Хан тигір кирее кӱні

Рувики тiп сайттаң
Киречілелген статья
Рецензент: Александр Марусев, исполнительный директор АМКОС
Presidential-library-icon.svg

Тузаланылған материаллар

Б. Н. Ельциннің адынаң Президент библиотеказынаң алылғаннар

Пу статьяда Б. Н. Ельциннің адынаң Президент библиотеказының чыындызының
материаллары тузаланылча
Хан тигір кирее кӱні
Soviet Union-1965-Stamp-0.12. Cosmonautics Day.jpg
Тип Тоғыс ӱлӱкӱн кӱні / танығлығ кӱн
Тузазы хан тигір тузының пасталғанын таныхтапча
Тӧстелген 1962 чылның хосхар айының 9-ҷы кӱнінде кізінің хан тигірзер пастағы учуғызына чарыдылған
Тӧстегҷі СССР-ның Ӧӧркі Чӧбінің Президиумы
Кӱні Хосхар айының 12-ҷі кӱні
Таныхталчатханы тема хоостыра чыылығлар, кӧзідіглер, матстер-класстар, кинолар кӧзідіглері, лекциялар, перформанстар, фестивальлар, экскурсиялар
Кибiрлер Юрийнің хараазы
Палғалыстығ Чоннар аразындағы кізінің хан тигірзер учуххан кӱні
Логотип РУВИКИ.Медиа Медиафайлы на РУВИКИ.Медиа

Хан тигір кирее кӱні (орыс. День космона́втики) — кізінің хан тигірзер пастағы учуғызына чарыдылған ӱлӱкӱн[1]. Пастап СССР-да, соонаң пасха хазналарда таныхтал сыххан.

Хосхар айының 12-ҷі кӱнінде таныхталча. Кізінің хан тигірзер пастағы учуғызына чарыдылча, 1961 чылда Юрий Гагарин хан тигірзер кӧдірілген[1].

Тархын паза таныхтаҷаң кибір

1961 чылның хосхар айының 12-ҷі кӱнінде совет хантигірҷізі Юрий Гагарин  (орыс) (рус., «Восток-1» хан тигір корабльынаң «Байконур» космодромнаң сығара тилекейде пастағызын на хан тигірзер учуғып, Чирні ибір килген[2]. Гагариннің чирге чағын хан тигірдегі учуғызы 108 пағат узарадылған[3], ол Саратов облазында одырған. Ол чирде Юрий Гагариннің адынаң хан тигірге читкен кізілернің паркы  (орыс) (рус. тӧстелген[4].

Пастағы Чирнің хантигірҷізі Юрий Алексеевич Гагарин. «Первый рейс к звёздам» фильмдең кизек, 1961

Хан тигір кирее кӱнін таныхтиры Гагариннің учуғызы соонда пазағы чылда СССР-ның Ӧӧркі Чӧбінің Президиумының 1962 чылның хосхар айының 9-ҷы кӱнінде сыххан чахиинаң тӧстелген, андадох ағаа ады пирілген — Хан тигір кирее кӱні. Наа ӱлӱкӱнні кирген пастағҷы СССР-ның ікінҷі учухчы-хантигірҷізі Герман Титов полыбысхан, ол КПСС-тың Ӧӧн комитедінзер 1962 чылның кӧрік айының 26-ҷы кӱнінде килістіре чӧпті ызыбысхан[5][6].

Ідӧк пу кӱнде Тиксі тилекейдегі авиация паза хан тигір кирее кӱні таныхталча. Аның Совет Союзында алылған ӱлӱкӱнге тӧӧй ады паза таныхтир кӱні 1968 чылның кічіг хырлас айында ирткен Чоннар аразындағы авиация федерациязының 61-ҷі Ӧӧн конференциязының протоколынаң (п. 17) паза СССР-ның авиация спортының федерациязы хоостыра 1969 чылның хосхар айының 30-ҷы кӱнінде Чоннар аразындағы авиация федерациязының Чӧбінің алылған чарадиинаң чарадылғаннар[7].

1980 чылда СССР-да Хан тигір кирее кӱнін таныхтиры СССР-ның Ӧӧркі Чӧбінің Президиумының чарыс айының 1-ғы кӱнінде сыххан 3018-Х № «Ӱлӱкӱннердеңер паза танығлығ кӱннердеңер» Чахиинаң хатап киречілелген[1].

