Дегтярёв, Михаил Владимирович

Рувики тiп сайттаң
РУВИКИ проектте пу фамилиялығ пасха кізілердеңер статьялар парлар Дегтярёв, Михаил.
Михаил Владимирович Дегтярёв
Михаил Дегтярёв официальный портрет.jpg
Флаг
Россия Федерациязының спорт министрі
Флаг
с 2024 чылның сілкер айының 14-ҷі кӱні
Президент Владимир Путин
Алнындағы кiзi Олег Матыцин
Флаг
Россияның Олимп комитедінің президенті
Флаг
с 2024 чылның улуғ хырлас айының 13-ҷі кӱні
Алнындағы кiзi Станислав Поздняков
Флаг
Хабаровск крайының губернаторы
Флаг
2021 чылның ӱртӱн айының 24-ҷі кӱні
(тоғ.толд 2020 чылның от айының 20-ҷі кӱні — 2021 чылның ӱртӱн айының 24-ҷі кӱні) — 2024 чылның сілкер айының 14-ҷі кӱні
Президент Владимир Путин
Алнындағы кiзi Сергей Фургал
Орнына халған кізі Александр Никитин (тоғ.толд, должностьча)
Дмитрий Демешин
Флаг
Физическай культураҷа, спортча, туризмҷе паза чииттер киреенҷе Хазна Думазының комитедінің кнезі
Флаг
2016 чылның чарыс айының 5-ҷі кӱні — 2020 чылның от айының 20-ҷі кӱні
Алнындағы кiзi Дмитрий Свищёв
Орнына халған кізі Борис Пайкин
Флаг
Россия Федерациязының Федеральнай чыылииның Хазна думазының VI[1] паза VII[2] хығыртииның депутады ЛДПР партия изерізінҷе
Флаг
2011 чылның улуғ хырлас айының 21-ҷі кӱні — 2020 чылның от айының 20-ҷі кӱні
Флаг
Депутат Самарадағы Губерния думазының депутады ЛДПР партия изерізінҷе
Флаг
2007 чылның кӧрік айының 11-ҷі кӱні — 2011 чылның улуғ хырлас айының 21-ҷі кӱні
Флаг
9 № Октябрьскай табығ округынаң сыххан Самара город думазының депутады
Флаг
2004 чылның от айының 5-ҷі кӱні — 2007 чылның кӧрік айының 11-ҷі кӱні
Тӧреен кӱні 10 от айы 1981({{padleft:1981|4|0}}-{{padleft:7|2|0}}-{{padleft:10|2|0}}) (45 час)
Куйбышев, РСФСР, СССР
Пабазы Владимир Иванович Дегтярёв
Іҷезі Светлана Михайловна Дегтярёва
Ипчізі Галина Викторовна Дегтярёва
Палалары тӧрт оол
Партия Идущие вместе (2001—2003)
Единая Россия (2003—2005)
ЛДПР (2005 чылдаң сығара)
Ӱгредии Самарадағы аэрокосмическай хазна университеді (СГАУ)
Россия Федерациязының Тирігліг кӱстерінің Генеральнай штабының чаа академиязы
Россия Федерациязының Президентінің чон хонии паза хазна службазы Россия академиязы
Тилекей цивилизациялары институды
Учёнай степень юридическай наукалар кандидады[d]
Айғасчатхан кирее
политик,
хазна служащайы
Киртінізі Православие[d]
Сыйыхтары
Сайт Официальный сайт Правительства Хабаровского края
Логотип РУВИКИ.Медиа Медиафайлы на РУВИКИ.Медиа

Михаил Владимирович Дегтярёв (тӧр. 10 от айы 1981, Куйбышев[d]) — Россияның хазна, политика паза халых деятельі. 2024 чылның сілкер айының 14-ҷі кӱнінең сығара Россия Федерациязының спорт министрі[3]. 2021 чылның ӱртӱн айының 24-ҷі кӱнінең сығара 2024 чылның сілкер айының 14-ҷі кӱніне теере Хабаровск крайының губернаторы (тоғ.толд 2020 чылның от айының 20-ҷі кӱні — 2021 чылның ӱртӱн айының 24-ҷі кӱні)[4]. 2021 чылның кічіг хырлас айының 15-ҷі кӱнінең сығара Россия Федерациязының Хазна чӧбінің кізізі. Юридическай наукалар кандидады (2020).

2024 чылның улуғ хырлас айының 13-ҷі кӱнінең сығара Россияның Олимп комитедінің Президенті[5][6]

Россия Федерациязының Федеральнай чыылииның Хазна думазының VI паза VII хығыртығларының депутады (2011 чылның улуғ хырлас айының 21 кӱні — 2020 чылның от айының 20-ҷі кӱні). Физическай культураҷа, спортча, туризмҷе паза чииттер киреенҷе Хазна думазының комитедінің кнезі (2016 чылның чарыс айының 5-ҷі кӱні — 2020 чылның от айының 20-ҷі кӱні). Хазна думазының VI хығыртииның Наукаҷа паза технологияларҷа комитедінің кнес орынҷызы (2011 чылның улуғ хырлас айының 21-ҷі кӱні — 2016 чылның чарыс айының 5-ҷі кӱні)[7].

