Кобяков, Василий Андреевич

Кобяков, Василий Андреевич
Кобяков, Василий Андреевич
Тӧреен кӱні	10 ӱртӱн айы 1906
Тӧреен чирi	Оспа аал, Минсуғ уезді, Ким губерниязы, Россия империязы
Ӱреен чылы	1937
Айғасчатхан кирее	писатель, кибелісчі

Василий Андреевич Кобяков (10 ӱртӱн айы 1906 — 1937) — хакас писатель паза кибелісчі. Хакас литературазының тӧстегҷілерінің пірсі полча.

Василий Кобяков Оспа аалда чох-чоостар сӧбірезінде 1906 чылның ӱртӱн айының 10-ҷы кӱнінде тӧреен. Ӧкіс халып, пайлар малын хадарған. Пасталығ класстар ӱгредиин алған. 1929 чылдаң сығара Хызылчардағы совет партиязы школазында ӱгренерге ызылған. Аны тоозып, Хакасиязар айланған, культура паза чарыдығлығ тоғысты Сыра аймаанда узаратхан. Аалдағы школада олғаннарны, улуғларны пічікке ӱгреткен.1929 чылда кибелістер, чоохтар, очерктер пасхан, чайаачы тоғыстары «Ленин чолы» газетада чарых кӧргеннер. 1932 чылда Ағбандағы Хакас драма театрында хоос устағҷы полған.

1934 чылда чарых кӧрген «Айдо» повезі хакас литературазының иң улуғ проза произведениезі полыбысхан. Аның чайаачы тоғыстары орыс, тыва, хырғыс паза моол тіллеріне тілбестелгеннер. Василий Кобяков хакас литературазының тӧстегҷілерінің пірсі полча.

1937 чылда репрессия тартылған. Ӱреен соонда ахталған.

Библиография

Айдо: Повесть. — Новосибирск: Огиз, 1934. — 67 с.
Партизан кӱннерi (Партизанские дни): Очерки / В соавт. с Н.Райковым — Абакан, 1935. — 62 с.
Хакасия ырлапча (Хакасия поет): Стихи, рассказы. — Абакан, 1935. — 107 с.
Айдо: Стихи, повесть, рассказы. — Абакан, 1959. — 159 с.
(Избранные стихи). — Абакан, 1969. — 32 с.
Хакас чоохтарының чыындызы (Повести и рассказы) / Кобяков В., Коков М. — Абакан, 1969. — 200 с.

Ссылкалар

Краткая литературная энциклопедия Архивная копия от 2 Кӧрік айы 2022 на Wayback Machine
Литературная карта Хакасии Архивная копия от 10 Сілкер айы 2010 на Wayback Machine