Оверчук, Алексей Логвинович

Рувики тiп сайттаң
РУВИКИ проектте пу фамилиялығ пасха кізілердеңер статьялар парлар Оверчук.
Алексей Логвинович Оверчук
Alexey Overchuk official portrait.jpg
Флаг
Россия Федерациязының правительство кнезінің орынҷызы
Флаг
с 2020 чылның кӱрген айының 21-ҷі кӱні
(тоғ. толд. 2024 чылның сілкер айының 7—13 кӱннері)
Правительство пазы Михаил Мишустин
Андрей Белоусов (тоғ. толд.)
Михаил Мишустин
Президент Владимир Путин
Тӧреен кӱні 9 улуғ хырлас айы 1964({{padleft:1964|4|0}}-{{padleft:12|2|0}}-{{padleft:9|2|0}}) (61 час)
Коростышев, Житомир облазы, Украина ССР, СССР
Ӱгредии К. А. Тимирязевтің адынаң Москвадағы аал хонии академиязы
Учёнай степень экономика наукаларының кандидады
Сыйыхтары
RUS Medal of the Order For Merit to the Fatherland 1st class ribbon.svg RUS Medal of the Order For Merit to the Fatherland 2nd class ribbon.svg
П. А. Столыпиннің 1 степеньніг медальы
Логотип РУВИКИ.Медиа Медиафайлы на РУВИКИ.Медиа

Алексей Логвинович Оверчук (тӧр. 9 улуғ хырлас айы 1964, Коростышев[d], Житомир облазы[d]) — Россияның хазна паза политика деятельі, экономист. 2020 чылның кӱрген айының 21-ҷі кӱнінең сығара Россия Федерациязының Правительство Кнезінің орынҷызы (тоғызын толдырчатхан кізі 2014 чылның сілкер айының 7—13 кӱннерінде)[1][2].

2011 чылдаң сығара 2020 чылға теере Россия Федерациязының Федеральнай налог службазының устағҷы орынҷызы полған. Россия Федерациязының 2-ҷі класстығ сын хазна чӧпчізі полча.

Чуртас чолы

1964 чылның улуғ хырлас айының 9-ҷы кӱнінде Житомир облазының Коростышев городында тӧреен. 1986 чылда К. А. Тимирязевтің адынаң Москвадағы аал хонии академиязын «экономика кибернетиказы» специальностьча тоос салған.

1986—1993 — улуғ лаборант, кічіг наука тоғынҷызы, наука тоғынҷызы, улуғ наука тоғынҷызы, К. А. Тимирязевтің адынаң Москвадағы аал хонии академиязының Агропромышленнай комплекзінің хоных механизмін чахсыландырарынаң айғасчатхан лабораторияның улуғ наука тоғынҷызы.

1992 чылда «Организация управления кооперативной формой хозяйствования в АПК» темаҷа кандидат диссертациязын Москвадағы аал хонии академиязында арачылап алған. Экономика наукаларының кандидады.

1993—1994 — Чоннар аразындағы сотрудничество устанызының ӧӧн специализі, 1994—1998 чч. — Чоннар аразындағы киректер устанызы пӧлиинің устағҷы орынҷызы, 1998 ч. — Россия Федерациязының Чир ресурстарынҷа паза землеустройствозынҷа хазна комитедінің хазна чир кадастры паза тибіреділбинчеткен ис-пай регистрациязы устанызының тибіреділбинчеткен ис-пайның хазна регистрациязы пӧліктің пастығы (Роскомзем).

1998 — Россия Федерациязының Чир политиказынҷа, пӱдіриинҷе, паза чурт-коммунальнай хониинҷа министерствозының Искіріг-аналитика устанызының пастығы.

1998—1999 — Россия Федерациязының Хазна чир комитедінің Искіріг-аналитика устанызының пастығы.

1999—2000 — Россия Федерациязының Хазна чир комитедінің чир политиказынҷа Искіріг-аналитика устанызының пастығы.

2000 чылның орғах айынаң сығара — Россияның Чир кадастры федеральнай службазының устағҷы орынҷызы (Росземкадастр), хайзы 2004 чылдаң сығара Недвижимость объекттері кадастрының федеральнай агенствозы (Роснедвижимость) пол парған. Соонаң Хазна регистрациязының, кадастрының паза картографиязының федеральнай службазы (Росреестр) пол парған Роснедвижимостьта Михаил Мишустин позының пастағы хазна органының устағҷы тоғызына кірген, аның холында Оверчук пол парған[3].

