Шулбаев, Олег Петрович

Олег Петрович Шулбаев
Тӧреен кӱні	1954({{padleft:1954|4|0}}-{{padleft:8|2|0}}-{{padleft:21|2|0}})
Тӧреен чирi	Индіркі Сир аал, Хакас АО, СССР
Ӱреен чылы	2018({{padleft:2018|4|0}}-{{padleft:12|2|0}}-{{padleft:31|2|0}}) (64 йәш)
Гражданство	СССР →  Россия
Айғасчатхан кирее	хабарҷы, писатель, тілбесчі
Чайаачы тоғыс чыллары	1976-2018
Жанр	проза
Произведениелер тiлi	орыс

Олег Петрович Шулбаев – (21 августта 1954 чылда, Индіркі Сир аал, Тастып аймағы, Хакас автоном облазы) – хабарҷы, писатель, тілбесчі, Россияның Хабарҷылар пірігізінің араласчызы, Россияның Писательлер пірігізінің араласчызы (1999), Хакасияның Писательлер пірігізінің араласчызы, Хакас Республика культуразының саблығ тоғынҷызы (2015). «Чыл кізізі» аарластығ атха турысхан, «Чахсы киректер ӱчӱн» орденнең таныхтатхан.

Чуртас чолы

Олег Шулбаев 21 августта 1954 чылда Тастып аймаандағы Индіркі Сир аалда тӧреен. Пабазы Петр Андреевич Шулбаев тархын ӱгретчізі полған, іҷезі Мария Григорьевна Шулбаева – орыс тілі ӱгретчізі.

1961 чылда Аңчулдағы школада ӱгреніп пастаан, 1968 чылда Чоғархы Тастып аалдағы ортымах школада ӱгредиин узаратхан. Аны тоосхан соонда 1970 чылда Ағбандағы ӱгретчілер институдының хакас пӧлиинзер кіріп алған. 1975 чылда институтты тоозып, Тастыптағы 1 № ортымах школада ӱгретчі полған. 1976 – 1977 чылларда «Ленин чолы» газетада тоғынған.

1977 – 1978 чылларда – СССР-ның Тирігліг кӱстерінің службазы.

1979 –1984 – хабарҷы, «Ленин чолы» (Хабар, Хакас чирi) газетаның пӧлиинің устағҷызы, газетаның нандырығлығ хачызы. 1986 чылда Новосибирсктегі партийнай школаның хабарҷылар пӧлиин тоосхан. 1999-2009 чылларда – хакас радиозының, «Сельская жизнь газетаның» хабарҷызы полған.

Олег Шулбаевтің пастағы очергі «Кӧңнім, хынызым - чирім» «Ленин чолы» газетада 1976 чылда чарыхха сыххан. Чайаачы тоғыстары санында «Ызылбаан пічік», «Кичігде», «Улуғ лейтенанттын хынызы», «Чалғыс тыт», «Ипчі кӧңні - Худай кӧңні», «Пастағы хыныстың чарии», «Синің не ӱчӱн», «Ачығ сарғай» паза пасха чоохтар паза очерктер.

Олег Шулбаевтің чайаачы тоғыстары чарыхха сыхханнар журналларда: «Ах тасхыл», «Хан тигір», «Инесай», «Тигір хуры»; газеталарда: «Ленин чолы» («Хака чирі»), «Хакасия», «Абакан», «Советская Сибирь», «Вечерний Новосибирск».

Орыс тілінең хакас тіліне, хакас тілінең орыс тіліне хоос, шор тілінең тілбестеглер иткен.

2013 чылда хакас кибелісчі Геннадий Маерковтың таллалған кибелістерін, рубаилерні, поэмазын хакас тіліне тілбестеп салған. 2016 чылда – Юлия Тарабарованың «Рябиновые бусы» кибелістер чыындызын.

2021 чылда «След метеора» орыс тілінең пазылған киндезі чарыхха сыххан (ӱреен соонда). Хоос-публицистика повезі Михаил Григорьевичнең Владислав Михайлович Торосовтардаңар.

2022 чылда Юлия Тарабарованың «Моя Хакасия» паза «На тропинке детства» кибелістер чыындызы чарых кӧрген. Оларның хакас тілбестеглерін иткен полған Олег Шулбаев. Нинҷе-нинҷе чыл «Хакасия» газетада хакас тілін ӱгренчеткеннерге «Хакас тілінең хайди полар» рубрика апарған. Олег Шулбаев Россияның Хабарҷылар пірігізінің араласчызы, 1999 чылдаң сығара Россияның Писательлер пірігізінің араласчызы.

2011 чылда Улуғлар Чӧбінің «Чыл кізізі» аарластығ атха турысхан. 2014 чылда «Чахсы киректер ӱчӱн» орденнең таныхтатхан. 2015 чылда Хакас Республика культуразының саблығ тоғынҷызы аарластығ ат пирілген.

Хысхаҷах библиографиязы

• Ханға пурлуххан тӱлгӱ чылы. Повесть— Абакан: Отдел издательской деятельности ХРИПКиПРО, 2003. — 104 с.
• Анчуча. Чоох. — Абакан: Хакасское книжное издательство, 2006. — 28 с.
• Год кровавого лиса. Повесть. На русском языке— Абакан: Хакасское книжное издательство, 2010. — 112 с.
• Абек: Чоохтар паза очерктер чыындызы / О.Шулбаев. — Абакан: Дом литераторов Хакасии, 2012. — 162 с.
• Мой отец — мой герой: сборник повестей и рассказов / О.П. Шулбаев. — Абакан: Сервисный пункт, 2014. — 192 с.
• Хыныстың ирткен тузы чоғыл. Абакан: Дом литераторов Хакасии, 2014. — 216 с.

Литература

• Кошелева, А. Л. Шулбаев Олег Петрович / А.Л. Кошелева // Писатели Хакасии: литературные портреты (посл. четв. XX века - нач. XXI века). - Ч. 1. - C. 189-226
• Энциклопедия Республики Хакасия : в 2 т. / гл. ред. В. А. Кузьмин. – Красноярск : Поликор, 2008. – Т. 2 : О - Я. – С. 292.

Ссылкалар

• Хакасиядағы чайаачылар туразы
• Путешествие из Абакана в Париж
• Журналист и писатель Шулбаев Олег Петрович
• Литературная карта Хакасии

[Категория:Россияның Писательлер пірігізінің араласчылары]]