Алиханов, Антон Андреевич

Рувики тiп сайттаң
РУВИКИ проектте пу фамилиялығ пасха кізілердеңер статьялар парлар Алиханов.
Антон Андреевич Алиханов
Anton Alikhanov (2016-10-06).jpg
Флаг
Россия Федерациязының промышленность паза садығ министрі
с 14 майда 2024
Правительство пазы Михаил Мишустин
Алнындағы кiзi Денис Мантуров
Флаг
Калининград облазының губернаторы
(тоғ.толд 6 октябрьда 2016 — 29 сентябрьда 2017)
Флаг
29 сентябрьда 2017 — 14 майда 2024
Президент Владимир Путин
Алнындағы кiзi Николай Цуканов
Евгений Зиничев(тоғ.толд)
Орнына халған кізі Сергей Елисеевтоғ.толд
Алексей Беспрозванных
Тӧреен кӱні 17 ӱртӱн айы 1986({{padleft:1986|4|0}}-{{padleft:9|2|0}}-{{padleft:17|2|0}}) (39 час)
Сухуми, Абхазия АССР, Грузия ССР, СССР
Партия Единая Россия
Ӱгредии Россияның финанстар министерствозының Тиксі Россиядағы хазна налог академиязы
Учёнай степень экономика наукаларының кандидады (2012)
Сыйыхтары
«Кӱстеніс ӱчӱн» II степень медаль (Россия Минюзы) «Евразиядағы экономика союзын тӧстиріне хозым иткен ӱчӱн» III степень медаль]]
Россия Федерациязы Президентінің Аарластығ пічии
Логотип РУВИКИ.Медиа Медиафайлы на РУВИКИ.Медиа

Антон Андреевич Алиханов (тӧр. 17 ӱртӱн айы 1986, Сухум[d], Абхазская Автономная Советская Социалистическая Республика[d], Грузинская ССР[d]) — Росияның хазна деятельі. Россия Федерациязының промышленность паза садығ министрі (2024 чылның сілкер айының 14-ҷі кӱнінең сығара)[1].

Калининград облазының губернаторы (2017 чылның ӱртӱн айының 29-ҷы кӱнінең сығара 2024 чылның сілкер айының 14-ҷі кӱніне теере; 2016 чылның чарыс айының 6-ҷы кӱнінең сығара 2017 чылның ӱртӱн айының 29-ҷы кӱніне теере — Калининград облазының губернатор тоғызын толдырған)[2][3][4][5][6][7][8][9]. Ӧӧн профессиязынҷа юрист паза финансист полча.

«Единая Россия» политика партиязының паза аның ӧӧн чӧбінің кізізі[10][11][12].

Чуртас чолы

Улуғлары

Антон Алиханов 1986 чылның ӱртӱн айының 17-ҷі кӱнінде Абхазия АССР-ның Сухуми  (орыс) (рус. городында (Грузия ССР) Москваның чуртағҷызы[13], грек паза орыс Андрей Антонович Алихановтың (тӧр. 1960)[14] паза Тбилисидегі имнег институдын тоосхан, имнег наукаларының кандидады, орыс паза грузин ханнығ[14][15] Лиана Тейрановна Алиханованың (тӧр. 1961)[14] сӧбірезінде тӧреен. Пабазы Сухумидегі субтропическай культураларның аграрнай университедін тоос салған. Чей-тамкы фабриказында істенген[13].

1992 чылда, грузин-абхаз  (орыс) (рус. чаазы пасталғаннаң нинҷе-де ай соонаң, сӧбірее, маңзыри Абхазия АССР-даң парып, Москвазар кӧс парыбызарға паза чуртасты хатап пастирға киліскен. Тоғыс кізі саннығ ікі сӧбіре (іҷе-пабазы, оларның іҷелері паза харындастары, палалары) «Кантемировскай» метро станицязында пір комнаталығ квартирада ахча тӧлеп чуртаан. Алихановтың іҷезі Москвадағы 4 № город клиника имнег туразының гастроэнтерология пӧлиинің устағҷызы тоғызына кіріп алған, пабазының специализациязынҷа Россияның Центральнай чардығында тоғыс чох полған, андада ол пос киреенең айғас сыххан[13]. Москвада Андрей Алиханов итті опт оңдайынаң сатчатхан «Русмясомолторг» компанияның тӧстегҷілерінің пірсі полған[14][15], аның ӱлӱзі 20 % полған. 1990 чылларда Алихановтың пабазынаң хада Приволжскай федеральнай округтағы Россия Федерациязының президентінің киртістіг кізізі Михаил Бабич тоғынған[16].

