Хуснуллин, Марат Шакирзянович

Рувики тiп сайттаң
Марат Шакирзянович Хуснуллин
Марат Хуснуллин правительство.JPG
Флаг
Россия Федерациязының правительствозының кнес орынҷызы
Флаг
с 21 январьда 2020
(тоғ. толд. 7—13 майда 2024)
Правительство пазы Михаил Мишустин
Андрей Белоусов (тоғ. толд.)
Михаил Мишустин
Президент Владимир Путин
Флаг
Москва мэрінің город пӱдірии политиказы паза пӱдіріг сурығларынҷа орынҷызы
Флаг
2 декабрьда 2010 — 21 январьда 2020
Губернатор Сергей Собянин
Алнындағы кiзi Владимир Ресин
Орнына халған кізі Андрей Бочкарёв
Тӧреен кӱні 9 орғах айы 1966({{padleft:1966|4|0}}-{{padleft:8|2|0}}-{{padleft:9|2|0}})[1] (58 лет)
Казань, Татарстан Автономнай Советскай Социалистическай Республика, РСФСР, СССР
Партия
Ӱгредии

Казаньдағы финанс-экономика хазна институды

Азых университет (Великобритания)
Учёнай степень экономика наукаларының кандидады
Профессия экономист
Сыйыхтары
Логотип РУВИКИ.Медиа Медиафайлы на РУВИКИ.Медиа

Марат Шакирзянович Хуснуллин (тат. Марат Шакирҗан улы Хөснуллин; тӧр. 9 августта 1966, Казань, Татарстан АССР, РСФСР, СССР) — Россиядағы хазна деятельі. 2020 чылның кӱрген айының 21 кӱнінең сығара Россия Федерациязының правительствозының кнес орынҷызы (тоғ. толд. 2024 чылның сілкер айының 7—13 кӱннерінде[2]). Ӱстӱнзархы федеральнай округтың кураторы[3]. Экономика наукаларының кандидады.

Ӱгредіг

[тӱзедерге | код тӱзедерге]

1983 чылда Казаньдағы финанс-экономика хазна институдына (КГФЭИ) кіріп алған, че пір чыл пазынаң армияа тартылған. 1990 чылда «экономика» специальностьча КГФЭИ тоос салған[4]. 2000 чылда Великобританияның Азых университедінде «Профессиональнай менеджмент» специальностьча ӱгредіг алған[5]. 2006 чылдаң сығара экономика наукаларының кандидады полча. Татар паза англия тіллерін пілче[6][7].

Істеніс кирее

[тӱзедерге | код тӱзедерге]

Татарстанда[тӱзедерге | код тӱзедерге]

Марат Хуснуллин Владимир Путиннең паза Минтимер Шаймиевнең хада Казаньдалар. 20 январьда 2007 чылда

1983—1984 чч. — лаборант обслуживания опытных установок КГФЭИ опытнай установкаларнаң тоғынҷаң лаборант (ӱгредіг тузында).

1984—1986 чч. — Совет Армиязындағы служба[8].

1986—1987 чч. — КГФЭИ-да лаборант.

1987—1995 чч. — ӧӧн бухгалтер, Казаньдағы «Темп» пӱдіріг кооперативінің кнезі[8].

1995—1997 чч. — «Интерпластсервис» ООО-ның генеральнай директоры[8].

1997—2000 чч. — Казаньдағы «Ак Барс» ООО-ның Пӱдіріг садығ-промышленность фирмазының генеральнай директоры[8].

1999—2001 чч. — Татарстан Республиканың Хазна Чӧбінің Прикамье округының депутады. Татарстан Республиканың Пӱдіріг, архитектура паза чурт-коммунальнай хонии министерствозына службаа парыбысхан соонда, чон депутады постын артыс салған.

2000—2001 чч. — «Татэнерго» ГУП ПЭО-ның материальнай-техническай ресурстарынҷа, инвестицияларынҷа паза пӱдіриинҷе генеральнай директор орынҷызы — директоры[8].