ЛДПР-ның Иң пӧзік чӧбінің кізізі паза Россия Федерациязының Федеральнай чыылииның Хазна думазының VII хығыртииның ЛДПР фракциязының президиум кізізі (2017—2020)[7][8].

2021 чылдаң сығара — Хабаровсктағы ЛДПР-ның регион пӧлиинің кнезі, 2023 чылда хатап пу постха табылған.

Фехтованиеҷе спорт узы, Тиксі Россиядағы паза чоннар аразындағы марығларда фехтованиеҷе чиңістіг орыннарға турысхан, Самараның паза Самара облазының кӧп хати чемпионы полча[7].

2024 чылның чарыс айының 17-ҷі кӱнінде Россиядағы Теннис федерациязының пазы Шамиль Тарпищев Михаил Дегтярёвты Россияның Олимп комитеді президентіне турғызарға чӧпнең сыххан[6].

Чуртас чолы

Чиит тузы

1981 чылның от айының 10 кӱнінде Куйбышевте  (орыс) (рус. имҷілер сӧбірезінде тӧреен[7]. Пабазы — Владимир Иванович Дегтярёв (т. 1949), акушер-гинеколог, Россия Федерациязының саблығ имҷізі, «Самара облазының клиника кардиология диспансері» хазых хайраллаҷаң хазна учреждениезінің имҷізі[7][9]. Іҷезі — Светлана Михайловна Дегтярёва (т. 1953), имҷі-гастроэнтеролог, Самарадағы «Клиника 4 управления» имнег компаниязында тоғынған[7][10].

Ӱгредии паза наука кирее

1998 чылда Дегтярёв хызыл дипломға Самарадағы чоннар аразындағы аэрокосмическай лицейні тоос салған, 2004 чылда, тізең, Самарадағы аэрокосмическай хазна университедін. 2004 паза 2005 чылларда пу университетте инженер паза менеджер квалификацияларын алған[11].

2012 чылда Тилекейдегі цивилизациялар институдын тоос салған, юрист квалификациязын алған.

2015 чылда Россия Федерациязының Тирігліг кӱстерінің Генеральнай штаб чаа академиязында Дегтярёв чаа планированиезі сурығларынҷа хоза программа ӱгредиин иртібіскен[12].

2017 чылда Дегтярёв Чон хонии паза хазна службазы Россия академиязының ӱгредиин иртібізіп, «хазна паза муниципальнай устаныс киреендегі специалист» квалификация алған[13].

1999 чылдаң сығара Дегтярёв радиостанция, туристтер агенті, «Билайн-Самара» ОАО-ның паза «Энергетика установкаларының автомат системалары» (АСЭУ) СГАУ кафедраның инженері полған[7].

2000 паза 2001 чылларда — Владимир Потаниннің  (орыс) (рус. Полызығ чыындызы федеральнай программаның стипендиады[14].

2004 чылда Дегтярёв Самарадағы аэрокосмическай хазна университедінің энергетика установкаларының автомат системалары кафедразының аспиранты полыбысхан. 2008 чылда техническай наукалар кандидады учёнай степеньнің соискательлер санына кирілген. РИНЦ пастыра, 22 наука публикациязы, ол санда 5 патенті пар[15][16][17].

2019 чылның чарыс айының 25 кӱнінең сығара Дегтярёв РАНХиГС-тың хазна паза муниципальнай устанызы кафедраның соикательі полған[13].

2020 чылның сілкер айының 27 кӱнінде РАНХиГС-та профессор И. В. Понкиннің холында Дегтярёв «Зарубежный опыт административно-правового регулирования антидопинговых мер в спорте» темаҷа диссертация тоғызын арачылап алған[18][19].

2020 чылның хандых айының 29-ҷы кӱнінде Дегтярёвха юридическай наукалар кандидады учёнай степень пирілген[20].

Халых кирее

Михаил Дегтярёв Александром Овечкиннең хада 2018 чылда. 2025 чылның орғах айында Михаил Дегтярёв ТАСС-тың Фёдор Черенковтың адынаң «За верность» сыйииның чарғыҷыларынаң устаан.

2009 чылның чарыс айының 23-ҷі кӱнінде Дегтярёв Самара облазының Фехтование федерациязының президентіне табылған[7][21][22]. 2018 чылның хосхар айының 12-ҷі кӱнінде Россияның Хоккей федерациязы устағ-пастаана табылған[7][23].

