Хакас заповедник

Рувики тiп сайттаң
Хакас хазна чир-чайаан заповеднигі
Khakasski nature reserve.jpg
Категория МСОП — МСОП Ia категориязы: хатығ чир-чайаан резервады[d] (Хатығ чир-чайаан резерваты (Хазна чир-чайаан заповеднигі))
Ӧон искіріг
Улии267 565,3 га 
Тӧстелген4 сентября 1999 года 
Орныхханы
52°05′41″ с. ш. 89°17′24″ в. д.GЯO
Хазна
РФ-ның субъектіХакас Республика
zapovednik-khakassky.ru
Россия
Точка
Хакас хазна чир-чайаан заповеднигі
Логотип РУВИКИ.Медиа Медиафайлы на РУВИКИ.Медиа

Хакас заповедник — хазна чир-чайаан заповеднигі. Россия Федерациязының Правительствозының 4 сентябрьда 1999 чылда сыххан 1004 № чахиинаң «Чазы» (16.08.1991 чылда РСФСР СМ-ның 432 № Чарадиинаң тӧстелген) паза «Кічіг Ағбан» заповедниктер (1993 чылда тӧстелген) хойнында тимнелген[1].

Хайраллачатхан чир Ӱстӱнзархы Сибирьде, Хакасияда орныхча.

Тархын

[тӱзедерге | код тӱзедерге]

Хакасияда алынҷа хайраллалчатхан орыннарны тимнир тоғыс 1970 чыллардох пасталған, че пастағы хазна заповеднигі РСФСР-ның Министрлер Чӧбінің 16 августта 1991 чылда сыххан 432 № чарадиинаң тӧстелген[2]. 8 августта 1993 чылда РСФСР-ның Министрлер Чӧбінің чарадиинаң «Кічіг Ағбан» хазна чир-чайаан заповеднигін тӧстирінеңер чарадығ сыххан[3]. 1999 чылның ӱртӱн айында «Чазы» паза «Кічіг Ағбан» хайраллалчатхан чирлер хойында «Хакас» хазна чир-хайраллалҷаң чир тӧстелген[4].

Пӱдізі

[тӱзедерге | код тӱзедерге]

Хакас заповедникке Орджоникидзе, Сыра, Боград, Ағбан пилтірі, Тастып аймахтарындағы тиксі улии 267 565,3 га тиңнелчеткен прай тоғыс кластер кірче:

  • «Подзаплотнай састар» (орыс. Подзаплотные болота)
  • «Пілӧ кӧл»
  • «Сыра кӧл»
  • «Иліг кӧл»
  • «Оғлах тағ»
  • «Хомыҷах чазызы»
  • «Хол-Богаз»
  • «Кічіг Ағбан»
  • «Лыковтар заимказы».

Алтай-Сойан экология регионының хайраллалчатхан чирлер паза национальнай парктар санына кірче.

2011 чылдаң сығара Хакас заповедник устаанда федеральнай синдегі «Позарым» хазна чир-чайаан заказнигі саналча. Тиксі улии 253.7 тыс. га тиңңелче[5].

Аң-устарнаң ӧзімнер

[тӱзедерге | код тӱзедерге]

Хакас заповедниктің чазы чирінде пӱкте паза чазыда ӧсчеткен ағас-сырыптар, ӧзімнер парлар. Тамырлығ ӧзімнернің 837 кӧрімі, хустарның 244 аймағы, 52 имчеткен, 6 чыл чӧрчеткен паза суғ-чирде чуртапчатханнарның 4 кӧрімі саналча.

Тайға чирінде хузух ағазы ӧсче, тамырлығ ӧзімнернің 540 кӧрімі тоғасча. Аң-хустар аразында хустарның 139 азыра паза имчеткеннернің 50 кӧрімі таныхталған. Аңналчатхан аң-хустарнаң албыға, сыын, пулан, норка, силей пар. Хустарның 35 кӧрімі Россияның Хызыл киндезіне киріл парған[6].

Туризм

[тӱзедерге | код тӱзедерге]

Заповедниктің хынған орыннарының пірсі "Оғлах тағ " туристтер комплекзі полча. Андар кірче: Визит-кіні, «Сорок зубьев» тағның хайадағы хоостарзар апарчатхан пасхысча чазағ чорығы. Пурунғы петроглифтер 5000—1000 чыл мының алнында чайалғаннар. Пасхыс тӧзінде Хам тазы плитазы чатча, хайзында 34 скиф тимір пычағы, колесницалар, аңнар хоосталыхтар. Чорыхтың узуны 4 километрге чит парча[7][8][9].