Россия Федерациязында Хан тигір кирее кӱні СССР-да чіли 1995 чылның кӧрік айының 13-ҷі кӱнінде сыххан 32-ФЗ № «Россияның чааҷы сабланызы паза танығлығ кӱннерінеңер» Федеральнай законның 1.1. статьязы хоостыра олох кӱнде таныхталча[8]. Кибірли ӱлӱкӱннің ӧӧн чардыхтары Москвада паза Калугада иртчелер: Москвадағы планетарийде  (орыс) (рус. экскурсиялар иртірілчелер, Хан тигір кирее музейінде, тізең, ӧнетін проекттер, лекциялар паза тоғызығлар тимнелчелер. Калугадағы Хан тигір кирее тархыны хазна музейінде мероприятиелер иртчелер[9][10][11].

Хан тигір кирее кӱнінең палғалыстығ чӧрімнер Россияның прай регионнарында иртірілчелер. 2016 чылдаң сығара «Хак тигір — ол піс» Гагарин урогы апарылча (2017 чылдаң сығара ідӧк Россияның хырығ озаринда иртірілче)[12].

Хан тигірзер кізінің пастағы учуғызына 50 чыл толчатханына чарыдылып, 2011 чылда Россияда Россиядағы хан тигір кирее чылы иртірілген, пайрамнығ 55 чылында — 2016 чыл Юрий Гагариннің чылы тіп чарлалған. Пу чылда «Хан тигірге киртінчебіс!» тіп арт-проект пасталған[12].

Юрий Гагариннің пастағы учуғызының 60 чыл пайрамына 2021 чылда хан тигір киреенең палғалыстығ аймах мероприятиелер ирткеннер, ӧӧннерінің санында Москвадағы Хан тигір кирее музейінде «Пастағы» тіп кӧзідіг полыбысхан. Аның ӧӧн экспонады Гагариннің Чирзер айланған «Восток-1» корабльның тӱзірілчеткен аппарады полған[12].

2023 чылда коронавирус хатығластары суурылған соонда, Хан тигір кирее кӱні алғым таныхталған. Москвада хан тигір киреене чарыдылған кӧзідіглер, мастер-класстар, кинолар кӧзідіглері, лекциялар, перфоманстар иртірілгеннер[13]. Юрий Гагариннің саарбах тузы ирткен Саратовта, Хантигірҷілер суғ хазындағы Юрий Гагариннің хумартхы тазы алнында митинг пайрамни ирткен, анда пастыхтар паза хантигірҷілер араласханнар. Саратов Хан тигір кирее кӱнін таныхтапчатхан кіннернің пірсі поладыр[14].

Ідӧк Хан тигір кирее кӱніне чарыдылған мероприятиелер Россияның пасха кӧп городтарында иртірілчелер, ол санда Казаньда[15], Калугада[16][17], Санкт-Петербургта[18], Архангельскте[19] паза пасхазында.

Россияда ӱлӱкӱннің статузын алыстырар пастағлар

Россияда Хан тигір кирее кӱнінің статузын алыстырар, аны хазна ӱлӱкӱні паза тынағ кӱні идер харазығлар пір ле хати иділбееннер, ам даа ол тоғыс узарадылча. Ол пастағны кӧп хан тигір кирее музейлері, амғы хантигірҷілер паза полғаннары, ідӧк пірее политика кізілері чаратчалар.

Пу пастағны аймах туста аймах политика партиялары чаратханнар.

Пастағызын на Хан тигір кирее кӱніне тиксі национальнай статус пирҷең пастағ Хазна думазында 2001 чылда кирілген. Закон проектінің пастағҷылары «Регионы России», Россия Федерациязының Коммунисттер партиязы, ЛДПР, «Народовластие», «Единая Россия», «Отечество — Вся Россия», «Медведь» партияларның кізілері полғаннар. Закон проекті Хазна думазының кӧрізіне 2001—2002 чылларда пирілген, че парламентарий чаратпаан. 2006 чылнын сілкер айында ӱлӱкӱннің статузын алыстыр кӧрерге иткеннер. Андада ол киректі пастааннар «Родина» паза КПРФ партияларның депутаттары, соонаң оларға хозылған «Единая Россия» партияның депутады Геннадий Райков  (орыс) (рус.. Олар Россия кӱнін хандых айының 12-ҷі кӱнінең хосхар айының 12-ҷі кӱніне кӧзірерге пастағнаң сыхханнар. Пу закон проекті 2006—2008 чылларда ӱзӱрілген, че чарадылбаан[20].