2013 чылның улуғ хырлас айының 25 кӱнінде — Россия Федерациязының президентінің тиксі тузаланыс авиациязының тиліс сурығларынҷа комиссия кізізі[7][24]. 2018 чылның азығ айының 10-ҷы кӱнінең сығара Россия Федерациязының президентінің тиксі тузаланыс авиациязының тилізі паза ГЛОНАСС пастыра навигация-искіріг технологиялар сурығларынҷа комиссияа хатап кирілген[7][25].

2013 чылның улуғ хырлас айының 12-ҷі кӱнінең сығара Россияның наука чыындызының полысчылар чӧбіне кірген[7][26].2018 чылның улуғ хырлас айының 13-ҷі кӱнінең сығара Россияның наука чыындызының полысчылар чӧбіне хатап кірген[7][27].

2014 чылның кічіг хырлас айында Дегтярёв Россиядағы инженерлер пірігізінің вице-президентіне табылған[28].

2017 чылдаң сығара — Россия Федерациязының Президентінің Физическай культура паза спорт тилізі чӧбінің кізізі[29]. 2018 чылның чарыс айының 30-ҷы кӱнінең сығара — Президенттің Физическай культура паза спорт тилізі чӧбінде спорт киреендегі законодательствоны чахсыландырҷаң тоғыс ӧмезінің пазы[30].

2019 чылның хосхар айының 10-ҷы кӱнінең сығара Дегтярёв Орыс сын сабланыс киртінізі тигірибінің хабазиинаң тӧстелген Тиксі тилекейдегі орыс чон соборы чоннар аразындағы халых пірігізі президиумының санына кірген.

«Роскосмос» хан тигір кирее Хазна корпорациязы хойнындағы Халых чӧбінің кізізі[31].

Кинделер

Кинделе авторы:

  • «От самодержавия личности к самодержавию императора»;
  • «Пророк в своём Отечестве»;
  • «Пророк 2.0».

Халғанҷы ікі кинде Владимир Жириновскийге чарыдылған. Наука статьяларының авторы полча.

Политика кирее

Михаил Дегтярёв Москва мэріне табығларға 2018 чылда сыххан туста

2001—2003 чылларда Самарадағы «Идущие вместе» чииттер чӧрімінің региондағы пӧлиинің кнезі полған. 2003 чылның ӱртӱн айында «Единая Россия» партияа паза «Молодёжное единство» (соонаң МГЕР) чӧрімге кірген. «Лента.ру» хабарҷы Илья Азарның интервьюзында Дегтярёв таныхтаан: инженер полғанда, генеральнай директоры прай тоғынҷыларны чыып, прайзына кірерге тіптір, ол даа «тоғырланмаан», Путиннің партиязы ӱчӱн полған, Путиннің хоостыра пір дее ікінҷілестіг сағыстары полбаан, ам даа чоғыл», «анда ікі чыл полғанын, ікі хати сығардырғанын» таныхтаан даа полза[32].

2003 чылның ӱртӱн айынаң сығара 2005 чылның улуғ хырлас айына теере — «Единая Россия» партияның Самарадағы «Молодёжное Единство» чӧрімі пӧлиинің устағҷы орынҷызы, устағҷызы, Самарадағы губерния думазының чииттер парламентінің кізізі. 2004 чылның сілкер айында чииттер парламентінің кнес орынҷызына табылған. Самара облазының чииттер пірігістерінде араласхан[7].

2004 чылда Самарадағы город думазының депутадына 9 № Октябрьскай округынаң табылған[7][33].

ЛДПР-да

2005 чылның кічіг хырлас айында ЛДПР-ның Поволжьедегі кураторы. Хазна думазының депутады Юрий Коган координатор должнозына кізіні тілеен, ол орында Дегтярёвты кӧрген[7][34][35]. 2005 чылның улуғ хырлас айында Дегтярёв ЛДПР-ға кірген. 2006 чылның хосхар айының 15-ҷі кӱнінде Самарадағы ЛДПР-ның регион пӧлиинің координаторына табылған. ЛДПР-ның пастағҷызы, Россия Федерациязының Хазна думазының депутады Владимир Жириновскийнің  (орыс) (рус. полысчызы полған.

2007 чылның кӧрік айының 11-ҷі кӱнінде Дегтярёв Самарадағы ЛДПР-ның регион пӧлиинең сығара тиксі областьтағы табығ округынҷа Самарадағы губерния думазының тӧртінҷі хығыртиинда депутатха табылған[36]. Самара губерниязы думазының депутады, хазых хайраллаҷаң, демография паза социальнай политика комитедінің кнес орынҷызы, культураҷа, спортча паза чииттер политиказынҷа комитет кізізі, Самара облазының депутаттарының Региондағы чииттер чыылииның кнес орынҷызы. ЛДПР фракцияның кізізі[7].

