Трошкина, Галина Алексеевна

Галина Алексеевна Трошкина
Галина Алексеевна Трошкина
Хакас Республиканың правительство кнезінің орынҷызы
	1991 чыл — 1996 чыл
Хакас автоном облазының чон депутаттары чӧбінің исполкомының кнезі
	1988 чыл — 1991 чыл
Алнындағы кiзi	В. Н. Штыгашев
Орнына халған кізі	В. М. Торосов
Тӧреен кӱні	10 ӱртӱн айы 1943 (82 час); Хапка-Сапхан аал, Ағбан пилтірі аймағы, Хакас автоном облазы
Ӱгредии	Ағбандағы ӱгретчілер хазна институды, КПСС ЦК-ның Халых наукалар академиязы

Галина Алексеевна Трошкина (тӧр. 10 ӱртӱн айы 1943, Ағбан пилтірі аймағы, Хызылчар крайы^[d]) — совет, Россия хазна паза халых деятельі; Хакас автоном облазының Чон депутаттары чӧбінің исполком кнезі (1988—1991), Хакас Республиканың правительство кнезінің орынҷызы (1991—1996). Хакас Республиканың саблығ ӱгретчізі (1998). Хакас Республиканың чаа, істеніс, тирігліг кӱстерінің паза право хайраллаҷаң органнарның ветераннар чӧбінің кнезі.

Чуртас чолы

Галина Трошкина Хапка-Сапхан хакас аалының алты палалығ тоғысчылар сӧбірезінде тӧреен. Пабазы — Алексей Елизарьевич Куюков, Ағбан пилтірі, Тастып, Асхыс аймахтарында ағас хониинда істенген^[1]. 1962 чылда Ағбандағы ӱгретчілер училищезін тоозып, Асхыс аймаандағы Лесоперевалочнай школазар тоғысха ызылған. Ағбандағы ӱгретчілер хазна институдының биология-химия факультедін тоос салған. 1963—1972 чылларда Ағбандағы 2 № паза 1 № школаларның пасталығ класстар ӱгретчізі полған, 1972 чылдаң сығара 1978 чылға теере Ағбандағы 1 № школаның устағҷызы полған. Ағбан городтың паза Хакас облазының істенҷілер депутаттары чӧбінің депутадына табылған.

1961 чылдаң сығара 1978 чылға теере «Кӱн чахайағы» тіп хакас чонның сарын паза теелбек ансамбльында ӧткін араласхан^[1], аның солизі полған^[2].

1978 чылдаң сығара Хакас автоном облазының облисполкомында нандырығлығ тоғысты апарған: чон ӱгредии пӧлиинің устағҷы орынҷызы, культура пӧлиинің устағҷызы полған. 1984 чылда КПСС ЦК-ның Халых наукалар академиязынзар ӱгренерге ызылған. Аны тоозып, КПСС-тың Хакас обкомының пропагандаҷа паза агитацияҷа хачызына табылған, анда Хакасияның ӱгредіг, пӧзік школа, культура, печать, хазых хайраллиры сурығларынаң устаан^[3].

1988 чылда Хакас автоном облазының Чон депутаттары чӧбінің исполкомының кнезіне табылған, Хакасияда андағ пӧзік синдегі тоғыста пастағы ипчі кізі полған.

1988 чылда КПСС-тың XIX конференциязының (орыс) (рус. тоғызында араласхан. Хакас автоном облазын Россия Федерациязының республиказына айландырған пастағҷылар санына кірген. 1996 чылға теере Хакас Республиканың правительство кнезінің орынҷызы полып істенген.

1999 чылдаң сығара 2009 чылға теере — Хакас Республика Правительство кнезі А. И. Лебедьтің^?! полысчызы.

Чуртас тооза халых чуртазында ӧткін араласхан: «Алтынай» паза пасха ипчілер пірігістерінің президиумнарының кізізі. 2009 чылдаң сығара Трошкина Хакас Республиканың чаа, істеніс, тирігліг кӱстерінің паза право хайраллаҷаң органнарның ветераннар чӧбінің кнезі полча^[4]. 2025 чылның чарыс айында халых пірігізінің сан пиріс конференциязында Трошкина кнеске хатап табылған^[5].