11.05.2001 — 18.11.2010 чч. — Татарстан Республиканың пӱдіріг, архитектура паза чурт-коммунальнай хоных министрі[8].

Министерство устаанда турған туста республикаа улуғ федеральнай инвестициялар тартылғаннар, иң пурнада Татарстандағы чурт пӱдірии тилізінҷе тиксі программазына. Программа республиканың килкім городтарының —Казань, Набережные Челны, Нижнекамск, Елабуга, Альметьевск — агломерация чирлерін пірге город пӱдірҷең оңдайларда азарына кӧріл парған. Іди кӧп нимес хорадығлар идіп, оларзар коммунальнай, чол-транспорт паза социальнай инфраструктураларны кирер оңдай пирген[9].

Хуснуллиннің пастаанаң бюджет ахчазын хайлаллир пӧгіннең, чуртты, чолларны, социальнай инфраструктура объекттерін пӱдірҷең пір типтіг проекттер табылғаннар. Аннаң пасха, «Электроннай Россия» программаҷа Татарстанда электроннай закупкалар системазы, пӱдіріге кирек чарадығларны пирері паза ведомстволар тастындағы хазна экспертизазының заключениезін алары тоғын сыххан. Анзы пӱдіріг тоғыстар хорадығларын илееде хызырыбысхан[9].

Хуснуллиннің хоостыра Казаньда спорт объекттері пӱдіріл сыхханнар, олар Универсиада-2013 тузаланылғаннар. 2010 чылның сілкер айына Татарстанның столицазында 26 спорт пӱдіріглері тоғын сыхханнар: «Ак Барс единоборстволар ӧргезі, Казаньдағы «Олимпиец» Олимп резерві училищезі, «Тезуче», «Форвард», «Мирас», КГУКиИ-ның «Итиль», ТГГПУ-ның «Москва», «Ак Буре», «Ватан» спорт ӧргелері, «Татнефть Арена» пус ӧргезі, «Тулпар», «Бустан», «Зилант», пустығ ареналығ паза бассейнніг паза баскетбол ачыхтығ «Триумф» универсальнай СК, ідӧк стендте атчаң комплекс, «Акчарлак» чабых бассейн, Теннис академиязы, «КАИ Олимп» культура-спорт комплекзі, «Санкт-Петербург» волейбол кіні, Бокс паза столдағы теннис кіні, «Буревестник» чабых бассейн, Отта ойнаҷаң хоккей кіні, баскетбол спорт сооружениезі Баскет-холл, Универсиада аалы[10].

Паза 4 объект — Суғдағы спорт кӧрімнерінің ӧргезі, Гимнастика кіні, 45 муң орынға стадион паза гребнай спорт кӧрімнерінің кіні — 2010 чыл соонаң Хуснуллиннің преемниктері устаанында читіре пӱдірілгеннер. Андада ол Татарстан Республиканың пӱдіріг, архитектура, чурт-коммунальнай хоных министрі постынаң сығыбысхан полған[10].

Олох туста Хуснуллин Казаньдағы архитектура-пӱдіріг хазна университедінің «Экономика паза пос кирее пӱдіріг киреенде» кафедразының доценті полған[11].

Москвада[тӱзедерге | код тӱзедерге]

Михаил Мень, Сергей Собянин паза Марат Хуснуллин Город пӱдірии политиказының комплекзі коллегиязының чыылиинда. 8 августта 2014 чылда
Марат Хуснуллин Россия Федерациязының пӱдіріг паза чурт-коммунальнай хоных министерствозында пастағы тоғыс чыылиин иртірібіскен. 22 январьда 2020 чылда
Марат Хуснуллин паза Владимир Путин, 3 мартта 2020 чылда

2010 чылның кічіг хырлас айының 18-ҷі кӱнінде Хуснуллин Москва городтың Город пӱдірии департаментінің устағҷызына турғызылған[8].