2009 чылның сілкер айында Дегтярёв Самара облазының депутаттарының Региондағы чииттер чыылииның кнес орынҷызына табылған.

2013 чылның хандых айында ЛДПР партияның столицадағы пӧлии Дегтярёвты Москва мэрі табығларында аралазарға сығарған. Жириновский Дегтярёвты Москва мэріне табығлары тархынында иң чиит кандидат паза «ап-арығ» кізі чіли сығарған[37].

2016 чылның кӧрік айында Владимир Жириновский Дегтярёвты 2018 чылдағы Россия президентіне табығларына ЛДПР-даң сығар кандидаттар санында кӧрген[38].

Дегтярёв 2006 чылда Самара город округының пазына табығларда араласхан, ідӧк Москва мэріне 2013[7] паза 2018 чылдағы табығларда.

Табығларда араласханы

Политика карьеразы тузында тӧрт хати городтар паза регионнар пастарына табығларда араласхан.

  • 2006 чылда ағаа Самара мэріне табығларда ӱннернің 1,71 % пирілген[39].
  • 2013 чылдағы Москва мэріне табығларда ағаа ӱннернің 2,86 % пирілген[39].
  • 2018 чылдағы Москва мэріне табығларда ағаа ӱннернің 6,72 % пирілген.
  • 2021 чылда Хабаровск крайының губернаторына табығларда ағаа ӱннернің 56,81 % пирілген[40].

Хазна думазының депутады

2011 чылның улуғ хырлас айының 21-ҷі кӱнінең сығара Дегтярёв — Хазна думазының VI паза VII хығыртығларының депутады[7].

2011—2016 чылларда — Россия Федерациязының Федеральнай чыылииның VI хығыртииның наука паза технологиялар Хазна думазы комитедінің кнес орынҷызы.

2016 чылда Дегтярёв Россия Федерациязының Федеральнай чыылииның хазна думазының VII хығыртииның депутадына федеральнай изеріс чардығынаң табылған, Физическай культура, спорт, туризм паза чииттер кирее ккомитедінің кнезіне турғызылған.

Хабаровск крайының губернаторы

Михаил Дегтярёв Владимир Путиннең тоғыс тоғазии тузында, 2021 чылның азығ айының 16-ҷы кӱні
Михаил Дегтярёв Хабаровск губернаторы должнозына кірче, Хабаровск, 2021 чылның ӱртӱн айының 24-ҷі кӱні

2020 чылның от айының 20-ҷі кӱнінде Россия президенті Владимир Путин Дегтярёвты арестке алылған Хабаровск крайының губернаторы Сергей Фургалның тоғызын толдыдарға турғыс салған[7].

2020 чылның от айының 21-ҷі кӱнінде Дегтярёв Хабаровск крайының правительствозынаң танысхан[41].

Губернаторның тоғызын толдырчатхан туста тоғырланчатхан улусха хатығ хайған. «Кӧзенек алтында аахтап чӧрчеткен кізілерзер сыхпин даа, мында устағҷы тоғызын апарҷаң тоғыс пар» тіп паза тоғырланчатхан улуссар сыхханы пілісчең «орта форматха» санабинчатханын искірген. Турғызылған соонда, пастағызын на тоғырланчатхан чонзар от айының 26-ҷы кӱнінде сыххан[42]. Соонаң Дегтярёв тоғырланыстарнаң провокаторлар устаанын нинҷе-нинҷе хати искірген[43][44].

2020 чылның орғах айының 18-ҷі кӱнінде Дегтярёв Чон чӧбі тӧстелгенінеңер чарлабысхан паза андар Хабаровск крайындағы чараспинчатхан чонны хығырған.

Губернаторның тоғызын толдырарға турғызылған соонда, алнындағы устағ-пастағ ӧмезі тоғызын узарадарын искірген[45]. Пазағы айда Дегтярёв Хабаровсктағы министрлернің саботажына хайығ айландырған, правительство кнезінің ікі орынҷызын, губернаторның советнигін паза хазых хайраллаҷаң министрні, алыстырған[46][47][48].

2021 чылның хандых айының 19-ҷы кӱнінде Дегтярёв Хабаровск крайының губернаторына табығларда сығарылған[49][50].

2021 чылның ӱртӱн айының 19-ҷы кӱнінде Дегтярёв табығларда утып алған, аның ӱчӱн табығҷыларның 56,81 % ӱнін пирібіскен[51][52].

2021 чылның ӱртӱн айының 24-ҷі кӱнінде Дегтярёв Хабаровск крайының губернаторы полыбысхан[53].

2021 чылның кічіг хырлас айының 15-ҷі кӱнінде Россия Федерациязының президенті чахиинаң Дегтярёв Россия Федерациязының Хазна Чӧбінің санына кирілген[54].