Хосхар айының 12-ҷі кӱнін тиксі национальнай ӱлӱкӱн чіли идер тоғыс 2013 чылда апарылған. Закон проектін Хазна думазына «Справедливая Россия» фракцияның депутаттары Сергей Мироновнаң Н. В. Левичев, В. А. Черешнев, М. В. Емельянов, А. А Агеев киргеннер. Амды «Справедливая Россия», наа чылның тынағ кӱннерінең пір кӱнні алып, 12 апрельні тиксі национальнай тынағ кӱнін идібізер чӧпнең сыххан. Закон проекті 2013—2015 чылларда ӱзӱрілген, Россия Президентіне, Федерация Чӧбіне паза правительствозар ызылған[21].

2017 чылда ағаа тӧӧй пастағ адалған. Россияның халых палатазында Хан тигір кирее кӱнін тынағ кӱні идібізер чӧпнең сыхханнар, закон проекті хатап чарадылбаан[22].

2021 чылда, Юрий Гагариннің учуғызының 60 чылына чарыдып, хосхар айының 12-ҷі кӱнін тынағ кӱні идібізер чӧптер кирілген. Андада пу пастағнаң «Россияның коммунисттері» партия сыххан[23]. Олох пастағнаң лётчик-хан тигірҷі, Хазна думазының экологияҷа паза ибіркі чир-чайаанны хайраллирынҷа комитеттің кнес орынҷызы Елена Серова айланған[24].

2023 чылдағы танығларҷа ӱлӱкӱннің статузы алыспаан, хосхар айының 12-ҷі кӱні тынағ кӱні полары ідӧк алылбаан.

Чоннар аразындағы кізінің хан тигірзер учуххан кӱні

2011 чылның хосхар айының 7-ҷі кӱнінде ООН-ның Генеральнай Ассамблеязының ӧнетін пленарнай чыылиинда хосхар айының 12-ҷі кӱнін Чоннар аразындағы кізінің хан тигірзер учуххан кӱні чіли чарлалған резолюциязы алылған. Аның авторлары 60 азыра хазна полыбысхан[25][26].

2011 чылның хосхар айының 12-ҷі кӱнінде Хан тигір кирее кӱнінің 50 чылына салют

Кізінің хан тигірзер пастағызын на учухханының 50 чылына чарыдып, андағ чарадығ алылған[27].

Пу кӱндегі пасха киректер

Кізінің хан тигірзер пастағызын на учухханынаң пеер 20 чыл ирт парғанда, 1981 чылның хосха айының 12-ҷі кӱнінде «Спейс Шаттл» американ программазынҷа пилоттың учуғызы пасталған[28].

Юрий Гагариннің паза «шаттлның» учуғыстарына чарыдылып, 2001 чылдаң сығара тилекейнің аймах городтарында «Юрийнің хараазы  (орыс) (рус.» чоннар аразындағы фестиваль иртче. Аны Хан тигір тӧлінің консультативнай чӧбі, правительствоның нимес пірігістері тимнепчелер, анда 60 азыра хазнаның кізілері араласчалар[29].

2019 чылда фестиваль хазнаның онар хазназында ирткен, фестиваль хоостыра пір чӱс азыра аймах мероприятие пічікке кирілген. Чоннар аразындағы фестиваль ачыхтары санында — США-дағы Колорадо-Спрингстегі Хан тигір кінінің Discovery чыындызы, Вашингтондағы Авиация паза хан тигір музейі, Флоридадағы Хан тигір кіні, Ӱстӱнзархы полюстағы Амундсен-Скотт наука базазы[29].

Культурада

Учуғыс кӱнінде хан тигірҷілер гостиницадаң сыхчатсалар, ойналчатхан «Трава у дома» сарынны Роскосмос пічік хоостыра Россияның хан тигір киреенің гимні чіли чарат салған[30].

Москвада хан тигір кирее кӱніне чарыдылған «Пора в космос!» фестиваль тӧреміл иртірілче. Аның орны "ВДНХ-ның хан тигір павильоны хыринда поладыр[31].

Мероприятиені Россияның хан тигір кирее музейлерінің ассоциациязы (АМКОМ) Роскосмостың хабазиинаң иртірче[31].

