Колокольцев, Владимир Александрович

Рувики тiп сайттаң
Владимир Александрович Колокольцев
Vladimir Kolokoltsev (2020-02-21).jpg
Флаг
Россия Федерациязының Істіндегі киректер министрі
Флаг
с 21 майда 2012
(тоғ. толд. 8—18 мая 2018, 15—21 январьда 2020, 7—13 майда 2024)
Правительство пазы Дмитрий Медведев
Михаил Мишустин
Андрей Белоусов (тоғ. толд.)
Михаил Мишустин
Президент Владимир Путин
Алнындағы кiзi Рашид Нургалиев
Флаг
Россия МВД-ның
Москваҷа Ӧӧн устанызының пастығы
Флаг
24 мартта 2011 — 21 майда 2012
Алнындағы кiзi должность тӧстелген, ол позы Москва ГУВД-ның пастығы чіли
Орнына халған кізі Виктор Голованов (тоғ. толд.)
Анатолий Якунин]]
Флаг
Москваның Істіндегі киректерҷе ӧӧн устанызының пастығы
Флаг
7 сентябрьда 2009 — 24 мартта 2011
Алнындағы кiзi Владимир Пронин
Александр Иванов (тоғ. толд.)
Орнына халған кізі должность чох иділген, ол позы Россияның МВД ГУ-ның Москваҷа пастығы
Флаг
Орел облазының
Істіндегі киректер устанызының пастығы
Флаг
12 январьда 2007 — 14 апрельде 2009
Алнындағы кiзi Леонид Пашин
Орнына халған кізі Юрий Савенков
Тӧреен кӱні 11 сілкер айы 1961({{padleft:1961|4|0}}-{{padleft:5|2|0}}-{{padleft:11|2|0}}) (64 час)
Нижний Ломов, Пенза облазы, РСФСР, СССР
Супруга Вера Ивановна Колокольцева
Палалар оолғы: Александр
хыс: Екатерина
Партия партия чох
Ӱгредіг СССР МВД-ның ВЛКСМ-ның 60 чылына адынаң Пӧзік политика училищезі
Учёнай степень (2005)
Профессия юрист
Кирее істіндегі политика, халыхта хорғыс чох полары
Сыйыхтар
Сайт Министерство внутренних дел
Военная служба
Служба чыллары 1982 сығара
Тееліс  СССР →  Россия
Вйосколар роды MVD Badge (Solid Colors).svg СССР-ның МВД-зы
Emblem of the Ministry of Internal Affairs.svg Россия МВД-зы
Ӧнетін звание алай класс чині
Звание полиция генералы
Россия Федерациязының полиция генералы
Логотип РУВИКИ.Медиа Медиафайлы на РУВИКИ.Медиа

Владимир Александрович Колокольцев (тӧр. 11 сілкер айы 1961, Нижний Ломов[d], Пенза облазы[d]) — Россияның хазна деятельі, право хайраллаҷаң органнарның устағҷы тоғынҷызы. 2012 чылның сілкер айының 21-ҷі кӱнінең сығара Россия Федерациязының істіндегі киректер министрі[1]. Россия Федерациязының Полиция генералы (2015)[2]. Россия Федерациязының істіндегі киректер органнарының саблығ тоғынҷызы. Юридическай наукалар докторы (2005). 2012 сылдаң сығара РФ-ның Хорғыс чох поларынҷа Чӧбінің Тӧреміл кізізі.

Мының алнында, 2009 чылның ӱртӱн айының 7-ҷі кӱнінең сығара 2011 чылның кӧрік айының 24-ҷі кӱніне теере, Москвадағы істіндегі киректер ӧӧн устанызының пастығы. 2011 чылның кӧрік айының 24-ҷі кӱнінең сығара 2012 чылның сілкер айының 21-ҷі кӱніне теере Москваҷа Россияның МВД-ның ӧӧн устанызының пастығы[3].

Чуртас чолы

[тӱзедерге | код тӱзедерге]
Владимир Колокольцев оң саринда) оперативник рольын «На углу у Патриарших» фильмде толдырча. 3-ҷі серия, «Невидимый дирижёр»

Владимир Колокольцев Пенза облазындағы Нижний Ломов городта 1961 чылның сілкер айының 11-ҷі кӱнінде тоғысчы сӧбірезінде тӧреен. Погрузчик водительі полған, соонаң Пенза облазындағы «Власть труда» фанера заводының котельнай цехында насос установказының машинизі полып тоғынған. 1979 чылда армияа тартылған, СССР-ның паза Афганистанның хырығларында пограничниктер войсколарында служба ирткен.

