«Крымны айландырған ӱчӱн» медаль
| «Крымны айландырған ӱчӱн» медаль | |||
|---|---|---|---|
|
|||
| II степень | |||
| III степень | |||
| Хазна |
 Россия |
||
| Тип | медаль Россия Федерациязының Арачыланыс министерствозының медальы | ||
| Кем сыйыхтапча | Россия Федерациязының Арачыланыс министерствозы[d] | ||
| Статус | пирілче | ||
| Статистика | |||
| Тӧстелген кӱні | 21 мартта 2014 чылда | ||
| Пастағы сыйыхтас | 24 мартта 2014 чылда | ||
| Теес | |||
| Улуғ сыйых | медаль «За трудовую доблесть»[d] | ||
 Медиафайлы на РУВИКИ.Медиа | |||
.png){kind=small}
«Крымны айландырған ӱчӱн» медаль (орыс. Медаль «За возвращение Крыма») — Крым чарым олтырыхтың Россия санына кіргені соонда, Россия Федерациязының Арачыланыс министерствозы хоостыра 21 мартта 2014 чылда тӧстелген Россиядағы ведомство сыйии[1].
Медаль тоғылах, диаметрі 3,2 см тиңнелче. Сын саринда рельефтіг Крым чарым олтырыхтың хоозы, алтында — лавровай ағастың ікі салаазы. Олар чиңісті таныхтапчалар. Пірікчеткен орында пис пастығ чылтыс хоосталых. Арған саринда Россияның Арачыланыс министерствозының эмблемазы кӧзіділген, алтында «Крымны айландырған ӱчӱн» сӧстер киртілгеннер паза киректің полған кӱні.
Сыйых чарым олтырыхта амыр хоныхха хозым иткен чааҷыларның паза олаңай чонның киреен таныхтирға кӧріл парған. Сыйых пастағызын на 24 мартта 2014 чылда пайрамни читірілген[2].
Медальның тархыны
Сыйых Россия Федерациязының Арачыланыс министерствозының 21 мартта 2014 чылда алылған 160 № «Россия Федерациязының Арачыланыс министерствозының „Крымны айландырған ӱчӱн“ медальын тӧстирінеңер» чахиинаң тӧстелген[1]. Пу медаль Россияның сыйыхтар системазына Крымның Россия Федерациязына 2014 чылда піріккені хоостыра кирілген. 16 мартта 2014 чылда Крымда референдум ирткен. Аның араласчыларының кӧп сабазы, 96 %, Крым Автоном Республиказы паза Севастополь город Россияа хозылардаңар кӧңнін искірген. Олох чылда 18 мартта чӧптезіг иділген[3].
Сыйых «Крымны позытхан ӱчӱн» медальға тӧстенче, хайзын 1944 чылдох кирерге чӧптееннер[3], че проект чуртасха кирілбеен полған[4].
Сыйых пастағызын на 24 мартта 2014 чылда пайрамни читірілген[5].
Медальның чарыдии
«Крымны айландырған ӱчӱн» медаль кӱмӱс ӧң кӧріміне тӧӧй тимірнең иділген. Ол тоғылах, диаметрі 3,2 см тиңнелче. Сын саринда Крым чарым олтырых кӧрімі хоосталых, алтында аның ибіре лавровай салаалар. Ортызында пис пастығ чылтыс. Арған саринда Россия Федерациязының Министерствозының эмблемазы кӧзіділік. Анда кӱмӱс чазылған ханаттығ паза короналығ ікі пастығ хара хус хоосталых, оң азаанда — хылыс, сол азаанда — туун веногы. Кӧксінде ӱс пулуңнығ хуйах орныхча. Хуйахта чыданаң драконнаң кӱресчеткен чалаң кізі хоосталых. Арған сариның алтындағы чардығында пазылған: «Крымны айландырған ӱчӱн 20.02.14 — 18.03.14», аның ибіре — «РОССИЯ ФЕДЕРАЦИЯЗЫНЫҢ» «АРАЧЫЛАНЫС МИНИСТЕРСТВОЗЫ» пазылых[6].
Медаль пис пулуңнығ колодкаа хаптырылча. Ол чалбаа 24 мм торғы чаламанаң ораалых. Чаламаның оң саринаң чалбаа 10 мм хызыл сарығ чол иртче, хызыл сарығ чолның сол саринда ах чол иртче. Аның хыри кӧк паза хызыл чоллығ[6].
Медальның сын сари
Медальның арған сари
М. В. Дегтярёвтың удостоверениеліг медальы
Алған орын
- ↑ 1 2 Приказ Министра обороны РФ от 21 марта 2014 года № 160 «Об учреждении медали Министерства обороны Российской Федерации „За возвращение Крыма“». Справочно-правовая система «Гарант». Дата обращения: 11 Кӱрген айы 2024.
- ↑ Керченские ополченцы получили российские медали «За возвращение Крыма». Lenta.ru (23 Кічіг хырлас айы 2014). Дата обращения: 23 Кӱрген айы 2024.
- ↑ 1 2 Минобороны России учредило медаль «За возвращение Крыма». Газета.ру (25 Кӧрік айы 2014). Дата обращения: 11 Кӱрген айы 2024.
- ↑ Медаль «За возвращение Крыма». Ордена и медали России. Дата обращения: 11 Кӱрген айы 2024.
- ↑ Готовились заранее: медаль «За возвращение Крыма» сделана задолго до этого события. Новые известия (9 Улуғ хырлас айы 2020). Дата обращения: 11 Кӱрген айы 2024.
- ↑ 1 2 Медаль за возвращение Крыма. voen-pravo.ru (16 Кӧрік айы 2020). Дата обращения: 11 Кӱрген айы 2024.