2010 чылның улуғ хырлас айының 2-ҷі кӱнінде город пӱдірии политиказының паза пӱдіриинің сурығларынҷа мэрнің орынҷызы полыбысхан[8].

2011 чылның кӧрік айында Москва городтың город пӱдірии политиказының паза пӱдіриинің сурығларынҷа коллегия кнезіне турғызылған[12]. Олох чылда пос кӧңнінең пӱдірілчеткенін хыйыстырҷаң город комиссиязынаң устап сыххан[13].

2012 чылның кӱрген — от айларында город чахииның объекттерінҷе проект пічіктерінің экспертизазы иділчеткенін хайығда тутхан. Іди бюджеттің хайзы хорадығ статьяларын хызырҷаң оңдай табылған: пӱдіріг тоғыстарының паазы 20 %, алай 18,8 млрд салковайға хызырылған. Город объекттерінің подрядчиктерін табарына торгтарны иртіргені пастағы паазын 9 %, алай 8,4 млрд салковайға теере хызырыбызарға оңдай пирген[14].

Хуснуллиннің хоостыра, ідӧк пӱдіріг тоғыстарында пӧзікке хызырылғанын таныхтапчатхан схемалар паза Бульварнай кольцо істіндегі чирлернің тузаланҷаң оңдайлары алылғаннар.

2012 чылдаң сығара Хуснуллин Мэрия аппарадының устанызынаң хада-пірге пӱдіріг сферазында пічіктерні аларға нииктепчеткен электроннай пічіктер системазын кирерін хайығда тут сыххан. Анзы прай услугаларны, ол санда чир участоктарының пӱдіріг планнарын, экспертиза салтарын, пӱдірерге паза объекттерні эксплуатацияа чаратчатханын электроннай кӧрімде аларға оңдай пирген[15].

2012 чылның кӧрік айынаң сығара Хуснуллин «Москва-Сити» ММДЦ сурығларын пӧгерінҷе паза пӱдіриинҷе штабтаң устаан[12] (2008 чылдағы ахча кризизі сылтаанда, «Федерациянаң» «Россия» башнялар паза «Сити Пэлас» комплекс пӱдірии тохтадылған: кредит ресурстары чохтаңар, инвесторлар тоғыстарын тохтатханнар, алай проекттең сығыбысханнар). Объекттерні пирҷең план хатап кӧрілген[16]. Аның орнына ММДЦ райондағы орамаларның чардығын нааҷылир чарадығ алылған, ол санда наа транспорт чолларын пӱдірері (2012 чылның кӱскӱзіне узуны 2,5 километр хоза читі кӧп чоллығ автомобильлер чолы пӱдірілген)[17].

2012 чылның хосхар айынаң сығара Хуснуллин Москвадағы тимір чол узелінің чирлерінің, тимір чол транспортының инфраструктура объекттерінің паза хыриндағы чир участоктарының город пӱдірии тилізі сурығларынҷа чӧбінің кнестерінің пірсі полча[18][19].

2012 чылның от айының 1-ғы кӱнінең сығара, Москва облазының чирлерінің чардығын Москваға піріктіргенінең сығара, Хуснуллин ідӧк Наа Москвадағы пӱдіріг политиказын хайығда тутча[20].

2013 чылның кӱрген айында хатап тӧстелген Архитекторы чӧбінең устапча. Ол городтағы пірге город пӱдірҷең паза архитектура политиказын апарарын сыныхтирға кӧріл парған. Хуснуллиннең чарадиинаң чӧпке Россия паза пасха хан чирі эксперттері кіргеннер[21]. Улуғ паза кирек город чирлерінде город пӱдірҷең тиліс концепцияларын тимнирінҷе марығлар иртіріл сыхханнар[15].

РФ-ның Правительствозының вице-премьері[тӱзедерге | код тӱзедерге]

2020 чылның кӱрген айының 21-ҷі кӱнінде Россия Федерациязының Правительствозының вице-премьеріне турғызылған[22].

