Чииттер паза олғаннар (национальнай проект)
| «Чииттер паза олғаннар» национальнай проект | |
|---|---|
 | |
| Пасталғаны | 2024 чыл |
| Тоозылғаны | 2036 чыл |
| Сылтағ | 309 № «2030 чылға теере паза 2036 чылға узарадылар Россия Федерациязының национальнай тиліс пӧгіннерінеңер» чахии |
| Араласчылары | 50 млн |
| Салтар |
«Движение первых» олған чӧрімі хоостыра 6942 мероприятие ирткен; |
| Хорағлар | нацпроекттің тиксі бюджеді – 3,7 трлн салковай |
| Тимнегҷілер:
 Росгвардия | |
.svg){kind=small}
«Чииттер паза олғаннар» национальнай проект Россия президенті Владимир Путиннің 2024 чылның сілкер айының 7-ҷі кӱнінде алылған 309 № «2030 чылға теере паза 2036 чылға узарадылар Россия Федерациязының национальнай тиліс пӧгіннерінеңер» чахиинаң тимнелген паза чуртасха кирілген[1]. Ӱгредігнің сувереннай системазын, кирек инфраструктуразын тӧстирге, чир-сууна хынарға ӱгредерге кӧріл парған проект полча[2][3]. Проекттің чуртасха кирілері ӱчӱн нандырча Россия Федерациязының Просвещение министерствозы, Чииттер киреенҷе федеральнай агенство, Арачыланыс министерствозы паза Росгвардия[4]. Тиксі алза, прай 50 миллион кізі араласча[5]. Тиксі бюджет — 3,7 трлн салковай[6].
Пӧгіннер
Россия президенті Россия Федерациязының правительствозына 2030 чылға прай олғаннарға паза чииттерге кӱлӱкті паза артых чайалғанын тилітчең оңдайларнаң тузаланар оңдай пирерге пӧгін турғысхан, анзы полғанының на кирексінізі, чайалғаны хоостыра хынған профессияны ирте таллап аларға полызар[3]. Ідӧк, профессияда тилирге, кізі чіли ӧзерге, чир-сууна хынарға ӱгретчеткен программаа тартылған чииттернің чардығының 75,1 % чидері кӧрілче; доброволецтер паза халых киреене тартылғаннарның саны — 45,8 %; Россияда пос ӧзізіне киртінчеткеннернің чиит кізілернің чардығы 85 % чит парары сахталча; Россияның пӧзік ӱгредіг паза наука пірігістерінде ӱгредіг программаларынҷа ӱгренер пасха хан кізілері 500 муң кізее чидері кӧрілче[3].
«Чииттер паза олғаннар» национальнай проект улуғ аудиторияа кӧріл парған. Андар кірче 50 миллион кізі, ол хазнабыстың ӱзінҷі чардығы, пу кирекке тартылған, араласчатхан іҷе-пабаларнаң, ӱгретчілернең, кӧстегҷілернең хада хазна чонының чарымызы пол парча.
Мындох таныхталча, Россияның кибірліг духовнай паза нравственнай ис-пайын тилітчеткен паза хайраллапчатхан культура, искусство паза чон чайаачызы киреендегі проекттернің 80 % чуртасха кирілче хазна кӱзінең[3]. 2025 чылда нацпроектті толдырарға 458 138,3 млн салковай кӧріл парған, 2026 чылда — 547 375,6 млн салковай, 2027 чылда — 550 342,1 млн салковай[7].
Нацпроект хоостыра, артых чайалған олғаннарға 12 школа азары, 8 муң азыра школа тыхтиры, экономиканың ӧӧн отрасльларының тоғысчы профессиялары хоостыра 2 миллионнаң тӧбін нимес чиит специалистті тимнирі, 800 чииттер лабораториязын паза алнында парчатхан 50 инженер школазын тӧстирі, 25 университет кампузын пӱдірері паза 800 общежитие тыхтиры кӧріл парған[8].