Россия Федерациязының спорт министрі

2024 чылның сілкер айының 11-ҷі кӱнінде Россия Федерациязының правительство кнезі Михаил Мишустин Дегтярёвты спорт министріне турғызардаңар чӧпнең сыххан. Спорт министерствозының устағҷызы полза, ведомство чон спортын тилідерінең айғазарын, ӧӧн хайығ Россияның марығларын турыстыра иртірерін паза спортнаң айғазарын тикке идерін киртіндірген[55].

2024 чылның сілкер айының 14-ҷі кӱнінде Россия Федерациязының Хазна думазының депутаттары Михаил Дегтярёвты Россия Федерациязының спорт министерствозының пазына чаратханнар[56], олох кӱнде Россия Федерациязының президенті аны турғысчатханынаңар чахығда хол салған[57].

2024 чылның чарыс айының 17 кӱнінде Россияның Теннис федерациязының пазы Шамиль Тарпищев, Уфада физическай культура паза спорт тилізі чӧбінің чыылиинда чоох тудып, Михаил Дегтярёвты Россияның Олимп комитедінің президентіне турғызарға чӧпнең сыххан. Чыылығда араласхан Россия президенті Владимир Путин пу сағыс алынҷа хайыға алыларға кирек тіп искірген[6].

2024 чылның улуғ хырлас айының 13-ҷі кӱнінде Михаил Дегтярёв Москвада чыл сай иртірілчеткен Олимп чыылиинда Россияның Олимп комитедінің президентіне табылған[5].

2025 чылның чарыс айының 16-ҷы кӱнінде Михаил Дегтярёв просвещение министрі Сергей Кравцовнаң тоғазығ иртірібізіп, пірге школа спорт лигазын тӧстирінеңер чӧптезіг иткеннер[58].

Пос чуртазы

Ипчізі — Галина Викторовна Дегтярёва[7], Самарадағы іҷе поларға тимненчеткен ипчілернің «Пузико» ООО-зы садығ туразының тӧстегҷізі полча (садығ туразы 2014 чылда садыл парған). Тӧрт пала ӧскірче. 2020 чылдаң сығара сӧбірезінең хада Хабаровскта чуртапча[59].

Англия тілін пілче[7].

Чоннар аразындағы санкциялар

Евросоюзтың санкциялар изерізіне (2014 чылның от айының 26-ҷы кӱні)[60][61][62], Австралияның (2014 чылның орғах айының 30-ҷы кӱні)[63], Швейцарияның (2014 чылның орғах айының 5-ҷі кӱні)[64] паза Канаданың изерізіне (2014 чылның орғах айының 6-ҷы кӱні) кирілген[65].

2022 чылның кӧрік айының 12-ҷі кӱнінең сығара Европа союзының прай хазналарының санкцияларында. 2022 чылның кӧрік айының 16-ҷы кӱнінең сығара — Швейцарияның санкцияларында, 2022 чылның ӱртӱн айының 16-ҷы кӱнінең сығара — Великобританияның, 2020 чылның чарыс айының 1-ғы кӱнінең сығара — Австралияның.

2018 чылның хандых айының 21 кӱнінең сығара Украинаның санкцияларына кірген, 2022 чылның сілкер айының 3-ҷі кӱнінең сығара — Наа Зеландияның.

2023 чылның азығ айының 14 кӱнінең сығара США Дегтярёвты санкциялар изерізіне кирібіскен.

Сыйыхтар

Россия Федерациязының Арачыланыс министерствозының «Крымны айландырған ӱчӱн» медальы
  • Ынархас ордені  (орыс) (рус.[66].
  • Ах-арығ благовернай илбек кнес Александр Невскийнің II степень ордені (2025 чылның орғах айының 27-ҷі кӱні)[67].
  • Россия Федерациязының Президентінің Аарластығ пічии (2014 чылның хосхар айынын 4-ҷі кӱні) — кӧп чыллар ах сағыснаң тоғысты толдырған ӱчӱн паза халых киреенең ӧткін айғасхан ӱчӱн [68].
  • Россия Федерациязының Президентінің Алғыстазы (2014 чылның ӱртӱн айының 25-ҷі кӱні) — законнар сығарызында ӧткін араласхан ӱчӱн, чонның правозын хайраллап, законнарны пиктеен паза кӧп чыллар сын сағыснаң тоғынған ӱчӱн[69].
  • Россия Федерациязының Арачыланыс министерствозының «Крымны айландырған ӱчӱн» медальы[70].
  • Россияның МЧС-ның 28 июньда 2017 чылдағы «За содружество во имя спасения» медальы.
  • Россия Федерациязының Арачыланыс министерствозының «Сириядағы чаа операциязы араласчызына» медальы.