Филателия

  • Ю. Гагариннің сомы суурылған почта марказы. СССР, 1964

    Ю. Гагариннің сомы суурылған почта марказы. СССР, 1964

  • А. Леоновтың сомы суурылған почта марказы. СССР, 1967

    А. Леоновтың сомы суурылған почта марказы. СССР, 1967

  • Почта марказы. СССР, 1972

    Почта марказы. СССР, 1972

  • «Мир» орбита станциязы хоосталых почта марказы. СССР, 1990

    «Мир» орбита станциязы хоосталых почта марказы. СССР, 1990

  • Почта марказы. Казахстан, 1996

    Почта марказы. Казахстан, 1996

  • Кізінің хан тигірзер учухханынаң 50 чылына чарыдылған пайрамнығ марка. Украина, 2011

    Кізінің хан тигірзер учухханынаң 50 чылына чарыдылған пайрамнығ марка. Украина, 2011

  • Почта марказында К. Циолковскийнің портреді паза чылтыстығ тигірзер сығара учухчатхан «Ангара-А5» тіп ракета-носитель хоосталых. Россия. 2024

    Почта марказында К. Циолковскийнің портреді паза чылтыстығ тигірзер сығара учухчатхан «Ангара-А5» тіп ракета-носитель хоосталых. Россия. 2024

Нумизматика паза фалеристика

Ӧӧн статья: Нумизматика
Ӧӧн статья: Фалеристика
  • Россия банкының тимір ахчазы — Ю. А. Гагариннің хан тигірзер учуғызына 40 чыл

    Россия банкының тимір ахчазы — Ю. А. Гагариннің хан тигірзер учуғызына 40 чыл

  • Россия банкының «кізінің хан тигірзер пастағы учуғызына 50 чыл» пайрамнығ тимір ахчазы, 2011

    Россия банкының «кізінің хан тигірзер пастағы учуғызына 50 чыл» пайрамнығ тимір ахчазы, 2011