2000 чылдаң сығара 2007 чылға теере бюро кізізіне паза ООН-ның Европадағы экономика комиссиязының чир ресурстарының устанызынҷа тоғыс ӧмезінің кнес орынҷызына табылған[4].

2007 чылда Михаил Мишустиннің устаанда Алынҷа экономика зоналарының устанызынҷа федеральнай агенствоның устағҷы орынҷызы полыбысхан. Инвесторларны тартчаң тоғысты хайығда тутхан.

2008—2010 чылларда Мишустин устаан UFG Capital Management инвестициялар компанияларының ӧмезінде пастых должностьтарында полған.

Алексей Оверчук Евразия экономика комиссиязының Чӧбінің чыылиинда, 2020 чыл

2011 чылнын кӧрік айынаң сығара — Федеральнай налог службазының устағҷы орынҷызы. Стандарттар паза чоннар аразындағы хада-пірге тоғыс устанызының тоғызын хайығда тутхан паза сыныхтаан. ФНС устағҷызының орынҷызы полып, Автоматическай оңдайнаң искіріглернең ӱлезерінҷе Россияның чоннар аразындағы чӧптезіглерінең тузаланҷаң сурығларынаң айғасчатхан ведомстволарның паза чир налог органнарының тоғызын методология паза организация саринаң хайығда тутхан[4].

2020 чылның кӱрген айының 21-ҷі кӱнінең сығара — Россия Федерациязының правительство кнезінің орынҷызы. Правительствода ол Евразия интеграциязы сурығлары ӱчӱн, чоннар аразындағы пірігістернің хада-пірге тоғызы ӱчӱн (СНГ, БРИКС, G20 паза пасхазы) паза Правительство Кнезі араласчатхан чоннар аразындағы мероприятиелерні тимнеп, оларны иртірер ӱчӱн нандырча[5].

2023 чылның кічіг хырлас айында Оверчук Россия делегациязынаң Сан-Францискода ирткен Азия-Амыр тиңіс экономика сотрудничествозы (АТЭС) саммидінде устаан. Анда ӧӧн ӱзӱріг климат сурығларына чарыдылған[6].

2024 чылның сілкер айының 11-ҷі кӱнінде Михаил Мишустин Хазна думазының кӧрізіне правительствоның наа пӱдізін кирген, анда Оверчукты вице-премьер кандидатуразына адаан[7]. Сілкер айының 13 кӱнінде Хазна думазы пу постха аны чарат салған[8]. Сілкер айының 13 кӱнінде РФ-ның президенті аны турғысчатханынаңар чахығда хол салыбысхан[9]. Оверчук хазна политиказының Евразия чиріндегі интеграциязын, БРИКС, Шанхай сотрудничество пірігізі паза Чибіргі ӧмезі (орыс. Большай двадцатка) киреен хайығда тутча[10].

Сыйыхтар

  • «Ада чир-сууна чахсы киректер иткен ӱчӱн» I степень орден медальы (2017 чылның хандых айының 12-ҷі кӱні) — кӧп чыллар хазна службазын апарған ӱчӱн[11]
  • «Ада чир-сууна чахсы киректер иткен ӱчӱн» II степень орден медальы (2014 чылның чарыс айының 25-ҷі кӱні) — істеністе чидіглерге читкен ӱчӱн, кӧп чыллар сын сағыснаң тоғынған ӱчӱн паза ӧткін халых кирее ӱчӱн[12]
  • П. А. Столыпиннің I степень медальы (2024) — «кӧп чыллар тӱзімніг хазна тоғызын апарған ӱчӱн»[13].

Сӧбіре

Пабазы, Оверчук Логвин Алексеевич (1932—2007), Тиксі Россиядағы аал хонии экономиказының наука-істезіг институдында істенген. РФ-ның США-дағы Посольствозының аал хонии атташезі полған[14]. 2007 чылның хандых айының 25-ҷі кӱнінде ӱреен, Троекуровскай сыыратта Москвада сӧӧгі чатча[15].

Іҷезі, Оверчук Нелли Александровна (1936—2009), Тиксі Россиядағы агропромышленнай комплекзінің техника-экономика істезіглерінің наука-істезіг институдында істенген[16].

