Кыстоякова, Мария Павловна
| Мария Павловна Кыстоякова | |
|---|---|
 Россияның паза хакас Республиканың саблығ артизі Кыстоякова Мария Петровна | |
| Тӧреен кӱні | 7 улуғ хырлас айы 1948 (77 час) |
| Тӧреен чирі | |
| Гражданство | |
| Профессия | актёр |
| Сыйыхтар |
 |
Мари́я Пáвловна Кыстоякóва (тӧр. 7 улуғ хырлас айы 1948, Алахтайлар[d], Хызылчар крайы[d]) — совет паза Россияның театр паза кино актрисазы. А. М. Топановтың адынаң Хакас национальнай драма театрының артизі, Россия Федерациязының саблығ артизі. Хакас Республиканың саблығ артизі.
Чуртас чолы
Мария Кыстоякова 1948 чылның улуғ хырлас айының 7-ҷі кӱнінде Пии аймааның Алахтайлар аалында тӧреен. Школа тузында хоос чайаачызынаң айғасхан, халых чуртазында ӧткін араласхан. Сценаа пастағызын 15 частығда Новосибирскте сыххан, анда хығырығҷылар мариинда аралазып, Николай Доможаковтың «Тыттығ тағ» чайаачы тоғызын хығырып, лауреат полыбысхан. Артист полар кізінің портреді «Комсомольская правда» газетада чарых кӧрген[1].
Кыстоякова Ленинградтағы театр, музыка паза кинематография хазна институдының студенті кинетін не пол парған. Чайғыда кибірли ол іҷезіне хой хадарарға полысхан. Совхоз устағҷызы агрономға парзын тіп сағыстығ полған, че аймах кіні Пиизер «артисттер таллапчатхан» ЛГИТМИК-тың комиссиязы килген. Іди Мария Кыстоякова театр институдына кіріп алған[1]. Курстың узы, доцент, филология наукаларының кандидады Сергей Васильевич Гиппиустың паза актёр узынҷа ӱгретчі Ариадна Николаевна Кузнецованың холында ӱгренген[2]. 1974 чылда Кыстякова вузты тоос салған[3].
Пайрамнығ 75 чазын Мария Кыстоякова пос театрының сценазында, Александр Галиннің «Ретро» кӱлкӱстіг ойынының Роза Александровна Песочинскаяның омазын толдырып, таныхтаан[2]. Пайрамнығ тӧреен кӱнінең актрисаны алғыстирға хынған кӧрігҷілері, Хакас паза Орыс драма театрларының артисттері килгеннер. Алғыстас сӧстерін Хакас Республиканың Культура министерствозының адынаң министр орынҷызы Лариса Киштеева, ідӧк А. М. Топановтың адынаң театрның устағҷызы Владимир Чустеев, ӧӧн режиссёры Тимур Казнов читіргеннер. Тӧреен хакас тілінең Хакас Республиканың Театр деятельлерінің кнезі Светлана Чаптыкова алғыстаан[4].
Чайаачы кирее
1974 чылда Мария Кыстоякова Хакас национальнай драма театрында тоғын сыххан[3]. Театр ӧмезінең хада Кыстоякова Германиязар, Финляндиязар, Турциязар, Монголиязар, Башкириязар, Татарстанзар, Киргизиязар, Казахстанзар, Бурятиязар, Саха чирінзер, Тыва Республиказар чорыхха сыххан[4].
Мария Кыстоякова «Алтын Арығ», «Алтын чус» алыптығ нымахтарны паза хакас авторларның произведениелерін хығырған. Николай Доможаковтың, Михаил Кильчичиаковтың, Валерий Майнашевтің, Валентина Татарованың чайаачы тоғыстарын, Семён Кадышевтің алыптығ нымахтарын актриса чіли толдырған. 2021 чылда Хакасияда Алыптығ нымах чылы чарлалғаны хоостыра актриса Семён Кадышевтің «Алтын Арығ» нымағынҷа, Николай Доможаковтың «Тыттығ тағ» кибелізінҷе видеоцикл тимнеп салған[5].
Хакас тілінің чылында (2020 чыл) Республиканың харахтаң уйан кӧрчеткеннернің библиотеказынаң хада-пірге Мария Кыстоякова Михаил Кильчичаковтың «Я б хотел…» кинденің аудиоверсиязын тимнеп салған, ол Хакасияның библиотека кіннерінде кӧзідіг пособиезі пол парған[5].
Мария Кыстоякова театрның актёрлары толдырчатхан хакас сарыннарның сӧстерінің авторы полча. Актриса мероприятиелернің сценарийлерінің авторы, драматург К. Чаконың пьесаларын хакас тіліне тілбестеен кізі, Валентина Татарованың «Аат табызы» повестьке тӧстене пазылған пьесаның авторы[5].