Алған орын

  1. ↑ Региональная группа № 64 (Самарская область), № 1 в списке
  2. ↑ Федеральный список, № 6 в списке
  3. ↑ Госдума утвердила кандидатуры министров. РИА "Новости" (14 Хосхар айы 2024). Дата обращения: 20 Чарыс айы 2025.
  4. ↑ Михаил Дегтярев вступил в должность губернатора Хабаровского края. ТАСС. Дата обращения: 20 Чарыс айы 2025. Архивировано 24 Ӱртӱн айы 2021 года.
  5. ↑ 1 2 Михаила Дегтярева избрали президентом Олимпийского комитета России, РБК. Дата обращения: 20 Чарыс айы 2025.
  6. ↑ 1 2 3 Путин назвал оправданной идею выдвинуть Дегтярева на пост главы ОКР, РБК. Дата обращения: 20 Чарыс айы 2025.
  7. ↑ 1 2 3 4 5 6 7 8 9 10 11 12 13 14 15 16 17 18 19 20 21 22 Дегтярев, Михаил Владимирович. tass.ru. Дата обращения: 20 Чарыс айы 2025.
  8. ↑ В ЛДПР создан Президиум фракции. web.archive.org. Дата обращения: 20 Чарыс айы 2025.
  9. ↑ Указ Президента РФ от 25 апреля 2011 г. N 523 «О награждении государственными наградами Российской Федерации». Официальный сайт Президента Российской Федерации. Дата обращения: 20 Чарыс айы 2025.
  10. ↑ Дегтярёва Светлана Михайловна. kleos.ru. Дата обращения: 20 Чарыс айы 2025.
  11. ↑ Губернатор. www.khabkrai.ru. Дата обращения: 20 Чарыс айы 2025. Архивировано 7 Азығ айы 2022 года.
  12. ↑ Дегтярёв Михаил Владимирович. www.pnp.ru. Дата обращения: 20 Чарыс айы 2025. Архивировано 31 Кӱрген айы 2022 года.
  13. ↑ 1 2 Заключение федерального государственного бюджетного образовательного учреждения высшего образования Российская академия народного хозяйства и государственной службы при Президенте Российской Федерации. Дата обращения: 20 Чарыс айы 2025.
  14. ↑ Самарский международный аэрокосмический лицей г.Самара-Выпускники. edc-samara.ru. Дата обращения: 20 Чарыс айы 2025.
  15. ↑ Биография губернатора Хабаровского края Михаила Дегтярева - ТАСС. TACC. Дата обращения: 20 Чарыс айы 2025.
  16. ↑ *Патент на полезную модель № RU 49210 U1 от 10.11.2005. Автор(ы): Изжеуров Евгений Александрович, Дегтярёв Михаил Владимирович, патенттің тохтадылған тузы: 31.05.2006
    • Патент на полезную модель № RU 82149 U1 от 20.04.2009. Автор(ы): Изжеуров Евгений Александрович, Дегтярёв Михаил Владимирович, патенттің тохтадылған тузы: 17.04.2009
    • Патент на полезную модель № RU 121462 U1 от 27.10.2012 . Автор(ы): Изжеуров Евгений Александрович, Дегтярёв Михаил Владимирович, патенттің тохтадылған тузы: 04.11.2012
    • Патент на изобретение № RU 2532736 C2 от 10.11.2014. Автор(ы): Изжеуров Евгений Александрович, Дегтярёв Михаил Владимирович, Ревякин Александр Владимирович, Федяев Игорь Михайлович, Колганов Игорь Николаевич, патенттің тохтадылған тузы: 23.01.2015
    • Патент на изобретение № RU 2540315 C2 от 10.02.2015. Автор(ы): Изжеуров Евгений Александрович, Дегтярёв Михаил Владимирович, Ревякин Александр Владимирович, Федяев Игорь Михайлович, Колганов Игорь Николаевич, Сафин Артур Ильгизарович, патенттің тохтадылған тузы: 16.03.2015
  17. ↑ Дегтярёв, Михаил Владимирович. elibrary.ru. Дата обращения: 20 Чарыс айы 2025.
  18. ↑ Дегтярёв Михаил Владимирович. web.archive.org. Дата обращения: 20 Чарыс айы 2025.
  19. ↑ Дегтярёв, Михаил Владимирович. Зарубежный опыт административно-правового регулирования антидопинговых мер в спорте. web.archive.org. Дата обращения: 20 Чарыс айы 2025.
  20. ↑ «О выдаче диплома о присуждении ученой степени кандидата наук». web.archive.org. Дата обращения: 20 Чарыс айы 2025.
  21. ↑ Профиль на официальном сайте Самарской Губернской Думы. web.archive.org. Дата обращения: 20 Чарыс айы 2025.
  22. ↑ Фехтование. web.archive.org. Дата обращения: 20 Чарыс айы 2025.