2020 чылның кӱрген айының 29-ҷы кӱнінең сығара Хуснуллин Крым Республиканың паза Севастопольның кураторы полыбысхан. 2022 чылның хосхар айынаң сығара ідӧк Херсон облазын, Запорожьені паза Донбассты полған кӧріміне айландырарынҷа куратор полча[23].

2024 чылның сілкер айының 11-ҷі кӱнінең сығара Михаил Мишустин Хазна думазына наа правительствоны ӱзӱріге кирген, анда вице-премьер должнозына Хуснуллиннің кандидатуразын турғысчаң чӧпнең сыххан[24]. Сілкер айының 13-ҷі кӱнінде Хазна думазы аны пу постха чаратхан[25]. Сілкер айының 14-ҷі кӱнінде РФ-ның президенті аның турғызылчатханынаңар чахығда хол салған[26].

Марат Хуснуллин хазна чурт политиказы паза недвижимостьтың гражданскай айланызы, ідӧк автомобиль чолларының пӱдірии, аны кӧрері паза тыхтиры, чол чӧрізінің хорғыс чох полары, халых транспортының тилізі сурығларына нандырча. Вице-премьер «Чурт паза город средазы», «Хорғыс чох паза качестволығ чоллар», «Арығ суғ» паза «Волганың хазиин пиктирі» федеральнай проекттернің чардығындағы «Экология» национальнай проекттернің тимнелчеткенін паза оларның чуртасха кирілчеткенін хайығда тутча.

Хуснуллин Крым Республика, Севастополь, Донецк паза Луганск Чон Республикаларының, Запорожье паза Херсон областьтарының социальнай-экономическай тилізі толдырылчатханын сыныхтапча. Куратор чіли Ӱстӱнзархы федеральнай округтың социальнай-экономическай тилізі ӱчӱн нандырча паза мындағ ведомстволарны хайығда тутча:

  • Россия Федерациязының пӱдіріг паза чурт-коммунальнай хоных министерствозын;
  • Хазна регистрациязы, кадастр паза картография федеральнай службазы;
  • Экология, технология паза атомнай хайығ федеральнай службазын;
  • Хазна ис-пайынаң устанызынҷа федеральнай агенствозын;
  • Федеральнай чол агентствозы[27].

Город пӱдірҷең политикада иң кирек проекттер

[тӱзедерге | код тӱзедерге]

Метрополитен тилізі[тӱзедерге | код тӱзедерге]

Хуснуллин «Рязанская» ТПУ пӱдіріг ачығында 16 декабрьда 2017 чылда

2011 чылдаң сығара Хуснуллиннің арасханы пастыра 101 км метро линиялары пӱдірілгеннер, ол санда Москвадағы центральнай кольцоның пассажирлер чӧрізінің 54-ҷі километрінің тиксі тыхтағ тоғыстары иділгеннер. Аның алнында ол таарлағны тартарға ла кӧрілген полған. Олох туста метрополитен пӱдіриинің паазы иң асхынах 25 % син парған, ол санда, анзы иділген проектрированиені Европа стандарттарына айландырған сылтаанда паза станцияларның проекттерін алыстырғанда[28]. Метро пӱдірии ортымахти 30 % хызырыл парған.

Город пӱдірҷең политика[тӱзедерге | код тӱзедерге]

2011 чылдаң сығара Хуснуллин пос кӧңнінең пӱдірілчеткенін хыйыстырҷаң комиссиянаң устап сыххан. Москваның пӱдіріг комплекзінің устаанда 9 чыл тоғынған тусха, столицада реновация проекті чуртасха киріл сыххан. Кӧп квартиралығ тураларны чох идіп, аның чуртағҷыларын наа тураларға кӧзір сыхханнар[7].

