Кравцов, Сергей Сергеевич

Рувики тiп сайттаң
РУВИКИ проектте пу фамилиялығ пасха кізілердеңер статьялар парлар Кравцов, Сергей.
Сергей Сергеевич Кравцов
Sergey Kravtsov 12.03.2020.jpg
Флаг
Россия Федерациязының просвещение министрі
Флаг
с 21 январьда 2020 чылда
(тоғ. толд. 7—13 майда 2024)
Правительство пазы Михаил Мишустин
Андрей Белоусов (тоғ. толд.)[1]
Президент Владимир Путин
Алнындағы кiзi Ольга Васильева
Флаг
Рособрнадзор устағҷызы
Флаг
8 августта 2013 чылда — 21 январьда 2020 чылда
Правительство пазы Дмитрий Медведев
Президент Владимир Путин
Алнындағы кiзi Иван Муравьёв
Орнына халған кізі Анзор Музаев
Тӧреен кӱні 17 кӧрік айы 1974({{padleft:1974|4|0}}-{{padleft:3|2|0}}-{{padleft:17|2|0}}) (51 час)
Москва, РСФСР, СССР
Партия Единая Россия
Ӱгредии Москвадағы азых педагогика хазна университеді,
МГИМО
Учёнай степень педагогика наукаларының докторы
Учёнай аарластығ ады доцент
Сыйыхтары
RUS Honorary Worker of Higher Professional Education 2004 ribbon.svg «Чеес паза махачызы ӱчӱн» медаль (Кемеров облазы)
Логотип РУВИКИ.Медиа Медиафайлы на РУВИКИ.Медиа

Сергей Сергеевич Кравцов (тӧр. 17 мартта 1974 чылда, Москва) — Россияның хазна деятельі, 2020 чылның кӱрген айының 21-ҷі кӱнінең сығара Россия Федерациязының просвещение министрі (тоғызын толдырған 2024 чылның сілкер айының 7—13 кӱннерінде).

Педагогика наукаларының докторы (2007), доцент. Россия Федерациязының 3-ҷі класстығ сын хазна чӧпчізі (2013), 2013 чылның орғах айының 8-ҷі кӱнінең сығара 2020 чылның кӱрген айының 21-ҷі кӱніне теере — Ӱгредіг паза наука кӧрізінҷе федеральнай службаның устағҷызы (Рособрнадзор). 2021 чылның улуғ хырлас айының 4-ҷі кӱнінең сығара «Единая Россия» партияның генеральнай чӧбінің кізізі[2].

Чуртас чолы

[тӱзедерге | код тӱзедерге]

Сергей Кравцов 1974 чылның кӧрік айының 17-ҷі кӱнінде Москвада тӧреен[3]. Пабазы — инженер, «Энергия — Буран» хан тигір корабльының проектінең айғасхан . Іҷезі — преподаватель, «Информатика в школе» журналның ӧӧн редакторы[4].

1996 чылда Кравцов Москвадағы азых ӱгретчілер хазна университедін (2006 чылдаң сығара — М. А. Шолоховтың адынаң Москвадағы хазна гуманитарнай университеді  (орыс) (рус., 2015 чылда вуз Москвадағы ӱгретчілер хазна университедіне піріктірілген) «математика паза информатика ӱгретчізі» специальностьча саңай пистерге тоос салған[3]. 1994—1996 чылларда Москвадағы 176 № школада математика ӱгретчізі полып тоғынған[5].

1997 чылдаң сығара 2002 чылға теере Кравцов Россиядағы ӱгредіг академиязының Ӱгредіг устанызы институдында тоғынған, кічіг наука тоғынҷызы, наука тоғынҷызы, улуғ наука тоғынҷызы, лаборатория устағҷызы полған. 2000 чылда Россия МИД-ның Москвадағы чоннар аразындағы палғалыс хазна институдын  (орыс) (рус. «хазна паза муниципальнай устанызы пасха хан тілі пілізінең хада» специальностьча тоос салған[3].

2002 чылда Кравцов Россия Федерациязының Ӱгредіг министерствозында тоғын сыххан. 2004 чылдаң сығара 2008 чылға теере Ӱгредіг паза наука кӧрізінҷе федеральнай службаның устағҷызы Виктор Болотовтың полысчызы полған[3].