  23. ↑ Глава комитета ГД по спорту Дегтярев вошёл в состав правления ФХР. ТАСС. Дата обращения: 20 Чарыс айы 2025.
  24. ↑ Состав Комиссии при Президенте Российской Федерации по вопросам развития авиации общего назначения. Дата обращения: 20 Чарыс айы 2025. Архивировано 28 Азығ айы 2014 года.
  25. ↑ Указ Президента Российской Федерации от 10.02.2018 г. № 65. Президент России. Дата обращения: 20 Чарыс айы 2025. Архивировано 14 Кӧрік айы 2019 года.
  26. ↑ Указ Президента Российской Федерации от 13.12.2018 № 715 «О попечительском совете Российского научного фонда». Дата обращения: 20 Чарыс айы 2025. Архивировано 15 Кӱрген айы 2019 года.
  27. ↑ Президент определил новый состав попечительского совета РНФ. Российский научный фонд. Дата обращения: 14 Улуғ хырлас айы 2018. Архивировано 15 Улуғ хырлас айы 2018 года.
  28. ↑ Официальный сайт Российского союза инженеров. Дата обращения: 20 Чарыс айы 2025.
  29. ↑ Указ Президента Российской Федерации от 27.12.2017 № 633. web.archive.org. Дата обращения: 20 Чарыс айы 2025.
  30. ↑ Распоряжение Президента Российской Федерации от 30.10.2018 № 319-рп. Официальный интернет-портал правовой информации. Дата обращения: 20 Чарыс айы 2025.
  31. ↑ Общественный совет - Госкорпорация «Роскосмос». www.roscosmos.ru. Дата обращения: 20 Чарыс айы 2025. Архивировано 13 Хосхар айы 2020 года.
  32. ↑ Илья Азар. «Россия будет флагманом борьбы с Антихристом». Интервью с кандидатом в мэры Москвы Михаилом Дегтяревым (13 Орғах айы 2023). Дата обращения: 20 Чарыс айы 2025.
  33. ↑ Итоги голосования на выборах депутата Самарской городской Думы по округу № 9. Официальный сайт Избирательной комиссии Самарской области. Дата обращения: 20 Чарыс айы 2025.
  34. ↑ Соколы заклевали варяга. www.kommersant.ru (16 Кічіг хырлас айы 2005). Дата обращения: 25 Чарыс айы 2025. Архивировано 22 Улуғ хырлас айы 2021 года.
  35. ↑ «Соколы Жириновского» нацелились на «медведя». www.kommersant.ru (2 Азығ айы 2006). Дата обращения: 20 Чарыс айы 2025. Архивировано 22 Улуғ хырлас айы 2021 года.
  36. ↑ Михаил Дегтярев. Газета.Ru. Дата обращения: 31 Кӱрген айы 2022. Архивировано 20 Чарыс айы 2025 года.
  37. ↑ Жириновский выдвинул в мэры Москвы молодого депутата Дегтярёва. НТВ. Дата обращения: 20 Чарыс айы 2025.
  38. ↑ Жириновский пойдёт на выборы президента с четырьмя преемниками. Life.ru (2 Кӧрік айы 2016). Дата обращения: 20 Чарыс айы 2025. Архивировано 22 Улуғ хырлас айы 2021 года.
  39. ↑ 1 2 Биография врио губернатора Хабаровского края Михаила Дегтярева, ТАСС. Архивке ызылған 28 От айы 2020 чылда. Дата обращения: 20 Чарыс айы 2025.
  40. ↑ . gazeta.ru. Дата обращения: 20 Чарыс айы 2025. . lenta.ru. Дата обращения: 20 Чарыс айы 2025. . ria.ru. Дата обращения: 20 Чарыс айы 2025.
  41. ↑ Врио главы Хабаровского края представили правительству региона. РИА Новости. Дата обращения: 20 Чарыс айы 2025. Архивировано 22 От айы 2020 года.
  42. ↑ Дегтярев впервые вышел к участникам акций в поддержку Фургала, Коммерсантъ (2020--07-26). Архивке ызылған 28 От айы 2020 чылда. Дата обращения: 20 Чарыс айы 2025.
  43. ↑ Врио бьет по своим, Коммерсантъ (25 От айы 2020). Архивке ызылған 29 От айы 2020 чылда. Дата обращения: 20 Чарыс айы 2025.
  44. ↑ Дегтярев заявил о провокаторах из Грузии на акциях в Хабаровске, Коммерсантъ (30 От айы 2020). Архивке ызылған 31 От айы 2020 чылда. Дата обращения: 20 Чарыс айы 2025.
  45. ↑ Врио хабаровского губернатора Дегтярев сохранит команду Фургала (30 От айы 2020). Архивке ызылған 25 От айы 2020 чылда. Дата обращения: 20 Чарыс айы 2025.
  46. ↑ Дегтярев уволил трех человек из команды Фургала, Коммерсантъ (24 От айы 2020). Архивке ызылған 26 От айы 2020 чылда. Дата обращения: 20 Чарыс айы 2025.
