Пронских, Фёдор Ефимович

Фёдор Ефимович Пронских
Фёдор Ефимович Пронских
Тӧреен кӱні	18 кӧрік айы 1927
Тӧреен чирі	Михайловка аал, Сибирь крайы, РСФСР, СССР
Ӱреен кӱні	30 кӧрік айы 2007 (80 час)
Гражданство	СССР → Россия
Сыйыхтар

Фёдор Ефимович Пронских (18 кӧрік айы 1927, Михайловка^[d], Алтай крайы^[d] — 30 кӧрік айы 2007) — совет паза Россияның хоосчызы. Д. И. Каратановтың адынаң олғаннарның хоос школазының тӧстегҷізі паза пастағы устағҷызы. Хакас Республиканың культуразының саблығ тоғынҷызы (1996).

Чуртас чолы

1927 чылның кӧрік айының 18-ҷі кӱнінде Алтай крайындағы (орыс) (рус. Усть-Калманка аймааның Михайловка аалында тӧреен^[1]. Соонаң сӧбіре Кемеров облазының Прокопьевск городынзар кӧс парыбысхан.

1944 чылның улуғ хырлас айында он читі частығ Фёдор Пронских чааҷы службазына тартылған. Илбек Адалығ чаа араласчызы, 1945 чылда — 2 Ленин комсомолының адынаң Ленинградтағы авиационнай паза техническай чаа училищезінің курсанты^[2]. Авиация тиріглерінің механиказынҷа паза техниказынҷа мастер квалификациязын алып, 1952—1954 чылларда табырах чааҷы службазын Гродненскай областьтың Щучин (орыс) (рус. городында ирткен^[3].

1960 чылда Витебсктегі хоос-графика ӱгретчі училищезін тоос салған.

1962 чылда Ағбанзар кӧс парыбысхан, городтың 1 № школазында ӱгренҷілерні хоостирға ӱгреткен.

1965 чылда 20 № школаның хойнында олғаннарның городтағы пастағы хоос школазын тӧстеп, анынаң 22 чыл устаан. Ол школа соонаң Д. И. Каратановтың адынаң олғаннарның хоос школазы (орыс) (рус. пол парған.

Отыс чылға Хызылчардағы, Хакасиядағы, Белоруссиядағы, Москвадағы хоосчыларның 1500 азыра тоғызын чыып алған. Хоосчының позы пасхан ис-пайы 175 хоосха читче. 1998 чылда чыындыны Ағбанға пирібіскен. 1998 чылның хосхар айының 18-ҷі кӱнінде Ағбанның мэрі Н. Г. Булакин городтағы хоос галереязын тӧстирінеңер чарадығда хол салыбысхан. Олох чылда Фёдор Пронских аның чыындыларының ӧӧн хранительіне турғызылған. Ол тоғысты Фёдор Пронских 2005 чылға теере апарған^[3].

Хоосчы пейзаж жанрында тоғынған.

Чуртазының халғанҷы чылларында хоосчы Хызылчар крайындағы паза Хакасияның чирлеріндегі пленерлерде араласхан, чир-чайаанның омазын пасхан^[4].

Сыйыхтар паза чидіглер

Хакас Республиканың культуразының саблығ тоғынҷызы (1996);
Ағбан городтың аарластығ кізізі (2005).

Хумартхы

2017 чылда Ағбандағы хоос галереязына Фёдор Ефимович Пронскихтің ады пирілген^[3]. 2022 чылда Ағбандағы хоос галереязында хоосчының 50 тоғызы кӧзідіге сығарылған^[4].

Галерея

Соох иртен, 1998 чыл

Алған орын

↑ Мечта, воплощенная в жизнь. Статья в Абаканской картинной галерии (рус.). акг.абакан.рф. Дата обращения: 16 Кӧрік айы 2026.
↑ Пронских Федор Ефимович (рус.). Подвиг народа. Дата обращения: 16 Кӧрік айы 2026.
↑ ¹ ² ³ Иван Суслов. Ко Дню рождения Фёдора Ефимовича Пронских создана видеовыставка его работ (неопр.) . Пульс Хакасии (21 Кӧрік айы 2021). Дата обращения: 16 Кӧрік айы 2026.
↑ ¹ ² В Абакане 18 марта открылась выставка, посвященная юбилею Фёдора Пронских (рус.) (18 Кӧрік айы 2022). Дата обращения: 16 Кӧрік айы 2026.

Ссылкалар

[1] Мечта, воплощенная в жизнь. Статья в Абаканской картинной галерии (рус.). акг.абакан.рф. Дата обращения: 16 Кӧрік айы 2026.

[2] Пронских Федор Ефимович (рус.). Подвиг народа. Дата обращения: 16 Кӧрік айы 2026.

[pulse19-3] ¹ ² ³ Иван Суслов. Ко Дню рождения Фёдора Ефимовича Пронских создана видеовыставка его работ (неопр.) . Пульс Хакасии (21 Кӧрік айы 2021). Дата обращения: 16 Кӧрік айы 2026.

[Пульс_19-4] ¹ ² В Абакане 18 марта открылась выставка, посвященная юбилею Фёдора Пронских (рус.) (18 Кӧрік айы 2022). Дата обращения: 16 Кӧрік айы 2026.

[1]

[2]

[3]

[4]