2008 чылда «Федеральный центр тестирования» федеральнай хазна учреждениезінің устағҷызына турғызылған, хайзы ЕГЭ-ны иртірҷең сурығларнаң айғасхан. 2009 чылда Россияның ӱгредіг академиязының Ӱгредіг устанызы институдынаң устап сыххан[3].

2011 чылның хосхар айында Кравцов РФ-ның Ӱгредіг паза наука министерствозының Регион тилізі департаментінің устағҷызына турғызылған; олох чылда «Ӱгредіг тоғынҷыларының ӱгредиин паза узын кӧдірҷең академия» федеральнай хазна учреждениезінің ректор тоғызын толдырған[3]. 2012 чылның от айында Минобрнауканың программалар паза марығлар процедуралары устанызының департаментінің устағҷызына турғызылған[3].

2013 чылның орғах айының 8-ҷі кӱнінде правительство чахиинаң Ӱгредіг паза наука кӧрізінҷе федеральнай службаның устағҷызына турғызылған, ол Иван Муравьёвтың орнына килген. 2017 чылның чарыс айының 28-ҷі кӱнінең сығара 2018 чылның сілкер айының 24-ҷі кӱніне теере Кравцов Россия Федерациязының ӱгредіг паза наука министрінің орынҷызы — Рособрнадзор устағҷызы полған, андада ведомство Ӱгредіг паза наука министерствозының холына кірген. 2018 чылда Ӱгредіг паза наука кӧрізінҷе федеральнай служба правительство холына пирілген: 2018 чылның сілкер айының 24-ҷі кӱнінең сығара Кравцов аның устағҷызына турғызылған[3].

2020 чылның кӱрген айының 21-ҷі кӱнінде Кравцов Россия Федерациязының Просвещение министерствозынаң[ru] устап сыххан[6].

2021 чылның улуғ хырлас айының 4-ҷі кӱнінде Кравцов «Единая Россия» партияның генеральнай чӧбінің санына кірген, устағҷы органнарының ротациязы хоостыра партия чыылииның ӱн пирізінде аның кандидатуразы чарадылған[7]. Пуох чыылығда Кравцовха «Единой России» партия биледі пирілген[8].

2024 чылның сілкер айының 14-ҷі кӱнінде Хазна думазы Кравцовты просвещение министріне хатап турғысхан[9], пуох кӱнде Россия Федерациязының президенті аны турғызарынаңар чахығда хол салыбысхан[10].

Наука кирее

[тӱзедерге | код тӱзедерге]

1999 чылда Кравцов «Методика проведения занятий с отстающими учащимися по математике с использованием технологии мультимедиа» темаҷа кандидат диссертациязын арачылап алған[3].

2007 чылда Кравцов Россиядағы ӱгредіг академиязының Содержание паза ӱгредіг оңдайлары институдында «Теория и практика организации профильного обучения в школах Российской Федерации» темаҷа педагогика наукаларының докторы учёнай степеньге диссертация арачылап алған[3] (официальнай оппоненттері А. В. Баранников, В. И. Блинов паза В. С. Данюшенков). 2013 чылның орғах айында доктор диссертациязында плагиат пар тіп Кравцовты Хазна думазының депутады В. В. Бурматов пыролаан[11].

Сӧбіре

[тӱзедерге | код тӱзедерге]

Сергей Кравцовтың ипчізі, ікі палазы пар[3].

Санкциялар

[тӱзедерге | код тӱзедерге]

Украинадағы чаа киректері[ru] пасталғанда, Кравцов Евросоюз[12], Канада, США, Великобритания, Швейцария, Австралия, Наа Зеландия санкияларына кірген.

Сыйыхтар

[тӱзедерге | код тӱзедерге]

Кравцов турысхан сыйыхтар санында парлар:

  • Россия Федерациязының правительствозының алғыстазы (2016 чылның хосхар айының 6-ҷы кӱнінде) — «Ада ӱгредіг синін паалирҷа системаның тилізіне улуғ хозым иткен ӱчӱн, Пірге хазна экзаменін иртірҷең оңдайларны чахсыландарған ӱчӱн»[3][13];
  • «РФ-ның пӧзік профессиональнай ӱгредиинің аарластығ тоғынҷызы»[14];
  • РФ-ның Ӱгредіг паза наука министерствозының аарластығ пічии[14];
  • «Чеес паза махачызы ӱчӱн» медаль (Кемеров облазы; 2015)[15];
  • Россиядағы еврей общиналарының федерациязының сыйии «хазна деятель» номинацияда (2021) — «Тиксі ӱгредіг системазында Россияның чон паза культура кибірлеріне хабасчатхан ӱчӱн»[16].