  47. ↑ Дегтярев уволил главу минздрава Хабаровского края, Коммерсантъ (1 Ӱртӱн айы 2020). Дата обращения: 20 Чарыс айы 2025.
  48. ↑ Дегтярев пожаловался на саботаж со стороны хабаровских министров, Forbes (1 Ӱртӱн айы 2020). Дата обращения: 20 Чарыс айы 2025.
  49. ↑ ЛДПР выдвинула Дегтярева на выборы губернатора Хабаровского края. ТАСС. Дата обращения: 20 Чарыс айы 2025. Архивировано 19 Хандых айы 2021 года.
  50. ↑ Хабаровское отделение ЛДПР выдвинуло Дегтярева на выборы губернатора. РИА Новости. Дата обращения: 20 Чарыс айы 2025. Архивировано 19 Хандых айы 2021 года.
  51. ↑ Дегтярев победил на выборах главы Хабаровского края. Дата обращения: 20 Чарыс айы 2025. Архивировано 21 Ӱртӱн айы 2021 года.
  52. ↑ Егор Измалкин. Дегтярев выиграл выборы губернатора Хабаровского края в первом туре. Пятый канал. Дата обращения: 20 Чарыс айы 2025.
  53. ↑ Дегтярев вступил в должность губернатора Хабаровского края. Interfax.ru. Дата обращения: 20 Чарыс айы 2025. Архивировано 24 Ӱртӱн айы 2021 года.
  54. ↑ Указ Президента Российской Федерации от 15.11.2021 № 653 ∙ Официальное опубликование правовых актов ∙ Официальный интернет-портал правовой информации. publication.pravo.gov.ru. Дата обращения: 20 Чарыс айы 2025. Архивировано 15 Кічіг хырлас айы 2021 года.
  55. ↑ Дегтярев рассказал, чем займется на посту главы Минспорта. РБК (12 Сілкер айы 2024). Дата обращения: 20 Чарыс айы 2025.
  56. ↑ Госдума утвердила Дегтярева на пост главы Минспорта. РИА Новости (14 Сілкер айы 2024). Дата обращения: 20 Чарыс айы 2025.
  57. ↑ Президент подписал указы о назначении членов Правительства Российской Федерации и директоров служб. kremlin.ru (14 Сілкер айы 2024). Дата обращения: 20 Чарыс айы 2025.
  58. ↑ Михаил Дегтярёв провел встречу с министром просвещения Кравцовым и обсудил создание единой школьной лиги. Матч ТВ (16 Чарыс айы 2025). Дата обращения: 20 Чарыс айы 2025.
  59. ↑ Михаил Дегтярёв: горжусь, что я и моя семья стали хабаровчанами. web.archive.org. Дата обращения: 20 Чарыс айы 2025.
  60. ↑ Council Implementing Regulation (EU) No 810/2014 of 25 July 2014. EUR-Lex. Дата обращения: 20 Чарыс айы 2025.
  61. ↑ Михаил Дегтярев попал в «черный список» ЕС. Коммерсантъ. Дата обращения: 20 Чарыс айы 2025.
  62. ↑ Дегтярев: «Санкции ЕС — это конец свободной Европы». Известия (30 От айы 2014).
  63. ↑ Австралия обнародовала фамилии россиян из нового санкционного списка. РБК. Дата обращения: 20 Чарыс айы 2025.
  64. ↑ Правительство Швейцарии расширило санкционный список против РФ. ИТАР-ТАСС (26 Орғах айы 2014). Дата обращения: 20 Чарыс айы 2025.
  65. ↑ Канада расширили санкционный список в отношении России. РИА Новости (25 Орғах айы 2014). Дата обращения: 20 Чарыс айы 2025.
  66. ↑ Михаил Владимирович Дегтярёв, Официальный сайт Правительства Хабаровского края. Дата обращения: 20 Чарыс айы 2025.
  67. ↑ Патриарх Кирилл наградил министра спорта РФ церковным орденом Александра Невского, matchtv (28 Орғах айы 2025). Дата обращения: 20 Чарыс айы 2025.
  68. ↑ Распоряжение Президента Российской Федерации от 4 апреля 2014 года № 96-рп. Дата обращения: 20 Чарыс айы 2025. Архивировано 9 Чарыс айы 2014 года.
  69. ↑ Распоряжение Президента Российской Федерации от 25 сентября 2014 года № 309-рп «О поощрении». Дата обращения: 20 Чарыс айы 2025. Архивировано 9 Чарыс айы 2014 года.
  70. ↑ Михаил Дегтярев. РИА Новости. Дата обращения: 20 Чарыс айы 2025. Архивировано 30 Кӱрген айы 2022 года.

Ссылкалар

Алған орны - https://kjh.ruwiki.ru/w/index.php?title=Дегтярёв,_Михаил_Владимирович&oldid=154039