Сыйыхтар паза аарластығ аттар

Хакас Республиканың саблығ ӱгретчізі (1998);
«Хакасияа чахсы киректер ӱчӱн» орден (2006);
«Ізеніс Чылтызы» ордені (2006);
Хакас чонның Улуғлар чӧбінің «Чахсы киректер ӱчӱн» ордені (2007);
Хакас Республиканың Аарластығ кізізі (2021)^[6];
«Ким губерниязының тӧстелгеніне 200 чыл» аарластығ танығ (2023)^[7];
медальлар паза аарластығ пічіктер.

Алған орын

↑ ¹ ² Галина Трошкина: видеть в человеке хорошее, Хакасия (5 Орғах айы 2021). Дата обращения: 26 Сілкер айы 2025.
↑ Тугужекова В. Н. Славные люди хакасского народа. — Абакан: Диалог Сибирь-Абакан, 2009. — С. 108. — 160 с.
↑ В. К. Гавриленко. Хакасия в лицах. — Абакан: ООО «Фирма «Март», 2005. — С. 79. — 365 с.
↑ Трошкина Глина Алексеевна Председатель Совета Хакасской республиканской общественной организации Ветеранов (пенсионеров) войны, труда, Вооружённых Сил и правоохранительных органов (рус.). хров.рф. Дата обращения: 6 Кічіг хырлас айы 2025.
↑ Наталья Никитина. Галина Трошкина вновь избрана председателем республиканского совета ветеранов (рус.) (23 Чарыс айы 2025). Дата обращения: 6 Кічіг хырлас айы 2025.
↑ Юрий Шпигальских и Галина Трошкина удостоены звания «Почетный житель Хакасии» (рус.). Верховный совет Республики Хакасия (7 От айы 2021). Дата обращения: 6 Кічіг хырлас айы 2025.
↑ 13 жителей Хакасии получили почетный знак «200 лет образования Енисейской губернии» (рус.). 19rusinfo.ru (21 Хосхар айы 2023). Дата обращения: 6 Кічіг хырлас айы 2025.

Литература

Гавриленко В. Трошкина Г. А. / В. К. Гавриленко. Хакасия в лицах. — Абакан, 2005. — С. 78—81.
Тугужекова В. Н. Трошкина Галина Алексеевна. — Славные люди хакасского народа. — Абакан, 2009. — С. 108.
Гавриленко В. К. Трошкина Галина Алексеевна. — Энциклопедия Республики Хакасия. — Абакан, 2007. — С. 197.

Ссылкалар

Государственные деятели Хакасии

[:0-1] ¹ ² Галина Трошкина: видеть в человеке хорошее, Хакасия (5 Орғах айы 2021). Дата обращения: 26 Сілкер айы 2025.

[2] Тугужекова В. Н. Славные люди хакасского народа. — Абакан: Диалог Сибирь-Абакан, 2009. — С. 108. — 160 с.

[3] В. К. Гавриленко. Хакасия в лицах. — Абакан: ООО «Фирма «Март», 2005. — С. 79. — 365 с.

[4] Трошкина Глина Алексеевна Председатель Совета Хакасской республиканской общественной организации Ветеранов (пенсионеров) войны, труда, Вооружённых Сил и правоохранительных органов (рус.). хров.рф. Дата обращения: 6 Кічіг хырлас айы 2025.

[5] Наталья Никитина. Галина Трошкина вновь избрана председателем республиканского совета ветеранов (рус.) (23 Чарыс айы 2025). Дата обращения: 6 Кічіг хырлас айы 2025.

[6] Юрий Шпигальских и Галина Трошкина удостоены звания «Почетный житель Хакасии» (рус.). Верховный совет Республики Хакасия (7 От айы 2021). Дата обращения: 6 Кічіг хырлас айы 2025.

[7] 13 жителей Хакасии получили почетный знак «200 лет образования Енисейской губернии» (рус.). 19rusinfo.ru (21 Хосхар айы 2023). Дата обращения: 6 Кічіг хырлас айы 2025.

[1]

[2]

[3]

[4]

[5]

[6]

[7]