1982 чылда Колокольцев істіндегі киректер органнарынзар служба иртерге кірген. Москвада аккредитация ирткен пасха хан чирі хазналарының дипломатия представительстволарын хадарарынҷа милиция пӧлиинде тоғынған. 1984 чылда Москваның Гагаринскай райисполкомының УВД-дағы милицияның патруль-пост службазының алынҷа батальонының взвод командиріне турғызылған.

1985 чылда Колокольцев СССР МВД-ның ВЛКСМ-ның 60 чылы адынаң Пӧзік политика училищезіне ӱгренерге кіріп алған. Аны 1989 чылда уғаа чахсы тоозыбысхан. Училище соонаң Москвазар айланып, Москвадағы Кунцевскай райисполкомының УВД-дағы уголовнай істезіг пӧлиинің оперуполномоченнайы полып, ОВД-да тоғын сыххан. Соонаң Москвадағы милицияның 20-ҷі пӧлиинің пастых орынҷызына турғызылған, анаң — милицияның 8-ҷі пӧлиинің пастығына.

1992 чылда Колокольцев Уголовнай істезіг устанызынзар Москвадағы ГУВД УУР-ның 2-ҷі пӧлиинің улуғ оперуполномоченнай должнозына кірібіскен. 1993 чыл пасталчатханда Москвадағы милицияның 108-ҷі пӧлиинің пастығына турғызылған.

1995 чылда Центральнай устағ-пастағ округының 2-ҷі РУВД-ның уголовнай істезіг устанызының пастығына турғызылған. 1997 чылда Колокольцев Россияның Істіндегі киректер министерствозына кірчеткен Москваҷа РУОП-тың 4-ҷі регион пӧлиинің пастығы полыбысхан. 1999 чылда Россия МВД-ның сайбағҷылар пірігізінең тоғыр кӱресчеткен Ӧӧн устанысха кірчеткен сайбағҷылар пірігізінең тоғыр кӱресчеткен Центральнай регион устанызының Ӱстӱнзархы-Іскеркі устағ-пастағ округынҷа региондағы Оперативнай-істезіг бюрозының пастығына турғызылған.

2001 чылда Колокольцев Россия МВД-ның Центральнай федеральнай округча ӧӧн устанызының оперативнай-істезіг бюрозының 3-ҷі пӧлиинің пастығына турғызылған. 2003 чылда бюро пастығының орынҷызы полыбысхан. 2007 чылның кӱрген айында Орлов облазындағы Істіндегі киректер устанызының пастығына турғызылған[4][5]. Аны тоғызы тузында областьта ікі пастағы вице-губернатор Кочуевнең Сошников, ідӧк областьтың устағ-пастаандағы подразделениелерінің нинҷе-де пазы пыролатханнар[6]. Ідӧк «Воробьёв» ОПГ-ның хайзы ӧткін кізілері харибге одыртылғаннар. 2009 чылның хосхар айында Колокольцев Россия МВД-ның Уголовнай істезіг департаментінің пастых орынҷызына турғызылған[7].

2009 чылның ӱртӱн айының 7-ҷі кӱнінде Россия президентінің чахиинаң, Колокольцев Москваның Істіндегі киректерінҷе ӧӧн устанызының пастығына турғызылған[8]. Колокольцев тоғыстаң сығарылған Владимир Прониннің орнына килген. Аның алнында, хосхар айының 28-ҷі кӱнінде, ОВД «Царицыно» пастығы Денис Евсюков Москвадағы супермаркетте ат сыххан ӱчӱн, Пронин должнозынаң суурылған. Колокольцевті турғызар алнында, ГУВД-ның пастых тоғызын тӧрт айҷа пастағы орынҷызы Александр Иванов толдырған[6].

2010 чылның хандых айының 10-ҷы кӱнінде Колокольцевке «милицияның генерал-лейтенанты» тіп ӧнетін звание пирілген[9].