2012 чылдаң сығара Хуснуллин «Рубль за метр» программаны чуртасха кирерінде араласхан. Аның хоостыра, Москваның Правительствозы льгота арендазына 49 чылға пос алынҷа тоғынчатхан инвесторларға культура ис-пайының объекттерін пирібіскен, че олар пис чыл аразына оларның пӧзік качестволығ наука реставрациязын ит саларға кирек полғаннар. 2012 чылның орғах айының соонзар программа хоостыра Москвада пис усадьба нааҷылалған. Ол XVIII—XIX чӱс чыллардағы Морозовтарның городтағы усадьбазы паза Николоямскай орамадағы Н. П. Баулиннің туразы (тӧстее — XVIII чӱс чылдағы палата); XVIII—XIX чӱс чыллардағы архитектор Константин Буссенің Подсосенскай переулоктағы город усадьбазы; Таганскай ачыхтағы Колесников-Шаргин-Сапатинаның усадьбазы; Печатников переулогында орныхчатхан кресен Сысоевтің туразы. 2013 чыл тоозылғанҷа, льготалығ арендаа, соонаң аның тархын кӧріміне айландырары хоостыра, культура ис-пайының паза 50 объекті пирілген[29].

2013 чылдаң сығара Хуснуллиннің хайиинда 2035 чылға теере Москва тилізінің генеральнай планы тимнелген. Піріктірілген чирлер санға алылғаннар[30].

2017 чылның хандых айында «Лужники» БСА реконструкциязы пір чылға азынада тимнел парған. 2018 чылда «Лужникиде» Футболҷа тилекей чемпионады 2018 ирткен[31].

2018 чылда Хуснуллиннің устаанынаң Москва кініндегі Зарядьедегі парк проекті чуртасха кирілген. Аның алнында анда «Россия» гостиница орныххан. «Россия» гостиница 2006 чылның азығ айында сайал сыххан, 2010 чылға тоозыл парған. 2012 чылда Зарядье тилізі концепциязынҷа чоннар аразындағы чайаачы марығ ирткен. Анда полғаны ла аралазар оңдайлығ полған. Тиксі тилекейдең чирде тоғынар проекттерні 240 ӧме кӧзіткен. Марығ хоостыра «чон чахии» тимнелген. Анда чирдегі пӱдіріг тоғыстарын асхынах идіп, чир алтында ӧткін тоғынар чӧп пирілген. Паркта 4 ландшафт чирі, павильоннар, парковка, музейлер, кӧзідіг заллары, Москва суғ кизіре тахта, чапсых концерт залы парлар[32].

Транспорт политиказы[тӱзедерге | код тӱзедерге]

2011 чылда Хуснуллин проект аарлығ полған ӱчӱн, узуны 60 км Тӧртінҷі транспорт кольцозын пӱдірбеске итчеткенінең чарасхан. Ол проект МКАД-тың паза Ӱзінҷі транспорт кольцозының чӧрізін нииктебізерге паза Москвадағы районнар аразындағы палғалысты чахсыландырарға кӧрілген полған. Проект Алтынзархы-Кидеркі, Алтынзархы-Іскеркі хорд паза Ӱстунзархы рокада тӧстиріне алыстырылған[33].

Россия Правительствозында

[тӱзедерге | код тӱзедерге]

2020 чылның кӱрген айының 21-ҷі кӱнінең сығара Хуснуллин РФ-ның правительство кнезі Михаил Мишустиннің орынҷызына турғызылған. Аның хайиина кірген чурт политиказы, ипотека кредитованиезі, пӱдіріг паза архитектура киреендегі хазна политиказы, чурт-коммунальнай хоных, автомобильлер чолларын нааҷылиры паза тоғындырары, чол чӧрізінің хорғыс чох полары, хазна нимезінең устиры.

Ол регион тилізі киреенде правительство тоғызын апарча (Ыраххы Востоктағы федеральнай округ кірбинче), Крым Республиканың, Севастопольның, Калининград облазының социальнай-экономическай тилізінең айғасча, Абхазия паза Ӱстӱнзархы Осетия республикаларының палғалызы ӱчӱн нандырча. 2021 чылның от айынаң сығара Хуснуллин Ӱстӱнзархы федеральнай округтың кураторы полча.