Ӱгредіг

Антон Алиханов ікі пӧзік ӱгредігліг[14].

Москвада Россияның Финанстар министерствозының тиксі Россиядағы хазна налог академиязын  (орыс) (рус. тоос салған: 2008 чылда — «финанстар паза кредит» специальностьча, 2010 чылда — «юриспруденция»[17].

2012 чылда Москвада Г. В. Плехановтың адынаң Россиядағы экономика университедінде «Экономика паза чон хониинаң устаныс (менеджмент)» специальностьча[18][19] экономика наукаларының кандидадына «Управление издержками на развитие организационной культуры компании» темаҷа диссертация тоғызын арачылап алған[14].

Істеніс кирее

2009—2010 чылларда — Москва облазынҷа Россия Федерациязының юстиция министерствозының устанызының юридическай пӧлиинің специалист-эксперті[17].

2010—2012 чылларда — Россия Федерациязының юстиция министерствозының Киректерінҷе устаныс департаментінің план-экономика пӧлиинің ӧӧн чӧпчізі[17].

2013 чылдаң сығара — Россия Федерациязының промышленность паза садығ министерствозының тастындағы садығ киреенең айғасчатхан Хазна департаментінің устағҷызы орынҷызы, анаң устағҷызы[20].

2015 чылның кӱрген айының 24-ҷі кӱнінең сығара Алиханов Евразиядағы экономика комиссиязының коллегиязының садығҷа консультация чӧбінің садығ политиказынҷа комитеттің кізізі полча[21][22].

2015 чылның ӱртӱн айының 22-ҷі кӱнінең сығара — Калининград облазының правительство кнезінің орынҷызы (аал хонии паза промышленность ӱчӱн нандырған)[20].

2015 чылның улуғ хырлас айының 17-ҷі кӱнінең сығара — Калининград облазындағы алынҷа экономика зоназының устағ-пастааның пазы. Калининград облазында пос киреенің алынҷа режиміне законны тӧстирі ӱчӱн нандырған.

2016 чылның от айының 30-ҷы кӱнінең сығара — — Калининград облазының правительство кнезінің тоғызын ӱр нимеске толдырған[23].

Калининград облазының губернаторы

Россия Президенті Владимир Путиннің Антон Алихановнаң тоғазии.
Москва, Кремль, 6 октябрьда 2016 чылда.

2016 чылның чарыс айының 6-ҷы кӱнінде, губернатор тоғызын толдырған Евгений Зиничев тоғыстаң сығыбысхан соонда, Россия Федерациязының президенті В. В. Путиннің чахиинаң[9], губернаторға табылғалах кізі должнозына кіргелекте, Алиханов Калининград облазының губернаторының тоғызын ӱр нимеске толдырчатхан кізее турғызылған[8]. Россияның тархынында иң чиит губернатор полыбысхан (ол туста 30 чазын толдыр салған).

Путиннің сӧстерінең, Алиханов табыраанаң ортымах перспективаа Калининград облазының стратегия тилізі планын тимнеен авторларның пірсі полча. Ол тоғысты Алихановха наа должностьта Россия Федерациязының правительствозынаң хада читіре идерге, аны чуртасха кирерге паза тилідерге, чахығ пирілген[8].

2017 чылның ӱртӱн айының 10-ҷы кӱнінде Алиханов Калининград облазының губернаторына табылған. Табығларда Алихановтың ӱчӱн 255 491 кізі ӱнін пирібіскен, ол ӱннернің 81,06 % полған[2][3][4].

