Лут, Оксана Николаевна

Рувики тiп сайттаң
Оксана Николаевна Лут
Лут, Оксана Николаевна.jpg
Флаг
Россия Федерациязының аал хонии министрі
Флаг
с 2024 чылның сілкер айының 14-ҷі кӱні
Правительство пазы Михаил Мишустин
Президент Владимир Путин
Алнындағы кiзi Дмитрий Патрушев
Флаг
Россия Федерациязының аал хонии министрінің 1-ғы орынҷызы
Флаг
с 2021 чылның улуғ хырлас айының 30-ҷы кӱні
Правительство пазы Михаил Мишустин
Президент Владимир Путин
Тӧреен кӱні 25 азығ айы 1979({{padleft:1979|4|0}}-{{padleft:2|2|0}}-{{padleft:25|2|0}}) (47 час)
Москва, СССР
Ӱгредии Россия Федерациязы Правительствозының Финанстар академиязы
Сыйыхтары

Оксана Николаевна Лут (тӧр. 25 азығ айы 1979, Москва[d]) — Россияның хазна деятельі. 2024 чылның сілкер айының 14-ҷі кӱнінең сығара Россия Федерациязының аал хонии министрі[1].

2018 чылның от айынаң 2021 чылның улуғ хырлас айына теере Россия Федерациязының аал хонии министрінің орынҷызы полған, 2021 чылның улуғ хырлас айының 30-ҷы кӱнінең сығара — аал хонии министрінің пастағы орынҷызы[2].

Россия Федерациязының III класстығ сын хазна чӧпчізі (2023)[3].

Чуртас чолы

Оксана Лут 1979 чылның азығ айының 25-ҷі кӱнінде Москвада тӧреен[2].

2001 чылда Россия Федерациязының Правительствозының Финанстар академиязын  (орыс) (рус. «финанстар паза кредит» специальностьча тоос салған[4].

1999 чылның хосхар айынаң 2000 чылның орғах айына теере банк пірігістерінде аймах должностьтарда істенген[2].

2000 чылның ӱртӱн айынаң 2003 чылның хосхар айына теере Альфа-банк ОАО-ның тоғыс органнарының толдырығ секретариадының кредит паза перспектива продукттар пӧлиинің экономизі, банктың Региондағы бизнестің кредитование устанызының холындағы банктарның кредит тилізі пӧлиинің улуғ экономизі полған.

2003 чылның хосхар айынаң сығара 2010 чылның кӱрген айына теере ВТБ банк ОАО-ның ӧӧн экономизі, Отрасльлар аразындағы корпоратив бизнезі тилізінҷе устаныс менеджері; Корпоратив блогының улуғ клиенттерінең тоғынчатхан Ікінҷі устанызының директоры; Инвестиция блогының Инвестиция операцияларының паза услугаларының устаныс директоры; Ікінҷі корпоратив блогының улуғ клиенттернең тоғынчатхан Ӱзінҷі устанызының директоры; банктың Пӱдіріг проекттер департаментінің пӱдіріг проекттерінің финансированиезінең айғасчатхан устаныс директоры полған[3].

2010 чылның кӱрген айынаң чарыс айына теере «Ростехнологиялар» Хазна корпорациязының Инвестиция проекттері департаментінің устаныс пастығы; Инвестиция проекттері департаментінің профиль нимес активтер службазының пастығы полған.

2010 чылның чарыс айынаң 2018 чылның от айына теере клиенттернең тоғынҷаң департаменттің устағҷызы; Корпоратив бизнезінің тилізі департаментінің устағҷызы, Улуғ бизнес департаментінің устағҷызы; «Россельхозбанк» АО-ның устағ-пастағ кнезінің орынҷызы.

2018 чылның 13-ҷі июльынаң сығара 2021 чылның улуғ хырлас айына теере Россия Федерациязының аал хонии министрінің орынҷызы[4].

2021 чылның улуғ хырлас айының 30-ҷы кӱнінең сығара Лут Россия Федерациязының аал хонии министрінің пастағы орынҷызы полған[2]. Ол Джамбулат Хатуовтың орнына килген[5].

2024 чылның сілкер айының 11-ҷі кӱнінде Россия Федерациязының премьер-министрі Михаил Мишустин аал хонии министріне Луттың адын адаан[6]. Сілкер айының 14-ҷі кӱнінде Хазна думазы аның кандидатуразын чаратхан[7], олох кӱнде Россия Федерациязының президенті аны турғызардаңар чахығда хол салыбысхан[8].