Россия Федерациязының президентінің 24 мартта 2011 чылда сыххан чахиинаң[10] Колокольцевке полицияның генерал-лейтенанты ӧнетін звание пирілген. Ол Москва городча Россия МВД-ның Ӧң устанызының пастығына турғызылған.

Россия Федерациязының президентінің 21 майда 2012 чылда сыххан чахиинаң Колокольцев Россия Федерациязының істіндегі киректер министріне турғызылған[11][12], аның устаанда право хайраллаҷаң системаның реформазы узарадылған.

2020 чылның кӱрген айында правительство отставкаа ызылғанда, Колокольцев 2020 чылның кӱрген айының 21-ҷі кӱнінде Михаил Мишустиннің наа кабинедінде хатап министрге турғызылған. 2024 чылның сілкер айының 14-ҷі кӱнінде МВД пазына хатап турғызылған[13].

Пасха посттар

[тӱзедерге | код тӱзедерге]
  • Наркотиктердең тоғыр хазна комитедінің кнезі (2016 чылның улуғ хырлас айынаң сығара, должнозы пастыра);
  • Сайбағлар профилактиказынҷа правительство комиссиязының пазы (2012 чылның хандых айынаң сығара).
  • РФ-ның президентінің хойнындағы Коррупциядаң тоғыр кӱрезер чӧбінің, ідӧк физическай культура паза спорт тилізінҷе чӧбінің кізізі (ікізі — 2012 чылның от айынаң сығара).
  • РФ-ның чаа-промышленность комиссиязының кізізі (2014 чылның ӱртӱн айынаң сығара)[3].

Санкциялар

[тӱзедерге | код тӱзедерге]

2018 чылдаң сығара Колокольцев США санкцияларында, 2022 чылда Украинадағы чаа киректері пол сыхханнаң сығара Канаданың, Евросоюзтың, Великобританияның, Швейцарияның, Австралияның, Японияның паза Наа Зеландияның санкцияларына кірген.

Санкциялары полза даа, 2018 чылда Колокольцев ООН саринаң иртчеткен мероприятиелерде аралазар пӧгіннең США-да полған, анда «тудығ чох» американ визазын алған. 2022 чылда Колокольцев устаан Россия МВД-ның делегациязына США визалар пирбеен, аннаңар ООН-дағы полиция службаларының пастарының саммидіне Колокольцев кил полбаан. 2024 чылның хандых айында Нью-Йорксар ООН-ның араласчылары полчатхан хазналарның полиция органнары пастарының IV саммидіне учух килген. США Госдепінің чарыда чоохтаанынаң, Россияның кӱс ведомстволарының пастарына салылған санкциялар тохтадылғаннар. ООН хойнындағы США-ның представительствозында организациянаң иділген чӧптезіг хоостыра Нью-Йорктағы штаб-квартирада визалар пирҷең сурыға сын оңдайнаң хайчатханнарын чарыт пиргеннер. США-ның Хазна департаменті ООН-ның мероприятиелерінде араласчатхан делегацияларға виза пирерге кирек полчатханынаң чарасхан[14].

Критика

[тӱзедерге | код тӱзедерге]
  • 2013 чылның азығ айының 10-ҷы кӱнінде Колокольцев НТВ каналның «Сегодня. Итоговая программа» передачазындағы Кирилл Поздняковха интервьюзында улуғ сайбағлар иткені ӱчӱн паза террористтернің хоостыра Россияда ӧлімге чарғылирынаң тоғыр нимес полчатханға тӧӧй нименең ӱлескен, піди чоохтан:

Ӧлімге чарғыладарынаң тоғыр кізілернің ӧкпеленізін кӧрерге хынминчам, министр чіли нимес, че олаңай кізі чіли, андағ осхас сайбағҷыларға [мындағ хатығлас] поларында пір дее хомайлаҷаң ниме кӧрбесчіксім

Пу искіріг аар сайбағлар пол парған туста иділген. Аның алнында Набережные Челны городта 8 частығ Василиса Галицынаны паза Чечняда паза пір хызыҷахты оғырлап ӧдір салғаннар. Пу искірігні «Яблоко» партия хомайлаан, сайтта министрні тоғыстаң сығарар чӧп сығарылған[15], итсе, пу сағыснаң чарасчатхан, ідӧк министр позының сағызынаң ӱлезер праволығ тіп кӧрістіг кізілер асхынах полбааннар.