2017 чылның ӱртӱн айының 29-ҷы кӱнінде должностьха кірген, губернатор присягазын алған[5][6][7][24].

2018 чылның от айының 18-ҷі кӱнінең сығара 2019 чылның кӱрген айының 28-ҷі кӱніне теере паза 2020 чылның улуғ хырлас айының 21-ҷі кӱнінең сығара амғы тусха теере — Россия Федерациязының Хазна Чӧбінің президиумының кізізі[25][26][27].

2022 чылның сілкер айының 20-ҷі кӱнінде президент Путин Алихановнаң онлайн-конференцияда областьтағы ӱлгӱнің тоғызын чахсы паалаан, олар Литва ӧтіре транситті паза перевозчиктер суриин ӱзӱргеннер. Алихановтың сурынызына Путин регионның газификация синін ӧскірер сурығны «Газпромомнаң» пӧк саларына сӧс пирген. 2024 чылның кӱрген айының 25-ҷі кӱнінде Путиннең Алиханов Калининград облазының социальнай паза экономика тилізінің, ипчілернің хазиинің паза региондағы чуртас чылларын ӧскірҷең сурығларын ӱзӱргеннер[28][29].

2022 чылның ӱртӱн айының 11-ҷі кӱнінде Алиханов Калининград облазының губернаторына ікінҷі хати табылған. Ӱртӱн айының 9—11 кӱннерінде ирткен табығлар салтары хоостыра, 259 220 табығҷы аразында Алихановтың ӱчӱн 80,21 % ӱнін пирібіскен[30]. 2022 чылның ӱртӱн айының 16-ҷы кӱнінде должнозына кірген[31].

Наа правительство тӧстелчеткен туста, премьер Мишустин аның алнында устағҷы полған, анаң вице-премьер полыбысхан Денис Мантуровтың орнына, хайзы ол санда промышленность ӱчӱн нандырған[32], Алихановты промышленность паза садығ министрі должнозына адаан[33]. Парламент процедуралары тузына Алиханов губернатор тоғызын толдырарға позының орынҷызы Сергей Елисеевті турғыс салған[34].

2024 чылның сілкер айының 14-ҷі кӱнінде Хазна думазы Алихановты промышленность паза садығ министріне турғызарға чарат салған. Аның ӱчӱн 430 депутат ӱнін пирген, тоғыр — 0[35]. Олох кӱнде должностьха РФ-ның президентінің чахиинаң турғызылған[36].

РФ-ның промышленность паза садығ министрі

2024 чылның сілкер айының 14-ҷі кӱнінде Хазна думазы промышленность паза садығ министріне турғызарға чарат салған[1], олох кӱнде РФ-ның президенті аны турғызарынаңар чахығда хол салыбысхан[37].

Санкциялар

2022 чылның улуғ хырлас айының 15-ҷі кӱнінең сығара США санкцияларына кірген[38]. Ідӧк пасха хазналарның санкциялар изерізінде. 2024 чылның хандых айының 13-ҷі кӱнінең сығара Канада санкцияларына кірген. Алихановтың официальнай кізізінің сӧстерінең, анзы аның тоғызына пір дее теелбеен[39].

Сыйыхтар

  • Россия Федерациязының Аарластығ пічии[14].
  • Россия Федерациязының Юстиция министерствозының «Кӱстеніс ӱчӱн» II степень медальы (Россия Минюзы)[14].
  • 2015 — Евразиядағы экономика союзының «Евразиядағы экономика союзын тӧстиріне хозым иткен ӱчӱн» III степень медаль[14][40]>.

Пос чуртазы

Ипчізі — Дарья Вячеславовна Абрамова (тӧр. 1986), Россия МИД МГИМО-ның чоннар аразындағы журналистика факультедін тоос салған[14]. Институт соонаң телевидениеде редактор полған, соонаң ырахтын телепрограммалар сӧстерін тимнеен. Ирепчінің ӱс пала — Андрей (тӧр. 2012), Полина (тӧр. 2015) паза Владимир (тӧр. 2018)[15][41].

