Каратанов, Дмитрий Иннокентьевич

Дмитрий Иннокентьевич Каратанов
Дмитрий Иннокентьевич Каратанов
Тӧреен кӱні	11 кӧрік айы 1874
Тӧреен чирі	Асхыс (аал), Минсуғ округы[d], Ким губерниязы, Россия империязы[d];
Ӱреен кӱні	10 ӱртӱн айы 1952 (78 час)
Ӱреен чирі	Хызылчар[d], СССР[d];
Ӱгредіг	Императорның Хоос академиязы
Полысчылар	Суриков, Василий Иванович
Сыйыхтар

Дмитрий Иннокентьевич Каратанов (11 кӧрік айы 1874, Асхыс (аал), Ким губерниязы — 10 ӱртӱн айы 1952, Хызылчар^[d], СССР^[d]) — Россияның паза совет хоосчызы, РСФСР-ның искусствоҷа саблығ деятельі.

Чуртас чолы

Дмитрий Каратанов 1874 чылның кӧрік айының 11-ҷі кӱнінде Россия империязындағы Ким губерниязының Минсуғ уездіндегі Асхыс аалында тӧреен^[1]. Пабазы — Иннокентий Иванович — Хызылчар городтың мещанині —алтын аныпчатхан промышленник П. И. Кузнецовта істенген. Тай іҷезі 1863—1864 чыллардағы Польшадағы тоғырланыста араласхан.

Малороссиядаң Хызылчарзар килген хоосчы, академик М. А. Рутченконың холында хоостирға ӱгренген (Л. А. Чернышёвнаң хада).

В. И. Суриковтың (орыс) (рус. чӧбінең 1892 чылда Каратанов Императорның Хоос академиязынзар ӱгренерге кірген. Анда ол А. И. Куинджи холында узын тиліткен. Академияда Каратанов ӱс чыл тоғынған. Ахчазы чидіспин, курсты толдыразынаң ирт полбаан. 1895 чылда хоосчы академияның дачазында чуртаан паза тоғынған, ағаа А. И. Куинджи хабасхан.

1896 чылда Дмитрий Каратанов Хызылчарзар айланған, Ким губерниязынҷа кӧп чӧрген. Хынған тоғыс орны Хызылчардағы Столбы хайраллалчатхан орын полған.

1900 чылда Каратанов Санкт-Петербургсар парыбысхан. М. К. Тенишеваның (орыс) (рус. хоос студия-мастерскойында тоғынған. Композитор А. Н. Серовтың «Вражья сила» тіп операзының сценаларының пірсін чайап салған. Аны хоосчының іҷезі турғысхан.

1901 чылда Дмитрий Каратанов Хызылчарзар айланған. 1905 чылда анда гимназист А. Л. Яворскийнең танызып алған. Ол соонаң «Столбы» хазна саринаң хайраллалчатхан орынның тӧстегҷізі паза пастағы устағҷызы полар.

Каратановнаң 1905 чылда танызып алғабын, 1906 чылдаң сығара ынағлас сыххабыс, андада городта хада чуртаабыс, ідӧк хада чир-чайаан хойнынзар сыхчаңмыс, ӧӧнінде Столбы чирзер. Каратановты чағын пілген кізілер, аны «Митяй» адаҷаңнар, арабыс 15 час полғанда, аны пасха адирға кирек полған, ады-солазынаң, че ағаа олох атнаң айланҷаңмын. Митяй ат аның кӧп чағын таныстарына паарсах паза чылығ пілдірҷең. Олох туста хайдағ ла атнаң аны пос аразында адабаҷаңнар … Митя, Митяй, Митька, Граф… «граф» сӧс Каратановтың іҷезі Павла Николаевна Сабесская хыс фамилиязын ал чӧргенінең палғалыстығ полған, пу фамилия поляк корольларының фамилияларының пірсі полған. Польшаның тархынын чахсы пілбинчеткен Каратановтың Столбыдағы арғыстары аны Граф адаҷаңнар, ойында пу ат пиктел парған паза аның аймах оңдайлары полған… Аның чағыннатхан пастағы ниме — пасха кізее паза ибіркізіне олаңай хайҷаң, анзы олғаннарға килістіре оңдай даа полча полар. Йа, андағ улуғ пала полған олаңай чуртаста Каратанов. Ол чир-чайаан даа чуртапчатхан олаңай оңдайлығ поларға ӧнетін тӧреенге тӧӧй полған. Чир-чайаанның кізі теңмееніне хынҷаң, уламох кізінің салбыр тудынғаны ӱчӱн, анзы олох Столбы чирде кӧп полҷаң.

— соонаң Яворский сағысха кирген.

Дмитрий Каратанов Хызылчардаң ӧӧнінде Ким губерниязының алтынзархы аймахтарынзар аймах кӧстеглерҷе он азыра хати чорыхха сыххан. Алтынзарыхсар 1906 чылда чӧрген чорыхтың салтары Ленинградтағы СССР-ның чоннарының этнографиязы хазна музейінің чыындызында хайраллалча. Ол серияның тоғыстары аразында хайахтығ сырнаң чайалған кізі омазының 2 хоозын — «Остяк в чуме» паза «Шаманка» тоғыстарны — таныхтирға чарир.

