Доможаков, Александр Викторович

Доможаков Александр Викторович
Доможаков Александр Викторович
Тӧреен кӱні	10 чарыс айы 1955
Тӧреен чирі	Ағбан
Ӱреен кӱні	3 азығ айы 1998 (42 час)
Ӱреен чирі	Ағбан
Хазна	СССР[d]; Россия[d];
Жанр	пейзаж, натюрморт, портрет

Доможаков, Александр Викторович (10 чарыс айы 1955, Ағбан, Хызылчар крайы^[d] — 3 азығ айы 1998, Ағбан) — хакас хоосчы, Россия Федерациязының Хоосчылар пірігізінің кізізі (1996).

Хакасиядағы живопиське наа археоэтническай стильнің тӧстегҷілерінің пірсі, ідӧк портрет, композиция, пейзаж, натюрморт жанрларында тоғынған.

Чуртас чолы

1955 чылның чарыс айының 10-ҷы кӱнінде имҷілернің сӧбірезінде тӧреен. Пабазы ,Виктор Фёдорович, патологоанатом полған, іҷезі, Клавдия Никифоровна, — акушер-гинеколог. 1962 чылда Ағбандағы 1 № ортымах школазар пастағы классха парған, 1965 чылда Ағбанда наа ла азылған Олған хоос школазынзар ӱгренерге кірген. Аның пастағы ӱгретчізі хоосчы Фёдор Ефимович Пронских^?! полыбысхан.

1967 чылда ӱгренҷінің «На взлёт» тоғызын Канадада ирткен олған хоозының чоннар аразындағы кӧзідиинде (Монреаль, «Минің хазнам — минің Ада чир-суум» кӧзідіг) дипломнаң таныхтабысханнар.

1970 чылда, 8 класс тоозып, Доможаков В. И. Суриковтың адынаң Хызылчардағы хоос училищезінзер «рисование паза черчение ӱгретчізі» специальностьха ӱгренерге кірген, аны 1980 чылда тоос салған. Доможаковтың ӱгретчізі И. А. Фирер хоосчы полған.

«Автопортрет» хоосчы, картон, хайах (1980 чыллар)

Д. И. Каратановтың адынаң олған хоос школазында, Хакас облазының национальнай школазының искусство школазында, Олғаннар чайаачызының кінінде тоғынған. Севастьянова Э. А. статьязында^[1] пасча:

«Палаларнаң тоғынарға хынҷаң: ол оларны хоостирға ӱгретчең, чир-чайаанға хынарға кӧӧктірҷең, чир-чайаанзар чорыхтарға, пленерге ал чӧрҷең. Пос хорадығларын хайыға албин, ӱгренҷілерін Ленинградсар артых чайалған олғаннар школазынзар кирерге ал чӧрҷең (іди С. Кученовнаң паза Д. Добровнаң полған). Ӱгренҷілерінің пазағы чуртазы ӱчӱн тың сағыссыраҷаң, ӱгредігліг хоосчылар полып айланып, Хакасияны сабландырарларын сахтаан.»

1982 чылның от айының 3-ҷі кӱнінде композитор паза пианист Татьяна Шалгинованаң хоных тӧстеен.

1997 чылда аны Россияның Хоосчылар пірігізінзер (орыс) (рус. алғаннар. Ағаа рекомендацияны хоосчылар В. М. Новосёловнаң В. Ф. Капелько пиргеннер, Капелько пасхан:

«Александр Доможаков — улуғ хоосчы тіп пасчам паза санапчам, мин не нимес…Мин аны ікінҷі хати Хоосчыларның пірігізіне адапчам, аның ӱчӱн мағаа хаҷан даа уйадыстығ полбас тіп пілчем! Пірігізібісте чилегелеліг чоннарның хоосчылары кӧп ниместер. Володя Тодыков ӱреен, Андрей Топоев улуғлан парыбысхан, Пірігіс поларға ла кирек».

Доможаков Новокузнецк^[2], Канск, Хызылчар, Минсуғ, Санкт-Петербург, Монреаль городтардағы кӧзідіглерде араласхан.

Александр суғ туризмінең, дельтапланеризмнең айғасхан, тағ суғларынҷа инҷең. Аны Тағлығ Алтайзар, Чуя-раллизер суғ туризмінҷе чоннар аразындағы марығларға чарғы поларға, ідӧк Аны суғҷа совет-американ походының гиді поларға хығырҷаңнар.

Ӧӧн тоғыстары

«Моховская долина», 1981

Хоосчының «Автопортрет», «М. И. Боргояковтың портреді», «Каримка», «Древность», «Хакас мотиві», «Хой чахайахтары», «Кӱн», «Асхыстағы ууҷа», «Кӱлінчеткен идол», «Кӱн ладья», «Ада чир-суумда», «Ӧңніг дух», «Іҷе полары», Аца^[3], Сағай ипчі^[4] паза пасха тоғыстар, прай пір муңҷа живопись паза графика тоғыстары парлар^[5].

Чайаачызында хоосчы удаа пурунғы хоосчылар обааларда артыс салған танығларнаң тузаланҷаң. Кӧзідімге, Н. М. Мартьяновтың адынаң чир-суғ ӱгренҷең музейде хайраллалчатхан «Личина»^[6]) паза «Окунев личиназы» композицияларда Хакасияның паза Хызылчар крайының ӱстӱнзархы чардығындағы чирлерінде пістің эра алнындағы II муң чыл мының алнында удаа тоғасхан окунев культуразының оңдайлары парлар.