Сыра кӧл — хазыхты тыытчатхан кӧл, аның суу талайдағызына тӧой саналча. Кӧп минераллығ кӧлнің пір литр сууна 17-20 г тус килісче, Кавказтағы Баталинскай суғ осхас[10]. Им чіли палғазы тузаланылча[11].

Хакас заповеднигінің кластер чирі, Пілӧ кӧлнің хазында, «Скалки» экология-экскурсия комплекзі орныхча, аның чирінде ағас паза киис ибіҷектер пӱдіріл парғаннар[12]

«Хомыҷах чазызында» (орыс. Камызякские степи иң улуғ «Ханнар ойымы» адалчатхан кӱргеннер комплекзі орныхча. Ағаа кірчеткен Улуғ Салбых кӱргені турчатхан тӧңнің пӧзии хазар алнында 11,5 метрге читкен, кӧзеелер 71 метр ибіре турғызылых полғаннар. Тӧңнің пӧзии пастап 21 метрҷе полған.

Статус

[тӱзедерге | код тӱзедерге]

2017 чылда Юнеско-ның «Кізі паза биосфера» программазының Чоннар аразындағы координация чӧбі Хакас заповедник чирін Чоннар аразындағы биосфера резерваттарына кирібіскен[6]. Правительство Кнезі Михаил Мишустиннің 24 январьда 2022 чылда сыххан 66 № Чахиинаң Хакас заповедник хазна чир-чайаан биосфера заповеднигі пол парған[13][14].

Алған орын

[тӱзедерге | код тӱзедерге]
  1. ↑ Государственная Дума РФ. Календарь знаменательных дат и событий. Сентябрь 2024 года
  2. ↑ О создании государственного заповедника "Чазы" Министерства экологии и природопользования РСФСР в Хакасской ССР. Дата обращения: 20 Азығ айы 2025.
  3. ↑ О создании в Республике Хакасия государственного природного заповедника "Малый Абакан" Министерства охраны окружающей среды и природных ресурсов Российской Федерации. Дата обращения: 20 Азығ айы 2025.
  4. ↑ Постановление Правительства РФ от 4 сентября 1999 г. N 1004 "Об учреждении государственного природного заповедника "Хакасский". Дата обращения: 20 Азығ айы 2025.
  5. ↑ Заказник Позарым. Дата обращения: 20 Азығ айы 2025.
  6. ↑ 1 2 Заповедник «Хакасский». Дата обращения: 20 Азығ айы 2025.
  7. ↑ Заповедник «Хакасский» открыл новый Визит-центр на участке «Оглахты». zapovednik-khakassky.ru. Дата обращения: 4 От айы 2016. Архивировано 18 Орғах айы 2016 года.
  8. ↑ Межрегиональная научно-практическая конференция «Теория и практика научных исследований в библиотеках». conf.ict.nsc.ru. Дата обращения: 4 От айы 2016. Архивировано 7 Орғах айы 2016 года.
  9. ↑ Тайны древних скал Енисея. Дата обращения: 20 Азығ айы 2025.
  10. ↑ Курлов М., проф. [Летняя экскурсия 1916 года по лечебным местностям Восточной Сибири. Шира-Куль] // Izvi͡estīi͡a Tomskago universiteta. — Tipo-lit. Sibirskago t-va pechatnago di͡ela, 1918. — С. 7—15. — 414 с.
  11. ↑ Ольга Никитина. История курортного дела и спа-индустрии 2-е изд., испр. и доп. Учебное пособие для СПО. — Litres, 2022-05-15. — С. 85. — 140 с. — ISBN 978-5-04-085227-7.
  12. ↑ Эколого-экскурсионный комплекс «Скалки». Дата обращения: 20 Азығ айы 2025.
  13. ↑ Хакасский государственный природный заповедник стал биосферным. Дата обращения: 20 Азығ айы 2025.
  14. ↑ Заповедник «Хакасский» получил статус биосферного. Дата обращения: 20 Азығ айы 2025.

Ссылкалар

[тӱзедерге | код тӱзедерге]
Алған орны - https://kjh.ruwiki.ru/w/index.php?title=Хакас_заповедник&oldid=82905