  • Гагарин танығ 1961 СССР

    Гагарин танығ 1961 СССР

  • 12 апрель – Хан тигір кирее кӱні тіп танығ

    12 апрель – Хан тигір кирее кӱні тіп танығ

  • 12 Апрель Хан тигір кирее кӱні тіп танығ

    12 Апрель Хан тигір кирее кӱні тіп танығ

Алған орын

  1. ↑ 1 2 3 День космонавтики (10 малоизвестных фактов о полёте Юрия Гагарина). Ульяновский государственный университет (12 Хосхар айы 2019). Дата обращения: 12 Хосхар айы 2026.
  2. ↑ 12 апреля 1961 года состоялся первый полёт человека в космос. Российское историческое общество (12 Хосхар айы 2023). Дата обращения: 12 Хосхар айы 2026.
  3. ↑ Давыдов В. А. Первый Пилотируемый Полёт, том 2. — М.: Родина Медиа, 2011. — С. 42. — 1096 с. — ISBN 978-5-905350-01-6.
  4. ↑ Парк покорителей космоса им. Юрия Гагарина. Объединённый мемориальный музей-заповедник Ю. А. Гагарина. Дата обращения: 12 Хосхар айы 2026.
  5. ↑ День воздушного флота, День космонавтики. Стенгазета МАП СССР «Крылья Родины». Дата обращения: 12 Хосхар айы 2026.
  6. ↑ Дмитрий Писаренко. «Орёл» и романтик. В чём космонавт № 2 оказался первым? Аргументы и факты (11 Ӱртӱн айы 2020). Дата обращения: 12 Хосхар айы 2026.
  7. ↑ День авиации и космонавтики // Авиация: Энциклопедия / гл. ред. Г. П. Свищев. — М.: Большая Российская Энциклопедия, 1994. — ISBN 5-85270-086-Х.
  8. ↑ Федеральный закон Российской Федерации от 13 марта 1995 г. № 32-ФЗ «О днях воинской славы и памятных датах России». КонсультантПлюс. Дата обращения: 12 Хосхар айы 2026.
  9. ↑ День космонавтики в Московском планетарии. Московский планетарий (1 Хосхар айы 2021). Дата обращения: 12 Хосхар айы 2026.
  10. ↑ В Калуге отметили День космонавтики. Калуга BezФормата (12 Хосхар айы 2023). Дата обращения: 12 Хосхар айы 2026.
  11. ↑ По всей Калужской области проведут мероприятия в честь Дня космонавтики. НикаTV (12 Хосхар айы 2023). Дата обращения: 12 Хосхар айы 2026.
  12. ↑ 1 2 3 История Дня космонавтики. ТАСС (11 Хосхар айы 2021). Дата обращения: 12 Хосхар айы 2026.
  13. ↑ День космонавтики в Москве 2023: экскурсии, спектакли и тематические игры (12 Хосхар айы 2023). Дата обращения: 12 Хосхар айы 2026.
  14. ↑ В Саратове началось празднование Дня космонавтики. Саратов BezФормата (12 Хосхар айы 2023). Дата обращения: 12 Хосхар айы 2026.
  15. ↑ На «реактивном» субботнике в Казани за 108 минут собрали 14 КАМАЗов мусора. Официальный портал органов местного самоуправления города Казани (12 Хосхар айы 2019). Дата обращения: 12 Хосхар айы 2026.
  16. ↑ Полпред президента присвоил Калуге звание «научно-популярной столицы космонавтики». Калуга24 (13 Хосхар айы 2022). Дата обращения: 12 Хосхар айы 2026.
  17. ↑ Материалы по тегу День космонавтики: Калужская неделя. Дата обращения: 12 Хосхар айы 2026.
  18. ↑ День космонавтики в Санкт-Петербурге 2023. КП Афиша (Хосхар айы 2023). Дата обращения: 12 Хосхар айы 2026.
  19. ↑ Аким Самедов, Светлана Михеевская, Юрий Теленков. Портрет Гагарина и космический остров: как в Поморье отметили День космонавтики. телеканал «Регион 29» (13 Хосхар айы 2023). Дата обращения: 12 Хосхар айы 2026.
  20. ↑ Зюганов предложил сделать День космонавтики выходным. Информационное Агентство «Хакасия» (12 Хосхар айы 2016). Дата обращения: 12 Хосхар айы 2026.
  21. ↑ Светлана Субботина, Юлия Цой, Анастасия Миткевич. День космонавтики предлагают сделать нерабочим. Известия (12 Хосхар айы 2013). Дата обращения: 12 Хосхар айы 2026.
  22. ↑ В Общественной палате предложили сделать День космонавтики выходным. РИА Новости (12 Хосхар айы 2017). Дата обращения: 12 Хосхар айы 2026.
  23. ↑ Мария Левонян. В Госдуме предложили сделать 12 апреля выходным днем. Сургут BezФормата (7 Кӱрген айы 2021). Дата обращения: 12 Хосхар айы 2026.
  24. ↑ Александр Емельяненков. День космонавтики в год юбилея предложили сделать выходным. Российская газета (8 Кӱрген айы 2021). Дата обращения: 12 Хосхар айы 2026.
  25. ↑ 12 апреля – Международный день полёта человека в космос. Новости ООН (12 Хосхар айы 2022). Дата обращения: 12 Хосхар айы 2026.
  26. ↑ Резолюция A/65/271 от 25 марта 2011 года. Организация Объединенных Наций. Дата обращения: 12 Хосхар айы 2026.
  27. ↑ День космонавтики. Центр космонавтики и авиации на ВДНХ. Дата обращения: 12 Хосхар айы 2026.
  28. ↑ «Приблизили новые миры»: как США запустили шаттл в годовщину полёта Гагарина. Газета.ru (12 Хосхар айы 2021). Дата обращения: 12 Хосхар айы 2026.
  29. ↑ 1 2 «Юрьева ночь» в память о полете Гагарина пройдет в десятках стран. ТАСС (6 Хосхар айы 2019). Дата обращения: 12 Хосхар айы 2026.
  30. ↑ Ко Дню космонавтики. Тульская областная специальная библиотека для слепых (12 Хосхар айы 2022). Дата обращения: 12 Хосхар айы 2026.
  31. ↑ 1 2 Итоги международного фестиваля «Пора в космос» на ВДНХ. Мир24 (14 Хосхар айы 2021). Дата обращения: 12 Хосхар айы 2026.

Ссылкалар

  • Logo-bie.svg Космонавтика в СССР: фрагменты кинохроники / ред.-сост. Т. И. Дьяконова. Санкт-Петербург: Президентская библиотека им. Б. Н. Ельцина, 2011.

Алған орны - https://kjh.ruwiki.ru/w/index.php?title=Хан_тигір_кирее_кӱні&oldid=151944