  • Колокольцев — юридическай наукалар докторы, диссертация темазы — «Обеспечение государственных интересов России в контексте концепции национальной безопасности» (2005)[16]. Диссернет сыныхтағлары хоостыра, Колокольцевтің доктор диссертациязында тӧрт диссертациядаң алылған нимелер парлар[17].

Сӧбіре

[тӱзедерге | код тӱзедерге]

Ипчізі пар, ікі палалығ.

  • Ипчізі — Вера Ивановна Колокольцева.
  • Оолғы — Александр Владимирович Колокольцев (тӧр. 1983), пос идінҷек [18].
  • Хызы — Екатерина Владимировна Колокольцева (тӧр. 1988), МГИМО-ны тоос салған.

Кинороль

[тӱзедерге | код тӱзедерге]

1994 чылда Колокольцев «На углу, у Патриарших» детектив телесериалының кизегінде оперативнай уполномоченнай рольында суурыныбысхан[19].

Званиелер

[тӱзедерге | код тӱзедерге]
  • Милицияның генерал-майоры (5 мартта 2008).
  • Милицияның генерал-лейтенанты (10 июньда 2010).
  • Полицияның генерал-лейтенанты (24 мартта 2011)[20].
  • Полицияның генерал-полковнигі (12 июньда 2013)[21].
  • Россия Федерациязының полиция генералы (10 ноябрьда 2015)[22].

Сыйыхтар

[тӱзедерге | код тӱзедерге]
хазна
  • III паза IV степеньніг «Ада чир-сууна чахсы киректер иткен ӱчӱн» орден.
  • Россия Федерациязының істіндегі киректер органнарының саблығ тоғынҷызы[23].
  • «Чонның иптіг полғаны ӱчӱн хадағда чахсы турчатхан ӱчӱн» медаль.
  • Александр Невскийнің ордені (2014)[24].
ведомство
  • «МВД-ның Аарластығ тоғынҷызы» кӧксіндегі танығ.
  • «Службадағы сабланыс ӱчӱн» медаль (МВД).
  • «Службада асхан ӱчӱн» медаль (МВД) I паза II степень.
  • «Матлама службазы ӱчӱн» III степень медаль.
  • «Устағҷы киреенде туза иткені ӱчӱн» II паза III степень медаль (ФСКН).
  • «Россия МВД-на 200 чыл» медаль (МВД).
  • «Чааҷыларның хада-пірге тудынғаны ӱчӱн» медаль (ФСО).
  • «Хабазығ ӱчӱн» медаль (Россия Федерациязының хазна фельдъегер службазы).
  • «Хазнаның уғаа аарлығ хазна объекттерін ӧрттең тоғыр арачылапчатхан алынҷа хозым ӱчӱн» медаль (МЧС).
  • «Чааҷыларның хада-пірге тудынғаны ӱчӱн» медаль (МВД).
  • «МВД Россия МВД-на 200 чыл» кӧксіндегі танығ.
киртініс
регион
  • «Москва городха матлама службазы ӱчӱн» XX чыл сыйых тании (17 майда 2011).
  • «Москваның 850 чылының хумартхызына» медаль.
  • Нижний Ломов городтың Аарластығ кізізі.
  • Орлов облазының Аарластығ кізізі (2018)[27].
  • «Карелия Республикаа чахсы киректер иткен ӱчӱн» медаль]] (8 июньда 2020) — Карелия Республикаа паза аның чуртағҷыларына чахсы киректер иткен ӱчӱн, республиканың социальнай-экономика тилізіне улуғ хозым иткен ӱчӱн паза Карелия Республиканың 100 чылын таныхтирынҷа тимненістің Хазна комиссиязында ӧткін тоғынған ӱчӱн[28].
пасха хан чирі