Хасты — Вячеслав Абрамов, РФ-ның МВД-ның отставкадағы полковнигі[15].

Дарьяның ағазы — Могели Шалвович Хубутия (тӧр. 17 июньда 1946), хирург-трансплантолог, имнег наукаларының докторы, профессор, Россия Федерациязының саблығ имҷізі, Н. В. Склифосовскийнің адынаң Москвадағы городтың табырах имнег полызиин пирҷең наука-істезіг институдының президенті[15].

Антонның туңмазы — Георгий Андреевич Алиханов (тӧр. 1994, Москва)[13][15], Москвадағы имнег-стоматология хазна университедін тоос салған. Музыка ӧмезінде ойнаан.

Хынған кирее

Ӱс частығдаң сығара ушунаң, дзюдонаң, кудонаң айғасча[15]. 2022 чылда кудоҷа хара хур алған.

Пос туста гитаранаң ойнирға, велосипедтең чӧрерге хынча.

Хабырҷыларнаң чыылығдағы кирек

2017 чылның чарыс айының 20-ҷі кӱнінде Калининград облазының правительствозының чыылии ирткен, хайзында 2018 чылға регион бюджедінің проекті ӱзӱрілген. Чыылығ соонда ирткен хабарҷыларнаң конференцияда губернатор Алиханов «Новый Калининград.Ru» интернет-порталның хабарҷызы Оксана Майтакованаң тартыза халған. Олған садына чӧрчеткен палалығ сӧбірелерге ахчаның чардығын айландырар хабарҷының суриина (полызығ пір чыл аның алнында чох иділген) Алиханов иртіре хазыр нандыр пирген[42][43][44]. Тӧрт кӱн пазынаң Алиханов полысчызы хоостыра хабарҷы Майтакова алнында «позын иптіг тудын полбааны ӱчӱн» пыросынған паза интернет-издание редакциязына чахайахтар паза «Krug Grande Cuvee» француз шампанскай ыс пирген, халғанҷызының паазы, азых искіріглер хоостыра, 19 муңҷа салковайға тиңнелче. Редакция сыйыхха читірілген ідісті «Верю в чудо» полызығ пирҷең кінге пиріп, полызығ аукционында садыбызарға чаратхан, полызығ кіні парыс ахчазын уйан хазыхтығ олғаннарға ызыбысхан[45][46].