2022-2023 чыллардағы чаа киректері тузындағы Украинаның ікі терроризм акты соонаң Крымдағы тахтаны нааҷылирынаң устаан[7].

Сыйыхтар паза аарластығ аттар

[тӱзедерге | код тӱзедерге]
Марат Хуснуллин Москвадағы 8-ҷі урбанистическай форумда. 18 июльда 2018 чылда
  • «Тиксі Россиядағы чонны санға алар чӧрімні иртірген киректер ӱчӱн» медаль (2002)
  • «Казаньның 1000 чылын хумартхылап» медаль (2005)
  • «Россияның Профсоюзтарына 100 чыл» медаль (2005)
  • Татарстан Республиканың Министрлер Кабинедінің Алғыстас пічии (2007)
  • Татарстан Республиканың Президентінің Алғыстас пічии (2008) (2010)
  • «Ада чир-сууна чахсы киректер иткен ӱчӱн» II степень орден медальы (2008)[34]
  • «За заслуги перед Республикой Татарстан» орден (2010)
  • «Россияның чурт-коммунальнай хонииның аарластығ тоғынҷызы» аарластығ звание (2010)
  • Россия Федерациязының саблығ тоғынҷызы аарластығ ат (21 декабрьда 2013 чылда) — пӱдіріг киреендегі киректер ӱчӱн паза кӧп чыллар сын сағыснаң істенген ӱчӱн[35]
  • Россия Федерациязының пӱдіріг паза чурт-коммунальнай хонииның аарластығ тании (2016)
  • «„Россиядағы тимір чоллар“ ОАО-ның тилізінің киректері ӱчӱн» 2-ҷі степень тании (2016)[36]
  • «Чир-чайаанны хайраллирынҷа аарластығ тоғынҷы» (2016)
  • Аарлас ордені (2018)[37]

Ис-пайы

[тӱзедерге | код тӱзедерге]

2011 чылда Хуснуллин Кремльдең ырах нимес улии 186,7 м² квартираны алған. 2016 чылда аны хызы Маликаа сыйлап пирген.

2020 чылда СМИ пастыра, Хуснуллин Москвадағы Серебряный Борда рынок паазы 1 млрд салковайҷа турчатхан дворецте чуртапчатханы искірілген.