Ис-пай паза парыс

2018 чылға декларация танығларынҷа, тиксі улии 2200 м² чир участогының, улии 225,6 м² метр ӱс квартираның паза пір ниик чӧрчең Ford Focus автомобиль ээзі полған. Парыс сині 8 786 378 салковайға читкен[17].

Ипчізінің парызы 1 636 351 салковай полған, хоза улии 96 м² ікі квартираның ээзі полған[18].

Алған орын

  1. ↑ Алексей Оверчук стал вице-премьером России // ИА REGNUM. Дата обращения: 21 Кӱрген айы 2020. Архивировано 23 Ӱртӱн айы 2025 года.
  2. ↑ Правительство России переходит в статус и.о. до назначения нового состава. TACC. Дата обращения: 23 Ӱртӱн айы 2025.
  3. ↑ Бессменный заместитель и давняя коллега: вице-премьерами стали двое подчиненных Мишустина // Московский комсомолец. Дата обращения: 25 Кӱрген айы 2020. Архивировано 23 Ӱртӱн айы 2025 года.
  4. ↑ 1 2 Новым ответственным за ИТ в России стал давний коллега нового премьера // CNews. Дата обращения: 23 Ӱртӱн айы 2025. Архивировано 25 Кӱрген айы 2020 года.
  5. ↑ Распределение обязанностей между заместителями Председателя Правительства. Дата обращения: 30 Хосхар айы 2020. Архивировано 29 Хосхар айы 2020 года.
  6. ↑ Оверчук заявил, что тема Украины в начале саммита АТЭС звучала в основном фоново. ТАСС (17 Кічіг хырлас айы 2023). Дата обращения: 23 Ӱртӱн айы 2025.
  7. ↑ О чем говорит новая конфигурация российского правительства. РБК (11 Сілкер айы 2024). Дата обращения: 13 Сілкер айы 2024.
  8. ↑ Госдума утвердила Оверчука заместителем председателя правительства. РИА Новости (13 Сілкер айы 2024). Дата обращения: 23 Ӱртӱн айы 2025.
  9. ↑ Президент подписал указы о назначении членов Правительства Российской Федерации и директоров служб. kremlin.ru (14 Сілкер айы 2024). Дата обращения: 23 Ӱртӱн айы 2025.
  10. ↑ Михаил Мишустин утвердил распределение обязанностей между вице-премьерами. government.ru (17 Сілкер айы 2024). Дата обращения: 23 Ӱртӱн айы 2025.
  11. ↑ Указ Президента Российской Федерации от 12.06.2017 № 266 «О награждении государственными наградами Российской Федерации» // Собрание законодательства Российской Федерации. Дата обращения: 23 Ӱртӱн айы 2025.
  12. ↑ Указ Президента Российской Федерации от 25.10.2014 № 680 «О награждении государственными наградами Российской Федерации» // Собрание законодательства Российской Федерации. Дата обращения: 23 Ӱртӱн айы 2025.
  13. ↑ Мишустин наградил Оверчука медалью Столыпина П. А. I степени. ТАСС (17 Улуғ хырлас айы 2024). Дата обращения: 23 Ӱртӱн айы 2025.
  14. ↑ Ю.Н. Вавилов в долгом поиске // Книга о братьях Николае и Сергее Вавиловых. Дата обращения: 23 Ӱртӱн айы 2025.
  15. ↑ Логвин Алексеевич Аверчук // BillionGraves. Дата обращения: 23 Ӱртӱн айы 2025. Архивировано 24 Кӱрген айы 2020 года.
  16. ↑ Н. А. Оверчук «Совершенствование организационно-экономических форм агрохимического обслуживания сельского хозяйства» // Biblus. Дата обращения: 23 Ӱртӱн айы 0205.
  17. ↑ Алексей Оверчук // Finparty. Дата обращения: 23 Ӱртӱн айы 2025.
  18. ↑ Оверчук Алексей Логвинович // Деклатор. Дата обращения: 23 Ӱртӱн айы 2025. Архивировано 25 Кӱрген айы 2020 года.

Ссылкалар

Алған орны - https://kjh.ruwiki.ru/w/index.php?title=Оверчук,_Алексей_Логвинович&oldid=153736