Алған орын

[тӱзедерге | код тӱзедерге]
  1. ↑ Правительство РФ подало в отставку
  2. ↑ Указ Президента Российской Федерации от 10.11.2015 г. № 554 «О присвоении специального звания Колокольцеву В. А.»
  3. ↑ 1 2 Энциклопедия ТАСС, 2024. Колокольцев, Владимир Александрович. Министр внутренних дел РФ
  4. ↑ Указ Президента Российской Федерации от 15.01.2007 г. № 33 «О начальнике Управления внутренних дел по Орловской области»
  5. ↑ В УВД Орловской области назначен новый начальник // Пресс-служба УВД, 17 января 2007
  6. ↑ 1 2 Баршев В., Передельский Д. и др. Город принял // Российская газета, № 4991 (167), 7 сентября 2009.
  7. ↑ Указ Президента Российской Федерации от 08.04.2009 г. № 365 «О назначении на должность сотрудников органов внутренних дел Российской Федерации»
  8. ↑ Указ Президента Российской Федерации от 07.09.2009 г. № 1013 «О начальнике Главного управления внутренних дел по г. Москве»
  9. ↑ Главе ГУВД Москвы Колокольцеву присвоено звание генерал-лейтенанта. РИА Новости (11 Хандых айы 2010). Дата обращения: 21 Ӱртӱн айы 2010. Архивировано 10 Хосхар айы 2012 года.
  10. ↑ Указ Президента Российской Федерации от 24 марта 2011 г. № 350 «О присвоении специального звания высшего начальствующего состава сотрудникам органов внутренних дел Российской Федерации и назначении на должность сотрудников органов внутренних дел Российской Федерации»
  11. ↑ Указ Президента Российской Федерации от 21.05.2012 г. № 645 «О Министре внутренних дел Российской Федерации»
  12. ↑ Владимир Колокольцев назначен министром внутренних дел РФ
  13. ↑ Президент подписал указы о назначении членов Правительства Российской Федерации и директоров служб. kremlin.ru (14 Сілкер айы 2024). Дата обращения: 14 Сілкер айы 2024.
  14. ↑ РБК, 26 июня 2024. Колокольцев прибыл в Нью-Йорк для участия в полицейском саммите для стран ООН
  15. ↑ Алексей Мельников: Колокольчик смертной казни | Партия ЯБЛОКО. Дата обращения: 28 Кӧрік айы 2013. Архивировано 5 Хосхар айы 2013 года.
  16. ↑ Глава МВД представил Владимира Колокольцева личному составу // vesti.ru, 7 сентября 2009.
  17. ↑ «Сплошные совпадения» генерала Колокольцева привели в Петербург // Фонтанка.ру
  18. ↑ ВЕДОМОСТИ — Сын министра внутренних дел оказался бизнесменом
  19. ↑ На углу у Патриарших. Актёры и роли
  20. ↑ Указ Президента Российской Федерации от 24.03.2011 г. № 350 «О присвоении специального звания высшего начальствующего состава сотрудникам органов внутренних дел Российской Федерации и назначении на должность сотрудников органов внутренних дел Российской Федерации»
  21. ↑ Указ Президента Российской Федерации от 12.06.2013 г. № 556 «О присвоении воинских званий высших офицеров, специальных званий высшего начальствующего состава, высших специальных званий и классных чинов»
  22. ↑ Указ Президента Российской Федерации от 10.11.2015 г. № 554 «О присвоении специального звания Колокольцеву В. А».
  23. ↑ Министр внутренних дел Российской Федерации Генерал полиции Российской Федерации Владимир Александрович Колокольцев
  24. ↑ https://мвд.рф/upload/site1/minister1(2)-240xx314.jpg Фото Министра внутренних дел РФ генерала полиции Российской Федерации В. А. Колокольцева с орденскими планками
  25. ↑ В неделю по Рождестве Христовом Предстоятель Русской Церкви совершил Божественную литургию в Успенском соборе Московского Кремля
  26. ↑ Состоялась встреча Святейшего Патриарха Кирилла с министром внутренних дел России В. А. Колокольцевым
  27. ↑ Владимир Колокольцев стал «Почетным гражданином Орловской области». "ВЕЧЕРНИЙ ОРЁЛ". Орловская электронная газета (21 Улуғ хырлас айы 2018). Дата обращения: 26 Хосхар айы 2019.
  28. ↑ Указ Главы Республики Карелия от 8 июня 2020 года № 58 «О награждении государственными наградами Республики Карелия»
  29. ↑ Колокольцев Владимир Александрович

Ссылкалар

[тӱзедерге | код тӱзедерге]
Алған орны - https://kjh.ruwiki.ru/w/index.php?title=Колокольцев,_Владимир_Александрович&oldid=76722