1910 чылның кӱрген айының 27-ҷі кӱнінде Хызылчарда Сибирьдегі пастағы хоостаҷаң школа азылған. Аның ӱгредіг тузы тӧрт чылға кӧріл парған. 1910 чылның кӧрік айының 10-ҷы кӱнінде Ким губернаторы Я. Д. Бологовский Каратановты Хызылчардағы хоостаҷаң школа преподавательіне турғыс салған. Л. А. Чернышёв — устағҷы-преподавательға^[2]. Дмитрий Иннокентьевичтің чапсых ӱгретчі системазы полған — ол занятиелерінде удаа ӱгренҷілерінең хада сарнаҷаң. Андағ оңдайнаң ол оларның чайаачы оңдайларын сығарарға кӱстенген^[3].

1917 чылдаң сығара 1940 чылға теере Дмитрий Каратанов Хызылчардағы чир-суғ ӱгренҷең музейнің тоғынҷызы полған. Музейнің Хызылчар крайынҷа чорыхтарының тӧреміл араласчызы полған.

Д. И. Каратанов Сибирьдегі хоосчылар аразында 1948 чылда РСФСР-ның искусствозының пастағы саблығ деятельі полыбысхан.

Хоосчы Чоннар аразындағы хоос рейтингіне (хоос ис-пайын тӧстепчеткен XVIII—XXI чӱс чылларның тиксі тилекейдегі хоосчылар рейтингі) кірче.

Дмитрий Иннокентьевич 1952 чылның ӱртӱн айының 10-ҷы кӱнінде ӱреен. Сӧӧгі Хызылчардағы Троицкай сыыратта чатча.

Хоосчының саблығ тоғыстары

«Красноярский бунт 1695—1698 годов»; «На Восток»; «Землепроходцы»; «Строительство острога»; «Ледоход на Енисее»; «Енисей. Последние льды»; «Вид на „Столбы“ зимой»; «Портрет Кравченко»; «Партизаны»; «Маёвка на „Столбах“ в 1905 году».

Хоосчының тоғыстары В. И. Суриковтың адынаң Хызылчардағы хазна хоос музейінде, Хызылчардағы чир-суғ ӱгренҷең музейде, кізілернің чыындыларында хайраллалчалар.

Хумартылас

Д. И. Каратановтың адынаң Хызылчар городтағы орама, Ағбандағы олған хоос школазы адалған.

Хызылчардағы К. Маркстың орамазының 88-ҷі туразында хумартхы чардызы хызылған^[4], анда пазылых: «Пу турада 1933—1952 чылларда чуртаан, тоғынған хоосчы, РСФСР-ның искусствозының саблығ деятельі Дмитрий Иннокентьевич Каратанов».

Алған орын

↑ Нилогов Алексей. О рождении и крещении Д. И. Каратанова (рус.). yandex.ru (8 Хандых айы 2022). Дата обращения: 24 Чарыс айы 2025.
↑ Красноярская Городская Рисовальная школа (неопр.) . Дата обращения: 24 Хосхар айы 2017.
↑ Строй Л. Р., Царёва Е. С. Роль П. И. Иванова-Радкевича в формировании культурного пространства Красноярска конца XIX – начала XX века (орыс) // Проблемы музыкальной науки : журнал. — Уфа: Издательство Уфимского государственного института искусств им. Загира Исмагилова, 2017. — № 4(29). — С. 147. — ISSN 1997-0854. — doi:10.17674/1997-0854.2017.4.143-150.
↑ Каратанов Дмитрий Иннокентьевич - художник (неопр.) . Сайт «Мой Красноярск». Дата обращения: 6 Ӱртӱн айы 2008. Архивировано 1 Кӧрік айы 2012 года.

Литература

А. А. Абиосова В. И. Парамонова Дмитрий Иннокентьевич Каратанов// «Век подвижничества». Красноярское книжное издательство. 1989. стр. 58 — 64 ISBN 5-7479-0249-0
Строй Л. Р. Творческое наследние художника Д. И. Каратанова (орыс) // Исторические, философские, политические и юридические науки, культурология и искусствоведение. Вопросы теории и практики : журнал. — Тамбов: Грамота, 2017. — № 4(78). — С. 192—195. — ISSN 1997-292X.
Строй Л. Р. «Ты должен растить сибирских художников»: О художнике-педагоге Д. Каратанове (орыс). — 2017.

Ссылкалар

Сборник биографических справок о Д. И. Каратанове — формат PDF
Биографическая справка с перечислением ряда работ
Яворский А. Л.: Д. И. Каратанов. Дела и люди — биографический очерк
краткая справка и несколько репродукций
Биография на сайте Красноярского краеведческого музея
Смолина М. Г.: Отношение зрителя и художественного пространства в творчестве Д. И. Каратанова (в приложении к статье имеются небольшие репродукции)

[1] Нилогов Алексей. О рождении и крещении Д. И. Каратанова (рус.). yandex.ru (8 Хандых айы 2022). Дата обращения: 24 Чарыс айы 2025.

[2] Красноярская Городская Рисовальная школа (неопр.) . Дата обращения: 24 Хосхар айы 2017.

[3] Строй Л. Р., Царёва Е. С. Роль П. И. Иванова-Радкевича в формировании культурного пространства Красноярска конца XIX – начала XX века (орыс) // Проблемы музыкальной науки : журнал. — Уфа: Издательство Уфимского государственного института искусств им. Загира Исмагилова, 2017. — № 4(29). — С. 147. — ISSN 1997-0854. — doi:10.17674/1997-0854.2017.4.143-150.

[4] Каратанов Дмитрий Иннокентьевич - художник (неопр.) . Сайт «Мой Красноярск». Дата обращения: 6 Ӱртӱн айы 2008. Архивировано 1 Кӧрік айы 2012 года.

[1]

[2]

[3]

[4]