Л. Р. Кызласовтың адынаң хакас национальнай чир-суғ ӱгренҷең музейде Доможаковтың тоғыстарының иң улуғ чыындызы хайраллалча^[7], оларның кӧп сабазы Хазна каталогына кірчелер^[8]. Ідӧк хоосчының тоғыстары Минсуғдағы, Харатастағы музейлерде, хоостар галереяларында, Россияның паза хырығ озариндағы кізілернің холында хайраллалчалар.

Хумартхы

2025 чылның от айының 21-ҷі кӱнінең сығара ӱртӱн айының 3-ҷі кӱніне теере «Сустағы» (орыс) (рус. музей-заповедникте «По следам древних богов. К 70-летию Доможакова А. В.» кӧзідіг ирткен^[9].

Алған орын

↑ Эра Севастьянова. Александр Доможаков - художник и человек. // Хакасия. — 2000. — 2 февраль (№ 20). — С. 6.
↑ Необычные, самобытные работы хакасского живописца выставлены в Новокузнецке (рус.). Дата обращения: 10 Ӱртӱн айы 2025. Архивировано 16 Орғах айы 2021 года.
↑ Государственный каталог Музейного фонда Российской Федерации (неопр.) . goskatalog.ru. Дата обращения: 18 Ӱртӱн айы 2025.
↑ Государственный каталог Музейного фонда Российской Федерации (неопр.) . goskatalog.ru. Дата обращения: 18 Ӱртӱн айы 2025.
↑ Доможаков Александр Викторович (рус.). Дата обращения: 10 Ӱртӱн айы 2025. Архивировано 16 Орғах айы 2021 года.
↑ Доможаков Александр Викторович. Картина «Личина» (рус.). Государственный каталог Музейного фонда Российской Федерации. Дата обращения: 10 Ӱртӱн айы 2025. Архивировано 22 Хандых айы 2019 года.
↑ «Автопортрет на фоне Вселенной» к 65-летию со дня рождения художника Александра Доможакова (рус.). hnkm.ru. Дата обращения: 10 Ӱртӱн айы 2025.
↑ Доможаков Александр Викторович, Госкаталог (рус.). Дата обращения: 10 Ӱртӱн айы 2025. Архивировано из оригинала 25 Улуғ хырлас айы 2017 года.
↑ Открытие выставки «По следам древних богов. К 70-летию Доможакова А. В.» в музее-заповеднике «Шушенское» (рус.). culture19.ru (21 От айы 2025). Дата обращения: 10 Ӱртӱн айы 2025.

Литература

Энциклопедия Республики Хакасия : [в 2 т.] / Правительство Респ. Хакасия; [науч.-ред. совет.: В. А. Кузьмин (пред.) и др.]. — Абакан : Поликор, 2007. Т. 1 : [А — Н]. — 2007. — 430, [2] с. : ил., портр. — Библиогр. в конце слов. ст. — С. 183.
Л. Н. Ларина Доможаков А. В. Живопись. Графика. Абакан. 2009
М. П. Чебодаева Художники Хакасии: Биобиблиографический справочник. —Абакан: Стрежень, 2002.—112 С.
М. П. Чебодаева Живопись Хакасии. Альбом. —Санкт-Петербург, 2008. —240 С.

[1] Эра Севастьянова. Александр Доможаков - художник и человек. // Хакасия. — 2000. — 2 февраль (№ 20). — С. 6.

[2] Необычные, самобытные работы хакасского живописца выставлены в Новокузнецке (рус.). Дата обращения: 10 Ӱртӱн айы 2025. Архивировано 16 Орғах айы 2021 года.

[3] Государственный каталог Музейного фонда Российской Федерации (неопр.) . goskatalog.ru. Дата обращения: 18 Ӱртӱн айы 2025.

[4] Государственный каталог Музейного фонда Российской Федерации (неопр.) . goskatalog.ru. Дата обращения: 18 Ӱртӱн айы 2025.

[5] Доможаков Александр Викторович (рус.). Дата обращения: 10 Ӱртӱн айы 2025. Архивировано 16 Орғах айы 2021 года.

[6] Доможаков Александр Викторович. Картина «Личина» (рус.). Государственный каталог Музейного фонда Российской Федерации. Дата обращения: 10 Ӱртӱн айы 2025. Архивировано 22 Хандых айы 2019 года.

[7] «Автопортрет на фоне Вселенной» к 65-летию со дня рождения художника Александра Доможакова (рус.). hnkm.ru. Дата обращения: 10 Ӱртӱн айы 2025.

[8] Доможаков Александр Викторович, Госкаталог (рус.). Дата обращения: 10 Ӱртӱн айы 2025. Архивировано из оригинала 25 Улуғ хырлас айы 2017 года.

[9] Открытие выставки «По следам древних богов. К 70-летию Доможакова А. В.» в музее-заповеднике «Шушенское» (рус.). culture19.ru (21 От айы 2025). Дата обращения: 10 Ӱртӱн айы 2025.

[1]

[2]

[3]

[4]

[5]

[6]

[7]

[8]

[9]