Алған орын

[тӱзедерге | код тӱзедерге]
  1. ↑ Россия Федерациязының Правительство пазының тоғызын толдырған 2020 чылның 30 арельінең 19 майға теере.
  2. ↑ Энциклопедия ТАСС, 2024. Кравцов, Сергей Сергеевич. Министр просвещения РФ
  3. ↑ 1 2 3 4 5 6 7 8 9 10 11 12 Кравцов, Сергей Сергеевич. Энциклопедия. ТАСС. Дата обращения: 26 Хандых айы 2018. Архивировано 10 Кічіг хырлас айы 2018 года.
  4. ↑ Борисов А. От учителя до министра // Санкт-Петербургские ведомости. — 2020. — 7 февр.
  5. ↑ Сергей Сергеевич Кравцов - Правительство России. government.ru. Дата обращения: 2 Кӧрік айы 2020. Архивировано 30 Хандых айы 2020 года.
  6. ↑ Что известно о новом министре просвещения. ТАСС (21 Кӱрген айы 2020). Дата обращения: 15 Азығ айы 2021. Архивировано 5 Сілкер айы 2020 года.
  7. ↑ Сергей Кравцов вошёл в состав Генсовета «Единой России». Официальный сайт Министерства просвещения РФ (4 Улуғ хырлас айы 2021). Дата обращения: 4 Улуғ хырлас айы 2021. Архивировано 4 Улуғ хырлас айы 2021 года.
  8. ↑ Медведев вручил партбилеты "Единой России" руководству ДНР и ЛНР. ТАСС (4 Улуғ хырлас айы 2021). Дата обращения: 4 Улуғ хырлас айы 2021. Архивировано 4 Улуғ хырлас айы 2021 года.
  9. ↑ Госдума утвердила Кравцова на пост министра просвещения России. РИА "Новости" (14 Сілкер айы 2024). Дата обращения: 14 Сілкер айы 2024.
  10. ↑ Президент подписал указы о назначении членов Правительства Российской Федерации и директоров служб. kremlin.ru (14 Сілкер айы 2024). Дата обращения: 14 Сілкер айы 2024.
  11. ↑ Депутат обвинил нового главу Рособрнадзора в плагиате. РБК (12 Орғах айы 2013). Дата обращения: 8 Хандых айы 2021. Архивировано 9 Хандых айы 2021 года.
  12. ↑ Official Journal of the European Union // COUNCIL REGULATION (EU) 2022/2474. — 16 Улуғ хырлас айы (т. Volume 65). — С. 499. Архивировано 24 Улуғ хырлас айы 2022 года.
  13. ↑ Распоряжение Правительства Российской Федерации от 06.04.2016 № 599-р "О поощрении Правительством Российской Федерации". pravo.gov.ru. Официальный интернет-портал правовой информации. Дата обращения: 26 Хандых айы 2018. Архивировано 11 От айы 2020 года.
  14. ↑ 1 2 Кравцов Сергей Сергеевич. Официальный сайт Министерства просвещения РФ. Дата обращения: 22 Кӱрген айы 2020. Архивировано 10 От айы 2020 года.
  15. ↑ Глава Рособрнадзора награжден медалью Кемеровской области «За честь и мужество». informio.ru (11 Улуғ хырлас айы 2015). Дата обращения: 21 Ӱртӱн айы 2020. Архивировано 4 Улуғ хырлас айы 2021 года.
  16. ↑ Академик Гинцбург и министр Кравцов стали лауреатами премии Федерации еврейских общин. Интерфакс (29 Кічіг хырлас айы 2021). Дата обращения: 4 Улуғ хырлас айы 2021. Архивировано 4 Улуғ хырлас айы 2021 года.

Ссылкалар

[тӱзедерге | код тӱзедерге]

. Официальный сайт Министерства просвещения РФ. Дата обращения: 22 Кӱрген айы 2020.

Алған орны - https://kjh.ruwiki.ru/w/index.php?title=Кравцов,_Сергей_Сергеевич&oldid=98861