Алған орын

  1. ↑ 1 2 Госдума утвердила предложенных Мишустиным министров. РБК (14 Сілкер айы 2024). Дата обращения: 11 Ӱртӱн айы 2025.
  2. ↑ 1 2 Алиханов победил на выборах губернатора Калининградской области, РИА Новости (20170911T0722). Дата обращения: 11 Ӱртӱн айы 2025.
  3. ↑ 1 2 На выборах губернатора Калининградской области Алиханов набрал 81% голосов - ИА REGNUM, На выборах губернатора Калининградской области Алиханов набрал 81% голосов - ИА REGNUM. Дата обращения: 11 Ӱртӱн айы 2025.
  4. ↑ 1 2 В Калининградской области теперь работает самый молодой губернатор России — 30-летний Антон Алиханов. Новости. Первый канал (неопр.). Дата обращения: 11 Ӱртӱн айы 2025.
  5. ↑ 1 2 Алиханов вступил в должность губернатора Калининградской области, РИА Новости (20170929T1641). Дата обращения: 11 Ӱртӱн айы 2025.
  6. ↑ 1 2 Алиханов вступил в должность губернатора Калининградской области, РИА Новости (16 Ӱртӱн айы 2022). Дата обращения: 11 Ӱртӱн айы 2025.
  7. ↑ 1 2 В Калининграде официально вступил в должность избранный глава области Антон Алиханов. Дата обращения: 11 Ӱртӱн айы 2025.
  8. ↑ 1 2 3 Встреча с Антоном Алихановым, Президент России. Дата обращения: 11 Ӱртӱн айы 2025.
  9. ↑ 1 2 Антон Алиханов назначен временно исполняющим обязанности губернатора Калининградской области, Президент России. Дата обращения: 11 Ӱртӱн айы 2025.
  10. ↑ Губернаторы четырех регионов вступили в партию «Единая Россия», Единая Россия. Дата обращения: 11 Ӱртӱн айы 2025.
  11. ↑ Крылов, Андерей. Губернатор Калининградской области Антон Алиханов вступил в "Единую Россию" - Вести-Калининград, Вести-Калининград (21 Улуғ хырлас айы 2017). Дата обращения: 11 Ӱртӱн айы 2025.
  12. ↑ Генеральный совет, Единая Россия. Дата обращения: 11 Ӱртӱн айы 2025.
  13. ↑ 1 2 3 4 Антон Алиханов: Людей оцениваю по деловым качествам, а не по тому, что кто-то за них попросит, kp.ru - (17 Кічіг хырлас айы 2016). Дата обращения: 11 Ӱртӱн айы 2025.
  14. ↑ 1 2 3 4 5 6 7 8 9 10 Алиханов, Антон Андреевич, ТАСС. Дата обращения: 11 Ӱртӱн айы 2025.
  15. ↑ 1 2 3 4 5 6 7 Антон Алиханов: потом костей не соберешь. Чужих - ТАСС, TACC. Дата обращения: 10 Ӱртӱн айы 2025.
  16. ↑ Калининградскую область укрепили человеком из команды вице-премьера России, Life.ru (7 Чарыс айы 2016). Дата обращения: 11 Ӱртӱн айы 2025.
  17. ↑ 1 2 3 Алиханов Антон Андреевич, Единая Россия. Дата обращения: 11 Ӱртӱн айы 2025.
  18. ↑ Алиханов, Антон Андреевич. Управление издержками на развитие организационной культуры компании // disserCat. — 2012.
  19. ↑ Говорин Анатолий Анатольевич, доктор экономических наук, профессор. Биографическая справка. Официальный сайт ФГБОУ ВО «Российский экономический университет имени Г. В. Плеханова» // rea.ru. Дата обращения: 11 Ӱртӱн айы 2025.
  20. ↑ 1 2 Заместителем председателя правительства Калининградской области назначен Антон Алиханов. web.archive.org. Дата обращения: 11 Ӱртӱн айы 2025.
  21. ↑ Решение № 251 от 24.12.2014 О внесении изменений в состав Консультативного комитета по торговле. docs.eaeunion.org. Дата обращения: 11 Ӱртӱн айы 2025.
  22. ↑ Евразийская экономическая комиссия. Изменение состава Консультативного комитета по торговле при Коллегии Евразийской экономической комиссии. Правовой портал Евразийского экономического союза. Евразийская экономическая комиссия (25 Улуғ хырлас айы 2014). Дата обращения: 11 Ӱртӱн айы 2025.
  23. ↑ Антон Алиханов назначен врио председателя правительства Калининградской области. gov39.ru. Дата обращения: 11 Ӱртӱн айы 2025.
  24. ↑ В Калининграде официально вступил в должность избранный глава области Антон Алиханов. Новости. Первый канал (неопр.). Дата обращения: 11 Ӱртӱн айы 2025.
  25. ↑ Распоряжение Президента Российской Федерации от 18.07.2018 г. № 192-рп, Президент России. Дата обращения: 11 Ӱртӱн айы 2025.