Театр тоғыстары
| Роль | Турғысхан |
|---|---|
| Мария Стюарт | Фридриха Шиллернің «Мария Стюарт» пьесазы |
| Хорд | Александр Топановтың «Алаахтыртхан Хорхло» пьесазы |
| Февронья Петровна Пошлёпкина | Николай Гогольның «Ревизор» кӱлкӱстіг ойыны |
| Графиня де Воланж | Леонид Филатовтың «Опасный, опасный, очень опасный…» |
| Миссис Форд | Уильям Шекспирнің «Виндзорские насмешницы» |
| Клея | Гильерме Фигейредоның «Эзоп» тоғызы |
| Полина Сергеевна Аметистова | Надежда Птушкинаның «Куплю мужа» |
| Доримена | Жан Батист Мольернің «Полоумный Журден» |
| Шурка | Валентин Красногоровтың «Комната Невесты» |
| Мадам Паче | Луиджи Пиранделлоның «Шесть персонажей в поисках автора» |
| Роза Николаевна | Николай Коляданың «Баба Шанель» |
| Манилова | Михаил Булгаковтың «Ревизская сказка»[3] |
| Айго-Бегин | К. Чаконың «Слеза огня» |
| Олун | К. Чаконың пьесаларынҷа «Любовь Чингисхана» |
| Кайда | Валентина Шулбаеваның «Сарналбаан сарын» |
| Абыйа | А. Кызласованың «Ада чирі» |
| Ипчі | Александр Чапрайның «Рождённый небом» |
| Песочинская Роза Александровна | Александр Галиннің «Ретро» |
| Театр кізізі | Валентина Шулбаеваның «Хан Мирген» |
| Майрус | «Мин синi сагыпчам…» |
| Гапка | Николай Гогольның «Как Иван Иванович поссорился с Иваном Никифоровичем» |
| Царёва | Д. Ивановтың «Дорогие мои бандитки»[3] |
| Кабаниха | Александр Островскийнің «Гроза» пьесазы |
| Аксинья | Михаил Шолоховтың «Тихий Дон» |
| Наталья | Антон Чеховтың «Три сестры» |
| Миссис Твигг | Джон Бойтон Пристлинің"Необычайное происшествие" |
| Настасья Ивановна | Антон Чеховтың «Антон vs Антоша» |
| Чохырай ууҷа | «Сарын. Сказка о ненастоящем страхе» |
| Литератор, Мария Тюдор | Михаил Булгаковтың «Мастер и Маргарита»[2] |
Фильмография
1977 чыл — «Конец императора тайги» (Мосфильм, М. Горькийнің адынаң киностудия),
1987 чыл — «Пока не ступлю на мягкую траву» (Казахфильм)
2008 чыл — «Ада чирі» (Хакасфильм)[3]
1982 чылдаң сығара Россия Федерациязының Театр деятельлерінің пірігізінің кізізі[3].
Сыйыхтар
1991 чыл — СССР-ның Культура министерствозының «Тың чахсы тоғызы ӱчӱн» тании.
1992 чыл — «Хакас Республиканың саблығ артизі» ат.
2000 чылның хосхар айының 12-ҷі кӱнінде — искусство киреене туза иткен ӱчӱн Хакас национальнай театрның артизі Кыстоякова Мария Павловна «Россия Федерациязының саблығ артизі» атха турысхан[6].
Алған орын
- ↑ 1 2 7 декабря отмечает юбилейную дату Кыстоякова Мария Павловна заслуженная артистка Российской Федерации, заслуженная артистка Республики Хакасия | Министерство культуры Республики Хакасия. culture19.ru. Дата обращения: 26 Улуғ хырлас айы 2025.
- ↑ 1 2 3 Заслуженная артистка России и Хакасии Мария Кыстоякова отмечает юбилей - Пульс Хакасии, Пульс Хакасии (7 Улуғ хырлас айы 2023). Дата обращения: 26 Улуғ хырлас айы 2025.
- ↑ 1 2 3 4 5 6 Кыстоякова Мария Павловна. Хакасский национальный драматический театр Топанова. Дата обращения: 26 Улуғ хырлас айы 2025.
- ↑ 1 2 Юбилей на сцене: Марию Кыстоякову чествовали в театре имени Топанова. Дата обращения: 26 Улуғ хырлас айы 2025.
- ↑ 1 2 3 Актриса хакасского драмтеатра Мария Кыстоякова получила награду. news.myseldon.com. Дата обращения: 26 Улуғ хырлас айы 2025.
- ↑ Кыстоякова Мария Павловна – Награды России, 2000-04-12. ru.nagrady.by. Дата обращения: 26 Улуғ хырлас айы 2025.
Литература
- Селигеева С. Н. Кыстоякова Мария Павловна (к 70-летию) // Хакасия — 2018: календарь знаменательных и памятных дат. — Абакан, 2017. — С. 118—120.
Ссылкалар
- Видео от Хакасский национальный театр Топанова. vk.com/video. Дата обращения: 26 Улуғ хырлас айы 2025.