и принятия поправок в Конституцию РФ День народного единства обретает особый смысл, статус, значение. Совет Федерации. Дата обращения: 5 Улуғ хырлас айы 2025.
  17. ↑ День Конституции в России: история и традиции главного праздника страны. URA.RU. Дата обращения: 5 Улуғ хырлас айы 2025.
  18. ↑ 12 декабря – День Конституции Российской Федерации. Представительство МИД России в г. Владикавказе. Дата обращения: 5 Улуғ хырлас айы 2025.
  19. ↑ 1 2 День Конституции России: история и традиции праздника. РЕН ТВ (12 Улуғ хырлас айы 2022). Дата обращения: 5 Улуғ хырлас айы 2025.
  20. ↑ 1 2 3 День Конституции Российской Федерации (12 декабря). Уральский государственный педагогический университет. Дата обращения: 5 Улуғ хырлас айы 2025.
  21. ↑ 1 2 День Конституции Российской Федерации. Брянский колледж транспортных и промышленных технологий. Дата обращения: 5 Улуғ хырлас айы 2025.
  22. ↑ В Твери отметили День Конституции. Администрация города Твери. Дата обращения: 5 Улуғ хырлас айы 2025.
  23. ↑ «Основной закон нашей жизни»: цикл мероприятий ко Дню Конституции Российской Федерации. Централизованная библиотечная система г. о. Электросталь. Дата обращения: 5 Улуғ хырлас айы 2025.
  24. ↑ План мероприятий, посвященных празднованию Дня Конституции Российской Федерации. Администрация Балашовского муниципального района. Дата обращения: 5 Улуғ хырлас айы 2025.
  25. ↑ 12 декабря — День Конституции России: как отмечают, какие мероприятия пройдут в 2024 году. Наша Тында. Дата обращения: 5 Улуғ хырлас айы 2025.

Литература

  • Шахрай С. М. О Конституции: Основной закон как инструмент правовых и социально-политических преобразований. Отделение общественных наук РАН. М.: Наука, 2013. С. 58-59.
  • Бабурин С. Н. Русская государственность и Российское государство в системе ценностей и интересов современной политики, международного и конституционного права: морфология. М: Юнити-Дана, 2018. С. 161.

Ссылкалар

Алған орны - https://kjh.ruwiki.ru/w/index.php?title=Россия_Федерациязының_Конституция_кӱні&oldid=153934