Федеральнай проекттер
«Чииттер паза олғаннар» нацпроектке кирілгеннер мындағ федеральнай проекттер:
- «Россия — полар нимелер хазназы»;
- «Піс хадабыс»;
- «Россия тилекейде»;
- «Прай артых ниме — палаларға»;
- «Алнында парчатхан школалар»;
- «Ӱгретчілер паза кӧстегҷілер»;
- «Амғы тустағы кампустар сетьін тӧстирі»;
- «Лидерлер тӧліне университеттер»;
- «Профессионалитет»[3];
- «Приоритет-2030»[9].
Проекттің чуртасха кирілгені
2025 чылнын кӧрік айына «Чииттер паза олғаннар» национальнай проектче мындағ тоғыс иділ парған:
- «Движение первых» олғаннар чӧрімі хоостыра 6942 мероприятие иртірілген;
- Тиксі тилекейдегі чииттер фестивальын иртірерге 20 муң кізі тартылған;
- «Вузха онлайн кірері» сервис пастыра пасха хазна студентінің саннығ профильі иділген;
- Россия Федерациязының регионнарында алнында парчатхан 12 школаның палғалызы тимнелген;
- ортымах профессиональнай ӱгредігнің ӱгредіг-производство кіннері тӧстелгеннер;
- 940 чииттер лабораториязы азылған[6];
- 7 500 преподаватель «Аалдағы ӱгретчі» программа хоостыра пір хати пирілчеткен тӧлег алған;
- класс устағҷызы тоғызы ӱчӱн 800 муң азыра тӧлег пирілген[3].
Хоза искіріг
2025 чылның хандых айының 5-ҷі кӱнінде Орыс тіліне хабазарынҷа хазна политиказынаң айғасчатхан совет чыылиинда Россия президенті Владимир Путин «Пушкиннің картазы» оңдайынаң Олғаннарның кинде картазын ит саларға чахығ пирген[10].
Алған орын
- ↑ Национальный проект «Молодежь и дети». shkolababichevavykatnoj-r86.gosweb.gosuslugi.ru. Дата обращения: 21 Кӧрік айы 2025.
- ↑ Стали известны подробности национального проекта «Молодёжь и дети», skillbox.ru (20.03.2025). Дата обращения: 21 Кӧрік айы 2025.
- ↑ 1 2 3 4 5 6 Национальный проект «Молодёжь и дети» - Правительство России. government.ru. Дата обращения: 21 Кӧрік айы 2025.
- ↑ Национальный проект «Молодежь и дети». shkolababichevavykatnoj-r86.gosweb.gosuslugi.ru. Дата обращения: 21 Кӧрік айы 2025.
- ↑ Дмитрий Чернышенко обсудил с депутатами Государственной Думы национальный проект «Молодёжь и дети». government.ru (18 Кӧрік айы 2025). Дата обращения: 21 Кӧрік айы 2025.
- ↑ 1 2 Дмитрий Чернышенко обсудил с депутатами Государственной Думы национальный проект «Молодёжь и дети». government.ru (18 Кӧрік айы 2025). Дата обращения: 21 Кӧрік айы 2025.
- ↑ На нацпроект "Молодежь и дети" в 2025 году планируют выделить 458 млрд рублей, TACC (30.09.2024). Дата обращения: 21 Кӧрік айы 2025.
- ↑ Нацпроект «Молодежь и дети» дополнен инструментами модернизации важнейших сфер жизни нашей страны, Аналитический центр при Правительстве Российской Федерации. Дата обращения: 21 Кӧрік айы 2025.
- ↑ Вузы – участники программы «Приоритет-2030» оптимистично оценивают развитие науки в России. Минобрнауки РФ (28 Кӧрік айы 2025). Дата обращения: 27 Сілкер айы 2025.
- ↑ Заседание Совета по реализации госполитики в сфере поддержки русского языка и языков народов России, Президент России (05.06.2025). Дата обращения: 5 Хандых айы 2025.
Россияның национальнай проекттері | |||||||||||||
|---|---|---|---|---|---|---|---|---|---|---|---|---|---|
| |||||||||||||
|
Пу материал «РУВИКИ» интернет-энциклопедия» АНО холында. Пу материалнаң пасха сайттарда «РУВИКИ» интернет-энциклопедия» АНО чарадиинаң на тузаланарға чарир. |