Алған орын

[тӱзедерге | код тӱзедерге]
  1. ↑ https://eur-lex.europa.eu/legal-content/FR/TXT/PDF/?uri=OJ:L:2022:042I:FULL&from=FR
  2. ↑ Правительство России переходит в статус и.о. до назначения нового состава. TACC. Дата обращения: 7 Сілкер айы 2024.
  3. ↑ Михаил Мишустин назначил вице-премьеров кураторами федеральных округов. Дата обращения: 19 От айы 2021. Архивировано 19 От айы 2021 года.
  4. ↑ Хуснуллин Марат Шакирзянович. Дата обращения: 4 Ӱртӱн айы 2013. Архивировано из оригинала 30 Кӱрген айы 2013 года.
  5. ↑ Marat Khusnullin // Коммерсантъ.
  6. ↑ Поймали за язык
  7. ↑ 1 2 3 Энциклопедия ТАСС. Хуснуллин Марат Шакирзянович
  8. ↑ 1 2 3 4 5 6 7 8 Хуснуллин Марат Шакирзянович — Биография. Дата обращения: 4 Ӱртӱн айы 2013. Архивировано из оригинала 7 Орғах айы 2013 года.
  9. ↑ 1 2 Портал строителей города — про жильё
  10. ↑ 1 2 Спортивные объекты Универсиады в Казани
  11. ↑ Казанский государственный архитектурно-строительный университет
  12. ↑ 1 2 Ъ-Справочник. Дата обращения: 4 Ӱртӱн айы 2013. Архивировано из оригинала 6 Ӱртӱн айы 2013 года.
  13. ↑ Хуснуллин возглавил комиссию по пресечению незаконного строительства вместо Ресина
  14. ↑ М.Хуснуллин подвел итоги деятельности Стройкомплекса Москвы за семь месяцев 2012 года
  15. ↑ 1 2 Заседание Правительства Москвы
  16. ↑ «Лужники», «Москва-Сити» и другие перестройки Москвы
  17. ↑ «Москва-Сити» ищет выезд
  18. ↑ Совет занимается разработкой решений для органов исполнительной власти Москвы и подразделений РЖД по повышению эффективности использования территорий МЖД, объектов инфраструктуры и прилегающих к ним участков, реализации на них инвестиционных проектов
  19. ↑ Градостроительным развитием территорий железной дороги в Москве займется специальный совет
  20. ↑ Недвижимость-2013: обращение заместителя Мэра Москвы Марата Хуснуллина
  21. ↑ Архитектурный совет Москвы возглавил Кузнецов (недоступная ссылка)
  22. ↑ Новый состав правительства. Полный список. РБК. Дата обращения: 21 Кӱрген айы 2020.
  23. ↑ Как Марат Хуснуллин будет восстанавливать Херсон, Запорожье и Донбасс | Республика Крым (неопр.). ФедералПресс. Дата обращения: 23 Сілкер айы 2022.
  24. ↑ О чем говорит новая конфигурация российского правительства. РБК (11 Сілкер айы 2024). Дата обращения: 13 Сілкер айы 2024.
  25. ↑ Госдума утвердила Хуснуллина вице-премьером. РИА Новости (13 Сілкер айы 2024). Дата обращения: 13 Сілкер айы 2024.
  26. ↑ Президент подписал указы о назначении членов Правительства Российской Федерации и директоров служб. kremlin.ru (14 Сілкер айы 2024). Дата обращения: 14 Сілкер айы 2024.
  27. ↑ Михаил Мишустин утвердил распределение обязанностей между вице-премьерами. government.ru (17 Сілкер айы 2024). Дата обращения: 17 Сілкер айы 2024.
  28. ↑ Стоимость строительства метро в Москве снизили на 25 %. Дата обращения: 4 Ӱртӱн айы 2013. Архивировано из оригинала 18 Хандых айы 2013 года.
  29. ↑ До конца года в льготную аренду может быть сдано около 50 объектов культурного наследия
  30. ↑ Марат Хуснуллин: «В Москве будет построено 300 гостиниц». Дата обращения: 4 Ӱртӱн айы 2013. Архивировано из оригинала 18 От айы 2013 года.
  31. ↑ Марат Хуснуллин: Реконструкцию «Лужников» можно начать лишь в мае 2014 года
  32. ↑ Первая очередь парка «Зарядье» была завершена в 2017 году, торжественное открытие парка состоялось 9 сентября 2017 года, в день празднования 870-летия Москвы. 4 ландшафтные зоны, павильоны, парковка, музеи, выставочные залы, парящий мост через Москву-реку — все это открыто для посетителей. Уникальный концертный зал — филармонию — планируют завершить и открыть в 2018 году.
  33. ↑ Более 230 км дорог реконструируют в Москве за три года — Хуснуллин
  34. ↑ Deputy Mayor for Urban Development and Construction / Marat Khusnullin / The official website of the Mayor and the Government of Moscow. web.archive.org (9 Орғах айы 2016). Дата обращения: 1 Кӧрік айы 2022.
  35. ↑ Указ Президента Российской Федерации от 21 декабря 2013 г. № 929 «О награждении государственными наградами Российской Федерации»
  36. ↑ Фотофакт. www.gudok.ru. Дата обращения: 20 Улуғ хырлас айы 2016.
  37. ↑ Указ Президента Российской Федерации от 27 декабря 2018 года № 756 «О награждении государственными наградами Российской Федерации»


Ссылкалар

[тӱзедерге | код тӱзедерге]
Алған орны - https://kjh.ruwiki.ru/w/index.php?title=Хуснуллин,_Марат_Шакирзянович&oldid=86995