Хан тигір (национальнай проект)
| «Хан тигір» национальнай проект | |
|---|---|
 | |
| Сылтағ | Россия президенті Владимир Путиннің чахии |
| Хорағлар | 750 млрд салк. |
«Хан тигір» национальнай проект Россия президенті Владимир Путиннің чахиинаң 2025 чылда пасталған[1]. Россия Федерациязының спутник группировкаларын паза национальнай орбита станциязын тӧстирінҷе, палғалыстың хан тигірдегі сервистерін, ядернай хан тигір энергетиказын тилідерінҷе, ыраххы хан тигірнің улуғ істезіглерін апарарынҷа паза кадрлар тимнирінҷе ӱр тусха пӧгіннерні кӧзітче[2].
Тархын
2025 чылның хосхар айының 16-ҷы кӱнінде Бауманның адынаң МГТУ-да ирткен Хан тигір отрасльын тилідер сурығларға чарыдылған чыылығда Владимир Путин «Хан тигір» национальнай проектті тимнирге кирек тіп искірген:
...пу уғаа кирек сферадағы планнарыбыс хазнабыстың хан тигірдегі алнында парчатхан держава чіли тархын статузына турыстыра поларға кирек[2].
Нацпроект отрасльның чағынғы, ідӧк ӱр тусха кӧріл парған тиліс планнарына теелерге кирек тіп таныхтаан Россия президенті:
- аймах кӧстегліг пос кӧп спутниктіг группировкаларын тӧстирі;
- национальнай орбита станциязын тӧстирі;
- ядернай хан тигір энергетиказын тилідері;
- хан тигір буксирін тӧстирі;
- ыраххы хан тигірдеңер улуғ істезіглер апарары;
- «Спектр-РГ» орбита обсерваториязының хойнында Вселеннайның тиксі картазын тимнирі[2].
Нацпроекттің технология чидіглері экономиканы нааҷылирында паза кізілернің чуртас синін ӧскірерінде кӧдірчеткен кӱс полыбызарға кирек тіп таныхталған[2].
Нацпроекттің ахчазы 2026 паза пазағы чылларға федеральнай бюджет хоостыра кӧріл парар[2].
Ахча суриин паалиры
2025 чылның сілкер айында РФ-ның правительствозы нацпроектке 2028 чылға теере бюджетте 1 трлн салковай кӧр салған, 2036 чылға теере — 4,5 трлн-ҷа салковай[3].
Федеральнай проекттер
«Хан тигір» национальнай проектке кірчелер мындағ федеральнай программалар:
- «Хан тигірнің искіріг технологияларының тиксі тилізі»;
- «Полар хан тигір системалары паза сервистері»;
- «Россияның хан тигірдегі ядернай энергетиказының тилізі»[4].
Кӧзідімнер
Нацпроекттіғ ӧӧн параметрлерінің ӱзӱриинде мындағ чарадығ алылған:
- 2030 чылға орбита группировкаларының санын 1,2 муң единицаа теере ӧскірерге;
- Россияның космодромнарынаң пусктар санын чылда 56-ға читірерге;
- 2027 чылда Ада чир-суубыстың орбита станциязын ӧскіріп пастирға;
- 2030 чылда отрасльның тоғынҷылар санын 40 муң кізее ӧскірерге;
- отрасльның істеніс синін 1,5 хати ӧскірерге[4].
Алған орын
- ↑ Путин анонсировал скорое утверждение нового нацпроекта по космосу - Газета.Ru | Новости, Газета.Ru (16.04.2025). Дата обращения: 17 Хосхар айы 2025.
- ↑ 1 2 3 4 5 Совещание по вопросам развития космической деятельности, Президент России (16.04.2025). Дата обращения: 17 Хосхар айы 2025.
- ↑ Новости. Михаил Мишустин: в доработанный нацпроект по космосу войдут прорывные направления. www.roscosmos.ru (20 Сілкер айы 2025). Дата обращения: 21 Сілкер айы 2025.
- ↑ 1 2 Михаил Мишустин провёл стратегическую сессию по национальному проекту «Развитие космической деятельности Российской Федерации на период до 2030 года и перспективу до 2036 года». government.ru (13 Орғах айы 2024). Дата обращения: 17 Хосхар айы 2025.
|
Пу материал «РУВИКИ» интернет-энциклопедия» АНО холында. Пу материалнаң пасха сайттарда «РУВИКИ» интернет-энциклопедия» АНО чарадиинаң на тузаланарға чарир. |