  26. ↑ Распоряжение Президента Российской Федерации от 28.01.2019 г. № 23-рп, Президент России. Дата обращения: 10 Ӱртӱн айы 2025.
  27. ↑ Распоряжение Президента Российской Федерации от 21.12.2020 № 310-рп ∙ Официальное опубликование правовых актов ∙ Официальный интернет-портал правовой информации. publication.pravo.gov.ru. Дата обращения: 11 Ӱртӱн айы 2025.
  28. ↑ Алиханов и Путин, проблемы перевозчиков, цель транзита. Главное, РБК. Дата обращения: 11 Ӱртӱн айы 2025.
  29. ↑ Владимир Путин провёл встречу с Антоном Алихановым | Портал Правительства Калининградской области. gov39.ru. Дата обращения: 11 Ӱртӱн айы 2025.
  30. ↑ Ни выбора, ни выборов: как жители региона голосовали за губернатора тогда и сейчас. www.newkaliningrad.ru (12 Ӱртӱн айы 2022). Дата обращения: 11 Ӱртӱн айы 2025.
  31. ↑ Антон Алиханов вступил в должность губернатора Калининградской области (16 Ӱртӱн айы 2022). Дата обращения: 11 Ӱртӱн айы 2025.
  32. ↑ Госдума утвердила курирующего промышленность Мантурова первым вице-премьером РФ - Россия || Интерфакс Россия. www.interfax-russia.ru (13 Сілкер айы 2024). Дата обращения: 11 Ӱртӱн айы 2025.
  33. ↑ Мишустин предложил кандидатуру Алиханова на пост главы Минпромторга. РБК (11 Сілкер айы 2024). Дата обращения: 11 Ӱртӱн айы 2025.
  34. ↑ Алиханов не собирался на другую работу, заявил его пресс-секретарь. РИА Новости (11 Сілкер айы 2024). Дата обращения: 11 Ӱртӱн айы 2025.
  35. ↑ Госдума утвердила Алиханова главой Минпромторга. РИА Новости (14 Сілкер айы 2024). Дата обращения: 11 Ӱртӱн айы 2025.
  36. ↑ Указ Президента Российской Федерации от 14.05.2024 № 394 «О Министре промышленности и торговли Российской Федерации». publication.pravo.gov.ru. Дата обращения: 11 Ӱртӱн айы 2025.
  37. ↑ Президент подписал указы о назначении членов Правительства Российской Федерации и директоров служб. kremlin.ru (14 Сілкер айы 2024). Дата обращения: 11 Ӱртӱн айы 2025.
  38. ↑ Калининградский губернатор Антон Алиханов попал под санкции США, РБК. Дата обращения: 11 Ӱртӱн айы 2025.
  39. ↑ Канада ввела санкции против «Победы» и Мизулиной. РБК (13 Хандых айы 2024). Дата обращения: 11 Ӱртӱн айы 2025.
  40. ↑ «О награждении медалью. pravo.by. Дата обращения: 11 Ӱртӱн айы 2025.
  41. ↑ Крылов, Андерей. Один день из жизни самого молодого губернатора России. НТВ об Алиханове - Вести-Калининград, Вести-Калининград (30 Чарыс айы 2016). Дата обращения: 11 Ӱртӱн айы 2025.
  42. ↑ Оксана Майтакова. «По кочану»: Алиханов отказался возвращать социальные выплаты семьям с детьми (орыс), Интернет-портал Калининградской области и города Калининграда «Новый Калининград.Ru» // newkaliningrad.ru (20 октября 2017). Дата обращения: 11 Ӱртӱн айы 2025.
  43. ↑ Андрей Гатинский, Дмитрий Окрест, Мария Истомина. Калининградский губернатор ответил «по кочану» на вопрос о компенсациях, «Росбизнесконсалтинг» (20 Чарыс айы 2017). Дата обращения: 11 Ӱртӱн айы 2025.
  44. ↑ Дмитрий Музалевский. «По кочану»: молодой калининградский губернатор взорвал Рунет «капустой» для малоимущих. — Антон Алиханов отказался выплачивать компенсации за детский сад малоимущим семьям (орыс), Газета «Московский комсомолец» (20 октября 2017). Дата обращения: 11 Ӱртӱн айы 2025.
  45. ↑ Алиханов прислал журналисту извинения, цветы и шампанское за «кочан» (орыс), Интернет-портал Калининградской области и города Калининграда «Новый Калининград.Ru» // newkaliningrad.ru (24 октября 2017). Дата обращения: 11 Ӱртӱн айы 2025.
  46. ↑ Алиханов передал цветы и вино журналистке, которой ответил "по кочану", РИА Новости (20171024T1644). Дата обращения: 11 Ӱртӱн айы 2025.

Ссылкалар

Алған орны - https://kjh.ruwiki.ru/w/index.php?title=Алиханов,_Антон_Андреевич&oldid=153709