Пос чуртазы

Оксана Луттың хада хонғаны Андрей Лебедев полча. Ол юрист. Ирепчі ӱс пала ӧскірче[9].

Сағыстар

Россия Федерациязының правительство кнезінің пресса-хачызы Борис Беляковтың сӧстерінең Лут «министерство устағҷызының тоғызында киректелчеткен пілістіг кізі полча»[6].

Хазна думазының кнезі Вячеслав Володин  (орыс) (рус. Луттың аал хонии министрінің пастағы орынҷызының чидіглерін таныхтаан, аннаңар аны министрге турғысханы орта хаалағ тіп сағызынаң ӱлескен[10].

Хазна паза ведомство сыйыхтары

  • «Евразияның экономика союзына 10 чыл» медаль (2024 чылның улуғ хырлас айының 26-ҷы кӱні, Евразияның Ӧӧркі экономика чӧбіы)[11];
  • «Ада чир-сууна чахсы киректер иткен ӱчӱн» II синніг орден медальы (2021 чылның чарыс айының 25-ҷі кӱні)[12];
  • «Евразияның экономика союзының тилізіне хозым иткен ӱчӱн» медаль (2019 чылның сілкер айының 29-ҷы кӱні, Евразияның Ӧӧркі экономика чӧбі)[13];
  • Россия Федерациязы Президентінің Аарластығ пічии (2015 чылның чарыс айының 26-ҷы кӱні)[2]

Алған орын

  1. ↑ Постановление Государственной Думы Федерального Собрания Российской Федерации от 14.05.2024 № 6077-8 ГД "Об утверждении Лут Оксаны Николаевны Министром сельского хозяйства Российской Федерации". Официальное опубликование правовых актов (14 Сілкер айы 2024). Дата обращения: 21 Чарыс айы 2025.
  2. ↑ 1 2 3 4 5 Лут Оксана Николаевна (рус.). Министерство сельского хозяйства Российской Федерации (20 Кӱрген айы 2017). Дата обращения: 21 Чарыс айы 2025.
  3. ↑ 1 2 Что известно об Оксане Лут. ТАСС (14 Сілкер айы 2024). Дата обращения: 21 Чарыс айы 2025.
  4. ↑ 1 2 Оксана Лут: биография. Росконгресс. Дата обращения: 21 Чарыс айы 2025.
  5. ↑ Оксану Лут назначили первым замминистра сельского хозяйства. РИА Новости (24 Улуғ хырлас айы 2021). Дата обращения: 21 Чарыс айы 2025.
  6. ↑ 1 2 Мишустин предложил замглавы Минсельхоза Оксану Лут на пост руководителя ведомства. TACC (11 Сілкер айы 2024). Дата обращения: 21 Чарыс айы 2025.
  7. ↑ Госдума утвердила Оксану Лут на должность главы Минсельхоза. РИА Новости (14 Сілкер айы 2024). Дата обращения: 14 Сілкер айы 2024.
  8. ↑ Президент подписал указы о назначении членов Правительства Российской Федерации и директоров служб. kremlin.ru (14 Сілкер айы 2024). Дата обращения: 21 Чарыс айы 2025.
  9. ↑ Оксана Лут. 24СМИ. Дата обращения: 22 Ӱртӱн айы 2025.
  10. ↑ Володин назвал логичным предложение Лут на должность главы Минсельхоза. РИА Новости (12 Сілкер айы 2024). Дата обращения: 14 Сілкер айы 2024.
  11. ↑ Решение Высшего Евразийского экономического совета от 26 декабря 2024 года № 20 «О награждении медалью «10 лет Евразийскому экономическому союзу». Дата обращения: 21 Чарыс айы 2025. Архивировано 21 Кӱрген айы 2025 года.
  12. ↑ Указ Президента Российской Федерации от 25.10.2021 г. № 596 О награждении государственными наградами Российской Федерации. kremlin.ru (25 Чарыс айы 2021). Дата обращения: 14 Сілкер айы 2024.
  13. ↑ Решение Высшего Евразийского экономического совета от 29 мая 2019 года № 3 "О награждении медалью «За вклад в развитие Евразийского экономического союза» (неопр.). Дата обращения: 21 Чарыс айы 2025.

Ссылкалар

Алған орны - https://kjh.ruwiki.ru/w/index.php?title=Лут,_Оксана_Николаевна&oldid=153826